九份飽 (黃埔新邨佳富樓)

營業中

休息中

・　肉鬆起司蛋餅🫓 ($37)這款蛋餅餡料豐富,肉鬆與起司的組合相當美味,蛋皮恰到好處,整體口感非常不錯・　鹽酥雞🍗 ($38) 雞肉鮮嫩多汁,表皮炸得酥脆可口,搭配適量的鹽和一些香料調味,咸香味十足,很容易讓人食指大動。這道小吃值得一試・　香酥雞扒魯肉飯🍚 ($55)雞扒外層酥脆,內部肉質軟嫩多汁,與醬香四溢的魯肉飯相得益彰。這道組合菜色分量足夠,營養均衡,是相當不錯的便當選擇・　鹵汁青菜（時令）🥬 ($23)鹵汁入味,為青菜增添了豐富的風味,清脆爽口,是一道健康可口的配菜・　QQ地瓜球🍠 ($37)外皮軟軟糯糯,一口咬下會有微微的彈性,內在則有甜甜的地瓜。甜度適中,不會過於膩人,是款不錯的甜點小吃・　冬瓜檸檬蘆薈🍋 ($25)冬瓜茶清爽,檸檬的酸甜恰到好處,蘆薈則添加了些微的清涼感。整體口感清爽順口,對於炎熱的天氣來說是不錯的解渴飲品

今次去咗黃埔嘅九份飽，呢間餐廳以九份黃金山城作主題，入到去就好似穿越到台灣嘅九份咁。餐廳設計得別具一格，有經典紅磚九份車站、懷舊昇平戲院同埋九份特色嘅紅燈籠，真係打卡一流。懷舊魯肉飯（小）充滿台灣味道。細細碗嘅白飯，上面鋪滿咗滷得入味嘅魯肉。魯肉嘅肥瘦比例啱啱好，入口即化，味道濃郁但唔會過鹹。滷汁滲入白飯，每一口都係香濃嘅享受。小份份量剛好，唔會太飽。台灣香腸係一個經典小食，煎得恰到好處，外皮微微焦脆，內裏肉質鮮嫩多汁。每一口都可以感受到香腸獨特嘅甜味同香料味，配埋蒜片一齊食，味道更加提升，一試難忘。滷味拼盤滷味拼盤入面有百葉豆腐、雞翼、牛肚同雞蛋。百葉豆腐滷得非常入味，口感嫩滑；雞翼滷得香濃，肉質嫩滑，一咬即開；牛肚滷得軟腍，帶有少少嚼勁，味道非常濃郁；滷蛋滷得入味，蛋黃流心，非常滿足。整個拼盤既豐富又有層次，每一樣都值得細細品嚐。珍珠奶茶奶茶香濃順滑，甜度適中。珍珠煮得軟硬適中，每一粒都充滿嚼勁，入口彈牙。飲一口奶茶，再嚼一嚼珍珠，感覺非常滿足。胚芽珍珠奶茶係另一個特別選擇，胚芽嘅香氣為奶茶增添咗一份獨特嘅風味。呢款奶茶同樣順滑，甜度適中，每一口都可以感受到胚芽嘅香味同珍珠嘅嚼勁，

呢間餐廳係一間環境好似去左台灣甘入面有好多紅色既燈籠掛住牆上仲有九份既街境，木質台椅既設計，食物款式選擇多，仲有下午茶時段tim，我地坐低左叫左一份炸豬扒肉燥飯，配左珍珠奶茶，珍珠奶茶好有咬口既珍珠，茶底香滑，炸豬扒好大塊而且入面d好肉好juicy。外脆內軟。肉燥可以再多d，個汁可以再多少少就更好。滷水蛋好入味。紅燒牛肉麵好大碗，牛肉好厚身同軟淋。加埋紅蘿蔔同菜心，酸菜等材料湯底好香濃牛肉味，麵身都好彈牙。

