九爺牛腩 (佐敦道)

營業中

休息中

粉麵檔絕對係香港嘅特色嘢食之一，無論係想平平哋食一餐，定係遊客過到嚟香港玩，都一定要試吓呢一間～麻辣牛雜豉油王撈麵🐮 $58要講到粉麵舖最惹味嘅嘢食，就一定唔少得撈麵！佢哋呢度嘅麻辣豉油王撈麵，麻辣惹味得黎又唔會太鹹，好好食！入面嘅牛雜全部都處理得好好，洗得好乾淨唔會有異味，重點係好食又抵食呀嘛！鮮蝦雲吞魚麵 🥟 $42佢哋嘅鮮蝦雲吞非常大粒足料，粒粒都好似乒乓波咁，另外佢哋舖頭仲有得加+$14 轉魚麵，魚麵彈牙爽口，就好似食緊成碗魚蛋咁，勁正！咖喱牛腩飯🍛 $56大家絕對唔好睇小粉麵檔嘅咖喱牛腩飯，佢地啲牛肉煮得咁腍咁入味，配埋咖喱汁就更加惹味，絕對係白飯小偷！

先前幫襯過尖沙咀店 高質又性價比高 經過發現佐敦都有分店望落空間感更加充足 仲有大量卡位 一於喺呢度醫肚❣️香炸豬扒併餐蛋撈粗麵豬扒係生炸豬扒 冇一層厚厚嘅炸漿 食落肉質鬆化唔會韌 瑤柱豉油汁鮮甜美味 撈得好勻循 粗麵每一條都沾到豉油汁煎蛋喺半生熟嘅流心蛋 篤穿個蛋黃撈埋食更加滋味唔記得講 連午餐肉都煎到好香口㗎❣️淨食牛三寶作為牛魔王 任性一次 叫一份淨食食到滿足為止牛三寶包括金錢肚、牛腩、牛筋每樣都炆得夠炆又入味底下仲有啲生菜 吸收晒牛汁嘅精華 超好味呢度嘅牛腩種類好多 有坑腩崩沙腩等等手快有手慢冇 我黃昏嚟到坑腩都已經賣晒啦另外唔食牛嚟呢度都好多選擇有客飯、蠔仔肉碎飯、常餐等等 包你搵到啱食嘅嘢

剛好經過附近 看到有魚麵提供 頗有興趣便選擇了這家麵舖當時大概下午兩時 但依然滿座 我們一行兩人點了麻辣牛腩牛筋撈粗🐮麻辣味頗惹味 辣度亦可接受🌶️喜歡撈粗沒有鹼水味 牛腩亦肥瘦適中 牛筋偏淋 另外還附送了一碗清湯🥣牛脆骨魚麵🦴好新奇 很少看到這兩樣😋牛脆骨口感像豬耳 感覺不錯 魚麵很彈牙🐠像魚片頭切條 還有生菜🥬湯底清鮮 整碗麵我都很喜歡😍另外喊了一些小食腐乳通菜🥗好多腐乳😙好貼心跟菜分開放 想要多少就自己沾麻辣墨魚鬚🦑不是炸的 但好棒 好有嚼感 這個辣度比較強 但也可以接受

今日同朋友去咗佐敦一間餐廳，試咗佢哋嘅招牌麻辣手撕雞撈粗，一撈埋啲麵，香氣撲鼻，啲雞肉嫩滑到不得了，一絲絲咁，索晒啲麻辣醬汁，辣得嚟又好惹味，個粗麵又夠彈牙，撈埋口感豐富跟住嚟碗熱辣辣嘅牛雜米，啲牛雜份量十足，牛肚爽口、牛肺入味、牛腸肥美，每一嚿都炆得好腍，輕輕一咬就化開。個湯底清甜，飲落好舒服，啱晒配埋啲濃味嘅牛雜一齊食。最後嚟碗紫菜湯，紫菜嘅鮮味滲晒入個湯度，飲落暖笠笠，成個人都舒服晒！呢間餐廳嘅員工好有禮貌，10分推薦大家去一間牛腩麵試吓佢嘅麻辣手撕雞撈粗。而且夜晚稍為熱鬧，下次會試吓尖沙咀嘅牛腩麵

位於佐敦道的「九爺牛腩」，顧名思義係一間主打牛腩的餐廳。餐牌上選擇以各式粉麵、飯類及泡飯為主；佐敦店更有全新推出的撈粗系列，有麻辣或秘製瑤柱豉油王可供選擇油菜通菜新鮮翠綠，口感鮮嫩爽口，配上腐乳食就啱晒麻辣牛什牛肚、牛肺及牛粉腸都幾新鮮，處理得乾淨，配上麻辣醬風味絕佳麻辣手撕雞豉油王撈粗手撕雞份量充足，皮光肉滑，啖啖肉，又麻又辣，好惹味！粗麵口感軟硬適中，每條都沾滿餐廳秘製的豉油王，幾好食招牌八寶河粉河粉滑溜又吸湯～招牌八寶包括：魚蛋、墨丸、牛丸、貢丸、魚皮餃、牛腩、牛肚及牛筋，配料豐富，各有特色。個人最推薦牛腩、牛肚及牛筋👍🏻牛腩鬆軟可口，肉味濃郁。牛肚同牛筋都好軟腍凍檸茶冰凍可口，酸酸甜甜的檸檬茶，好解渴

