九份飽 (黃埔新邨佳富樓)

營業中

休息中

九份飽台灣小店質素唔錯，我之前都去過好幾間分店。又唔貴，CP值算高，所以成日都要等位。今晚冇乜人，我哋排咗10分鐘就入得，應該係因為落雨啦！位於黃埔新村嘅分店，地方唔算大，但佈置依然好有台灣氣息。朋友叫咗雞排魯肉飯，雞排大大件，魯肉肥瘦適中，好軟滑入味，帶有有台灣地道嘅風味！我就點咗台灣擔仔油麵配料豐富，有蛋，大蝦，魯肉，肉丸和酸菜，麵條彈牙，味道很好，台式味道濃郁！肉鬆起司蛋餅台灣早餐必食之選！肉鬆與起司的組合相當配合，味美。蛋皮鬆脆度啱啱好。仲有可以拉絲嘅cheese，熱辣辣好香口！台灣香腸台灣夜市必食！配合蒜片食用，夠哂香口！飲品荔枝綠茶加蘆薈 蜂蜜檸檬蘆薈清甜可口，又解渴！

喺紅磡有啲嘢做，朋友話有間店好想試下，我話咁就去啦，因為依家都好少行過紅磡呢邊啊！一去到見到裝修都幾靚，好有心思，希望我哋叫嘅嘢食唔好失望啦！因為而家熱辣辣呢又唔係好想食飯，我就叫咗佢個台灣擔仔米粉，朋友就叫個香酥排骨飯，我哋另外加多咗個魷魚鬚同埋兩杯抹香香珍珠奶茶！珍珠奶茶先上，一飲上去呢我就對呢間店好有期望！因為嗰隻係好味嘅抹香珍珠奶茶😍之後我個米粉就到，個湯味呢係完全九份嘅味道！完全係個米粉要配埋啲湯一齊飲一齊食！朋友個香酥排骨飯加滷肉！呢個就真係不得了啦！香酥排骨呢係完全唔肥啦，又鬆又薄，你唔會覺得好漏！另外加嗰個滷肉呢超香超好味送飯一流！個香酥魷魚鬚就真係不得了！有脆又鬆！今次成餐係超唔錯嘅體驗，大家去紅磡係可以去試吓㗎！

今日要介紹一間非常之平靚正嘅台灣菜餐廳「九份飽」🥰，我地晚市叫咗兩個主菜，兩個小食，再跟餐加埋兩杯飲品，人均$100都唔洗😱，滋味得來，仲要食到超飽呀。🔹️懷舊魯肉飯真係好好食🐖，魯肉好滋味，多汁，好送飯，富台灣風味。🔹️香酥排骨米粉🐖排骨好大份量，入面都算嫰滑，唔會太乾，米線份量都幾多。🔹️肉鬆起司蛋餅🧀哩嗰蛋餅都係好食到停唔到口😍，肉鬆和起司的配搭好正😚🔹️酥炸魷魚🦑外層酥脆，魷魚厚肉，非常彈牙，散發出誘人的香氣。🔹️伯爵紅茶🔹️鳳梨荔枝🍍

今日晚餐突然好想食台灣野，而紅磡黃埔呢頭最好食嘅台灣菜就係九份飽，永遠都好多人排隊，呢到裝修已經好有特色，感覺真係去左九份咁。野食當然都好好食，而店員態度都幾好，值得推介！蕃茄牛肉麵湯底夠濃郁，濃濃嘅蕃茄味配上牛肉麵，真係另一種風味。台灣擔仔米粉我覺得十分之出色，好鍾意啲酸菜真係甜甜酸酸，加埋又有肉丸又有蝦肉同埋肉碎，成件事好豐富。香酥排骨飯炸得勁酥脆，入面仲要有埋菜，係營養均勻嘅一餐！冬瓜茶都好好飲，叫咗3分甜，所以唔會好甜，而胚芽珍珠奶茶啲珍珠亦都好彈口，唔似出邊其他有啲餐廳食得出唔新鮮，因為太硬。

