九爺牛腩

✨港式風味九爺牛腩✨.香港美食如雲，我就特別鐘意港式平靚正的美食😋見到海之戀新開左九爺牛腩即入去試下！見到必食推介多款牛河絕對令你選擇困難症🤣.最後叫左碗牛魔王河和崩沙腩河，兩碗各有千秋一樣正👍🏻湯底牛味濃郁，牛份量十足一個女仔係未必食得哂一碗❗️ ➡️牛魔王河絕對係全牛盛宴，$62價錢，可以食到牛的多個精華部位：牛腩、牛筋、牛肚、牛膀、牛腸、牛丸等等，真的極度滿足😌➡️ 崩沙腩河就岩追求頂級口感，崩沙腩是牛橫膈膜連接牛肚的軟腍位置，食落口感軟熟層次豐富，正.早餐時間再點了兩份港式早餐，姐姐介紹鹹牛肉多士再加漢堡扒，意外地好好食👍🏻呢間啲姐姐服務都好好，真心平靚正.…查看更多

呢排天氣凍就好想食碗牛腩麵暖胃最正的是那牛肉味濃郁的湯底九爺牛腩有齊我想食的味道❤️秘製牛三寶麵$52➡️分別有？牛腩、牛筋及牛肚，這3款我至愛牛嘅部份，試後發現牛筋最出色，因為它軟腍得來而有彈性，食完感到骨膠滿滿呀！🤭正👍🏻❤️招牌八寶河$62➡️一碗有齊8款配料，分別有牛腩、牛筋、牛肚、魚皮餃、牛丸、墨魚丸、潮州魚旦、貢丸，好足料👍🏻每款丸都好彈牙味美，卡佬最愛崩沙牛腩，皆因它肥瘦適中兼牛味濃郁而有咬口，加上河粉夠滑而且份量足夠，再配上濃郁牛肉湯底，好味❤️淨雲吞$42➡️這家親自由人手包製的足料雲吞，粒粒都有多隻爽口蝦肉，好味❤️淨牛丸$42➡️彈牙爽口多汁的牛丸，食完一粒停唔到口要繼續食多幾粒❤️凍檸茶 +$8@➡️茶底夠濃，檸檬夠新鮮，係我鍾意嘅茶記檸檬茶店內光線充足，舒適感倍增更有卡位選擇，充裕空間感如喜愛這家辣椒油或炸魚皮的朋友，更可以買返屋企食😋📍九爺牛腩（荃灣）地址：香港荃灣大河道100號海之戀商場地下G32號舖…查看更多

九爺牛腩📍荃灣大河道100號海之戀商場地下G32號舖不嬲都鍾意食牛腩，早排先知海之戀開咗間主打牛腩嘅餐廳，海之戀C出口上嚟好快行到唔難搵，座位闊落乾淨企理，員工友善又Helpful。個人最鍾意食崩沙腩，所以首當其衝揀咗招牌崩沙腩$57😎預配河粉，但見佢魚麵都係必食推介，就加$14轉咗魚麵試試佢。崩沙腩份量好多，大大嚿，趁熱食最正，口感好軟好腍，好重牛味😋。魚麵粗身，爽滑彈牙，不知不覺就食晒🤭唔夠喉，早知加底🤤另一碗崩沙腩就加$14轉咗豉油王撈粗麵，跟一碗清湯，食食吓直程浸埋啲麵落湯度食🤭好夾好掛湯。小食嗌咗孜然雞翼$30，皮炸得幾脆，金黃色好吸引，肉滑多汁，估唔到仲配咗甜酸醬，蘸醬更好食😋…查看更多

每次行過海之戀商場都會俾「九爺牛腩」個香味吸引住，今次專登嚟試佢哋嘅招牌雙沙腩米！鋪頭雖然細細，但係牛腩水準真係拍得住啲老字號～必食嘅「雙沙腩米」真係冇得輸！雙沙腩即係爽腩同坑腩，部位靚之餘仲炆得夠晒火候。牛腩入口軟淋淋得嚟帶少少筋膜，咬落啖啖肉香，個湯底清甜唔油膩，撈埋啿滑嘅米粉索盡湯汁，食完成個人都暖笠笠！配埋碟「嫩滑雞扒併煙旦撈」一樣出色，雞扒煎得金黃香口，肉質保持到嫩滑多汁，夾埋流心煙燻蛋同撈麵一齊食，滿足感爆燈！小食「炸魚皮」新鮮脆卜卜，點湯食或者就咁食都咁正！飲品叫返杯「紅豆冰」，紅豆煲得起沙又唔會太甜，完美配搭～…查看更多

街坊至愛牛河店！濃湯崩沙腩真係食到舔脷！尋日同朋友探店呢間街坊氣息濃郁嘅牛河鋪，一坐低就被香氣吸引，點咗招牌崩沙牛腩河粉同埋幾款小食，果然無失望！重點推介崩沙牛腩河粉，$67一大碗夠晒抵食！先飲一啖湯，濃郁到掛唇，滿滿都係牛腩嘅油脂香，鮮味十足。崩沙腩真係揀得好，肥瘦均勻岩岩好，每啖都咬到豐富肉汁，油脂香同肉香融合得完美，口感爽而淋，軟糯唔會韌，齒頰留香。河粉一定要叫多蔥！厚身滑溜有咬口，吸飽咗濃湯精華，索晒牛腩油脂香，越食越上癮。仲試咗金錢牛肚河配墨魚丸（$50），牛肚爽口彈牙，墨魚丸彈性十足鮮味足；麻辣牛脷（$54）香麻惹味，牛脷切得薄厚適中，入味又唔會太辣；油菜（$20）新鮮爽脆，解膩一流。呢間店用料實在、分量十足，街坊價錢有呢個質素真係難得！無論係午餐定晚餐，都值得專程去試，鍾意牛河嘅朋友千祈唔好錯過～…查看更多