丼燃食堂

營業中

休息中

要食到好味又抵食的丼飯，真係唔太多選擇！但係旺角呢間丼燃食堂，兵仔同娘娘都鐘意🥰本身唔太鐘意食魚生，所以揀咗2款熟食的丼飯。每個丼飯都提供四款醬汁：海膽醬、明太子醬、韓式辣醬、蜜糖芥辣醬、芝士蟹籽醬選擇。👍🏻💂🏼《虎燃四皇丼》$118😋呢個我揀咗芝士蟹籽醬，配埋炙燒過的魚生同軟綿的壽司飯超match😍丼飯包括有左口魚邊，三文魚，蟹棒，赤蝦同蟹籽，所有食材都灸燒過，食落有微微嘅焦香，燒完仲將魚生的油份逼出，魚油mix埋醬汁同飯食簡直無得彈👍🏻評分: 88/100💂🏼‍♀️《乜蟹都有丼》$138呢個丼就揀咗明太子醬，一上枱就見到一個超巨型的蟹蓋😍非常打卡able，旁邊仲鋪滿蟹棒、蟹肉、蟹膏、蟹子，成個飯大過隻手掌！成個丼飯都食到蟹的鮮甜，蟹膏鮮味同壽司飯完美融合，再配埋蟹肉的鮮嫩和爽口的蟹籽令成個飯更有層次。評分: 85/100💂🏼‍♀️《牛牛牛牛牛卷》$98呢個係必點菜式，但有限量供應，上枱後會有店員在面前點火，呢個時候好適合即刻拎電話出黎打卡影相📸️啲火會圍住壽司碟燃燒，個畫面好靚好有驚喜！壽司用A5和牛包住，餡料有蟹柳、青瓜及牛油果🥑，令到唔會太膩，外面仲加上炸蒜粒，超香脆惹味，睇返都想食

📸 丼燃食堂呢排心血來潮日日都想食魚生男朋友就帶我黎食佢最中意既丼飯店位置非常方便 係旺角新寶戲院附近裝修以紅色橙色為主 非常起眼最有Gimmick既一定係盲盒丼飯 $198由廚師發辦增量飯不過為食妹好多款魚都唔太食就無叫到今次揀咗2款都係店鋪推介既款式🍴九公丼 $178顧名思義就係有9款唔同配料海膽｜三文魚｜三文魚籽｜牡丹蝦蟹肉｜時令魚｜帶子｜拖羅蓉｜酸薑最有驚喜係拖羅蓉🥹🥹🥹 食落口唔腥又好綿滑 仲好啱送飯8款魚生完全係大滿足🥰大胃王們仲可以免費添飯架🍴虎燃四皇丼 $118可以自選醬汁海膽醬✅｜明太子醬｜蜜糖芥末醬｜芝士蟹籽醬左口魚邊｜三文魚｜蟹籽｜蟹棒｜赤蝦一碗有齊曬為食妹既最愛🤭🤭價錢仲要非常實惠魚生經火炙後食落更香更惹味🥤白桃冷泡茶 $15大大枝雪到凍冰冰白桃味撲鼻 飲落茶香而不澀最好就係無糖 飲完0罪惡感🍘 小食方面都幾多選擇之前試過一口芝士同蟹肉薯餅都係即叫即炸 香脆可口今次就叫咗芝士年糕 $28 2件同埋金龍卷 $68上枱之後店員會點火 夠曬打卡able卷物足料重手 面頭仲放咗鰻魚回頭指數 💛8.5/10📍 旺角花園街3-5號鴻威大廈地下6號舖

