九龍坎麻辣火鍋

營業中

休息中

油麻地開左間宮廷風嘅麻辣火鍋店，一入到去好似去左古代咁🏮好有特色經典鴛鴦湯底有招牌牛油紅鍋同高湯鍋，牛油紅鍋麻麻辣辣好過癮🥰而高湯鍋就比較清，但入面都好足料，有白蘿蔔、粟米同蟲草等配料都幾清甜，兩款各有特色😍小郡肝估唔到醃得幾好食，食落爽口得黎超惹味，真係食到停唔到口😋火箭魷魚真係好似一隻火箭🚀魷魚質地好爽彈，淨係點少少醬料就已經好好食🦑珺珺功夫牛牛肉色澤紅潤，肉質幾嫩滑，仲好重牛味❤️花雕雞件雞滑之餘又有花雕香味，唔錯👍🏻油麥菜/白蘿蔔/鮮藕片/鮮腐竹每款蔬菜都好新鮮爽脆，我中意藕片超爽口又惹味🤤🌟百香果檸檬茶飲落唔會好甜，而且百香果味好香濃，好清新解渴🍹

我同媽媽來到油麻地宮廷式裝修的「九龍坎麻辣火鍋」，主打正宗成都麻辣火鍋，食物的款式有特色，非常美味，多款佳餚讓一眾嘴饞的食客品嚐。門口提供古裝服飾給客人來到打卡影相，感覺得意有趣。經典鴛鴦湯底招牌牛油紅鍋(小辣）：牛油在鍋底散發開來，味道濃郁醇香，辣椒和香料充滿麻辣感，惹味十足。高湯：入面有紅蘿蔔，白蘿蔔，紅棗，粟米，杞子，蟲草花熬制，湯底鮮甜，非常足料。輝哥招牌手切牛肉：食出牛香，肉質鮮嫰。精品豬黃喉：幾特別，爽口新鮮。帥帥毛肚：剔透有彈性，新鮮爽脆。酥炸蝦滑油條：油條中釀蝦滑，彈牙爽滑。黑魚片：無骨刺，魚片爽口鮮嫩。午餐肉：厚切午餐肉，軟滑好食。鮮香菇：食出鮮嫩，肉汁豐富。 亭亭玉米：味道清甜，口感煙韌。炸芋頭：散開溶化，細滑芳香。手打黑加侖檸檬茶：味道酸酸甜甜，解渴又解膩。九龍坎麻辣火鍋（油麻地）地址：油麻地彌敦道469號新光商業大廈3樓

首先 我係食飯唔係食環境 嗰啲宮廷風嗰啲希望食環境食得飽今日收工諗住搵下有咩好食 見到呢間正評幾多 又係食麻辣火鍋就諗住試下(無睇負評，睇親負評都咁近期睇左一定唔會食，一陣會再補充)上到去9點左右 個staff問我單點定任食，咁我望見單點個價，又唔太肚餓就簡左任食，咁嗰位呀姐叫我9:30再去。好喇，9:30上到去坐低左 有個呀叔(應該係帶位)話10點開始 可以坐陣飲下嘢，噢好喇咁 我坐陣喇你都咁講 都9:30我都廢事再搵下一間。咁我order左最貴298個餐 有海鮮同多幾款牛咁簡好餐叫完湯底等左陣 嗰呀叔(帶位)放低左幾碟嘢係枱面 應該係2款牛1豬2花雕雞 其實我都唔係好明佢放係枱係跟咩order放,你話個餐每樣一款比我試咁各1我都明 但唔齊之餘仲多左碟雞我就唔理解了。咁食喇照 每碟牛得2塊 咁我同呀叔講想要多2碟牛板腱同肥牛 佢話ok 咁我等 好喇10分鐘20分鐘 我追左次先有2碟牛可憐我 仲話肥牛切緊(呢樣野有其他負評講過 身歷其境真係好親切)而當然120分鐘入面我只係食過2塊肥牛。好 到海鮮 叫最貴既餐佢會比海鮮併盤你，我真係未試過去一個任食比併盤係個個都唔同，入去前乜都話有 入

