二十道

同媽子好耐冇出街帶佢食好西，細細間好似廚師發辦既style，因為媽子淨係食熟食，一開始叫個有馬山椒蜆肉手卷，平時出面都未見過，甜甜地又唔辣，有種好特別味道，蜆肉夠入味，我就點左金鼓魚手卷，肉質非常彈牙，透徹明亮，口感好新鮮，唔需要任何醬油都好好味，香燒厚切牛舌粒質感厚嫩，鹹甜得宜，連我少食牛舌既都竟然想點多碟，跟住我地每人點左個招牌拉麵，清清地就大力推介雪酒湯底配大蜆拉麵，盛惠116，個湯底真係超級鮮甜，我媽對拉麵最講究，佢竟然成個湯底飲曬！大蜆粒粒肥美，清酒香味完美融入係湯底，重點係個拉麵真係日本拉麵，彈牙煙韌！係真。拉麵，有日本原產既感覺！必食呀！中意濃味既可以點我呢個海老味噌拉麵，盛惠128，濃郁海鮮湯，廣島蠔用味噌湯慢煮，同時有鮮蠔甜味，大蝦又彈牙，高質日本小店，見佢哋午餐都幾抵食，晚市都好多人外賣自取，讚👍

平時比較少行去近北角k11個邊，原來開咗間日式小店，餐廳出面係藍色牆身，帶著一種神秘高貴感覺。櫻花葉煮石斑魚煮物叫咗石斑魚，湯頭好清甜，櫻花葉食落唔會澀，最重要石斑帶有鮮甜彈牙魚肉味！熟成伊佐鯛海膽壽司🍣金黃色新鮮海膽滿滿清新感，再放上熟成伊佐鯛非常入味，爽口彈牙，食完之後仲會有鯛魚同海膽既回韻。熟成刺身丼 一碗滿滿大份刺身丼，材料非常豐富：鯛魚、玉子、蟹籽、白蘿蔔、帶子、烏賊等刺身材料，食出唔同層次感！海產海老味噌拉麵拉麵既精髓在於個湯底，味噌湯底濃郁不膩，拉麵麵質爽口較軟身，最特別材料有山芋魚蛋，綿綿魚蛋好有質感。靜崗綠茶可樂🍵🥤日本直送既綠茶可樂，香港好少可以買到，濃郁清新感既汽水非常特別！

第1次係openrice留commentlunch 去呢間到食拉麵 叫多左碟炸蠔12點20分到 食到12點35分我諗住坐多陣 飲埋杯水就走水本身要叫先俾 本身食緊既時候 間鋪細有個我估係老闆 一直企係大家後面好似睇住人食咁 感覺唔太好但都唔係大問題大問題係 岩岩食飽收左碗仲坐緊既時候 突然對張單埋黎 叫我埋單先我都o左嘴 停左陣佢即問我 現金定八達通我都只可以苦笑我仲坐緊 仲飲緊水出面又無人等我食左半粒鐘都無去食茶記都未咁樣趕人走再者講食物 拉面煮到林哂豬肉又老真係好差既體驗

位於北角七姊妹道< 𝐍𝐢𝐣𝐮 >, 一間日式拉麵居酒屋, 由擁有二十年經驗的廚師主理, 以五種味道、五種顏色、五種烹調方法和五種態度, 製造「二十道」炮製菜式。山芋魚肉雞肉拉麵 $⁶²以雞濃湯底熬製而成, 拉麵軟硬度適中, 放有山芋魚肉及慢煮雞胸, 再配上日本水菜、意大利青瓜和漬蘿蔔, 很好吃呢。魷魚一夜干雪酒拉麵 $⁸⁶以雪酒湯底熬製而成, 即是雞濃湯加入酒糟, 鮮甜帶有香濃酒香味道, 配搭魷魚一夜干, 質感爽口彈牙。熟成白身魚刺身 $¹²⁰分別是銀古魚及尾長鯛, 前者肉質緊緻；後者清甜肥美。雞頸肉串燒 $²⁶肉質嫩滑, 鮮味濃郁。熔岩蝦球 $³⁸外層鬆脆, 內層放有流心蛋黃, 非常邪惡。吉列紫菜蠔 $³⁸香脆可口, 蠔隻新鮮。靜岡蜜柑梳打汽水 $²⁵完熟番茄梳打 $²⁵二十道 (北角)📍北角七姊妹道193號遠東大廈地下A號舖