呢間長期人氣爆燈，之前食過覺得好味又經濟實惠☺️因為而家食最平迴轉壽司都要人均過百蚊價錢，一碗優質丼飯先$68起，最平丼飯都係$48🤩今次叫返佢地嘅招牌虎燃四皇丼呢個我俾5個星星🌟首先材料豐富有三文魚、左口魚、虎蝦、蟹柳，全部刺身都非常新鮮👍加埋海膽汁，正😋焦糖三文魚卷呢個好吸引，成個火圈圍住三文魚卷🤩焦糖令到三文魚食落更鮮更甜，真係超正😚😚一口芝士(3件）真係一口就食完，芝士外脆內軟😙海膽忌廉餅（2）非常流心嘅口感，入口香滑juice🥳外層又夠脆芝士年糕（2件）我最愛❤️❤️幾時食都係咁好味😍非常鍾意呢種煙煙韌韌嘅口感🤭蟹籽沙律份量比想像中多，入口非常清新，好開胃😊桂花烏龍茉莉烏龍兩支茶都好岩飲，特別係食完熱氣嘢👍溫泉蛋用嚟配埋佢個丼飯，零捨match😚秘製三文魚鰭（(2件）三文魚肉非常嫩滑，而且又唔會過柴🤤🤤鰻魚玉子燒入口非常juice,而且充滿蛋香，加埋鰻魚非常滋味👍

呢日做完嘢之後，實在太攰，冇乜胃口，但又想搵啲嘢食吓，見到呢間舖頭幾特別，有晒自己嘅吉祥物咁。見到佢有鰻魚玉子燒，兩件都只係$28，所以叫咗嚟試下。佢個玉子燒都幾滑，不過鰻魚就少咗啲，識到個味道，但係食唔到個口感。另外仲叫咗個黑松露鵝肝多士，佢啲黑松露都幾濃味，未食到已經聞到好勁。不過個鵝肝唔夠香，如果可以向啲就好了。然後叫咗四款刺身，分別係左口魚，鮑魚，蟹肉同埋海膽。其中佢啲海膽都好鮮甜，不過佢就冇跟紫菜俾人食。然後佢隻鮑魚都真係幾大隻，係整糖心蛋嗰隻醬汁嘅漬醃鮑魚，甜甜地咁幾好食。然後見佢有一個特別嘅牛牛牛牛牛卷，個賣相都幾，因為會燒着佢。最後叫咗個蜜桃烏龍茶，佢呢個差無糖嘅，聞落都好香蜜桃味，係唔錯嘅。

👎🏻👎🏻👎🏻一開始被個名吸引到，再睇餐牌個蟹丼就已經好想試，再睇返附近都無類似食刺身丼既鋪頭，所以就決定入去試下乜蟹都有丼($138)蟹蓋放中間，擺起好有氣勢，簡左海膽汁，蟹棒加海膽汁好夾，蟹鋏如果更多蟹肉就更滿足自選丼👎🏻👎🏻👎🏻大家可以按自己喜好揀刺身，今次先揀壽司飯底($15)、三文魚三片($32)、火炙三文魚三片($32)、牡丹蝦($42)、海膽($68)，海膽算鮮，其他刺身不過不失，自選丼無配醬汁，丼同刺身比較分離，無統一既感覺，全個丼加加埋埋一共$189，選擇返預設既丼會比較化算平日lunchtime都再有食過，價錢會平少少，但整個丼份量係偏少食唔飽，所以應該唔會再試

☞ 呢間之前都想食好耐，佢地既丼飯同卷物賣相都好吸引🤣前排去開旺角登打士街附近就決定一試～🍴牛牛牛牛牛卷（$98） ❖ 呢個係打卡必叫😆📸 佢係一個和牛、牛油果、炸蒜片嘅卷物，侍應哥哥會用火槍燒一燒個底盤，炸蒜片好香口，清哂啲蒜片咁濟🤫 🍴日本牛牛牛丼（$178） ❖ 呢個牛丼同一般既牛丼唔同，以日本和牛但用上類似漢堡扒嘅做法🙆🏻‍♀️最特別嘅係個紅酒藍莓鵝肝！食落好甜好creamy，再加上有魚子等配料超滿足🥰 🍴乜蟹都有丼（$138） ❖ 簡單講就係全蟹丼😚大大個蟹蓋喺上面啱晒打卡😏入面有蟹肉、蟹腳、三文魚籽、蟹鉗，啖啖蟹肉再配上明太子醬係撈飯一流！🍴白桃烏龍（$15） ❖ 行出去附近買一杯野飲都廿幾蚊既時候，呢個價位一樽白桃烏龍黎講絕對唔貴🤣味道正常，有淡淡既桃香味👍🏻

