久両菜

喺中環街市久兩菜用餐絕對係一個非常愉快嘅體驗，一入座見到滿有懷舊風情嘅餐具配色，充滿家的溫馨感，為整個晚餐定下輕鬆開心嘅基調。頭盤花生同榨菜非常開胃，花生煮得腍身，榨菜微辣微酸，帶出一點刺激味蕾嘅感覺。重頭戲豆皮沙律真係一試難忘，豆香濃郁，配埋爽脆嘅蔥絲和調味醬油，食落清新又唔膩口，質感滑溜，醬汁帶出豆皮原味，而上面淋上嘅辣椒醬油更加惹味，香辣適中，食完令人食慾大增。主菜清蒸魚肉質鮮嫩，魚味非常突出，可以根據自己喜好配搭微辣或甜味蘸醬食用，魚肉無腥味，證明材料夠新鮮，處理得好細心。每一道菜都保持水準，加上細緻的擺盤和傳統風格嘅食具設計，令用餐儀式感十足。整體體驗非常滿意，無論係味道、氣氛定服務都令人想再次回訪，值得推介俾鍾意地道風味同用心料理嘅朋友。…Read More

主打新派潮州菜嘅 「久両菜」聽講滷水同出邊唔同 採用低溫慢煮方式，試完確非常入味反沙芋炸香口軟綿 唔食芋頭嘅我都覺得好味 好鍾意佢哋嘅懷舊風風裝修 最鍾意佢嘅大排檔vibes播好多香港懷舊歌 仲係用戰鬥玩飲大啤架 🍻脆炸蠔餅 🦪炸到好酥脆 蠔仔份量好慷慨 鵝喔鵝喔鵝喔 🦆滷水香鮮甜入味 額外加咗鵝片超好食 採用最頂級嘅獅頭鵝 肉質肥美香嫩又豐厚潮式反沙芋 💜平時完全唔食反沙芋嘅我都食咗兩嚿 個糖皮好酥脆薄身 入面芋頭都好軟綿…Read More

潮州菜係我較為喜歡既中菜，位於中環行市既「久両菜」由名廚邵德龍師傅夥拍潮州師傅與Lubuds Group主理既首間手工潮州菜餐廳，lunch過去試下迷你燒椒皮蛋味道無我想像中咁辣同惹味，比較淡口迷你蔥油腐竹腐竹被蔥油既香味包圍住，但又唔會話好濃味，清香爽口迷你滷水拼盤有橙色墨魚、豬腩肉、豬大腸、豬耳、紅腸、鵝件等等既滷味，每款都滷得好入味牛肉清湯鮮牛小排河粉牛小排肉質唔會過老，牛肉清湯有著濃郁既牛味，有種似食緊越式湯河既味道牛肉清湯潮式三寶粉麵叫左牛丸、魚片頭、墨丸米線，牛湯絕對係成碗粉既靈魂，味道都唔錯沸騰魚湯湯鮮魚片米線魚湯無我想像中咁濃郁但都嚐到魚既味道，魚片嫩滑，加左辣味道更加有層次，但整碗我都係覺得有少少魚既腥味食物質素同味道都不錯，Lunch time時段好多人，所以係搭枱咁坐，但呢個價錢其實都算中環餐廳價，我就覺得坐到好似食茶記咁，茶記既坐位，無服務都收加一，中環打工仔既宿命，硬食…Read More

好耐無食，老實講，味道ok嘅。但服務好差！今日去到發覺唔見嗰塊是日快餐嘅黑板仔，咪直接去櫃位落單。我問快餐係乜，個收銀黑面話日日都係鵝同白切雞㗎啦，佢塊面黑到咧，眼神極唔耐煩咁。跟住佢問我飲湯定可樂，我答湯，佢先講要加$5，我咪轉可樂，佢塊面仲黑。第一，我係客，我唔會知你餐廳何年何月何日轉咗咩menu，問一句好閒第二，有咩理由俾人揀餐飲之後才講要加錢，加唔加錢去換野飲亦係我嘅事，你黑咩面唔落comment 都唔知原來唔單止我覺得佢d人服務態度差！咁嘅伙計，倒米！…Read More

