九運來粉麵世家

去銅鑼灣 九運來 食麻辣撈粗，超滿足！🔥🌶️麻辣牛腩牛筋撈粗牛腩腍到入口即化，牛筋彈牙又夠入味😛辣椒油同花椒香到爆燈！🙌🏻撈粗吸晒汁，啖啖都麻辣過癮！麻辣手撕雞撈粗手撕雞肉嫩滑，辣油撈晒落去超香🥳淨雲吞皮薄餡靚，蝦肉彈牙，湯底清鮮😆🫶🏻雖然係「淨吞」但完全唔輸蝕👍🏻整體麻辣度中等偏重，辣得痛快又有花椒麻香！🙂‍↔️環境熱鬧坐滿人，服務快手。價錢超親民，兩個人食到成疊碗都係$200左右，抵到爆！佢哋仲有29蚊外賣粉麵，簡直係打工人恩物🙂‍↕️下次要試埋佢哋嘅麻辣牛肉麵同肥牛撈粗！😍九運來運…查看更多

OT完同同事去咗九運來粉麵世家食餐暖笠笠，發現幾款菜式都相當出色，價錢又親民，忍唔住要分享一下～🐤 秘製鴨腿煎蛋豉油撈粗 鴨腿份量十足，色澤紅潤，肉質夠腍又入味，啖啖肉唔鞋口，煎蛋同粗麵撈埋一齊最正。麵條爽口彈牙，每啖都滲出豉油香，真係好想狂加料落去大食 😋🍥 雲吞拼牛肚麵（轉魚麵） 牛肚夠厚身又大大塊，每塊都炆得好入味，咬落軟腍有層次。雲吞大粒，蝦肉又彈牙又鮮甜。魚麵質感特別，煙韌香口，食落魚香淡淡，主打一個唔係度度有得食嘅新鮮感～🍗 小食拼盤：炸雞翼、炸雲吞、炸魚角、炸墨魚丸 全部都炸得夠脆，外層香口但唔油膩，雞翼外脆內嫩，炸雲吞包住肉餡炸得香（個皮超級脆！），魚角墨魚丸更有彈性，一份幾個人share最啱，直逼啤酒小食level～成日OT或返工唔想煮嘢，呢度仲有$29外賣，方便快捷，性價比高到爆燈，平時買番公司一樣正。整體用料足，環境乾淨，係銅鑼灣區粉麵懶人恩物！…查看更多

去咗銅鑼灣嘅九運來粉麵世家諗住食崩沙腩，可惜今日去到已經沽清～～認真受歡迎!! 下次要去再試過，今次點咗八寶同四寶河，都大大碗非常足料▪️招牌八寶魚麵超級豐富嘅配料，有牛腩、牛柏葉、牛筋、牛丸、貢丸、魚皮餃、墨魚丸同魚蛋！腩汁湯底非常惹味好濃厚，另外升級做魚麵，非常推薦，魚麵質感彈牙，充滿魚肉香氣，食起來非常飽肚▪️紫菜四寶河四寶包括有白魚蛋、魚皮餃、貢丸同墨丸，湯底清清地但搭配咗炸蒜同蔥花食也不錯，河粉份量超多，大大碗！▪️炸魚片頭香口彈牙而且熱辣辣，配有泰式酸辣醬…查看更多

揾食搵到駱克道，呢間粉麵世家絕對係隱世高手！一於同大家分享下今日嘅美味旅程～開碗雙沙牛腩河，湯底濃得嚟唔油膩，牛腩炆得軟淋入味，仲帶少少筋位添，河粉滑溜溜咁索晒湯汁，每一啖都係滿足！朋友嗌咗碗牛丸魚蛋米，牛丸彈牙爆汁，魚蛋爽口鮮味，個湯清甜得嚟唔會搶咗食材風頭，抵讚～小食拼盤超有驚喜！炸雞翼外脆內嫩，咬開仲有肉汁；炸魚片頭同墨丸香口彈牙；炸雲吞脆卜卜又唔會油淋淋。另外單點咗炸魚皮，浸一浸湯半脆半軟，嗰種口感真係停唔到口～飲品方面，凍奶茶茶味夠濃又滑溜，仲有杯朱古力香濃順喉，完美配搭！…查看更多