此店店名頗為有趣,叫丼燃食堂裝潢及宣傳海報都做得好搶眼有種好強烈的日本漫畫風格令人行過經過都會被吸引著貿朋友二人點了牛牛牛牛牛卷,乜蟹都有丼及九公丼兩個飯先說牛卷,這道絕對是打卡影相之作因為店員放上檯後就會用噴槍燃點碟邊四周燃料令壽司卷可以保持住新鮮熱辣暖笠笠卷物最外層的是日本A5牛肉薄片內裡有蟹柳及青瓜,細細粒一口可以食得落雖然牛肉份量較少但牛味算濃連埋旁邊的炸蒜一齊食就特別香口至於乜蟹都有丼最令人驚喜的是原隻蟹蓋上蟹蓋有整個真人臉頰一樣大小拎開蟹蓋後是份量頗多的蟹膏,蟹肉及蟹籽還有一條條蟹棒和兩隻蟹鉗全部鮮甜多汁,跟軟綿壽司飯撈勻一齊食超好味再加上自選海膽醬確實食到停不了口另一道九公丼共有九款餸包括三文魚、海膽、三文魚籽、牡丹蝦、蟹肉、帶子、左口魚裙邊、拖羅蓉等所有大家喜愛及常食的刺身都有一次過滿足晒各位尤其值得一讚的是解涷時間剛好不過太冰涷而影響了鮮味及口感飲品方面其實店家都有提供免費茶水杯上文字好搞笑,叫元氣水飲完應該精神百倍不過我亦點了瓶茉莉烏龍茶香清清淡淡,食完壽司飯後飲,解膩解滯確不錯

旺角嘅女人街集齊多種國家美食，眾餐廳之中今日揀咗食丼飯，有多款刺身丼/火炙丼，亦有期間限定丼。說到季節限定，今期有牛牛牛牛牛卷$98(限量供應)，上菜時，職員即場在我們面前點火，成件事太精彩了，有得睇又有得食。看似一嚿平平無奇嘅牛肉飯捲壽司，和牛肉片味道香濃，薄薄的一片瞬間在口腔中融化， 另外有日式甜蛋及蟹柳作餡料，米飯唔會過於死實，蒜片脆卜卜又香口，食落卻很有驚喜。激突三文魚丼，內有:帶子/甜蝦/三文魚/三文魚腩/三文魚籽。 滿滿的，堆到成座山咁高，難怪叫激突啦。帶子又肥又大隻，好厚肉。整體刺身全部都好新鮮，特別係三文魚腩肥美又爽口，用厚切形式呈現，口感十足。三文魚子拌飯，咸鮮香口，好味到停唔到口。虎燃四皇丼$118(屬火焰丼飯)， 有齊三文魚/左口魚/ 蟹棒/赤蝦/蟹子，特別是這個丼飯可自選醬汁:海膽醬/明太子醬/蜜糖芥辣醬/芝士蟹子醬。火炙把刺身油分釋放出來，特別是左口魚邊，甘香肥美，充滿油香。餐廳好大方，蟹子分量十足。餐廳裝修風格鮮明突出，以紅色/火焰/老虎為主提，讓人有一種很有活力的感覺， 菜式名有趣而玩味十足。牆上嘅設計原來可以提供食飯掛袋，善用空間，實在太有趣了。

Badboy約咗喺旺角返工嘅朋友食個lunch，揀咗間佢想試好耐嘅日式丼飯食堂。朋友好欣賞呢間餐廳嘅desigh，話設計得好吸睛。九公丼$178海膽/三文魚/三文魚籽/牡丹蝦/蟹肉/時令魚/帶子/拖羅蓉/壽司薑好豐富嘅刺身丼，海膽同三文魚籽都好鮮甜，帶子細細子爽口彈牙，拖羅蓉好細嫩。乜蟹都有丼$138蟹棒/蟹肉/蟹膏/蟹鉗/蟹籽/蟹蓋限量供應。真係乜蟹都有🤭可以揀配咩醬汁，badboy揀咗海膽醬。蟹蓋好大個，啱晒打卡🤭蟹膏比想像中多，蟹鉗細細隻已剝咗殼方便食。蟹棒彈牙甜甜哋唔錯。蟹肉有燒過有少少香味。桂花冷泡茶$15樽裝上，好清香濃郁嘅茶，幾好飲👍🏻舖頭雖然唔算大，但啲座位都唔狹窄，其中一邊仲有勾俾你掛袋上牆，善用空間。