今次去咗九爺牛腩食返碗麵，暖下胃先！😋 聽講佢哋最近推出咗唔同嘅撈粗，梗係要試吓啦！😎朋友就叫咗新推出嘅豉油王切腩片頭撈粗🐮🍜！切腩片頭炸得香脆，撈粗夠晒粗獷，配埋豉油王，真係好惹味，而且鹹香十足，如果個人口味偏好冇咁鹹嘅話，建議拎個面出嚟，然後用隔離嘅湯過一過。當然佢普通嘅牛坑腩河粉🐮🍜牛坑腩炆得鬆軟入味，入口即溶，真係好正！🤤 另外加一份時菜淨係需要$12，我叫咗腐乳通菜，通菜翠綠爽口，腐乳醬汁鹹香惹味！😋

今日去佐敦覓食，發現呢間「九爺牛腩」除咗牛腩出名，原來撈粗同小食一樣咁出色！叫咗個麻辣手撕雞撈粗（幼麵），一上枱就聞到陣陣花椒香，手撕雞肉質嫩滑，麻辣汁夠晒惹味，撈勻幼麵每啖都掛汁，食到停唔到口！ 必試佢哋嘅炸魚皮 新鮮超脆口，連埋個撈粗一齊食好惹味，點麻辣汁或者就咁食都正！小食拼盤份量十足，炸雞翼外皮香脆，魚片頭同墨魚丸彈牙，炸雲吞餡料飽滿，全部炸得啱啱好，唔會油膩～ 飲品方面，凍奶茶**茶香濃郁，甜度適中，奶味好突出！熱朱古力香滑濃厚，飲完成個人暖笠笠！

嚟咗呢間喺佐敦嘅粉麵店諗住食個簡單嘅港式粉麵午餐🤣$66「秘製瑤柱豉油王 雲吞拼墨魚鬚 撈伊麵」：雲吞裏邊有蝦仁同豬肉，墨魚鬚就新鮮爽口，撈伊麵就夠晒煙韌，份量仲唔少添🤣跟麵加 $12「郊外油菜」：揀咗「腐乳通菜」，「通菜」夠新鮮，軟腍腍得嚟又有少少爽脆😋$100「手撕雞」：有「沙薑」同埋「麻辣」可以選擇，咁揀咗「沙薑」，呢個係「淨食」，「沙薑手撕雞」拆晒骨啖啖肉食得相當暢快，雞肉肉質軟熟兼且撈咗極多嘅沙薑醬咁樣食勁濃沙薑味勁鹹鮮🤣跟麵「熱檸檬水🍋💦」：大大杯夠清新😋

呢間店主打潮州風味湯粉麵，環境乾淨企理，座位唔算太擠迫，牆上貼滿唔同套餐介紹，感覺幾地道。今次試咗幾款招牌菜，整體都幾滿意！🍛 咖哩牛腩撈伊麵一上枱就聞到濃郁咖哩香，牛腩炆得夠腍，入口即化，咖哩汁帶微辣，唔會太膩，掛麵能力一流！伊麵吸晒醬汁精華，每一啖都充滿濃厚香料味，超惹味！🐟 雙沙呢款湯粉係潮州特色，湯底清甜，帶微微胡椒香，魚丸彈牙，魚片新鮮無雪味，口感滑溜。加埋蔥花同芫茜，味道更有層次，飲埋啖湯超滿足！☕ 奶茶（熱 / 凍）熱奶茶茶味香濃，口感順滑，唔會過甜，算係水準之上。凍奶茶同樣夠茶味，唔會太稀，冰塊比例啱啱好，飲落夠爽！整體嚟講，呢間店嘅麵食同湯底都相當有水準，特別係咖哩牛腩伊麵，真心推介比鍾意濃味咖哩嘅朋友！

好奇乜嘢叫雙沙，原來係崩沙腩同牛沙瓜。呢間九爺有牛腩同牛雜麵賣。近年好似少咗類似食肆。其實傳統潮洲牛腩牛雜粉都係香港特色食物。「崩沙腩」是牛肚皮的腩位，位於牛的橫膈膜附近，由於兩邊展開像蝴蝶，南越語𧌇䖢意思係蝴蝶，所以叫「𧌇䖢腩」，又名崩沙腩。崩沙腩是牛腩中最矜貴的存在，它是牛的橫膈膜，表面有一層橫膈膜連著腩肉，筋膜連少少肉，軟腍味香，肥瘦剛好，可謂牛腩中的極品。數量極少，所以呢碗麵的確矜貴，唔係度度有得食。價錢算合理