經過開銅鑼灣整野 又到午餐嘅時候 想食下粉麵 就去咗之前去過嘅九運來粉麵世家 原來宜家有埋飯供應添 同埋红豆冰叫左招牌八寶河 内有牛肚 牛腩牛根魚皮鲛 墨丸牛丸等等 河粉好滑 牛腩牛根好淋 牛肚好入味 墨丸彈牙 而且份量十分 大大碗 原條鳗魚滑蛋飯原條鳗魚好吸引 滑蛋好香蛋味加埋少少酱汁食曬D飯再叫多一碗廣東净雲吞雲吞蝦同豬肉比例剛好雲吞皮好滑 重有少少菜底少不免叫返杯凍檸茶同叫埋杯檸蜜九運來粉麵世家 (銅鑼灣)銅鑼灣駱克道513-515號永勝大廈地下A號舖…查看更多

🔸招牌雙沙河 $71🔸五香牛雜 $130🔸紅豆冰-尋晚同朋友喺銅鑼灣行街行到攰，就入咗九運來粉麵世家醫肚。間舖裝修懷舊風，但環境乾淨企理，啱晒想快快手食返餐熱辣辣嘅人。我哋叫咗招牌雙沙河，橫隔膜同牛肚都好入味，沙河粉滑溜唔黐口，湯底夠濃但唔會太鹹，啱晒香港人口味。再叫咗五香牛雜，份量足，牛雜滷得好香，冇腥味，食落口感層次分明。最驚喜係晚市送嘅紅豆冰，唔會太甜，紅豆煮得綿綿地，食完真係有種回到細個茶餐廳嘅感覺。整體嚟講，食物有水準，價錢合理，係一間值得回頭嘅街坊粉麵店！…查看更多

今日嚟咗食下午茶，下午茶送熱飲，凍飲+$8，汔水+$10，特飲+$12，叫咗個牛魔王試，因為鍾意食牛！戈牛魔王米粉（$66）有牛腩、牛肚、牛筋、牛膀、牛腸，牛腸整得乾淨，唔肥，牛腩同牛筋、牛肚都淋，牛膀比較粉，但我唔鍾意呢個質地！總結：碗麵味颯中規中矩，但店員無咩禮貌，叫咗個牛魔王，點知嚟錯咗個8寶麵，同店員講嚟錯咗，佢好似覺得我錯咁，態度唔係咁好，而且仲喺鋪頭大大聲同另一店員講之前個客壞話⋯🙄叫咗個牛魔王，點知嚟錯咗個8寶麵，同店員講嚟錯咗，佢好似覺得我錯咁，態度唔係咁好，而且仲喺鋪頭大大聲同另一店員講之前個客壞話⋯…查看更多

最近同埋朋友去咗一間位於銅鑼灣嘅粉麵餐廳，叫咗幾樣嘢同大家介紹一下牛腩牛雜米牛腩煮得軟熟，肉質滑嫩，咬落去唔會有筋，口感非常好。牛雜方面，佢哋用咗唔同部位嘅牛雜，譬如牛肚同牛心，味道濃郁，質感都好好，食落去有啲彈性，令整碗米更加有層次感。湯底方面，佢哋用嘅係大火慢煮，味道香醇，湯色清澈但又充滿牛嘅鮮味，仲有啲香料嘅味道。招牌雙沙麵崩沙腩嘅肉質嫩滑，肉汁豐富，食落去一啖啖都係肉味；牛沙瓜就係啲牛肚，煮得啱啱好，口感脆口，搭配沙嗲醬真係一流。麵條方面，佢哋用嘅係手工製作嘅麵條，滑溜溜嘅，吸收咗湯嘅香味，每一條都好有嚼勁。再加埋啲新鮮嘅青菜，整體口味平衡得好好…查看更多