🔥虎燃四皇丼 $118 🦀乜蟹都有丼 $138🐮牛牛牛牛牛卷 $98🔸唔係第一次食呢間火炙丼同特色卷物專門店，店內裝修形象鮮明好有特色，打卡靚！聽講佢地出咗和牛單品就嚟試下先😀🔸虎燃四皇丼係呢度嘅皇牌炙燒丼飯～有齊左口魚邊、三文魚、蟹棒、赤蝦同蟹籽，絕對大滿足😍我配咗芝士蟹籽醬，全部材料都好高質，最鍾意係赤蝦有成三隻，而且鮮甜，而左口魚邊係大大片咁上，油香十足👍🏻🔸乜蟹都有丼我配咗明太子醬，佢除咗打卡嘅蟹蓋之外，有齊肉，膏，棒，籽，鉗，非常豐富，而且選材新鮮😍🔸和牛卷物係期間限定，上菜時卷物兩邊會有啲酒精海鹽，店員會點火營造打卡視覺效果📷～雖然我會話塊牛可以大塊少少，但食得出係靚牛（用咗A5和牛），所以食落味道係好唔錯😎

自認係一個飯桶，正所謂冇飯不歡，尤其係鍾情日本米。今次介紹嘅《丼燃食堂 》就一定滿足到我。丼燃食堂位於旺角花園街，門口好醒神嘅霓虹燈招牌好快就吸引着我入去。餐廳主打日式丼飯，每一款都係材料爆滿，啱晒我嗰啲食極都唔飽嘅人。有別於傳統嘅日本餐廳，佢哋每一款丼飯都有4款醬汁可以選擇，分別係海膽醬、明太子醬、蜜糖芥茉醬和芝士蟹籽醬。虎士山丼 $148聽個名就知道依款丼飯係富士山嘅形狀，用咗多款魚生：三文魚蓉、拖羅蓉、帶子、蟹肉、三文魚籽、黑松露。第一啖就食到面頭嘅三文魚籽同埋黑松露，三文魚籽嘅海水味同埋濃郁嘅黑松露係口腔久久不散。另外第二層口感就係三文魚蓉同埋拖羅蓉嘅魚鮨同埋綿密口感。第三就係帶子同埋蟹肉嘅鮮甜味，三重味道同口感真係好有層次。月肝肝鰻魚丼 $148好多片唔同嘅鰻魚堆砌成一個小山丘，上面同樣放咗炸蔥絲同埋黑松露。鰻魚外層燒到焦香，再加上帶甜嘅日式鰻魚汁，口感極之軟腍又充滿魚鮨香。另外月肝肝就係鵝肝，煎香嘅鵝肝入口即溶，好濃郁又唔油膩。金龍卷 $68店員送上嚟嘅時候會用火槍點燃，第一時間梗係打張卡先。金龍其實就係鰻魚，壽司亦放左蟹籽，壽司內餡就係炸蕃薯。味道有鰻魚嘅鮮甜同埋炸蕃薯嘅

🍽️ 丼燃食堂 DONYIN DINER同朋友去了用熱血老虎做主題的丼燃食堂吃飯，天時凍又唔想食凍野，好彩有四款熟食的丼撚火爆丼提供，同時也提供四款自選醬汁：海膽醬，明太子醬，韓式辣醬，蜜糖芥辣醬，芝士蟹籽醬選擇。值得一題的是丼飯真是超級多飯。📍地址：旺角花園街3-5號鴻威大廈地下6號舖👉🏻虎撚四皇丼 配芝士蟹籽醬 $118丼飯包括有左口魚邊，三文魚，蟹棒，赤蝦同蟹籽，經火槍輕輕燒過，食落有微微嘅焦香，而蟹籽也比想像中多同好味😋，配上極邪惡芝士醬更飽肚。👉🏻乜蟹都有丼 配蜜糖芥辣醬 $138超吸睛的丼飯，鋪滿蟹棒，蟹肉，蟹膏，蟹鉗，蟹子，當然唔少得超巨型蟹蓋，隻蟹蓋誇張到可以蓋滿一碗飯，仲大過兩隻手掌🖐️🖐️，淡淡蟹肉味，反而蜜糖芥辣醬的味道沒有很突出。👉🏻牛牛牛牛牛卷 $98限量供應的壽司，上枱後會有店員在面前點火，然後就有火圈沿住壽司碟燃燒，色彩奪目，挺適合打卡。食物方面，由日本空運的A5和牛、蟹柳、青瓜、牛油果蓉加上炸蒜粒而成，有層次感，超好味🤤，食完暖笠笠，諗返起都想食多舊。好味指數: 3.8/5 性價比: 4/5 有加一環境: 3.5/5

