影片
港鐵紅磡站 D1 出口, 步行約6分鐘
繼續閱讀
電話號碼
23366682
23366928
營業時間
今日營業
10:00 - 23:30
星期一至日
10:00 - 23:30
以上資料只供參考, 請與餐廳確認詳情
去完科學館經過尖東附近有唔同食肆，見到呢間有晚市優惠，6時後惠顧粉麵送熱飲，轉特飲都係加$5，又幾抵。於是入咗去叫左牛腩米線同紫菜四寶河粉，加兩個紅豆冰。想走芫荽芹菜但要蔥，餐廳表示芫荽芹菜同蔥不能分開，所以只好一併放棄。但冇左蔥既香味，令牛腩粉失色不少。牛腩份量唔多，但由於價錢唔算貴（$60），感覺還可接受。惠顧當日是星期日晚上，人流不多，餐廳亦只有三台客人。用餐體驗整體良好，如果下次經過尖東科學館附近，可以再戰。
繼續閱讀
今日公司好多野做，要做野做到9點幾，咁就同個同事落去樓下九鼎記食2碗牛什麵啦！好彩係佢收工前入到去，咁睇返佢個餐牌都是以牛為主，有牛什，牛腩，牛脷，牛肚等等，咁我就點左個牛什粗麵，而我同事就點左個牛什河。咁2個麵都好快就到了，配料都充足，有牛肺，牛肚，牛膀及牛腸，首先吃牛肺，都非常入味，而牛肚及牛腸都炆得非常淋及入味，湯底亦非常濃非常入味，麵都非常彈牙，而朋友都說河粉都滑滑的，最後我地食完就埋單走人了，唔好阻人收工。
繼續閱讀
揀咗牛雜河，嚟到成碗都係湯，完水浸，浸過晒所有餸，河粉成餅，就算幾忙都幫幫手撩開吓呀，我有比錢㗎！坐係間餐廳中間張加檯，都唔好問舒唔舒服，食咗唔知咩落肚就走，勸大家唔需要試，免得一肚氣啦！
繼續閱讀
住係紅磡附近，行過見到餐牌好似幾實惠就諗住試下午餐叫左崩沙腩加牛丸，兩者都正常無咩特別，湯頭淡左D ，不過其實$63 都可以接受。特別之處在於員工既態度，講野無尾音，唔講真係以為去佢地鋪到乞食。接受到比錢買難受先好幫襯
繼續閱讀
【油尖旺區】【九鼎記粉麵世家】做 1am紅館 系列我一向盡心盡力，為求得到更準確嘅用餐體驗，好多時都唔止幫襯一次。然而，呢間嘢就真係令我冇辦法再幫襯喇，嘢食問題事小，態度問題事大吖嘛。我食完都即刻上某個食評網站睇睇，原來都唔止我一個係咁，我都有必要出聲講吓。我叫咗 $63 嘅「牛魔王河粉」，加 $14 轉魚麵，除咗牛雜之外都冇乜見到其他嘢，原來所謂嘅牛魔王得牛雜、牛筋、牛腩，即係「腩雜河加牛筋」。咁唔緊要，講清楚就得，點知一疊起真係得一嚿牛筋兩嚿仔牛腩，同侍應講聲，佢仲好似覺得係我食咗咁。「牛魔王」同「牛雜」個差價係成十幾廿蚊嘅時候，我唔會 expect 佢畀得咁少我。不過又咁講，畀得少有畀得少嘅好，佢哋啲牛腩真係好難食，碗嘢放喺新加坡我驚佢犯法，因為近乎係牛味香口膠，畀兩嚿我又真係夠我嚼一晚。牛筋還好，不過得一嚿咋。嘢飲我加 $8 飲「凍檸茶走甜」，正常茶餐廳水準。叫埋 $35 嘅「炸墨魚丸」嚟食，都係合理嘅件事。原價 $120 做緊八八折埋單 $106 就落到樓，其實都唔可以算話好平，尤其係碗嘢可以引到我叫侍應過嚟問嘢已經好少有，再加上啲咁嘅態度，我就唔推薦喇。。。（地址：尖沙咀科學館道14號新文華中心地下30-33, 35-36B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #紅磡 #1am紅館 #九鼎記粉麵世家 #九鼎記 #牛魔王魚麵 #凍檸茶走甜 #炸墨魚丸 #1am1544 #1ambackup
繼續閱讀