九頭鳥米線 (勝意大廈)

營業中

休息中

一入到餐廳，第一印象係整體環境乾淨企理✨檯面同地板都唔會油淋淋👏不過座位就真係有啲窄，午市人多到打蛇餅🐍想靜雞雞食碗米線可能都要睇運氣🤣佢哋嘅湯底選擇多到眼花撩亂，仲可以自選辣度（小辣、中辣、大辣）🌶️啱晒唔同口味嘅食客👥【酸辣米線🍲】上枱就聞到酸香撲鼻🤤酸辣比例啱啱好，酸豆角醃得入味，肉碎炒到焦香仲有啲芽菜🌱增加口感米線煮得爽滑唔會過淋吸晒湯汁精華，飲多兩啖湯都唔會口渴👍加咗份 魚肉春卷🐟做配菜，外層係炸到金黃脆身嘅腐竹，咬落咔吱聲超治癒😍內餡係手打嘅魚肉，彈牙又鮮甜完全冇腥味🌊力推 香辣墨魚頭🦑墨魚頭切得細細粒，醃得夠入味口感爽脆，辣得嚟帶少少麻香🌶️送啤酒一流🍻

去九頭鳥試咗10小辣嘅米線，一上菜，那湯底紅艷油亮，辣椒與香料的混合香氣直撲鼻腔。米線筋道有嚼勁，吸附滿滿的濃郁湯汁，每一口都超級過癮。配菜豐富新鮮，肉質嫩滑，口感層次豐富。和其他川渝風味米線店相比，九頭鳥的辣更偏向湖北風格，辣中帶香，多種香料巧妙搭配，不會單一辣得嗆口。但10小辣對於不太能吃辣的人來說，可能有點過辣，而且吃到後面略感油膩。餐廳環境舒適，服務也算周到。整體來說，這碗米線很適合愛挑戰辣度、追求獨特風味的食客，能讓人充分感受湖北辣味米線的魅力 。那濃烈的辣意，不只是味覺的刺激，更像是在舌尖上燃起一把火，瞬間點燃全身活力，仿佛每個細胞都在為之歡呼，這就是10小辣米線帶來的獨特體驗 。

被食評吸引，被人龍吸引即係咁 ， 一個人要坐到好迫，明白 不過，週圍阿姐都串態度無筷子味道一般，老實，十小辣，連鎖店好味些，真心連買單，都要左等右等，客的時間不是時間，他們做生意是時間食完，真的不外如是 。

話說自己間唔中會辣引起😂經開邊頭就搵下有乜辣野食本身都鍾意食譚x，三x，南x😂見到食評話依間係集於一身就決定去試下😆叫左個春卷米線，小辣。我想應講個春卷好食，又熱，雖然黎到插左落湯。。但係唔插湯部分係好脆口🤭叫埋個小食脆腸，唔係好多地方食到🤤爽口👍🏼而且唔臭👍🏼可能本人幾鍾意食內臟野😅可惜既係，有得揀走米線，但無得揀菜底🥬btw我覺得春卷好食😂同果三間比較唔到，因為都唔同。

今日途經灣仔，準備返公司嘅途中見到一間好特別嘅餐廳名叫九頭鳥，見到咁啱又係食米線，就入咗去，一入去由於係下午茶時間所以冇乜人，一邊都係用手機落單，一入去發覺餐牌都好似譚仔三哥加南記，湯底，土匪雞翼等等，我二話不說叫咗豬潤同魚肉春卷試一試，試吓蕃茄嘅三小辣湯底。隔咗一陣就好快嚟到，但發覺呢個湯底嘅蕃茄味唔算太濃郁，好似得一嚿蕃茄仔咁，三小辣嘅辣度，都唔夠譚仔三哥辣。總括嚟講，可以一試