香港探店｜旺角｜日本料理｜丼燃食堂在網上看到這一間旺角的丼燃食堂，之前已經覺得他們的日式料理非常吸引，今次終於能夠一嚐他的美味料理。乜蟹都有丼🦀超級正！丼飯上面被蟹蓋覆蓋着，揭開一看，簡直驚為天人！下面是新鮮的蟹鉗、滿滿的蟹膏和蟹肉，簡直把我的朋友都震驚了！一口蟹膏一口壽司飯，鮮甜且獨特的蟹味在口腔蕩漾着，真的很不錯。虎士山丼🍣這個也是必點的哦！裏面有三文魚蓉、帶子、魚子、以及黑松露作為點綴。被他的黑松露驚艶到！能夠帶出三文魚蓉的另一種鮮味。三文魚子混和在飯之中，正😄牛牛牛卷🐄如果你追求打卡，我覺得你必須要點這個牛牛牛卷，皆因店員會在壽司點上火焰，經過烤炙的壽司卷，更別具風味，而且裏面亦有炸蒜蓉粒、口感更加豐富，值得一試哦。白桃烏龍🍑桂花鳥龍🌼這裏的飲料都是無糖，不過清新。——————為食分界線——————📍 丼燃食堂 (旺角)旺角花園街3-5號鴻威大廈地下6號舖推介指數 🤰🤰🤰🤰🤰(5/5)好味指數 🤰🤰🤰🤰🤰(5/5)抵食指數 🤰🤰🤰🤰🤰(5/5)環境推介 🤰🤰🤰🤰🤰(5/5)人均消費： $80#mariofatfat #hkfoodie #Foodie #為食馬利奧 #hkres

旺角好多日本餐廳,朋友帶左我黎女人街街尾附近既丼飯店,呢度岩岩舉辦一個一週年活動由2月1至2月28日消費滿350蚊就可以有一張刮刮卡,聽職員講每日限量88張仲會有神秘禮物,我地叫左一碗九公丼入面有海膽,三文魚,帆立貝,蝦等等既刺身丼大大碗而且好足料,鮮味十足,另外一碗叫左鵝肝鰻魚丼飯呢款丼飯仲可以自選醬汁,我地選左芝士三文魚籽醬混合落飯度食都幾惹味,鰻魚軟熟,另外叫左一條金龍卷,口感脆卜卜職員將佢用火燒熱,好似睇緊玩火雜技咁。

前兩日同老公行過花園街，呢間丼飯睇落去好豐富～裝修好新潮，好有特色～🦀乜蟹都有丼 $138😍賣相好吸睛，成個蟹蓋上，有齊蟹棒，蟹肉，蟹膏，蟹鉗，蟹籽～ 蟹肉好鮮味鮮甜，配上香濃蟹膏，加上卜卜脆蟹籽，另外我揀咗芝士蟹籽醬超夾😝～月肝肝鰻魚丼 $148鰻魚分量好多，燒得好香，肉質軟嫩～ 配埋黑松露醬好香～ 加上燒香的鵝肝油香味濃郁，整體非常邪惡～🐉金龍卷 $68周圍放咗乾冰，職員幫手點火，視覺效果一流 🔥 中間係香甜甜薯，上面係香脆天婦羅鰻魚，配上沙律醬同蟹籽配搭好新鮮😋～整體食物質素唔錯，每一碗飯都裝到滿滿，材料豐富新鮮；職員服務態度殷勤積極，好有禮貌，食飯時間都坐得比較滿～