九份飽 (黃埔新邨佳富樓)

營業中

休息中

想當年得一間九份飽，我係有專程去過炮台山食呢間人氣台式餐廳，宜家已經開到港九新界都有分店。我不時行過公司附近的黃埔店都見到有人輪侯，餐廳唔算好大，座位有少少迫，但店內外佈置都幾有台灣特色，加上店內播著國語金曲，每次食都可以一解思鄉情。① 香酥雞扒魯肉飯 $55魯肉飯是店家招牌，半肥瘦魯肉食落唔覺油膩，個汁拌飯一流！香酥雞扒外脆內軟，炸粉唔會太厚，雞肉唔會太乾，幾香口。② 番茄牛肉麵 $60番茄湯底香濃，微酸清甜幾開胃。牛肉有好多片，不過呢碗牛肉一半腍一半有咬口。③ 薯餅起司蛋餅 $35蛋餅加起司是絕配組合，加埋薯餅口感更豐富，更邪惡！④ 酥炸魷魚 $48呢個出色，一定要趁熱食！平時食小食會叫鹽酥雞之類，今次食呢個酥炸魷魚，外層炸得香口酥脆，內裡彈牙，好好味！大推！⑤ 鳳梨荔枝 $20⑥ 百香果多多蘆薈 $25跟主食可以以$10優惠價加配部份飲品，不過有部份飲品就需以原價，我杯鳳梨荔枝有得半價幾抵飲，味道亦唔錯。

九份飽，隱匿於香港紅磡黃埔新邨佳富樓的一隅，以地道臺灣風情綻放味蕾盛宴。這裡，每一道菜都是對臺灣美食文化的深情致敬，環境雅致而不失溫馨，讓人恍若置身寶島街頭巷尾，細細品味那份跨越山海的風味與情懷。主食叫了，魯肉飯、肉質酥軟入味，米飯粒粒分明，飽吸了肉汁的精華，與肉塊相得益彰，讓人回味無窮。番茄牛肉轉刀削麵，將新鮮番茄與優質牛肉的鮮美完美結合。牛肉經過長時間燉煮，肉質鮮嫩多汁；麵條選用特製油麵，細滑有韌性，充分吸收了番茄與牛肉的香氣。獨特的削麵技巧製作而成。麵條寬厚不一，形狀各異，入口筋道十足。另外叫咗小食，酥炸花枝丸，選用新鮮墨魚，經過精細處理，加入特製調料拌勻後製成丸子，外裹一層面糊，經過高溫油炸至金黃酥脆。外皮酥脆，內裏嫩滑彈牙，每一口都能感受到海鮮的鮮美與獨特的口感。滷汁青菜，加入特製的滷汁浸泡，使得蔬菜保持了原有的綠色和脆嫩口感的同時，又吸收了滷汁的鮮香，有營養價值的基礎上增添更多風味。珍珠奶茶，將醇厚的奶茶與Q彈的珍珠完美融合。荔枝綠茶，將清新綠茶與甜美荔枝巧妙結合。抵食又有質素，走嘅時候見前面門口排長龍。

趁着暑假尾聲，同阿仔周圍行下繼續享受親子時間，睇完戲阿仔話食台灣嘢，搜尋下看到這間特別餐廳。餐廳大門很容易找，懷舊台北車站風格，門口到餐廳內外都色彩繽紛，牆壁佈置是九份大戲院，紅噹噹的燈籠，有不同的懷舊電影海報和壁畫，好像走進七八十年代的台灣一樣。懷舊魯肉飯 (小)：飯碗雖小，但飯和魯肉份量也很多，肥瘦適中，汁也足夠，唔會覺得肥膩香酥雞扒魯肉飯：飯有半隻滷水蛋，雞扒都大件很有肉，味道不錯玉米起司蛋餅：有兩條，切件分開了四小件，熱辣辣，餡料豐富，芝士很多，拉絲芝士正！QQ地瓜球：有兩種顏色，有原味和紫薯兩種味道，地瓜球配上話梅粉很開胃，比起其他一般餐廳，呢間的份量比較多，有大概十五粒左右蜂蜜綠茶：可選甜度，點了微糖3分甜，個人覺得這甜度剛剛好餐牌有很多地道台灣小吃，價錢也不貴