返工同同事講起，上星期叫咗一間米線外賣好一般，佢就同我講同太太喺灣仔食到一間好好食嘅米線叫做九頭鳥，佢推介我湯底揀比較少見嘅雲南酸辣。今日按完摩就去九頭鳥試吓，入到舖頭坐底望望餐牌花多眼亂一於叫過橋米線，佢啲餸同三哥一樣，有雞肉豬肉豬潤魚蛋牛肉腩肉牛丸，豆卜酸菜火腿生菜，韭菜芽菜竹笙，墨丸炸醬腐皮，我就轉左要湖南湯底，本來諗住加墨魚頭，但侍應話呢個過橋米線冇得加餸，於是就嗌咗小食香辣墨魚頭，另外加咗個麻辣生腸，飲品就叫凍檸樂°米線嚟到啲餸每件都有一兩嚿，正常發揮，湯底好惹味我忍唔住飲咗半碗，而佢個酸菜同炸醬啱我口味，酸菜帶甜，炸醬就比譚仔搞得更爛，個麻辣生腸，有驚喜好爽口同個麻辣汁好夾，其實都唔係好辣，但墨魚頭醬汁比較鹹，但係都係爽口好惹味°見佢個推介九頭鳥招牌牛筋牛肉麵好似好吸引，下次可以試吓😂

食過好多間米線 呢間好好食真心 個雲南酸辣加3蚊都好值呀😍😍😍 我叫左過橋米線 等左大約7-8分鐘就到了 黎到之後 先試湯底 湯底飲落好惹味 好正 全部配料郁好好食 好食過大型連鎖店正好多

慕名已久嘅九頭鳥米線，今日終於試到啦！店內裝潢簡潔明亮，乾淨企理。平時下午6點幾，人流不多。用QR code落單，方便快捷。叫左魚肉春卷，雞肉，雲南三小辣薯粉，小食香辣墨魚頭，凍檸蜜。一上枱先飲啖湯，酸辣非常出色，酸度剛剛好，三小啱哂食開BB辣嘅我，湯底仲有花生，莞茜，芽菜，韮菜，口感好豐富。魚肉魚卷有3條，類似南記春卷但比南記脆身，外脆內軟。如果叫一餸，會俾足5條春卷添，非常豪氣！雞肉係雞脾肉，唔錯。香辣墨魚頭嘅麻辣汁好香，墨魚頭爽甜，勁正！配上凍檸蜜，解渴又解辣，絕配！結論係九頭鳥真係好好味，譚仔係冇得比。

之前睇食評啲人話灣仔呢間九頭鳥堂食都要等好耐，外賣更加要等20-30分鐘。不過這次妻子內進之後點餐，然之後我大約5分鐘之後到，🙊坐下就立即有得食了，都不算等得太耐。當然可能因為呢一日係閒日星期一至五晏晝，灣仔絡繹不絕，大把上班一族在附近吃東西，因此食物貨如輪轉，當然會比起之前放假時候喺藍田食下午茶新鮮好多。如果你講座位嘅舒適度，藍田大大間， 卡位都多啲，呢邊嘅灣仔店，內裏很多都是圓桌，好多都坐成三四個人搭枱。米線份量營業多，而且用幼米線，彈牙，口感一流；湯底十小辣就剛剛好，比譚仔的十小辣好像還淡少少，味道剛剛好，用來調一調味，不用太辣辣到滿頭汗或是滿面通紅那個樣子。腩肉份量夠多，大大片腩肉，皮的位置又帶點煙韌，相當可口；炸醬，佢隔籬枱講一定要叫，不過下次我未必會叫，因為它一大煲煮好曬放在電飯煲，雖然夠熱，但是味道普通，低輕微辣味，有點肉粒，不算太過特別。這是沒有叫酸，淨係叫返麻辣十小，好像味道比上次吃酸辣湯底好得多。另外那個小食，我叫了麻辣生腸，它的麻辣汁，味道不算死辣，辣得來帶香味，用那個辣汁用來點米線，🐵亦都相當可口，生腸夠爽，細細粒，雖然20幾蚊細細碟，不過都算分量十足，挺為快慰