今日下午同事過來黃埔找我我們一齊在5點半去黃埔九份飽食下午茶呢間食環境晚市時常要排隊下午茶只有兩個餐，我們share 食，好飽$40一個餐湯偏咸芋圓好味過在台灣食附近‘讚好’的下午茶抵食，無咁咸

呢間算係紅磡黃埔呢一頭餐廳算係出色嘅台灣菜，鍾意呢度嘅裝修，加埋食物都好好食，尤其是係個牛肉麵，湯底夠濃郁，同埋牛肉都好嫩滑，最主要就係個面嘅口感都好好！呢間一定要嚟試吓

身為香港人，無時無刻都掛住唔係日本就係台灣🤣 雖然近期機票已經平咗好多，但唔係人人都咁容易話飛就飛㗎嘛！有朋友話一定要同我試下呢間 #九份飽 以解思念台灣之苦咁喎🇹🇼所以就約咗放工去試吓佢😋一去到佢黃埔分店門口個裝修就好似去咗九份金瓜石咁，入到入面仲係滿滿嘅古早味台灣風！ 佢可以用 QR Code 落單，但我哋就揀要用菜單紙落單，因為一望落去就係似足台灣食店嘅 order 紙咁，我哋要將扮自己喺台灣嘅儀式感進行到底😎 分別 order 咗 懷舊魯肉飯 、 香酥排骨米粉 、 海苔肉鬆起司蛋餅 、 滷味拼盤 ，嘢飲就叫咗基本必點嘅 珍珠奶茶 同 冬瓜茶 🧋魯肉飯夠汁撈飯好正😍魯肉半肥瘦 入口即溶👍🏻香酥排骨用地瓜粉炸夠正宗，米粉湯又夠味，仲用左新竹米粉！海苔肉鬆起司蛋餅都夠地道，滷味拼盤都唔錯，夠香👍🏻啲嘢食夠晒台灣風味，唔止好食仲份量十足我哋兩個食到絕對唔止「九分飽」🙊 本身我哋仲想叫埋佢哋好出名嘅九份芋圓，但實在真係食唔落了🥲

臨近暑假，好想去台灣旅行，所以就搵間台式餐廳黎食嘢止下癮。九份飽成間餐廳裝修都允滿住懷舊古早台灣風格，好似真係置身台灣咁，嘢食都同台灣既口感好相似。懷舊滷肉飯（小）我哋就嗌咗一個細份嘅滷肉飯，話就話係細份，但係食緊都仲有😂啲滷肉好入味，肥瘦適中，醬汁啖啖飯都食到香酥排骨米粉個香酥排骨好大份量，有四大嚿，炸得鬆脆，肉質軟嫩多汁，無炸到硬曬，米線湯底都唔錯 仲有菜心做配菜 好足料🤤肉鬆起司蛋餅🫓呢個係台灣早餐必點,肉鬆與起司的組合相當美味,蛋皮鬆脆度啱啱好，餡料豐富台灣香腸台灣旅行夜市必點，燒得剛剛好，口感同香港香腸好唔同，配合蒜片食用，夠曬香口鹽酥雞炸得唔錯，好酥脆，夠熱，咬落去都好多肉汁而且份量幾多。飲品主菜加10蚊就有百香果綠茶，味道清新不太甜。

