九頭鳥米線 (勝意大廈)

營業中

休息中

#20230714 🤍📍 九頭鳥米線 灣仔莊士敦道191-193號勝意大廈地舖 🍽️中環｜藍田｜太古均有分店➖➖➖➖➖➖➖➖➖➖➖➖➖➖➖➖➖➖#過橋米線#蕃茄湯底 +$3#10小辣 💭 過橋啲餸數得出同三哥基本上都一樣，入面有雞肉、豬肉、豬膶、魚旦、牛肉、腩肉、牛丸、豆卜、酸菜、火腿、生菜、韮菜、芽菜、竹笙、墨丸、炸醬、腐皮😎全部都正正常常，啲餸有啲直頭有2-3件幾抵，係嫌個蕃茄湯清得濟，有啲淡味，呢樣三哥贏左.#墨魚頭米線 $40#豬軟骨 +$12#雲南酸辣 +$3#2小辣💭 墨魚頭唔係到到有得食，湯底🐷都比較鐘意有肉碎同酸菜既酸辣，所以計呢兩樣就略勝三哥一籌，豬軟骨得返膠質，無左軟骨既口感，同埋同酸辣湯唔多夾，但就咁食係好味既😋.#霸王雞翼 #3隻 $29💭 呢個🐷覺得同三哥既土匪雞翼係平分秋色，因為真係實在食唔出有咩分別😂都係食完個口成陣孜然既味道👅然係都係會想飲水😅.#灣仔美食 #🐷在灣仔 #中環美食 #🐷在中環 #藍田美食 #🐷在藍田 #太古美食 #🐷在太古 #🐷_食

🌸魚肉春卷 湖南酸辣米線｜$41 -凍檸茶｜+$15湯底同譚仔真系有9成似所以冇乜驚喜👀不過九頭鳥既酸同辣就再重D。反而覺得譚仔既酸辣度系比較剛好，冇over既感覺。魚肉春卷外皮偏硬。凍飲要+$15就有d進取🥶有得簡都系簡番譚仔😣⋯♡⋯⋯⋯♡⋯⋯⋯♡⋯⋯⋯♡⋯📍九頭鳥米線 (勝意大廈) (灣仔)灣仔莊士敦道191-193號勝意大廈地舖#香港美食 #美食 #美食推介 #foodie #hkfoodie #食好西 #hkfood #hongkong #推介 #米線 #米線關注組

喺開呢頭返工見到有間米線就叫咗個外賣試試佢豬肉湖南酸辣三小辣🍜唔錯! 都夠酸都夠辣🌶️🌶️🌶️豬肉方面 正正常常合格嘅另外 本身我係叫轉薯粉嘅但係阿姐好似聽錯咗幫我轉咗做米線不過都ok la 總括來講，Lunch平平啲係唔錯嘅選擇!

每次食lunch一定排長龍，今日weekend 唔洗等即刻去試吓！坐得都算舒服，可能當日無排晒隊，但如果多人應該會坐到面貼面咁食；但保持到地方乾淨係加分嘅（好似而家變得難能可貴咁）。叫咗唔辣雞翼，好香唔鞋口 👍🏼米線要小辣，香辣湯底爭啲飲晒，掛住食都唔記得相機食先。墨魚頭爽口，食得出新鮮；豬腸好食但唔算肥 👍🏼👍🏼反而魚肉春卷應該係買返嚟貨色(?)，乾爭爭咁可以不吃。估唔到奶茶係好飲，雖然唔係好濃嘅茶但有茶香，能夠用「新鮮」茶已好好。

📍 九頭鳥米線🇭🇰 灣仔莊士敦道191-193號勝意大廈地舖米線關注組成員又黎啦!!!今次去到大部份分店都係港島嘅九頭鳥米線無論佢嘅裝修定係味道都有少少似譚仔🤣🤣😋 墨魚頭+魚肉春捲麻辣米線 5小辣 $52佢麻辣湯嘅湯底好似譚仔 個五小辣比起譚仔更加辣要讚嘅係佢個餸墨魚頭好特別 好大粒 爽爽脆脆咁樣個魚肉春捲勁大條!! 仲要有三條佢炸到好脆 皮薄同埋佢個米線煮得幾好食 軟硬適中👍🏼👍🏼可以唔洗成日食譚仔 米線有多一個選擇😝