今晚同屋企人去食飯，本身開開心心去食佢個炸蠔餅，點知俾佢啲服務攪到唔想再幫襯！我哋好早去到，六點幾用餐，食到飽飽，傾吓計諗住抖下再食埋未食完嘅嘢，當時隔離左右後面都仲有空枱，外面都無人排隊等位，有個女侍應，頭髮到膊頭位嘅女侍應埋嚟話”食埋啲嘢先啦”，我哋4個都呆左，我答佢我訊息哋等陣會食！我想問翻，你入場有無話限時？而且我食都未夠一個鐘喎！壽司郎都唔會埋嚟叫係食快啲呀！呢啲係咩服務態度？咁巴閉限時啦！半個鐘要人食完起身啦！一個鐘未夠你咁樣態度？我唔會再幫襯你！…Read More

食物好細碟，魚，要5百元，不是好食到呢d價錢，鹵水過，醎最差是服務態度，90分鐘用餐，不用黑住臉說你們差不多夠鐘，但有吉枱，應該不該不會有下次。呢d價錢，可以有其他選擇。…Read More

中環街市一家新潮的潮州菜，佢D野碟頭比較細，所以可以叫多D野試，就好似我地兩個人就叫了四個餸。蔥油腐竹係呢度嘅廚師推介，算係餐前小食，味道唔錯，清清爽爽咁。春菜雞煲就頂替咗平時嘅炒菜，佢D春菜都幾新鮮，個湯唔太鹹可以飲埋佢。糖醋麵真係好食，不過係花時間整嘅，所以如果要叫就最好一坐底就叫咗先，然後先至慢慢睇其他餸菜。個麵夠香脆，食得出用高湯燴過嘅味道。普寧炸豆腐都唔錯，入面嘅豆腐都算滑。呢度嘅茶位比例驚人，要$18一位，仲要加一，即係差唔多$20一位。…Read More

聽呢間餐廳個名聽咗好耐今日終於可以有機會試到，新派嘅包裝去做懷舊嘅潮汕風味菜果然係別具特色。要講潮汕風味點少得佢嘅鹵水鵝，我哋叫咗個鹵水鵝肉拼鹵水豬手，佢個鹵水都幾香，份量亦都畀想像之中多，始終呢啲新派嘅餐廳有時畀啲份量好得人驚㗎。你煮食就叫咗糖醋麵，落單嘅時候是話我哋知要等45分鐘，搞到我哋好期待，佢個糖醋麵又真係唔錯，煎得夠薄夠脆又唔會太過油膩。佢啲裝修都幾有特色幾靚㗎，價錢略高但係味道同埋服務都滿意嘅。…Read More

呢間嘢點解可以開係中環，呢鑊真係搞兩錯，我1150入去話十分鐘兩個人就齊，佢叫我喺出面罰企，我知道午市多人，但係我見到裏面大把空位， 我講明話十分鐘齊就一定齊，叫我企喺門口， 馬上掉頭走 幾好食都係假，潮州佬,返去北角深水埗開舖啦，中環講禮貌唔啱你，扯把啦…Read More

中環街市有一間潮州菜館叫久両菜，係煮D 新派慢煮滷水拼盤有潮式凍魚有生醃海鮮有反沙芋有煎蠔烙，佢都有LUNCH SET的，係食打冷的，招牌係由邵師傅特別調製的邵師傅辣滷水，滷水豬雜，有加入了潮州南薑、四川花椒等香料，味道增添麻香滋味。其他滷水菜式還有滷水米鴨滷水墨魚滷水豬腩肉滷水豆腐，LUNCH SET得好少滷水同肉肉的。久両菜地址：香港中環德輔道中80號及皇后大道中93號中環街市一樓124至125號舖…Read More

高肥男收銀員態度極度惡劣,沒有耐心, 影響就餐體驗,收服務費但0服務,以後不會再光顧 請整頓人員態度, 態度非常惡劣,不會推薦。十分痛苦不堪的體驗, 該男服務員缺乏應有的服務態度，實在失望。…Read More

