丼吉日式吉列豬排專門店 (青衣城1)

相隔三、四個月再入嚟青衣城整嘢，跟住又走咗去食炸豬扒，今次揀咗個午餐炸雞扒配炸蝦同炸蠔嘅定食，因為天氣太熱唔想食飯所以揀個配凍烏冬的；個餐都唔使等好耐大約12、3分鐘就到；一嚟緊係食咗海鮮先啦，炸大蝦、炸蠔都仲係咁好食，炸蠔唔會炸到乾晒，隻蝦又夠爽口，雖然件雞扒落單果陣侍應有講話係雞胸，但係食落又唔係想像食雞胸咁又柴又乾意外驚喜…查看更多

行街肚餓，見到呢間新店，諗起同屋企人去開其它分店質素都唔錯，價錢又幾抵，就拉埋朋友入去試下每人嗌咗個lunch set，朋友另外再加咗個迷你刺身，我就加咗個店員推介既菠蘿梳打，大蝦彈牙鮮甜，吉列蠔肥美，菠蘿梳打都唔錯，唔會太甜，食炸物解膩一流👍🏻唯一既不足就係豬柳感覺細件咗，但味道都ok，比起其它分店平咗1/3，有取捨可以理解，起碼門檻低咗，連出名嘴刁既朋友，都話刺身新鮮抵食，睇黎可以再黎食多次😋…查看更多

以前幫襯過中環及銅鑼灣分店服務非常好食物水準也可接受， 但係青衣城分店完全不行， 下午三點時段 店內已經冇乜客人， 唔見夥記，衹見counter 一女子， 下咗單後就唔見到其他人， 可能晚間嘅收費才可以享受到服務，冇所謂我都係嚟食嘢嘅啫， 環境唔錯，坐位也坐得舒服， 但食物就真未到水準。首先個麵豉湯超鹹，豬扒汁唔好味，豬扒本身冇肉味只是個炸粉做得非常好， 個米飯就好一般， 唔會吸引唔到我食下一次。最後都唔見服務員只好自己出counter埋單， 埋單後小姐才問你需唔需要吃西瓜！ 呀！ 一直冇人招呼， 擺低完食物就完全唔見人，到埋完單行到出門口先問！！…查看更多

忙裡偷閒，獨個兒吃午餐，選了老公極力推薦的食店，實在令人回味無窮。午市套餐選擇多且性價比高，選了吉列上級豬扒定食，另外加$58點了刺身。豬扒非常酥脆且毫不油膩，肉質軟嫩新鮮，配上豬扒汁，真叫人停不下來。另外亦非常欣賞椰菜絲，爽脆清甜，口感一流，淋上柚子汁，酸酸的，很開胃。刺身質素亦高，$58共五款刺身，很抵吃！特別欣賞深海池魚，鮮味十足，肉質新鮮有彈性。另外亦想讚一讚服務，職員殷勤有禮並細心留意客人需要。…查看更多

餐廳環境行日式簡約風 座位舒適 燈光柔和～薯仔沙律好食每次必嗌！口感綿密調味啱啱好，清爽開胃🤍叫咗個刺身拼盤🐟三文魚厚切肥美油脂香濃🥰甜蝦都算鮮甜 但size偏細 如果大隻啲會更滿足🤣三文魚子正常發揮～整體嚟講都算新鮮✨炸豬扒外皮脆口～點他他醬絕配😋最鍾意就係炸帶子😆全場MVP🤍做到外脆內嫩 仲要係jumbo size 一定要試！另外就要一讚佢個任加沙律菜 個菜新鮮爽脆 我就鍾意加柚子醋一齊食🙂‍↕️一路食炸嘢一路食個沙律Perfect match🤣…查看更多