Instagram 啲foodie 介紹，香港連鎖嘅米線店亦係好多人鍾意去，但好多隱世米線店亦好好食。而呢一間米線店，俾KOL介紹係好好食，啲片都拍得好吸引，不過都係唔好盡信呢啲飲食KOL介紹，其實有大部分都係廣告。九頭鳥米線個名幾得意，入到去店內，都算整齊乾淨，餐牌算多嘢揀，不過都唔夠啲連鎖店咁多款。我試麻辣及朋友試胡辣，大家都係少少辣程度。小食就有皮蛋及海蜇。麵嘅湯底唔太重味精，食完冇話好口渴，但啲湯底我覺得唔太特別出色，啲餸係足料，整體味道係6-7 (10分滿分)。豬軟骨好大件、豬膶算好食，仲有腐竹。胡辣，有冬菇、貢丸、大腸、韮菜，啲餸okay，湯底一般，米線質素係正常。海蜇冇味，個汁亦一般。

做完運動經過，身上得八達通，經過見佢接受八達通付款，同埋知佢新期都算hit，就入去試下，店面都整潔嘅，座位都ok，店員都有禮貌我點咗清湯米線5小辣，餸點咗木耳同炸醬，另外點咗細蒜泥白肉，飲品點咗凍奶茶米線同餸嘅份量都好夠，配菜韮菜同芽菜都唔少，木耳有好多，清湯都好夠咪，炸醬裝足一碗仔，味道唔錯，多少少肉碎會再好啲，蒜泥白肉夠晒蒜，肉都好食，又唔會太辣，奶茶個茶底就淡咗少少，但都夠奶同香滑嘅整體嚟講唔錯

下午茶時間嚟食, 唔使排隊, 地方大又乾淨, 坐得幾舒服酸辣湯底米線配墨魚丸, 魚肉春卷, 腩肉, 幾樣餸都好味, 湯底唔會太鹹又夠辣😋小食選擇都幾多, 香辣墨魚頭, 好爽脆彈牙, 略嫌唔夠味麻辣豬耳脆卜卜, 醬料調味調比墨魚頭好, 辣度同鹹味都啱啱好😋

琴晚放工見肚餓就食完野先搭車返屋企，都諗唔到食咩一路行就見到之前想試但未試既九頭鳥。d 人話似譚仔，其實我都好多年冇食啦，1x 年前都唔錯既，幾年前食過兩次都唔再覺得特別好食就冇再幫襯，所以無從比較。我叫咗湖南麻辣小辣米線，對我而言辣度剛好，同其他大部分既米線食店既辣度差唔多辣辣地又唔會辣到食唔到。呢款湯係我鍾意既味道又唔油，我都飲咗幾啖。米線方面我揀要林d，點知嚟到係爽既有少少硬，如果唔揀林d 到底會唔會硬到食唔到😅配料我揀咗腩肉同魚腐，我平時好少叫魚腐，但呢個魚腐真係唔好食好林又好有油益味唔太食到魚味同豆腐味極度唔推薦。另外個腩肉，五花腩肉片幾香煮得林林地又唔會散晒帶微微爽口唔錯。整體因為個腩肉同湯底，我會想再幫襯佢。

琴日路過，驚到超級多人排隊，今日終於就要去試下啦，今日特登早咗去12點前去到唔使排隊。同好多米線舖差唔多選擇都係嗰啲款式，呢度嘅湯底都唔錯喔，而且辣度都ok！我選擇左預付同埋腩肉都幾抵食噶，腩肉好大舊！湯底配菜都幾多噶，叫咗小米先都食到好飽，另外仲叫咗皮蛋，做小食都好唔錯，下次試埋其他小食先。

呢間之前食過2~3次，覺得都唔錯所以包膠下。因為餐廳早幾個月先開張，幾乾淨，環境又夠光猛，用QR code order都幾方便。同同事每人叫一餸米線share餸食，每人$40有找好抵食🥺。叫完10min左右就食得。🔅魚肉春卷米線 ($39)米線叫左4小辣(+$1)，上次食5小就唔係好覺得辣，呢次4小差唔多，少少麻，唔會好辣😋，夠濃味。米線原本都大碗，所以叫少米(-$1)就啱啱好。春卷炸到個皮仲脆脆地，好邪惡😋，有5條超抵食👍🏻。🔅墨丸米線 ($39)墨丸有6粒😋，夠大粒，唔係啲cheap cheap墨丸，幾彈牙😎。加埋腐皮同芽菜都夠豐富。💬可能本身我唔係南記/譚仔fans，對米線要求又唔太高，呢間對我而言都唔錯。味道正常，份量都多，計落仲抵食，係遠左少少同埋可能要被瘋狂搭枱之外都唔錯😝。