喺黃埔開咗一段時間嘅台灣嘢食，之前食過九龍灣分店，今日早啲收工就試嚇佢啦😝裝修都系比較有特色嘅～人流都好多😲香酥排骨米線$52比我想像中大碗🫣有台灣地道嘅風味，熱辣辣嘅米線配上香濃嘅湯底排骨份量亦都系好大🤗外層炸到金黃松脆，骨嘅部份唔多都算系淡淡肉🤣台灣香腸$37有時真系好掛住夜市嘅香腸，唔系間間台灣嘢都做得出返嗰個味，雖然份量就唔算多，但系還原都幾好可以配埋粒算一啖咬落去😋海苔肉鬆起司蛋餅$39咬落去又多重嘅口感同埋拉絲嘅芝士，食一嚿已經覺得好飽🤭其中一個呢度最推介嘅菜式就系蛋餅！懷舊鹵肉飯$35(小)有大細兩個size，可以根據自己嘅食量選擇😙鹵肉汁濃郁，好適合撈飯，鹵肉肥瘦平均，油膩感令到佢仲有少少入口即溶嘅感覺，而且肉粒好多啊！食台灣嘢就梗系要嗌埋杯台灣嘢飲啦，而且套餐仲可以以優惠價加購添，上面分別系黑糖珍珠鮮奶茶同埋木瓜鮮奶😝呢間台灣餐廳價錢又平份量大，而且食物質素都不錯，雖然有機會要排少少隊，但系都值得一試🤓

来港目前最好吃的一家餐厅没有之一，盲点的没有一道菜踩雷，强烈推荐卤肉饭，汁水和米饭融合的非常好，香酥排骨米线也让人印象很深刻，总体来说菜品都是非常精致的感觉，棒！

間位於紅磡的【九份飽】，主打台灣菜，多款台式小食及飯麵，還有台式飲品等，價錢便宜且份量十足。滷味拼盤豆腐、雞翼、牛肚、蛋都滷得入味，拼盤細細份夠兩個人分享。起司蛋餅蛋餅即叫即做，半溶芝士夾在蛋餅內，配上辣醬別有風味。鹽酥雞新鮮即炸，表面炸至金黃酥脆，雞肉保持嫩滑。番茄牛肉麵番茄湯底加了紅蘿蔔、洋葱等，味道濃郁，牛𦟌炆得夠腍。懷舊魯肉飯小份的魯肉飯份量都不少，魯肉熬至油份滲出，完全不油脂，送飯一流。

呢一間台灣特色餐廳特別正好有氣氛今日同朋友一齊去食好好味呀佢個滷肉飯佢個滷肉飯真係主打嚟㗎細細碗但係其實好入味同埋好好食食完超級飽呢間餐廳價錢適中，我覺得係接受嘅仲有話佢啲蛋餅好多款我哋嗌咗粟米蛋餅仲有嗌咗炸芋頭餅配上蛋黃，真係好特別新菜式嚟㗎熱辣辣我哋仲嗌咗炸芋丸添鹹鹹甜甜好有開胃嘅感覺仲有啊為咗平衡返原來呢度都仲有生菜俾我哋揀㗎真係好正啊炎炎夏日再食返啲凍飲嘢真係好正真係好唔錯㗎，佢哋餐廳又唔使等好耐