粉麵檔家陣都做到好多款式選擇鍾意嚟呢度係因為食咩都有 主打嘅牛腩牛肚當然正但西式嘅扒飯或者西多士都一樣美味今次竟然仲比我見到連日式滑蛋鰻魚飯都有添！❣️八寶魚麵八寶有牛筋牛腩牛肚魚皮餃墨丸豬肉丸牛丸魚蛋夠晒多款式 牛筋牛肚炆腍好入味 牛腩肥瘦適中各款丸類都好彈牙 而且好大粒 魚麵有咬口得嚟又充滿魚香配埋個秘製辣椒油食 超級惹味❣️吉列豬扒薯條拼西多士除咗吉列豬扒 仲有炸雞髀、吉列魚柳、雞扒等等選擇吉列豬扒超級大塊 食落勁juicy唔乾柴西多士即叫即炸 食落脆口又鬆軟 仲有滿滿嘅花生醬薯條仲係有紋嘅粗薯條添！❣️香茅雞翼雞翼隻隻飽滿 炸漿好薄身 雞肉好juicy香茅味夠濃郁 比好多越南舖做得出色❣️炸墨丸炸到金黃色 墨丸彈牙 裡面仲有墨魚粒粒 呢度嘅夥計長期都好忙 但個個都好友善 抵讚！…查看更多

港式粉麵店地道又夠哂平，呢間九運來係平民美食推介(・∀・)！♥牛魔王河牛魔王河係招牌必食推介👍🏻滿滿一碗真係夠哂足料！崩沙腩仲好邪惡 肥瘦比例一半半 牛味極濃郁，口感好軟腍牛味香濃✨♥潮州魚蛋米潮州魚蛋清清地都岩我，魚蛋幾彈牙，仲比埋魚片添！我會加醋一齊食😍輕鬆就食哂河粉米粉唔岩仲可以轉幼麵、粗麵、米粉、米線！魚麵都可以加錢轉😆！♥鮮蝦雲吞雲吞皮好薄，鮮蝦大大隻又彈牙，一啖都食哂嗌完唔洗10分鐘就送到，好有效率。除咗傳統嘅牛腩河、魚蛋粉仲有啲飯食選擇！🍴九運來粉麵世家 (銅鑼灣)銅鑼灣駱克道513-515號永勝大廈地下A號舖…查看更多

今日去咗銅鑼灣鍪頭髮，跟住去坐地鐵站，順便搵食附近途經呢一間嘅粉麵店，我記得之前都幾多人食，於是入去試吓我鍾意食牛肉，揀咗個牛魔王河，仲有紅豆冰加＄10然後再叫咗個手撕雞麻辣牛魔王河，牛肉，牛雜，牛筋等，都係超級淋，好入味，個湯底又好正，河粉好爽，真係好味，而且好足料，大大碗，好飽佢哋個紅豆冰加$10,　超級好飲，贊👏🏻👏🏻👏🏻而手撕雞嘅雞肉唔會嚡，麻辣微辣調味啱啱好整體我對佢哋嘅評價都係非常之好…查看更多

喺銅鑼灣行完街突然想食返個車仔麵，所以就搵咗呢間🐮九運來粉麵世家🐮，佢呢度嘅崩沙腩就最出名，所以我都叫咗嚟試，🐮崩沙腩河 $61 :呢個價錢嚟計份量都算多，試過的確唔錯😋，肥瘦適中，又有牛味👍🏻，其次係佢嘅河粉份量都算多，通常港式嘅粉麵都可以轉米粉米線，幼麵等🐔麻辣手撕雞豉油王撈粗 $58 :另外呢款麻辣手撕雞都唔錯喎，佢個辣味係做到應有嘅麻辣度，手撕雞嘅份量都幾多，幾乎每一啖都係肉👏🏻，我就轉左撈麵，麵嘅軟硬度適中，色澤均勻😆🍗香茅雞翼 $32 :香茅雞翼炸得唔錯，幾乎每隻都係金黃色，大細都差唔多一樣🤤，裏面嘅肉汁同時又可以鎖住，夠晒惹味🙌🏻🥬油菜 $20 :油菜方面都係菜心，生菜，芥蘭，我就叫咗蠔油菜心，價錢合理👍🏻…查看更多