一開頭坐低講到咩都有得食，咩肉海鮮嗰啲都有，但到最後佢所謂嘅海鮮拼盤永遠都只係得啲垃圾黑魚/ 重雪味嘅蚌。已經嗌最貴嗰個set，都可以咩都冇⋯⋯感覺好差🥲嗌肉嘅話，佢唯一嘅答案就係就話啲肉仲切緊、未有，就算肯上肉都好，每次只有兩碟，一碟都淨係得3-4塊。最後兩個鐘入面都淨係上得4-5碟。同埋唔好expect係大塊，每塊肉得半包temple拎出街嘅紙巾咁大。留意返係半包，唔係半張紙巾🥲海鮮嘅話，無論你嗌咩都淨係會上個拼盤/ 直接無視你。就同一開頭講嘅一樣，一定冇鮑魚/ 蝦/ 白鱔嗰啲㗎啦。只係覺得，如果根本做唔起放題，嗌咩都係冇嘅話，咁就唔好再呃人。肉又冇海鮮又冇，同張poster所講有嘅嘢完全唔一樣。唔建議大家試伏，真係食到一肚氣。一定冇下次。

呢間火鍋店聞名已久，生完之後一直無時間出來食麻辣火鍋😋今次就帶埋兩位李生去享受帝王級嘅邊爐！來呢度食野之餘食埋環境🤤🍽️ 經典鴛鴦鍋叫咗個經典鴛鴦鍋，有招牌牛油紅鍋同高湯，有超小辣同唔辣🍲好刺激！🍽️ 珺珺功夫牛、潮汕牛肉丸打邊爐當然要食牛🤤功夫牛肥瘦適中🥩手打牛肉丸彈牙，有牛味！🍽️ 日本元貝元貝大大粒，夠晒新鮮🤤一滾熟Lisboy就搶先試食，食到舔舔脷即刻飽晒😋🫃🏻🍽️ 傑出三寶、鵪鶉蛋食四川麻辣火鍋點可以冇毛肚？呢個三寶包括有毛肚、千層肚同腸🤤放份麻辣鍋滾一滾熟，再放入口，好正享受😋仲有正爆鵪鶉蛋，成個鳥巢🪹咁上檯，視覺味覺一流！🍽️ 油麥菜、茼蒿、生菜健康嘅我哋仲食咁大量菜類🥗油麥菜、茼蒿、生菜🥬都係火鍋必備，Lisboy & Lisba都食到好開心飽到上心口🤤🍽️ 御用糖心茲粑 + 百香果檸檬茶食火鍋點可以唔叫大大杯嘅手打檸檬茶解解辣🍹最後一定要食番啲甜品紅糖茲粑中和下個口腔味蕾😋正啊！飽到我哋一家三口個肚由平變晒肥仔肚🫃🏻🤰🏻||

同朋友去油麻地果欄買完生果，喺附近搵咗間中國風火鍋試吓，喺樓下阿姐超好招呼，見我哋望吓望吓，叫我哋不如上去試吓😀上到去見到個裝修環境都幾靚，係比較少見嘅中國風，仲有啲古裝可以俾你試吓着，如果夠大膽嘅話，仲可以喺門口打卡，好似穿越咗返古代一樣！叫咗兩個湯底，「招牌牛油紅鍋」、「高湯」，我哋唔係好食得辣，侍應姐姐主動幫我哋order咗小辣。喺等嘅期間就出左去自助調味區，夾咗啲青瓜、蕃茄仔同埋哈密瓜，呢啲全部都係任食👍轉個頭啲嘢就好快上咗枱，其中比較特別就係「火箭魷魚」，佢呢個造型我從來都未見過🤣值得打卡！「花雕雞件」一碟份量都唔少，夠晒我哋兩個人share！「小珺肝」就係而家好流行嘅串串，啱晒用紅鍋烚吓烚吓😎另外其他配菜都好足，「白蘿蔔」超甜👍飲埋兩杯「百香果檸檬茶」個人即刻好Full👍 Jeng!✣ 經典鴛鴦湯底◦ 招牌牛油紅鍋◦ 高湯✣ 珺珺功夫牛（小份）✣ 花雕雞件✣ 火箭魷魚✣ 小珺肝（小份）✣ 鮮腐竹✣ 油麥菜（小份）✣ 白蘿蔔（小份）✣ 鮮藕片（小份）✣ 百香果檸檬茶（2杯）$661+10%