朋友話想食台灣野，見到六七點未天黑已經坐滿人，就簡左呢間台灣小店食。香酥排骨米粉米粉好大碗份量好夠，一份入面有4、5塊排骨，排骨表面炸得酥脆亦十分香口😋香酥雞扒魯肉飯必吃魯肉飯，魯肉飯飯粒粒分明，沾上肉汁嘅飯好滋味，配上醃蘿蔔真係肥而不膩。薯餅起司蛋餅蛋餅表面脆脆，咬開有厚厚的起司餡，可以有拉絲效果😛，配搭脆口嘅薯餅，係澱粉狂嘅至愛😍QQ地瓜球地瓜球有分開紫薯同紅薯兩款，但同台灣食開嘅地瓜球有少少唔同，中面有煙煙韌韌嘅蕃薯餡，要小心咬開入面熱辣辣嘅餡，因為真係會辣親嘴🤭🤣總括嚟講成餐每一樣份量都好足，整體唔錯，cp值相當高👍🏻。題外話呢間分店嘅裝修以舊戲院做主題，門口有紅磚九份街頭打卡位好有心思。

3隻小豬👧🏻🐖聚食台灣野👣這一間台式餐廳個裝修超靚入面既環境好有台灣既感覺 充滿住懷舊感🥰野食CP值又極高🫶🏻✐番茄牛肉米粉主食方面 我地叫左牛肉米粉牛肉有成6-7片 勁多😍個米粉都勁大量湯底濃濃番茄🍅味 好食小食🫶🏻食台灣野一定要叫小食❗️重點💯✐QQ地瓜球個地瓜球上果時超熱 入面一咬係流心既😍😍無限加分 好好食🤤 外脆內軟 夠煙韌同埋份量真係好多 🤣✐台灣香腸好香 配埋蒜片一齊食 出色🫶🏻✐薯餅起司蛋餅蛋餅起司好香 softsoft😚🫶🏻必點甜品🍧✐九份芋圓（冷）✐芋頭仙草芋圓甜品方面 芋圓煙韌非常好食而碗芋頭仙草入面勁多一粒粒既芋頭👍🏻👍🏻正野飲🍸✐百香果紅茶✐荔枝綠茶

我比$64買一大舊仙草同一堆碎嘅漂浮豆花得少少芋圓同小丸子….我唔覺得呢個價錢買呢個質素係合理…唔會再食第二次…希望改善下食物質素啦…（利申呢兜嘢我打開個蓋已經係呢個樣我一啖都未食

九份飽其實都食過好幾次，次次都食魯肉飯😆之前見佢有下午茶優惠但都好難夾到時間食今日早收工一嚟就嗌咗個雞扒魯肉飯先，一如以往地好大塊雞扒，亦炸得好好食，肉質亦唔會老！份量都夠一個大男人食～朋友唔太肚餓就叫咗海苔肉鬆芝士蛋餅 上枱都有四件 食到晒每一樣嘢嘅組合😆蛋餅夠脆口 又唔會油膩 芝士溶咗好棉滑好夾見佢除咗有地瓜圓，仲有蛋黃芋丸，就即刻嗌嚟試下！😆原來係兩個概念嚟，粒芋丸有半個拳頭咁大！係蛋黃碎融入咗芋泥，炸到爆餡，但都係一啲都唔油膩見佢新出咗蔥油餅，中式成日食，台式嘅原來係手抓餅+香蔥口味😆都好啱我口味，同蛋餅一樣係配辣醬，都幾夾最後仲想坐多陣就嗌埋甜品，芋頭仙草芋圓，仙草係一大舊，而芋圓係彈牙嘅😍有晒三隻顏色，仲有小丸子同珍珠！不過就略嫌唔夠凍，因為佢唔係沙冰底