連蔡瀾都推介嘅吉列炸豬扒專門店 被譽為「吉列豬扒天花板」‼️屹立多年 由日本人主理🇯🇵嚟到青衣城新分店 環境優雅舒適✨.📌吉列上級豬扒定食 $136店家招牌 唔係講笑勁好食🥹用上九州農場上級豚肉🐷炸至金黃酥脆唔油膩🔥肉質軟嫩爽彈 油脂豐富 鮮味十足 甘香juicy🥩更被蔡瀾稱讚係「肉汁多到發光！」☀️醬料都好正宗 芝麻放入擂缽 比客人自己磨碎🥣再拌入濃稠秘製豬扒醬汁 勁惹味🤎配有日本椰菜清甜爽脆 中和油膩感 撈埋紫菜汁同柚子汁 更清新香口🥬日本白飯飽滿分明 柔軟富黏性 米香濃郁🍚兩款都任添架 啱晒大胃王🤩隨餐附有鹹鮮味噌湯同漬物🍱最後仲有清甜西瓜 完美作結🍉.📌小豆島職人木桶醬油雪糕 $52強烈推介必食❤️‍🔥牛奶雪糕濃厚軟滑🍦醬油絕對係畫龍點睛💯兩者完美結合 甜中帶鹹 出奇地變左焦糖味🍮加埋大大粒黑豆 真係食到停唔到口🖤.📌刺身小鉢三點、日式蒸蛋、胡麻蕃茄 +$38刺身好新鮮 三文魚油甘魚肥美甘香🍣生蝦爽嫩鮮甜🦐日式蒸蛋超滑溜 啖啖蛋香🥚胡麻蕃茄酸甜多汁 清新香口🍅.📌本格咖啡 +$26咖啡甘苦濃醇☕️.📌日本泡茶 $9入座就有 每位計🫖焙茶香氣濃郁 玄米茶清爽解膩🍵.如欲查看相關食物相片 可查閱本人已上傳之影片🎦…查看更多

餐廳的裝潢設計給人一種高尚舒適的環境，部長級的服務態度更加令人出乎意外的親切，感覺去咗一個高級會所餐廳，無微不至的關切和照應更加令人有如家人的感覺。食材、擺設、用具更是精心挑選，更加令人意外的是沙律菜不斷地添加任食，餐後還即時送上培茶和水果，真的是令人樂而忘返！…查看更多

豬扒包,薄身吉豬扒就食得多,今次食的吉列豬扒就真係未試過,佢哋做法厚身啲嘅豬扒,而且好豐富嘅脆漿,可能係麵包糠,這個烹調方法 原來係咁好食😋😋😋 服務員介可能知道我第一次,好耐心介紹我點樣食法, 磨碎芝麻加豬扒汁點嚟食.嘩,超好味😂而且啲豬扒都好juicy,炸得冇鬆脆,仲教我點食啲椰菜 ,有西柚汁,有紫菜汁 ,呢度啲椰菜係可以再添食 減下熱氣食多啲食完炸豬扒 跟住有西瓜 又有另一杯茶, 好似係玄米茶 經理話可以幫助消化.呢間餐廳啲服務食估唔到有幾好喎,食物嘅配套又細心 環境都好舒服值得再嚟. 他們的介紹 仲有炸蝦,帶子,炸蠔相信應該都好食 下次一定试下:諗住下次都嚟 就買咗現金券買$1200 攞返$1400仲話今餐張單額外再減$200,咁筍 😆😆冇得輸呀 經理送我離開 話畀我知仲有七間分店的不過都應該好少去喇 梗係幫襯返 青衣城滿意滿意 正.👍…查看更多

朋友住喺青衣，見到佢哋 裝修 ，亦都見到 平面設計通知話會開， 點知道一日復一日 、一個月 又一個月等咗好耐好耐以為佢哋 唔開， 但最近終於 將這個期望帶給了青衣居民了。 朋友本來第一日 想嘗試 但係我唔得閒，等到今日終於完佢夢。午餐入去 我食咗個 刺身伴吉列豬柳， 朋友叫咗一個豬扒定食。 朋友話梗係食豬扒啦，全世界嘅招牌菜 ，我嘅定食魚生多咗 豬柳一件少少的 ，佢話嚟呢度梗係食豬扒啦。我哋最後都係 share， 豬扒朋友話非常鬆化(我同意)，佢哋有芝麻 再伴汁， 食落我覺得 okay 正正常常 。豬柳細細件其實都可以分開小四口 ，自己和朋友品嚐比較， 刺生我覺得算合格不過應該佢哋嘅強項係食豬。其實午餐百零蚊真係唔算貴， 比起佢哋一個炸豬扒 set(都分分鐘幾百蚊)， 算係普通人都覺得 ok( 我咁孤寒 都同意嘅)但係 social 外圍人 、朋友都大特讚美， 今日食當然好有期望，但係食咗之後我只係覺得正正常常 唔會太有驚喜，亦唔會再特登搭車嚟食，只係覺得都唔想有乜投訴。而家係香港 想 奇峰突出真係要靠食物質素，同 煮食物功夫到家， 除非你真係好好食如果唔係其實週街都係。…查看更多