我今日同朋友去左黃埔玩，特登拜訪下好受歡迎嘅九份飽餐廳 🚗，一入去就令我感受到濃濃嘅台灣風情。餐廳裝潢以九份老街為靈感🏮，處處見到台灣特色元素 🌳，彷彿身處台北郊區嘅小鎮 🏡。入座之後，你會感到濃厚嘅懷舊氣氛 🕰️，桌椅 🪑、燈飾 🕯️、牆飾 🖼️, 招牌都帶有台灣鄉村建築特色，令人好似穿越時空到左台灣一樣 ⏳。我同朋友試咗呢度嘅招牌菜式，真係食指大動 🤤。朋友叫嘅香酥雞排滷肉飯好大份 🍔，雞肉酥脆多汁 🍗，滷肉軟嫩入味 🥩，飯菜配合到啱啱好 🍚。我就點咗香酥排骨油麵，麵條Q彈爽口 🍜，排骨炸得又酥又嫩 🥓，沾點醬汁更添風味 🌶️。香氣四溢嘅麵條 ，加上大大塊嘅豬排骨 🍖，令人情不自禁一啖又一啖 🤤。除咗主菜 🍽️，我哋仲試咗呢度嘅小食 - 海苔肉鬆起司蛋餅 🌮，香脆可口，又唔會太甜又太咸，肉鬆和醬汁配合得恰到好處 🌮，好夾米飯 🍚。甜品方面，芋頭仙草芋圓好綿密滑順 🍮，清涼順口 ，奶味濃郁 。配埋一杯清香四溢嘅茉香綠茶 🍵，冰冰涼涼好舒服 ❄️。九份飽集合咗台灣傳統小食同特色料理 🥟，唔單止好味道 🍽️，而且更能帶俾你濃濃嘅台灣風情 。唔論你係懷緬過往，定單純鍾情台灣美食🍴，呢度都絕對可以一試

經過黃埔見到這間店很多顧客排隊，生意好旺，菜單價錢也平平地，於是進來覓食！台式味道真是不錯！懷舊魯肉飯肉塊軟嫩多汁,飽含著鹵水醬汁的香氣和甜味，咬下去,口感柔軟Q彈,肉香四溢,白飯吸收了滷汁,散發著肉汁的濃郁滋味，令人吃了停不下來！台灣擔仔油麵配料豐富，有雞蛋，大蝦，肉醬，肉丸和酸菜，麵條Q彈有勁,鹹香氣息中帶著一絲酸辣,味道很好，台式味道濃郁！雙層起司蛋餅夾在中間的兩層起司香濃醇厚,乳酪的微鹹味與蛋餅的甜味完美融合。薯餅起司蛋餅的不同之處在於中間夾了一層薯餅，綿密香甜！辣味無骨鳳爪無骨鳳爪吃起來真是很方便，肉質鮮嫩Q彈,好入味，辛辣的刺激感伴隨著肉質的鮮美,形成絕妙的味覺層次! 鳳梨荔枝飲品清爽的鳳梨汁帶有微微的酸甜,搭配甘甜的荔枝香氣,交織出清新爽口的風味。

阿女放假同我去黃埔行下，又去食台式料理。九份飽名符其實以九份黃金山城做設計主題，餐廳內有不少打卡位，兩邊更掛滿九份特色的紅燈籠。餐廳主打台灣街頭美食。香酥排骨油麵：排骨炸到酥酥脆脆，肉質軟嫩，油麵彈牙，吸收湯汁甚美味，半隻滷蛋亦好入味。台灣擔仔米粉：滑順Q彈的米粉，上面放咗肉丸、鮮蝦、酸菜，肉燥鮮香濃郁，配埋濃郁鮮味的高湯，口感層次都豐富。台灣香腸色澤紅白分明，其口感紮實，煙韌多汁。肉鬆起絲蛋餅：餅皮的酥脆，內餡則是軟嫩順口，除了必備的蛋之外，還有肉鬆、芝士，美味之餘讓口感更佳。百香果紅茶：既有茶的香醇，又有果的酸甜，味道清新。蜂蜜綠茶：甘醇的茶味結合甘甜的蜂蜜，滋潤又解渴。

呢度啲芋頭一流👍🏻，係我（喺香港）食過最出色既芋頭。店內模仿台灣夜市環境，令人有走入鬧市的感覺。價錢算平，最緊要食落有台灣古早味～☺️🥢芋頭珍珠奶茶：✨推薦✨芋頭味超濃，仲好鬆化👍🏻。雖然偏甜，但奶泡豐厚，同芋頭味好夾。🥢滷味拼盤：有百頁豆腐、雞翼、牛肚同雞蛋，都只係$38。彈牙豆腐係必試！🥢蛋黃芋丸：✨推薦✨，外層似日式可樂餅，中間似芋圓，同樣香濃芋頭味😍，內饀是蛋黃。太好食了！一人KO兩件都得。味道：🔅🔅🔅🔅🔅新鮮：🔅🔅🔅🔅🔅分量：🔅🔅🔅🔅衛生：🔅🔅🔅🔅速度：🔅🔅🔅🔅（5🔅為滿分）