嚟到呢間粉麵舖，見到佢哋嘅餐牌有好多不同牛嘅部位可以選擇，做到咁專門當然要試下喇😆。🥢牛筋河$44 加魚片頭$6牛筋夠哂軟腍亦帶Q彈口感，魚片頭爽滑，河粉都好滑溜。🥢牛坑腩河$59 加牛肚$10肉質爽口紮實有嚼勁，牛味濃郁，牛肚軟腍，除咗足料之外，連河粉嘅份量都相當多。🥢油菜$20腐乳通菜腩汁生菜🥢香茅雞翼 $32雞翼新鮮炸起熱辣辣，肉質嫩腍，香茅味都幾濃。🥢酥炸魚皮 $20脆卜卜，而且超大份量，仲跟咗個湯可以浸食，唔使咁熱氣添。晚市時段凡惠顧各款粉麵，免費追加拼丸類、紫菜、炸魚皮或熱飲添🤩，我哋就叫咗兩杯熱檸茶，又真係幾抵喎🤑。

上次食完下午茶，回味無窮。夜晚探完病，又唔係好肚餓就去食碗粉。幫我媽子嗌咗個牛肚拼墨丸。我就叫咗個腸腩河，再加咗份炸魚皮。不過碗粉個份量都幾大碗，同埋啲河粉唔會有陣「行」味，墨丸都好大呀，同埋有墨魚肉。個牛腩味重份量又足，望落好似有的瘦，但d筋膜位又好正。另外個牛腸都好癲，其實就唔係好鍾意食粉腸，但係佢啲牛粉腸又幾好食，唔算太粉反而ok。不過炸魚皮都脆，不過就過火咗少少，如果呢個可以改善到就完美。

我媽媽最喜歡吃牛腩經朋友介紹，我就帶她去了性價好又經濟實惠的佐敦九爺牛腩 究竟牛腩哪個部位最好吃？對於有要求的我，當然是崩沙腩及牛沙瓜所以點了招牌雙沙河，河粉好滑溜而牛沙瓜是牛的第三個胃，味道較濃咬下去比較爽口，比一般牛肚更好吃.而崩沙腩就是最矜貴的牛橫隔膜就是軟腍的筋膜配肥美的腩肉其淡淡滷水味不會太過濃亦不會蓋過本身的牛鮮味😘好吃到令我下次想散叫(份量會較多)除了點牛腩外，我想嘗試下新口味我就點了鮮味豬三鮮河原來就是豬手、豬膶和彈牙的豬肉丸非常大件又炆得軟身的南乳豬手令人垂涎欲滴，美味無窮.飲品方便，我們就隨便叫了熱咖啡原來水準不錯，不會太過苦澀或淡身味道香濃，我認為好值得一試!

成日未食過嘢，去探病之前食個下午茶。搜尋過好多附近嘅茶餐廳，就係冇邊間想食。心囉囉攣又想食牛腩河，但係見佢門面有個西式嘅下午茶，望落去有幾吸引，所以就入去呢個快餐。估佢唔到粉面舖杯奶茶都整得幾有水準，我叫咗少奶㗳得出個茶味都幾濃。本身諗住快食，但係都等咗一段時間。不過我想話但係值得嘅。西多士超邪惡平時真係無食。不過唔想食沙律，就要西多士。切開第一下見佢白色麵包，係有少少失望。點知切到中間心就有驚喜，係有花生醬㗎！當堂成件事升華咗。薯條都係新鮮炸唔會滋滋。個雞脾落去都好得體。雖然食落去有少少嚡，但係個味有啲癲，估佢唔到落咗孜然粉去醃嗰隻雞髀。同埋切開中間望落真係生炸雞髀。以依家$40下午茶呢個質素真係超班，同埋侍應服務都好好，醒目又勤快，自動波拎晒啲調味料過嚟。呢一餐下午茶真係好滿足。

黎開呢邊上堂，想食粉麵，見到呢間的評語唔錯，就入左黎。比起一般的粉麵店，呢度感覺坐得更舒適，環境光猛企理，店員有禮。我叫了牛三寶河粉。湯底香濃，但又不會過鹹。牛腩，牛筋同牛肚都炆到好軟腍入味，而且切成粗絲，份量幾多。牛腩肥瘦適中，牛筋口感軟滑，制作用心。河粉煮得剛㚥，不會一夾就斷。朋友點了剩鮮蝦雲吞，粒粒飽滿。蝦幾新鮮，又夠彈牙，一碗大約有8粒，絕對夠食。最後的凍奶茶，都好夠茶香味，又夠細滑，的確唔錯。餐廳食物達標，值得一試。