呢間小店主打台灣小吃，味道地道，讓人回味。台灣擔仔油麵，擔仔油麵彈牙爽滑，湯底香濃，配上肉燥，每一口都充滿台灣街頭小吃的風味。肉鬆起司蛋餅，蛋餅內裡有濃郁的芝士和香甜的肉鬆，口感豐富。鹽酥雞外皮炸得金黃酥脆，份量都幾多。內裡肉質鮮嫩，鹹香適中。滷味拼盤包括4件豆腐、一隻雞翼和半隻滷蛋及牛肚絲。豆腐、滷蛋入味；牛肚爽口；帶有濃郁的滷香，一人食最適合。飲品伯爵紅茶茶味濃郁。而黑糖珍珠奶茶甜而不膩，珍珠Q彈。

好耐都冇去台灣玩吓，好彩搵到間出名又正宗嘅台灣嘢食解吓思鄉之病，唔想煮飯就一家大細出嚟食餐晚飯！🍽️ 蕃茄牛肉米粉要揀啲lisboy都可以食到嘅菜式，台灣嘢食就最好不過啦，呢個蕃茄牛肉米線，全部都係Lisboy最愛嘅嘢食😋蕃茄湯濃郁酸酸甜甜，牛肉除咗牛腱牛腩，米粉易入口成個配搭都好開胃！🍽️ 香酥雞扒滷肉飯而我就最掛住正宗傳統嘅滷肉飯💓配埋酥炸嘅雞扒當然食出台灣滋味，雞扒酥炸到香脆仲有雞肉嘅肉汁保留喺入邊，總括而言個雞扒係好有台灣味的🍚無得輸！🍽️ 香酥排骨油麵酥炸排骨都係其中一個好掛住嘅小食之一，呢間嘅台灣食店炸出嚟仲保留肉味真係比較難得！右面就不過不失😋🍽️ 玉米起司蛋餅小食最後叫咗呢個粟米芝士蛋餅，啱啱煎好嘅蛋餅配埋芝士半溶化嘅狀態真係絕配，鹽粒粟米香甜， Lisboy食到舔舔脷😍

記得都好多年前，有一次去北角，見到有間野裝修得幾靚又有人排下隊咁，就趁墟排埋一份。今次同上次差唔多，去開黃埔，周圍行搵食，又再一次遇上。分店裝修係一樣充滿懷舊味，價錢同我記憶一樣咁抵食。冬瓜茶（$10）、珍珠奶茶（$23）叫主食就可以用優惠價$10加部分飲品，就算無優優價，珍珠奶茶都係$23，抵過街邊鋪好多。懷舊魯肉飯-小（$35）魯肉飯係用上細細粒嘅五花腩，唔係用肉碎黎煮咁hea，所以會香好多。蕃茄牛肉米粉（$60）蕃茄湯係杰杰地咁偏濃，米粉份量勁多，牛肉係用左牛𦟌，薄切放係面。玉米起司蛋餅（$33）、鹽酥雞（$38）蛋餅入面塞滿左芝士同粟米，唔好睇小佢得四舊，食完兩舊已經好飽肚，鹽酥雞係食台灣野不可或缺的吧～ 。@jiufenfull 。#gpigwhampoa

九份飽台灣小店質素唔錯，我之前都去過好幾間分店。又唔貴，CP值算高，所以成日都要等位。今晚冇乜人，我哋排咗10分鐘就入得，應該係因為落雨啦！位於黃埔新村嘅分店，地方唔算大，但佈置依然好有台灣氣息。朋友叫咗雞排魯肉飯，雞排大大件，魯肉肥瘦適中，好軟滑入味，帶有有台灣地道嘅風味！我就點咗台灣擔仔油麵配料豐富，有蛋，大蝦，魯肉，肉丸和酸菜，麵條彈牙，味道很好，台式味道濃郁！肉鬆起司蛋餅台灣早餐必食之選！肉鬆與起司的組合相當配合，味美。蛋皮鬆脆度啱啱好。仲有可以拉絲嘅cheese，熱辣辣好香口！台灣香腸台灣夜市必食！配合蒜片食用，夠哂香口！飲品荔枝綠茶加蘆薈 蜂蜜檸檬蘆薈清甜可口，又解渴！