呢晚嚟咗北角呢頭搵好野食 經過呢間門面藍色 望落似洋食屋嘅餐廳😮 睇真啲原來係間日式拉麵居酒屋 咁就入咗去試試佢 一人叫咗一個拉麵套餐🍜 山芋魚肉雞胸拉麵食拉麵梗係先飲啖湯啦 飲到湯底係濃雞湯 麵條用上幼麵😙 口感彈牙 雞胸肉幾嫩滑同腍身 山芋魚肉質感蓬鬆 咬落有啲似棉花咁 幾有趣🐟辛辣牛舌拉麵本身見到個名有辛辣兩個字 以為係講緊用辛辣湯底 點知原來辛辣醬係放喺匙羹上面嘅🌶️ 可以點牛舌食就更惹味 想刺激啲撈勻同個麵一齊食都得 牛舌口感幾彈牙 唔會有筋 仲要有足足五片啊👅小食跟餐會有一個小食 有得揀吉列紫菜蠔同岩熔蝦球 比較特別嘅係岩熔蝦球 因為佢入面有個鹹蛋黃醬流心 非常有驚喜🦐飲品烏龍茶樽裝咁上 感覺更衛生🍵 餐廳都有奉上熱茶好感受到呢間餐廳嘅心思 特別係食材嘅配搭上面 令拉麵好有西日fusion嘅感覺😎 另外小店全部座位都係吧檯 令客人同師傅距離更近 容易交流互動 更感受到師傅嘅熱誠🥰

未有得去旅行，就會心思思想食日本野，朋友介紹左我過黎食新派拉麵，佢話呢間好出色，一於試試佢！餐廳係拉麵店格局，對於師傅既吧枱位，頗有日式風味。menu選擇其多，而且有圖有真相，拉麵套餐$90配飲品及小食，對比之下幾抵食！山芋魚肉雞胸拉麵，比較特別既一軟，山芋魚肉相當少見，口感軟綿綿，魚肉味夠晒香甜，另外雞胸入味又軟腍，食落好驚喜，整體口感同味道都好滿足！辛辣牛舌拉麵，配上秘製辛辣醬，食落去更添惹味！配慢煮牛舌、日本水菜、紫洋蔥、意大利青瓜、甘荀等配料，拉麵口感彈牙，牛舌肥厚肉嫩，食落去啖啖肉！岩熔蝦球，外層炸至香脆，蝦膠鮮甜豐滿，另帶一層咸蛋醬，好香口！吉列紫菜蠔，吉列包裹住大大粒蠔，入口香脆唔油膩，蠔身亦好鮮甜。$90仲有配自選飲品，套餐價相對出面幾抵！

特色食材， 西日fusion菜 店舖裝修很有特色，地方雖然不大但是坐得很舒服 有多款佐酒小食選擇。 煙燻鯖魚 箱壓壽司我本身不太喜歡吃青魚，但這裏用上薑蓉芝麻香葉辟走鯖魚嘅腥味，再加上煙燻，完全吃不到任何魚腥。 燒鰻魚肝～味道特別，甘甘苦苦的， 鰻魚肝都真係第一次食。 黑䐁肉拉麵 d 豬扒好淋好軟棉棉， 搭配了粉紅色的木如斯，檸檬，蘆筍以及車厘茄，湯底濃郁， 西日fusion 創作。 蕯摩地雞脾燒 好香好脆 蜆肉手卷，絕對係新嘗試，口感多重，又幾得意。

很有東京小店味道的 「二十道」格局很像拉麵店，原來除咗拉麵還有其他特色小吃。 特別推介～ 雪濃蜆湯拉麵將青酒的酒糟加入湯底 配搭 鮮甜juicy 的大蜆 美味しい Oishī大蜆 帳卜卜， 非常juicy 海𩶘魚刺身～ 熟成3 日坊間一般嘅𩶘魚都是養的，這家用上海𩶘魚，更加清甜高質。 燒雞頸肉 這裏的食材都是比較特別的，頸肉比起雞髀肉更嫩更滑。 加上香草燒，特別惹味。店子小小，只有不到10個座位，平日晚上到訪都見到要排隊。