試試灣仔個個都話好似譚仔嘅米線 香港分店唔多 只有3間 中環 灣仔 藍田 今日就去試試佢到底似唔似譚仔.入到店內 入面所有野都同譚仔好似 例如1️⃣環境裝修 座位空間間隔同樣咁迫2️⃣餐牌 有得揀 10小辣 有4-5款湯底3️⃣又係有麻辣 酸辣 蕃茄湯4️⃣除左清湯外 其他湯底都要加錢5️⃣同樣又有大大碗 過橋米線6️⃣同樣有米線姐姐 （但冇譚仔話）不過網上睇圖 除左麻辣湯外 其他顏色都唔似.所以今次試試 直接叫 麻辣湯 過橋米線$60咩餸都可以試到 麻辣湯加$1 奶茶加$107️⃣麻辣湯味道 9成似8️⃣過橋米線又係 另上 炸醬 酸菜9️⃣大部份用料都好似 有唔同嘅地方係👍🏻佢地牛肉同雞肉都大件好多👍🏻豬膶呢間比較滑 煮得冇咁老👎🏻九頭鳥腩肉比較厚 同埋有豬so味.👎🏻杯奶茶淡到好似水咁 伏 仲要加$10.整體評價大概係咁 個人覺得真係幾似譚仔個人覺得未到好好食必去 都唔會伏得太誇張.#hkfunfoodrecord窮遊香港#hkfunfoodrecord_灣仔.#九頭鳥米線 (勝意大廈) (灣仔)地址：灣仔莊士敦道191-193號勝意大廈地舖.⭐️評分：味道：3/5環境：2/5服務：3/5 抵食：3/5.‼️想睇更多資訊

之前社交平台 碌到話九頭鳥好好食 好食過譚仔好多 今日咁岩係附近就試試佢係咪咁好食睇餐牌唔知以為去左譚仔 版面勁似 不過睇真啲 呢度啲小食多啲款揀 有墨魚頭個啲 不過我地都係揀返平時會食既小食 皮蛋同蒜泥白肉 皮蛋一啲都唔溏心 同埋勁大陣亞摩尼亞味 食開皮蛋既我地都唔係好頂得住🤢🤢🤢 蒜泥白肉就加埋一舊 要人幫手先夾到一片 味道算ok 米線方面 我地分別叫左魚蛋/魚肉春卷/豬腸share 食 分量好多 但就好一般 魚肉春卷亦冇南記好食🌚湯底好咸 咸辣分離🌚🌚🌚

今日出開灣仔 見到九頭鳥夜晚終於冇人排 就入去試下✨雞肉豬肚麻辣五小 $45雞肉嫩滑有雞味嘅 豬肚略嫌唔夠爽 同埋個麻辣湯底都唔係幾香 可能係我叫得五小但少 好似覺得麻辣湯底都係三哥略勝✨牛肉生菜重慶麻酸辣三小 $44呢個湯底比麻辣湯底好食 又酸又辣夠濃味👍👍👍 牛肉唔韌嘅 生菜都好爽 索埋啲辣湯更辣✨麻辣鵝腸 $32平時比較少見所以點左個小食試下 鵝腸幾爽口 啲麻辣汁夠入味 唔錯👍✨豆漿 $12總括黎講味道都唔錯嘅同埋都幾大碗 😋 米線質感都幾好 唔會太淋太硬 有得QR code 落單好方便 幾快就有得食環境方面都幾舒服 冷氣好夠 食辣野都唔會熱到出汗味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰晚餐人均～$65 (唔收+1)

呢間米線最近好hit 咁香港人就係鍾意食米線，咁就梗係去試吓啦。佢個餐牌真係好似譚仔 不過比譚仔就多少少選擇，呢度出名魚肉春卷，就梗係黎食下，另外揀咗魚蛋同埋豬大腸，三碗都係麻辣湯三小辣。魚肉春卷，我覺得南記好食啲，湯底冇譚仔咁辣 但偏咸… 另外小食要左皮蛋同蒜泥白肉，皮蛋好硬好硬！！又好腥🤢🤢🤢唔新鮮，白肉就ok ge 不是份量比譚仔小🫣 講真 因為佢真係太似譚仔 一比 就好明顯邊間好食啲🫣🫣🫣 不過最慘係 食完3個一齊唔舒服左幾日 又胃痛 又痾🥲🥲 齊齊食左一星期整腸丸🥲🥲🥲