見到咁多人俾好評，做完運動唔知食咩嘅時候，諗住就試吓呢一間粉麵店。但係一試就激嬲咗我。一入去已經冇人招呼，自己搵位坐。之後叫我前面嗰位姐姐落單，佢隔咗一陣先轉身過嚟幫我寫嘢。咁我就同佢講想要個魚蛋米走青、飲凍檸水少冰少甜，跟住我就問佢有咩菜（因為有油菜送）。咁佢就答我：菜心通菜生菜。咁我就話我要通菜，另外加多個小食麻辣魷魚鬚。之後佢就問返我，你魚蛋河粉呀可？我就話米粉呀。之後佢就問我係咪要生菜？我話咪講咗通菜囉。跟住佢就重複講一次話你要魚蛋河同埋通菜。我就同佢講話米粉呀。跟住佢就話哦～米粉。跟住佢再問我飲咩。我就問佢：其實我頭先講嘅嘢點解你可以全部都唔記得？佢就冇乜禮貌答我話：咁你咪再講囉！之後我話我講幾多次你都唔記得。我話你可唔可以記吓客人要啲乜？之後佢就係咁叫我再講！我話我要小食麻辣魷魚鬚。之後佢就問我咁你要飲乜？佢話你答咗飲乜先。之後我就着火了。佢都係冇記過我叫嗰啲。我望住廚房整緊嘢食嘅哥哥仔好無奈（因為佢都奇怪點解我哋開始嗌交）我就話你個同事而家搞乜？點解我講嘅嘢佢全部都冇聽到？要重新問過我一次又一次？可唔可以搵其他同事過嚟？跟住哥哥仔就即刻叫另外個姐姐過嚟。之後幫我落單嗰個姐姐就發脾氣話咁你咪叫佢幫你落嘢飲囉。但係之後嚟嗰個姐姐又唔過嚟問我飲咩喎！我就越諗越嬲，我就問返第一個姐姐話咁你而家幫唔幫我落埋嘢飲呀？之後佢話咁你飲乜呀？我話凍檸水少冰少甜。最後嚟個杯都係甜到爆。我已經唔想再出聲講。臨到最尾差唔多食完嘢聽到哥哥仔話7號枱埋單俾返九折佢（即係我張枱），我都冇理到佢。我心諗而家唔係平啲俾我就可以，係我覺得你哋呢度啲姐姐做嘢好有問題。知道其實一間粉麵店唔可以有啲咩期望，但係連最基本落單3，4樣嘢你一樣都唔記得，我覺得係有啲過分，同埋態度係差同唔覺得自己有問題。我諗我應該唔會再返去呢個地方食，寧願去返潮興魚蛋食，啲員工醒好多…查看更多

CWB其實麵有隱藏既高CP小店，而且離MTR幾分鐘就到，地點易搵方便，小店主打牛腩河，外賣但至$29/碗，性價比好高👏🏻招牌雙沙河 $71雙沙即係崩沙腩+牛沙瓜（牛的第四個胃） ，崩沙腩賣晒，得返坑腩，照殺🤣牛沙瓜口感嚼頭不癡牙，食落有層次；坑腩即牛肋骨之間既肉，牛味最濃，肥瘦相間，肉質腍中帶爽。牛肉有返咁上下質量，難怪未到1400已經賣晒😯爽口魚片河 $39魚片爽口，魚蛋爽彈，夠新鮮，味道唔錯☺️兩碗河粉份量十足，食晒都幾full油菜 $12爽嫩新鮮，加少少蠔油更惹味凍檸茶（少甜少冰） +$3熱檸蜜 +$10食完野，飲返杯真係大滿足😋高CP牛腩魚蛋河，新鮮好食🤤。部分粉麵仲做緊優惠，非常抵食，推薦俾鍾意食牛既朋友…查看更多

喺加班之前，同同事去咗公司附近嘅九運來粉麵世家醫肚，響附近返工嘅上班族，對呢間傳統粉麵店，應該都唔會陌生。沙薑手撕雞配雲吞撈麵，雞肉份量好多，沙薑味道幾突出，雲吞粒粒飽滿，麵條爽口。牛三寶湯麵湯底充滿濃厚牛味，牛腩、牛筋、牛肚炆得好腍，麵條彈牙，味道好好。小食拼盤有炸墨魚丸、雲吞、魚片頭及雞翼，配搭豐富。本身已經好抵食，而家佢哋晚上六點後，凡各式粉麵飯，贈送紅豆冰、奶茶或咖啡味嘅紅豆冰，有興趣可以過嚟試吓。…查看更多