7點左右都全場爆滿, 但勝在出餐好快轉流都快，我地叫左肉鬆起司蛋餅，肉鬆起司蛋餅真係好正，蛋餅即叫即煎夠哂，有可以拉絲嘅cheese，即叫即整，熱辣辣好香口，但芝士份量可以再多啲就好。雞排魯肉飯，雞排正常發揮 好大件雞，魯肉有肥有瘦，瘦的也不柴，吃到台灣地道風味，配埋底層既魯肉飯，成個配搭無論係視覺定係味道都好和諧。魯肉飯 d肉塊軟滑入味，全部撈埋一齊，簡直係一絕。香酥排骨麵，排骨炸得非常酥脆，係椒盬味。豬扒淋身，可以話係好juicy，整體係好食嘅，尤其個炸粉真係出色。芋圓芋泥仙草，非常足料的甜品，芋泥份量十足，口感綿密，不會太甜。芋圓不會粉粉的，有彈性，仙草比芋泥更少甜，很消暑。

呢間小店長期排長龍，顧客可以喺排隊時揀定食咩。小編係平日晚飯時間排咗約15分鐘。由於店內多數二人枱，多於二人可能要等耐少少。蒲入餐廳，好多紅燈籠高掛作裝飾，牆壁上亦有油畫，好有台灣feel👍🏻蕃茄牛肉油麵 $60欣賞蕃茄湯底真材實料🤤🤤🤤，好稠😍，好掛湯，食完唔會口喝👍🏻。有四片牛𦟌，但如果可以再都淋少少就perfect 啦，中間牛筋位偏硬🤔。香酥雞排魯肉飯 $55雞排份量唔少🤤！蓋住全個飯底。酥脆唔界口，只是略嫌有少少乾。不過有魯肉濕下口好啲嘅～肉鬆起司蛋餅 $37正常發揮啦～不過蛋還蛋，餅還餅，冇完美mix埋一個味嘅感覺。肉鬆份量唔少嘅～QQ地瓜球 $37是日小編最愛🤤！大推😍😍😍黃色地瓜球：外皮用黃肉蕃薯，餡用紫芯蕃薯。地瓜球上的粉偏甜。紫色地瓜球：外皮用紫芯蕃薯，餡用黃肉蕃薯。地瓜球上的粉偏咸。外脆，內煙韌，就算食到最後凍咗都好好食（當然熱食最正啦）。小編上網睇過地瓜球製作方式好繁複，要先熟至軟爛，再落粉搓，再於油炸時不斷按壓。咁多功夫嘅地瓜球裝滿先至$37 （小店仲要玩外皮同餡不一樣，功夫就更多！)價錢簡直超值👍🏻百香果綠茶 $10 （跟餐）走甜真係100%走甜👍🏻結論這小店

小店以台灣九份老街為裝潢設計，天花板掛滿紅燈籠，採用木系枱凳，主打多款特色台灣街頭美食，讓人彷彿身處於台灣。店內環境雖少但五臟俱全，食物價錢親民且地點方便，值得到訪。主食有香酥排骨米粉，排骨分開上十分貼心，有成四大塊，外皮炸至酥脆，肉質嫩滑，啖啖肉，調味啱啱好，食落唔油膩，好有驚喜，米粉吸飽湯汁，入口滑嘟嘟，建議可以撈埋滷味拼盤食。蛋餅款色眾多，要咗原味同粟米，餅皮軟中帶韌，厚度適中，芝士鹹香軟滑，原味更能食到蛋香氣，粟米就甜甜地，可增添口感，令到整體味道更加豐富，兩者各有千秋，但個人喜歡前者。滷味拼盤包含百葉豆腐、雞蛋、牛肚同雞翼，份量相對嚟計偏少，似係一人份量，但勝在滷得夠入味。大大力推介地瓜球，有紫有橙，表面灑上梅子粉，咬落超級煙韌，食到停唔到口，必點😍