二十道📍北角七姊妹道193號遠東大廈地下A號舖🌄環境呢度嘅位置不大，全部吧枱位，可以坐到九個人，老闆話成日有人包場，想要搵個私密啲，有高質食物嘅地方嘅話，呢度係好好嘅選擇～順帶一提，呢到啲餐具好靚，好想帶一套返屋企TT🧡食物🍣 時今手卷——竹簽魚手卷 $48老闆叮囑我哋一定要快啲食，因為紫菜好快腍，所以我哋急急腳影完相就食咗，我之前未食過呢隻魚，口感有啲似帶子，但係更加緊實彈牙嘅口感，一啲都唔腥好新鮮，調味比較酸甜，好好嘅開胃菜，瞬間拉高咗我嘅期待～🤤🍣 箱壽司——煙燻鯖魚 $128呢個比到驚喜我，整體較鹹，鯖魚比較煙韌，煙燻味幾重，好好食！飯嘅口感好好，粒粒分明而不散，我好鍾意！中間有層漬櫻花葉，聽講係因為日本人喺櫻花開完之後，唔捨得啲櫻花，所以醃漬啲櫻花葉，延長櫻花嘅浪漫，成件事聽落好正～☺️🐂 燒牛舌 $88我男朋友話呢個係佢食過最好食嘅牛舌，其實一啲都唔誇張，肉好厚，但係好嫩，出面有少少叉燒嘅質感，中心仲有啲生，口感極好，好彈牙好爽！🤤調味比較甜，十分惹味好正好正！🍜 魷魚一夜干冷麵一碗冷麵入面有米網、葫蘆瓜蹟物、燒魚脆、水菜，幾豐富，本身係酸甜冷麵汁，但係都可以攞啲辣醬一齊食，

拉麵套餐 A)辛辣牛舌拉麵(秘製辛辣醬)放心唔太辣。慢煮牛舌、日本水菜、紫洋蔥、意大利青瓜、甘荀。拉麵彈牙配雞濃湯好好味。B)吉列紫菜蠔吉列包裹住蠔肉，食入口唔油膩，食到蠔香同鮮甜。C)炭酸果汁(蕃茄)味好似食緊蕃茄咁，唔係得個甜字嘅飲料。A) 西班牙白豚肉拉麵（雞濃湯)(可加30蚊改為套餐)白豚肉、意大利青瓜、蘆筍、上面薄薄一片的叫做赤(魚)蛋片。拉麵唔會淋晒，夠彈牙。B) 岩熔蝦球入面係流心蛋黃，一咬落去就已有蛋黃流出來⋯⋯炸得唔過火，好鬆脆。C)炭酸果汁(橙汁)味橙汁味道都唔錯，我有加冰🧊天氣熱加冰飲落更正。

放工就閨蜜公司附近，揀咗一間拉麵店食飯。原本以為只係一間普通嘅日本拉麵店，點知有驚喜！原來呢度有西式同日式嘅Fusion拉麵食，鍾意西班牙嘅，我當然揀咗呢道菜啦！西班牙豚肉拉麵 有別於一般嘅日式拉麵，佢有檸檬、蘆筍、西班牙豚肉、煮西餐常用嘅車厘茄，仲有仲有日式嘅木魚。個湯底呢就係雞白湯！我幾鍾意嗰個西班牙豚肉，有種BBQ嘅口感，湯底襯返日式口味，幾特別同埋幾好食。山竽魚肉慢煮雞肉拉麵閨蜜就揀咗食魚同雞，好得意個山竽魚肉外觀似白糖糕，食落口軟綿綿，好似棉花糖咁樣。慢煮嘅雞白肉搭配日本嘅山菜，仲有檸檬蘆筍車厘茄，有種夏日清新田園口感。吉列蠔炸得外脆內軟，味道鮮美熔岩蝦球呢個要趁熱食，因為蝦球內層係蛋黃整既流心醬，令到個蝦球味道多層次。飲品方面呢，我哋就叫咗返茄汁橙汁，正常嘅。蕃茄汁都有蕃茄味。