上個禮拜一個人嚟過,覺得幾好食唔錯,今次 攞返經理比的卡片訂枱帶埋 老婆 仔仔 嚟啦今次不叫套餐喇 試下其他唔同食物,老婆就揀咗個巨大蝦😅😅即係車海佬定食我就叫咗個吉列北海道帶子定食,加多一個刺身組合 梗係慢慢嘆一番先😂😋😋超好味喎 帶子粉紅半熟咁嘅狀態食落好新鮮好軟熟 而且好鮮味,掂掂掂👍👍👍隆重登場😱超級巨蝦 車海佬有成10吋 ,11吋長?之前未試過食㗎, 但真係好爽口,好彈牙而且啖啖肉 正呀😋👍👍👍呢度啲服務員都好好雖然係好急快 但招呼呢夠細心💕💕好難得 好耐冇見過嘅服務喇讚讚讚.…查看更多

終於嚟到喇, 今日放假 特登過嚟 捧下場呢😁我哋都算係忠實fans嚟嘅都幫襯咗廿幾年喇而家青衣城開咗就方便呀 唔使特登再去旺角朗豪坊或者尖沙咀咯😅👍今日我哋照舊 叫咗最喜愛的特選吉列定食 三人前上級豬扒 豬柳,深海大蝦及廣島生蠔當然唔少得配上加賀梅酒 嘆下先啦最開心呢就喺度見到好多其他店舖調嚟嘅舊夥記好有親切咁呀💕服務一貫作風 非常窩心而且速度快 冇得頂呀食物都保持到水準啊 掂👍👍好開心呀 終於見到你哋開啦裝修都好靚呀 幾有feel大家畀心機加油呀我和李先生一定繼續支持💪💪💪…查看更多

見新開，冇咩人，就諗住黎上下啦，但點知性價比唔高，服務質素十分差，扮聽唔到，掛住傾偈，嘢食就一般般，嘢食唔新鮮，買完單俾錢諗住走，先上水果同茶終於知道點解會冇人黎食了！中伏了冇下次，唔會再嚟食…查看更多

早兩日放假同家人行咗一次青衣城，其實好耐都冇入嚟，發覺都變咗不少，食嘢嘅選擇多咗行行下見到呢間日本嘢，見佢個 Lunch set 好似幾吸引，咁就同家人入去試吓啲午餐set 都算豐富同吸引，基本上每款都會有刺身👍🏻👍🏻👍🏻今次叫咗三個set 試吓一個係吉列豬扒、吉列海鮮set，另一個係吉列豬扒set，仲有一個係壽司配烏冬set豬扒炸到剛剛好, 有肉汁、鬆軟好食，炸蝦爽口鮮甜，炸蠔都好好味唔會腥😋😋😋壽司set 都好好食，食材鮮甜味美👍🏻👍🏻家人都非常享受呢餐帶來的滿足感…查看更多

等咗好似差唔多一年 終於開張喇 前幾日知道佢開張咗喇但未得閒落去,今日一個人都落去試下啦仲諗住好貴添 可能我叫套餐啦 咁梗係叫個平啲嘅試下先啦 我叫咗個一號餐 $156上級豬扒刺身定食,又估唔到幾好味喎😋👍👍 豬扒好鬆軟 而且啲炸漿好特別 應該係麵包糠 入口好鬆化 好有口感👏👏服務員有冇問我食過 ,我答佢係第一次過嚟 就教我點樣食添😋磨香咗個芝麻林上豬扒汁 點嚟食真係一流, 我住喺佢哋樓上嘅 本來都冇諗住寫食評 但佢哋做得幾好喎 支持下啦呢度有幾個黑色衫嘅應該係高級D ,好少見到有咁勤力咁有速度 而且都幾有熱誠親切的 高級人馬掛😅帶我入坐過位 應該更高級,好smart 知道我第一次嚟 有介紹餐廳畀我知 原來佢哋仲有七間分店 ,計埋呢間係第八間 而且都開咗30年 woo👍👍今次我冇買到現金券 等我約埋家人下次先買可能係今日星期日再過嚟啦整體嚟講 餐廳嘅裝修都好靚 好舒服埋單之後仲送我離開 又介紹我下次試特選厚切豚肉感受熱情嘅款待👍👍👏青衣城多一間有級數的餐廳 選擇真係好🥰…查看更多

成日四圍去食好野，今日黎到青衣城，見到呢間炸豬扒專門店，門口好多人，就膽粗粗去試下等咗大約20分鐘，店員好誠懇有禮咁招呼我入去店內環境優雅，點了炸豬扒定食，約10分鐘左右送到一口咬落去，豬扒十分鬆化，完全冇油膩感非常好食😋😋，價錢適中，值得再去👍🏻👍🏻…查看更多