同行完街朋友，係紅磡考慮緊去邊度食晚飯果陣，咁岩經過呢間九份飽～所以入左去試試☺️入到去睇到裏面裝修，充滿左台灣懷舊氣息✨而且食物價錢都比較親民～叫多幾樣野食都唔心痛😆懷舊滷肉飯（大）滷肉份量充足～夠食～而且肥瘦均勻，唔會是只有肥膏的那種，啲飯吸晒啲汁，好入味🙌🏻每啖飯都食到滷肉汁，真係撈飯一流！ 而且味道不會太鹹～推薦！紅燒牛筋腩油麵牛腩同牛筋都軟腍而且都幾入味，湯底濃郁，配合埋酸菜一齊食剛岩岩好，整體味道都符合預期～肉鬆起司蛋餅蛋餅是我的最愛😍一見到有就諗都唔諗～一定要試吓！完全唔失望！裏面啲肉鬆好豐富，配合埋芝士一齊食～每一啖都覺得好滿足😊另外可加$10點茶類飲品 最欣賞係佢可以自己填甜度 （0/3/5/8/10分） 最適合我這些要微甜的人👍🏻

“香酥雞扒魯肉飯”($55)“玉米起司蛋餅”($33)“台灣香腸”($37)“九份芋圓”($40)“鳳梨綠茶”(+$10)“茉香奶茶”($20)雖然岩岩先去完台灣返嚟但對台灣美食真係抗拒唔到😆今次就嚟咗呢間評價唔錯嘅九份飽☺️首先點咗碗香酥雞扒魯肉飯🐔大大一塊雞扒又酥又脆😚魯肉肥瘦適中,拌飯一流🤤另外仲點咗玉米起司蛋餅蛋餅皮帶點煙韌入面包住滿滿粟米同芝士好足料🌽🧀台灣香腸都係必點之選用蒜片夾埋香腸一齊食夠哂濃味,正😛食完主食忍唔住點咗碗九份芋圓做甜品入面有芋圓,涼粉,珍珠,豆花,小丸子等食完就真係飽哂😚

今日千里迢迢黎到紅磡，食左一間台灣食店。店內氛圍好有台灣風，有一排排紅燈籠掛在天花板，用上木桌子及椅子，有置身台灣夜市感覺。香酥排骨米線（$52）香酥排骨一共四大塊，外皮香酥脆口，去油功夫做得唔錯，食落完全唔覺油膩，厚慶剛剛好，唔會太厚令人難以咀嚼，十分容易入口，另外表面有灑上調味粉，額外惹味。紅燒牛筋腩油麵（$60）紅燒牛筋和牛腩都好入味，牛筋口感軟淋，入口即融，牛腩牛味濃郁，肉質鮮嫩有咬勁，油麵爽口彈牙，另外有芫茜葱及菜心做配菜。玉米起司蛋餅（$33）玉米同起司多到漏出黎咁濟，食落好滿足，建議沾埋附上既辣醬食用，更加惹味。滷味拼盤（$37）有滷豆腐、滷雞蛋、豬耳朵和滷雞翼，滷水汁相當入味，一次過可以試哂唔同種類既滷味，都幾抵食。冷芒果紅茶（+$10）加左仙草同蘆蕾（+$6）

去黃埔成日唔知食咩好，見到有間新開嘅台灣嘢入面好似幾靚同埋都幾多人，應該唔係咁吠所以試台灣鹽酥雞扒滷肉飯首先試一試台灣鹽酥雞扒滷肉飯。一咬落去，鬆脆既雞皮同滑嫩的雞肉，雖然炸嘢但係唔係太油膩，滷肉飯香海苔芝士蛋餅我哋都稱得上係蛋餅獸，去台灣嘅話日日都食，呢個裡面既芝士有綿既拉絲，好正，海苔帶有鹹香，同煎得岩岩好既蛋餅完美結合酥炸魷魚鬚魷魚外皮酥脆，魷魚鬚嫩滑勁有咬口，非常好食。不過一次過嚟太多嘢，慢咗少少食其他，呢個係要一上台就趁熱食。如果唔係凍咗就冇咁正架啦。珍珠奶茶奶茶香醇，甜度適中，唔會膩口。珍珠彈牙有咬勁，其實雖然係正常操作，但係珍珠先係重點係一間性價比高有特色既台灣小店，野食有水準收費唔貴仲要坐得舒服，絕對係值得撐場！