今日想食拉麵，黎左呢間試下。本來見佢平平地，以為一般般，點知食落好有驚喜～拉麵套餐$90點左山芋魚肉雞肉拉麵，呢度啲拉麵同平時好唔同，見唔到啲麵架😂佢啲配料好多，有菜有肉，感覺健康啲，湯唔膩，味道唔錯😋吉烈蠔大大粒，啱啱炸起，熱辣辣，外脆內軟😬朋友叫左西班牙白豚拉麵，湯底濃啲，都幾好食😆仲有個流心蝦丸，幾彈牙，好多蛋黃流出黎😆飲埋果汁梳打，好滿足😌相信我會再幫襯👍🏼

今日試左位於北角新開既二十道餐廳。雖然餐廳裝潢風格係日式居酒屋，但其實係主打fusion菜，每一樣都好高質！🔸西班牙豚肉拉麵：拉麵唔似日式拉麵，無蛋、紫菜同芽菜。配料反而非常西式，有車里茄，蘆筍，rosemary。豚肉煎得好香，仲要入口即溶。湯底就係上雞同帆立貝煮，非常鮮甜，但又唔會似日式拉麵湯底既濃又油。成個湯底入哂麵唔覺得口渴！🔸雞頸串燒及鰻魚肝串燒：第一次食依款串燒，感覺幾新奇。雞頸配上燒汁同香草，好入味！肉質都好嫩滑！至於鰻魚肝有好濃鰻魚味，口感就似食緊墨魚咀，幾爽口又鮮味😋不得不提佢嘅有馬山椒卷，初初見到上面有啲辣椒以為會好辣，點知食落口只係微辣，仲要好香口，上面有啲蜆肉都係好新鮮又入味，成件事勁夾。另外，仲每人食咗一隻杜拜生蠔，又係勁鮮味，一啲都唔腥，仲有微微既海水味，大滿足🤩

五種味道，五種顏色，五種煮法．五種態度，成就了{二十道}的精神💖今天來北角食拉麵，第一次嚟，估唔到咁好食，廚師態度認真，食材講究👍山芋魚肉雞胸拉麵，飲啖白雞湯，味道濃郁，山芋魚肉，口感軟綿綿幾特別，雞胸嫩滑，加埋意大利黃瓜和日本水菜，麵質軟硬適中，超好味☺️另一碗雪酒魷魚拉麵，湯頭充滿酒香，魷魚彈牙😋熔岩蝦丸，外皮炸得香脆，內裏有蛋黃醬，好好食😚酥炸生蠔，炸得啱啱好， 生蠔仲好Juice 🤗燒牛舌，食材超正，千舌芯，完全冇揸又冇根，好爽口，真係正👏最後還叫了二枝日本汽水，蕃茄味和柑桔味，味道唔錯👍總括嚟講：這間餐廳，店員和廚師好有禮貌，認真烹調，食物質素好高，下次一定會再來😊

新式fusion拉麵居酒屋🏮- 拉麵套餐 $90山芋魚肉雞肉拉麵 ：個湯式係清雞白湯 清清地 飲落幾smooth幾順口 山芋魚肉幾特別 甜甜地 食落有啲似台式豆腐嘅口感 腍腍地 雞肉係雞胸肉 輕輕炙燒過個面 辛辣牛舌拉麵：牛舌煮到幾軟腍 可以食到佢一絲絲嘅肉質 個辣醬幾惹味 帶有啲泰式辣醬嘅香辣味 個湯底同上 所以撈埋個醬就辣啲過癮啲 而啲配菜都幾健康 有瓜有洋蔥等吉列紫菜蠔：炸得香脆 蠔都幾厚肉 岩熔蝦球：一咬入面個奶黃醬就泌出黎 個蝦球都幾彈牙烏龍茶：幾濃茶味 成枝上 飲唔哂可以拎走…………………🌝拉麵係幾新穎嘅配搭 湯底都幾清 又多配菜 價錢唔貴 係附近可以一試🌚小店位置唔多 最好book枱…………………