丼吉日式吉列豬排專門店 (青衣城1)

營業中

休息中

上個禮拜一個人嚟過,覺得幾好食唔錯,今次 攞返經理比的卡片訂枱帶埋 老婆 仔仔 嚟啦今次不叫套餐喇 試下其他唔同食物,老婆就揀咗個巨大蝦😅😅即係車海佬定食我就叫咗個吉列北海道帶子定食,加多一個刺身組合 梗係慢慢嘆一番先😂😋😋超好味喎 帶子粉紅半熟咁嘅狀態食落好新鮮好軟熟 而且好鮮味,掂掂掂👍👍👍隆重登場😱超級巨蝦 車海佬有成10吋 ,11吋長?之前未試過食㗎, 但真係好爽口,好彈牙而且啖啖肉 正呀😋👍👍👍呢度啲服務員都好好雖然係好急快 但招呼呢夠細心💕💕好難得 好耐冇見過嘅服務喇讚讚讚.

終於嚟到喇, 今日放假 特登過嚟 捧下場呢😁我哋都算係忠實fans嚟嘅都幫襯咗廿幾年喇而家青衣城開咗就方便呀 唔使特登再去旺角朗豪坊或者尖沙咀咯😅👍今日我哋照舊 叫咗最喜愛的特選吉列定食 三人前上級豬扒 豬柳,深海大蝦及廣島生蠔當然唔少得配上加賀梅酒 嘆下先啦最開心呢就喺度見到好多其他店舖調嚟嘅舊夥記好有親切咁呀💕服務一貫作風 非常窩心而且速度快 冇得頂呀食物都保持到水準啊 掂👍👍好開心呀 終於見到你哋開啦裝修都好靚呀 幾有feel大家畀心機加油呀我和李先生一定繼續支持💪💪💪

見新開，冇咩人，就諗住黎上下啦，但點知性價比唔高，服務質素十分差，扮聽唔到，掛住傾偈，嘢食就一般般，嘢食唔新鮮，買完單俾錢諗住走，先上水果同茶終於知道點解會冇人黎食了！中伏了冇下次，唔會再嚟食

早兩日放假同家人行咗一次青衣城，其實好耐都冇入嚟，發覺都變咗不少，食嘢嘅選擇多咗行行下見到呢間日本嘢，見佢個 Lunch set 好似幾吸引，咁就同家人入去試吓啲午餐set 都算豐富同吸引，基本上每款都會有刺身👍🏻👍🏻👍🏻今次叫咗三個set 試吓一個係吉列豬扒、吉列海鮮set，另一個係吉列豬扒set，仲有一個係壽司配烏冬set豬扒炸到剛剛好, 有肉汁、鬆軟好食，炸蝦爽口鮮甜，炸蠔都好好味唔會腥😋😋😋壽司set 都好好食，食材鮮甜味美👍🏻👍🏻家人都非常享受呢餐帶來的滿足感

等咗好似差唔多一年 終於開張喇 前幾日知道佢開張咗喇但未得閒落去,今日一個人都落去試下啦仲諗住好貴添 可能我叫套餐啦 咁梗係叫個平啲嘅試下先啦 我叫咗個一號餐 $156上級豬扒刺身定食,又估唔到幾好味喎😋👍👍 豬扒好鬆軟 而且啲炸漿好特別 應該係麵包糠 入口好鬆化 好有口感👏👏服務員有冇問我食過 ,我答佢係第一次過嚟 就教我點樣食添😋磨香咗個芝麻林上豬扒汁 點嚟食真係一流, 我住喺佢哋樓上嘅 本來都冇諗住寫食評 但佢哋做得幾好喎 支持下啦呢度有幾個黑色衫嘅應該係高級D ,好少見到有咁勤力咁有速度 而且都幾有熱誠親切的 高級人馬掛😅帶我入坐過位 應該更高級,好smart 知道我第一次嚟 有介紹餐廳畀我知 原來佢哋仲有七間分店 ,計埋呢間係第八間 而且都開咗30年 woo👍👍今次我冇買到現金券 等我約埋家人下次先買可能係今日星期日再過嚟啦整體嚟講 餐廳嘅裝修都好靚 好舒服埋單之後仲送我離開 又介紹我下次試特選厚切豚肉感受熱情嘅款待👍👍👏青衣城多一間有級數的餐廳 選擇真係好🥰

成日四圍去食好野，今日黎到青衣城，見到呢間炸豬扒專門店，門口好多人，就膽粗粗去試下等咗大約20分鐘，店員好誠懇有禮咁招呼我入去店內環境優雅，點了炸豬扒定食，約10分鐘左右送到一口咬落去，豬扒十分鬆化，完全冇油膩感非常好食😋😋，價錢適中，值得再去👍🏻👍🏻

2/4 同友人一同試食原來佢地第一日開張咁多間丼吉都唔同定食套餐一於就食我食開嘅烏冬套餐吉列深海大蝦、廣島生蠔、雞扒、冷稻庭烏冬伴刺身定食呢個正就正左包埋刺身，一流🤤🤤🤤另外一位朋友食咗個打卡一流嘅步步階梯壽司吉列豬柳定食一層層真係好正另外嗰個friend就食吉列豬扒豬柳，胡麻蕃茄配刺身 呢間店正在每個吉列套餐都有刺身，滿足晒食吉列同埋刺身嘅願望百幾蚊又唔係好貴喎，我覺得好抵食過開嚟青衣一定要試吓

環境：
餐廳環境整潔，擺盤精緻，餐具設計有心思，特別係用魚形碗盛前菜，增添日式風情。桌面乾淨，氣氛舒適，適合輕鬆用餐。食物質素：
二人餐主打吉列系列，包括和牛、豬扒、蝦同蠔，搭配前菜、甜品同柚子汁。遺憾的是，食物原材料質素一般。和牛九成熟偏硬，豬扒同蝦偏乾，蠔幾乎全熟，失去鮮嫩口感，吉列層不夠鬆化。前菜如八爪魚粒過細，蕃茄豆腐同山葵亦無驚喜。甜品啫喱份量少，汁液不足，甜度唔夠突出，整體性價比不高。服務質素：
服務表現一般，員工未有主動詢問是否需要加菜或加飯，亦未清楚了解套餐內容，出菜時混亂，欠缺檢查。店長過於熱情，顯得其他員工態度冷淡，溝通亦不夠清晰，未能提升用餐體驗。總評：
整體而言，二人餐以$800計，性價比偏低，食物同服務均有改善空間，建議重新定位，提升原材料質素同服務水平。

因為我係青衣番工所以成日去青衣城食午飯，尋日見佢開張行去8掛下，店員話今日先係正式做生意，佢派左張100蚊卷我食刺身用，尋日仲叫我地訂位今日來到送小食我地食，所以今日我同老公好準時12:45就到環境：5粒星食物：唔知係咪因為午餐比大餐牌優惠，所以影響食物質？！我覺得比起我起另一間分店食既肉無咁好食，但蝦係環鑽十分好食，蠔都唔錯👍🏻午餐飯同菜都係無限加，讚👍🏻服務：唔知會唔會係第一日既關係，服務員十分關心客人識唔識食，都會關心地問需要介紹嗎？