紅磡出名多小店👍🏻咁啱嚟到呢一區 朋友想食台灣嘢 諗到呢一間試吓先👀==============================Food List✏️🌾香酥雞扒滷肉飯 雞扒勁鬆脆 鹽酥口味更惹味🤤滷肉肥瘦均勻攞嚟撈飯真係一流👍🏻食落去口感非常豐富好味🤤🥬滷汁青菜 滷肉舖面 食落口唔會寡 寡婦健康有營又不失美味👍🏻🍖台灣香腸 台灣嘅名物梗係要試吓🤗連埋生蒜一齊食 美味程度double🫶🏻😍🤤🍀芝士奶蓋綠茶 大推介呀🉐唔會太甜🤤好喜歡💯==============================有時想過下台灣美食癮 呢間都不失為一個好選擇💯

第一次俾錢嚟食呢一間喺黃埔主打台灣美食雖然舖頭細細地但係環境好靚好有台灣特色播放住台灣流行音樂好有感覺佢哋嘅食物份量十足唔需要等好耐已經有10分高效率亦都唔需要等位真係好正的。主菜方面我哋嗌咗個細size滷肉飯超級入味一個人食都覺得好飽肚佢啲滷肉真係好熱辣辣好好食仲有買咗個炸排骨拉麵去過米線好好食佢啲排骨好脆口仲有嗌咗小吃就係佢哋嘅肉鬆蛋餅配上芝士份量好大份仲有佢哋嘅QQ地瓜好好食呀好鍾意佢嘅口感QQ地好特別熱辣辣飲埋佢哋嘅台灣特飲佢哋新出咗鳳梨綠茶唔會好甜好好飲

見到個名 - 九份就知道係一間食台灣菜既餐廳🤪店入面既裝潢就好似去左九份老街咁唔洗專登飛去台灣呀！🤣我地今次叫左2個主食、2個小食同杯野飲價錢都好親民！係平民小食之選❤️首先係香酥排骨飯排骨炸得好鬆脆，有肉汁得黎又唔會好油膩加配上少少既魯肉，好夠入味！如果再多啲魯肉就好❤️台灣擔仔米粉個湯味道岩岩好👍🏼唔會太咸米粉絲滑，牛丸彈牙，都幾岩口味肉鬆起司蛋餅係台灣最鍾意係食蛋餅，呢度都唔失禮餅皮唔厚，料又多，但加咗芝士都唔會膩🙆🏻‍♀️QQ地瓜球呢個係大推必食！首先佢上枱係熱辣辣，總共有兩隻色紫色就包住番薯餡💜黃色就包住紫薯餡💛口感非常煙靭，餡料亦都十分香！又唔係hea你既份量配埋甘梅粉，酸酸甜甜好啱飯後甜品！大家經過黃埔都可以試下呢間平民美食呀！😌

我好鍾意食台灣菜，不過最近冇機會飛台灣，好彩紅磡有間地道小店，賣嘅台灣野食都好高質！今日收工後來到紅磡黃埔，剛好可以直接入座。呢到裝修好有特色，感覺真係返左台灣一樣！今日叫左幾樣嘢都好好好食！因為佢哋本身都鍾意食紅燒牛筋腩，就一人叫咗一份，一個要米粉，另外嗰個要油麵。首先要講個湯底做得好好，我都飲咗好多，牛筋腩亦都有好好嘅口感。食得台灣嘢就當然要叫懷舊滷肉飯啦！呢度啲飯好好食，又唔會過油，但係保持到有入口即溶嘅感覺。最後見到隔籬枱叫咗蛋餅都好吸引，所以我哋就叫咗薯餅火腿蛋餅，薯餅好酥脆，配埋火腿一齊食，真係超正。