米線過淋，各項配料味道普通，特別係豬紅冇咩味道，豬潤過熟變硬。在假日非繁忙時間幫襯，招呼都只是普普通通。三餸一碗米線加一杯凍飲共$68。坐低待應沒有主動比清水，好彩叫都肯比，冇叫客人自己去裝水。但簡單一張餐紙也欠奉，想要紙巾額外收$3一包。總體而言不是一個好的消費體驗，性價比不高。

🌻勝過譚仔又有南記魚春卷嘅九頭鳥🐱有人話九頭鳥係最接近譚仔嘅米線，喜歡南記的我最想有嘅其他係魚春卷，想不到九頭鳥能一次過滿足我兩個願望，而且，我覺得無論係價錢、食物質素同環境，佢真係贏左另外兩間，今次食左佢酸辣湯底，我覺得佢比譚仔更濃味，米線嘅配菜都好出色，而魚春卷可能因為來貨差唔多，所以同南記一樣好味道，但佢嘅座位同環境就真係贏左南記，不過分店就真係唔係好多，如果唔係咁岩有野在附近做都黎唔到，希望佢可以開多D分店啦~📍 九頭鳥米線 (勝意大廈)灣仔莊士敦道191-193號勝意大廈地舖⚡️為食貓：😻😻😻😻⚡️氣氛貓：😹😹😹😹⚡️翻食貓：😸😸😸😸

{豬扒米線 - $48}九頭鳥被人稱係最接近譚x 嘅米線，而在本麻甩嘅眼中，佢係超越 x 仔嘅米線😁每樣嘢都做得似之餘仲要高質啲，感覺好似「美作昴」嘅威力，明嘅留言話「明」😂今次食譚 x 無嘅豬扒米線，豬扒香脆得黎好林身，米線口感一流得黎份量充足！同行仲有其他同事，一齊share 可以叫多啲，仲有 #麻辣鵝腸 同埋 #香辣墨魚頭 , 兩個麻汁都超好味！食到停唔到！惟獨最難搞嘅係等位等到天荒地老！美味程度：😋😋😋😋環境指數：🎇🎇🎇番食機會：🦍🦍🦍🦍📍 #九頭鳥米線 (勝意大廈) (灣仔)灣仔莊士敦道191-193號勝意大廈地舖

聽就聽得多，工作無咁忙專程黎試下。點知出師不利，職員係靠手寫派枱。佢將我個號碼派錯左比其他人食客，然後叫我哋再等過😩😩 what點解唔係叫佢地等…午飯時間有限哦，又等多十分鐘..很趕…派枱咁亂，等仲耐過食，真扣分，因為其他同類型米線店係好有系統。麻辣鵝腸$45有啲較少見特別啲嘅小食湯底好似譚X、有南X春卷、米線陣炸豬扒！九頭鳥可謂集百家之大成，做足功課參考同行～～

這是我第三次光顧這家米線店了！。服務女店員很有禮貌，說話不會很大聲。。環境座位尚算舒服、乾淨。令我印象最深刻的是，這裡食客說話聲量都偏小，不會吵耳啦～。點餐最喜歡用qr code自助點餐，很方便，不怕落錯單，也不用讓其他人聽到你的口味偏好。。食物重慶酸辣真係好正好開胃，熱辣辣，湯底仲有豆角似的物體。份量也剛剛好～。送餐速度超快！下單後兩分鐘左右米線就送來了～總之就很滿意～

係灣仔有時都會周圍搵野食既 如果唔想成日食大型連鎖米線店，有時都會揀其他店，呢間都可以係選擇之一。環境都算乾淨既，今次點了豬大腸雞肉腩肉米線，凍檸檬茶少冰。米線。豬大腸口感總覺得差dd,林得濟卦不過就無壓味既，算接受。雞肉就正常味道不過不失。腩肉就份量比較少，都唔算大塊。米線份量都算正常既，而且口感還好，自己比較喜歡食唔林既米線。凍檸檬茶無咩特別之處，正常茶底。總結黎講。呢間米線質素係正正常常啦，如果唔食大牌子就可以試下呢間啦。價錢都係同譚仔咁上下吧