趁住歐國盃踢完分組賽既空檔，成班朋友約埋一齊支持下夜經濟， 朋友介紹咗呢間係油麻地既麻辣火鍋店，話夠我地玩通宵都唔使$300蚊一個人出電梯就見到宮廷式佈置幾有氣勢，燈籠同埋紅噹噹既柱牆令人置身皇宮咁，仲擺咗一大排漢服比人cosplay宵夜放題由夜晚10點開始至清早6點，我地今次揀咗B餐就人頭$168，免哂茶芥醬料加一，實收呢個價，食到4款肉包括美國安格斯牛板腱、澳洲羊肉片、荷蘭天然豬腩片同花雕醉雞件，呢類肉平時外面放題都要200蚊起仲收加一雜費，食足120分鐘實回到本出到外面自助區以為去咗自助餐，因為有3款凍海鮮，包括鮮蝦、蟶子同活蜆，鮮蝦肉質堅爽彈，味道夠鮮可口，蟶子帶有清新甜味，蜆肉處理好無沙感，一口一隻幾過癮自助配料區都有近50種，包括丸類、蔬菜、豆製品同粉麵，另外海鮮都有水魷同埋龍脷柳，吸汁一流，簡單既炸物、蒸點同糖水都有，真係令人眼花撩亂湯底揀咗鴛鴦，可以揀濃中輕成都口味，方便到同檯有齊食辣唔食辣既我地，輕成都口味已經係香港人最接同最愛既辣，食落頭皮點點發麻好爽，真正四川成都紅油風味，蕃茄湯用足真材實料，味道酸甜香順喉，配合海鮮同粉麵都好開胃點解話有得玩通宵，其實係每人加$6

呢間火鍋店嘅嘅裝修不得了，非常之中式傳統同時有好高級，食物方面招牌鴛鴦湯底真係一流！一邊係紅油麻辣紅鍋，辣味十足；另一邊係高湯，清淡鮮美，兩個湯底互相平衡，滿足唔同口味。手打墨魚滑手打墨魚滑彈牙又鮮甜，煮喺麻辣湯底度特別香，滑溜溜嘅口感真係好正。西班牙黑毛豬腩片西班牙黑毛豬腩片肥瘦適中，肉質嫩滑，無論喺紅油麻辣紅鍋定係高湯度煮都一樣美味。雪花肥牛舌雪花肥牛舌薄而嫩，輕輕涮幾秒就可以食，口感彈牙。黑魚片黑魚片厚實嫩滑，煮完之後依然保持彈性，鮮味突出。潮汕牛肉丸潮汕牛肉丸充滿牛肉香味，煮完之後特別滿足。筍片王、冬瓜、娃娃菜、海白菜筍片王爽口，冬瓜清甜解膩，娃娃菜嫩滑，海白菜清爽脆口，全部都吸收晒湯底嘅味道，特別鮮美。手打黑加侖檸檬茶手打黑加侖檸檬茶酸甜適中，清爽解膩，非常解渴，配火鍋一流。

油麻地呢間四川麻辣火鍋，平時搭車經過見到大廈外牆嘅廣告就多，今晚難得朋友提議一齊去試試，當然即到啦！！餐廳裝修設計都以古代裝修為主🏮，餐具器皿都好特別，富有古代色彩！加上火鍋嘅麻香辣味，簡直刺激五官湯底當然要試佢嘅牛油紅鍋啦！叫咗佢嘅經典鴛鴦湯底，佢有唔同辣度比大家選擇。湯底用料十足，唔會係死辣或只有油個種。火鍋料就叫咗：🐷杜洛黑豚肉🐑精品肥羊🌊新鮮南非鮑魚🐽豬腰片🪿鵝腸🎋鮮准山🥔土豆片🍄‍🟫金針菇🥬茼蒿菜再加多兩杯百香果檸檬茶🥤🍋食物新鮮份量都唔少出面仲有無限量供應嘅蔬果🍊🍉🍅呢餐真係好滿足呀🥰