喺黃埔搵台灣嘢，”九份飽”係ok嘅選擇。講ok，唔係因為佢嘅滷肉飯有咩問題。實際上佢嘅滷肉飯算係幾好食，個人認為係接近阿元水平，當然未去到台灣當地嘅名店咁好食啦，不過細碗35蚊大碗45蚊係可以嘅，滷肉粒肥瘦均勻，相當不錯。問題出喺另一熱門嘅鹽酥雞上面，我哋二人食，二人都食到佢有洗潔精味，可能今日失手？齋講炸係炸得唔錯，而且份量幾多。雙重芝士蛋餅就正正常常，但頭尾部分會少咗啲餡咁。佢嘅抵食仲體現喺餐飲，主菜加10蚊就有包括凍菠蘿紅茶做餐飲了。另外，雖然睇落逼迫結結，坐埋牆的話都還算舒服。

星期一下午5:30，一位，直入。諗住食少少野，俾$39下午茶吸引。下午茶set食物係fixed，無得加錢轉飲品。下午茶餐A ｜$39(珍珠奶茶、鹽酥雞、粟米芝士蛋餅）首先黎左杯珍珠奶茶幾好味，奶味濃，有台灣feel，d珍珠都煮得煙韌，唔差，好過好多台式餐廳。之後鹽酥雞上枱，明顯係即叫即炸，超熱同香脆。唔乾，味道正常。最後黎既係蛋餅，都係熱辣辣，餡料正常量，味道都係正常想像到既味。食物唔算好出色，但所有野都係新鮮熱辣，$39黎講好滿意😄。食得好飽。餐廳免收加一😀

剛開業的時候，這間舖常排長龍。直至最近都時不時見到有人排隊。 今日經過碰巧沒有人排，於是便入去試試。之前食過不同的台灣餐館，也沒有找到心宜的。見到這裏的食評都相當唔錯，所以滿心期待。 坐低叫咗一個排骨麵，再加錢叫一杯茉莉茶凍飲。因為係新裝修的，環境OK。招呼方面就一般般。 排骨麵來到。 廚房將排骨同麵分開，令到排骨唔會咁快淋。麵底一般，不算Q口。麵嘅份量唔算多。急不及待的咬了一口排骨。排骨鬆軟。感覺唔錯。但又覺得味道有啲唔同，好像多了一些味道。 再食多一啖，發覺排骨應該是加了孜然這種香料。 跟住之後嗰幾啖，這個孜然味道就呼之欲出。之前食北方菜見過及食過用這種香料的餸菜，但從來沒有在台灣餐廳中品嘗過。可能是我見識淺。而且我自己對這種香料真的有d抗拒。 所以這幾塊排骨，對我來說，是夾硬食落去。 落差真的頗大。😢希望餐廳若有用特別香料時，可以考慮在餐牌上註明一下。畢竟這個味道通常都不會在一般的台灣菜上用到。

星期六下午4時左右光顧，全店只有兩枱客人。點了肉鬆芝士蛋餅，大腸包小腸，和甜品九份芋圓一開始先上了九份芋圓（$40)平平無奇,賣相和味道都不吸引,碗裏除了有芋圓和珍珠，還有兩小塊豆腐和涼粉，有點兒怪怪的，芋圓不煙靭，比鮮芋仙的差很多。之後上的肉鬆芝士蛋餅（$37），切成4件，每件剛好一口就咬掉咗，份量不多。味道也不好吃，只是一塊餅皮包着肉鬆和蛋，完全不像台灣的蔥抓餅。大腸包小腸（$35），一團糯米包着兩片臘腸，上面有一些酸菜和芫荽，不評論這道菜式。服務方面，人手足夠，有四五個樓面。每吃完一碟食物，很快就有店員過來，問也不問就收走（搶走）你的碟子，好像想你快點走。所以不到30分鐘就埋單走人了。由進入店內一刻至離開時，也沒有一位店員會和你打招呼，埋單俾錢，一聲多謝也沒有。唯一可取的地方就是店舖內的裝修，有點兒懷舊，可以打下咭。另外價錢也便宜。如果這樣的價錢，不用排隊等位，可以一試，但計及食物質素和服務，真的試過一次就算了，不會再光顧