🥰 大學時期, 某 學長 經常講 “久両菜”, 聽到一頭霧水, 原來佢意指 “攪L錯”. 早前聽聞 中環街市 新開咗間潮州菜, 取名 “久両菜”, 真係咁大膽?📖 翻查資料: 原來 “久両菜” 意指 抵食夾大件. 聽講港式中餐 “例牌” 嘅主料為 “六両”, “九両” 即係 “例半”, “九両菜” 當例牌菜上枱, 物超所值, 九變久, 取其長長久久. 英譯 Gu Liang Cai.🏘️ 餐廳位置中環街市一樓, 半開放式, 即係路人甲乙丙都可以睇到食客, 設多張圓枱方枱, 部份單邊梳化位, 裝修擺設扮懷舊, 又霓虹燈, 有趣!📖 餐廳屬 Lubuds 集團, 由名廚邵德龍師傅夥拍潮州師傅主理. 今晚點咗幾道熱門菜: 鵝片, 鵝肝, 潮州生醃蝦, 金不換花甲煲.🥰 鵝片 併 鵝肝, $198. 鵝片, 第一啖鹵水味道吸引, 鵝肉唔勒, 但鹵味唔入肉, 又缺乏甘香. 鵝肝, 非常軟棉, 雪糕口感, 可惜食落內外有溫差, 鹵味又係攻唔入, 失望!🦐 潮州生醃蝦, $188. 喂, 真係唔夠味喎. 配汁偏淡, 又黐唔住隻蝦. 🐚 金不換花甲煲, $228. 花甲啱啱熟, 肉嫩鮮美, 金不换提鮮又搶味道, 可惜湯汁太少.🤗 總結: “久両菜” 走中檔路線, 茶芥位位 $18, 開瓶費 $200, 半大排檔格局, 座位舒服, 適合傾計. 論食物, 材料還可以, 但味道與期望有落差, 鹵水唔夠入味, 生醃蝦又不知所措, 係性價比同地理位置有優勢.…Read More

作為中環返工嘅打工仔，真係時時刻刻都要搵平靚正嘅午餐🤭🤭介紹下佢哋既精選午餐飯盒我都食過好幾次，雖然每次都係鵝件切雞飯但其實都好抵食同埋好味，仲會跟一個例湯我覺得佢嘅例湯唔多味精幾好飲…Read More

(又時光倒流寫食評先😜😜）20/10/2023今晚同10月份生日朋友慶祝去咗中環街市一間新開嘅潮州菜‘久両菜’五個人叫咗：滷水鵝片： 滷水入味、鵝片份量足夠、墊底豆腐都好食。煎蠔烙：炸得香口，雖然蠔仔數量唔想話十分多，但係每隻都好大粒。糖醋麵：表面夠脆，但內裏啲麵有啲濕，但係整體上都好食嘅。蜆介鯪魚球：鯪魚球係新式的，入邊唔夠彈牙。蜆介味道出色。炸軟殼蟹：炸得好吃，如果可以配埋沙律醬就更加好😬蒜蓉炒生菜：正常發揮食物都唔錯、環境主打懷舊款、播嘅歌都係懷舊嘅 （歌曲好聽、不過咁啱我哋坐正喇叭下邊，所以好嘈🫣🫣）、侍應除咗門口帶位(完全吾識變通）嗰個之外，其他都好好。暫時冇限時。…Read More

每次路过中环街市，都会看到这家潮州菜餐厅，这次，终于有机会前去打卡啦～买完单之后，不得不感叹，香港的物价真的高，明天继续过深圳吃喝玩乐，hiahiahiahia～.🍃关于环境：这家餐厅位于中环街市一楼，总体环境ok营造出了潮州大排档的感觉，氛围满满座位还是很丰富的，还有超大大圆桌，适合大部队聚会生意很好，还等了一会儿位💁关于服务：不得不说，这家店的服务还是很ok的算是人手比较足的，虽然生意爆满但大家也都游刃有余…会主动给孩子拿宝宝碗，还会主动添茶倒水🦆关于出品：💗卤水鹅肠 💰168OMG！！！太好吃吧！其实就是想吃卤水鹅肠才pick了这家店果然没有让我失望卤水咸淡适中，相当入味🤣沙茶牛肉 💰168请避雷………太咸了！！！虽然牛肉很鲜嫩，但调味实在是太咸了💰18大洋的米饭🍚硬是又多叫了一碗（这个米饭的量原本也确实有限，很小一碗，根本不够share）💗椒盐九肚鱼 💰158很好吃，但是上得很慢……其他菜都吃完了，它才来外皮相当的酥脆面衣轻薄，不会过于厚重里面的九肚鱼嫩得很.出品很不错，味道相当ok就是下次不点米饭了，点白粥………这样一来…💰20被强迫下单的咸菜铺也能派上用场了…Read More