一打開lift門就好似穿越古代嘅宮廷咁, 裏面啲裝修好正, 鍾意打卡📸影相嘅朋友真係唔好錯過而且佢哋擺放咗好多宮廷服飾同埋飾物你可以用嚟打卡影相用🥰而且呢度有麻雀打🀄️仲有卡拉OK🎤佢哋開到凌晨3:00☺️鍾意玩又鍾意打邊爐食辣嘢嘅朋友真係啱晒, 唔好以為夏天唔可以打邊爐😂, 呢度地方夠晒大而且冷氣夠晒凍, 就算夏天打邊爐都唔會覺得熱😛而且佢哋仲有飲食時段， 價錢相當親民🥳

九龍坎係 港鐵油麻地站 C 出口附近，主打麻辣火鍋，港鐵站出黎行約三分鐘就到，非常方便。餐廳裝潢充滿中國四川特色，古色古香，由入口開始已經忍唔住狂打卡，喜歡打卡的朋友一定唔會失望。店內間隔都幾大，枱與枱之間有合適嘅距離，坐得舒服，朋友之間傾計唔會好似出面嘅火鍋店咁逼咁吵，店內冷氣夠勁，即使夏日都唔怕食到成身汗。朋友唔太能食辣，所以今日叫左個鴛鴦湯底。值得一讚嘅係呢間餐廳嘅辣湯底唔會好似出面果啲得個辣味，仲要越煲越辣令人食唔到，睇得出佢地有俾心機調味，即使唔太能食辣嘅朋友都可以一試。今次試左「左輝哥招牌手切牛肉」，新鮮厚切，非常唔錯。朋友就好鐘意佢嘅「 品豬黃喉」，爽口新鮮。仲試左毛肚，黑魚片，幾份蔬菜，全部要左小份，唔浪費之餘又可以試多幾樣野，最後全部食晒。 貪得意仲試左「酥炸蝦滑油條」，即炸油條好好食，冇中伏！ 整體黎餐廳裝修非常有特色，食物新鮮，即使不太能食辣既朋友都可以一試。

是晚嚟咗間非常打卡able嘅火鍋店～一行入餐廳已經滿滿氛圍感😍😍門口有宮庭服可以供食客著住打卡📸而且佈置裝潢令人仿如踏入咗古代一樣～代入感滿溢呢！！被安排座位後～先到自助區域拎醬料&前菜水果～邊品嚐鮮甜水果就可以等湯滾起打邊爐囉🤝🏻🤝🏻.🌟套餐 $661✨經典鴛鴦湯底招牌牛油紅鍋(小辣)：紅噹噹湯底材料足(有花椒八角等等)非常惹味!!麻麻辣辣咁越食越過癮😋😋高湯：滋味清湯🫰🏻適合焯蔬菜類等之食材～以品嚐其鮮甜味道～.✨珺珺功夫牛(小份):肉質軟嫩～焯一焯就可以食🐂✨花雕雞件:嫩滑雞肉帶有淡淡花雕香氣～好味道!!✨火箭魷魚:已介花嘅魷魚隻隻都新鮮誘人🦑尤其推薦放入麻辣牛油紅鍋湯底～勁滋味～✨小郡肝(小份):有咬口👍🏻一小串一小串咁食～非常過癮～✨鮮腐竹:吸好收滿湯底滋味🫶🏻🫶🏻✨油麥菜(小份)✨白蘿蔔(小份)✨鮮藕片(小份)✨百香果檸檬茶 兩大杯:大大杯🥤邊食邊飲解渴減膩一流～.✨茶水 $5@位✨調料 $18@位✨加一服務費

-「一秒穿越，走入宮廷食火鍋」🤤呢度裝修真係好特別啊，一入去就聞到火辣辣嘅麻辣湯底香味，仲有宮廷漢服打卡體驗，大家可以去打卡。(*‘ v`*)火鍋最緊要湯底？🔥🌶️經典鴛鴦湯底♥️招牌牛油紅鍋 + 🤍高湯鍋底一次過滿足晒兩個願望，我本身好鍾意食麻辣，呢個小辣湯底真係好惹味，食落去屬於四川的麻辣，超級香濃，配合肥牛等肉類一流！🤍另一邊高湯鍋底好滋補，入面有紅棗、粟米、蟲草花.......配料方面都好豐富，用嚟煮油麥菜、蘿蔔等等都非常適合！🐃𣇉珺功夫牛非常透薄一片，輕微滾熟就可以食，入口肉質超嫩滑，配合招牌湯底，超ʏᴜᴍᴍʏ！🐔花雕雞件一入口真係食到浸浸嘅花雕味，唔好煮得太熟，否則雞肉會變得嚡口。🦑火箭魷魚外型超級吸引：真係好似一隻火箭，入口鮮嫩，但有少少爽口，呢隻款式嘅魷魚比較少見，配埋醬料更加好食！🥬蔬菜白蘿蔔 ：鮮甜可口 油麥菜 ：色彩翠綠，吸收大量湯汁精華就更好食。蓮藕片：清爽脆口鮮腐竹：比較厚身唔容易夾爛，屬於比較有口感的腐竹。🍋🍹百香果檸檬茶打邊爐一定要配飲品先爽，估唔到呢度都有手打檸檬茶，百香果非常清新，甜甜地可中和辣味，都幾好飲！💛 呢間餐廳環境好舒適，好適合一班friend過

見到網上有推介見裝修幾有風味所以同屋企人去試下。我地叫左最貴個$298@放題餐, 話澳洲安格斯牛板健、美國肩胛肥牛、荷蘭豬腩、雞件、普通肥牛片、羊肉、海鮮都係任食2小時。一坐低都等左半小時先上左兩碟望落都唔吸引的豬腩片(一碟四片)同唔太新鮮嘅海鮮拼盤。餐廳完全唔夠人手, 我哋坐嘅位置又冇乜職員會行過嚟招呼, 我哋親自行出去大廳追職員四五次牛肉,但等咗一個鐘,都只係送嚟兩碟, 一次送一碟, 每碟5片, 職員淨係識得講話廚房切唔切。食完再追, 每次都係送一碟上嚟。中間有試過醉雞件同海鮮,後尾都放棄淨係追牛肉。食咗一個半鐘, 兩個人夾埋淨係食到四碟牛。見其他客人, 食平啲嘅套餐, 啲肉都上得好慢, 要追好多次, 但至少平價肉係會上得密啲, 反而係嗌最貴嗰餐d 肉就叫極都唔上。食過咁多間打邊爐, 最多都係試過肉唔係咁好食, 但未試過嗌最貴嘅餐, 追極啲肉都唔送黎! 啲嘢唔知係唔係唔新鮮, 食完肚痛! 唔明點解咁多好評。呢間嘢唔會再幫襯!!

宮廷故風之《九龍坎麻辣火鍋》餐廳門口已經感受到有氣派，古色古香既宮廷風格顯得好華麗堂皇，而門口有提供古裝服同頭飾比客人免費穿著影相，經典鴛鴦湯底：一半清湯，一半牛油紅鍋(小辣)，麻辣小辣都唔惹少，麻辣味都勁，但辣得黎唔會好鹹，食完唔口乾，而且食完成餐唔會覺得有油膩感，辣道恰到好處，清湯配料有好多什菌。珺珺功夫牛薄片上，淥20-30就熟，肉質嫩；潮汕牛肉丸口感彈牙，有少少黑椒味；油麥菜同 皇帝菜色澤翠綠；傑出三寶其中既豬黃喉非常爽脆；鮮腐竹既份量好多，每舊腐竹都有有豆香；牛頸脊味道濃郁，肉質鮮嫩，羊肉片肉質細嫩，入口即化；糖心茲粑炸得外脆內軟，中間糖心唔會太甜；百香果檸檬茶茶味幾出，而且酸酸甜甜好開胃。總括整體黎餐廳裝修有特色，冷氣夠，就算食辣既朋友都唔需要擔心食到出哂汗XD。