丼吉日式吉列豬排專門店 (新城市廣場一期)

營業中

休息中

這是我第二次光顧, 對上一次應該是2021年5月, 食物選擇有更新, 價格亦有上調, 幅度合理與否, 見仁見智。(2021年5月食評: https://www.openrice.com/zh/hongkong/review/%E8%84%86%E5%8D%9C%E5%8D%9C%E5%90%89%E5%88%97%E8%B1%AC%E6%89%92-e4016018)餐廳座位寬敞舒適, 店員服務殷勤, 主動介紹枱面醬汁與食材的配搭, 值得一讚。趁未上菜, 先把芝麻略微磨碎, 但不用磨至全碎, 然後加入豬扒汁待用。在磨碎芝麻期間, 芝麻香氣樸鼻, 加入稠密的豬扒汁, 酸甜香口。午市定食 $189 + 10%1) 芝麻2) 麵豉湯3) 酸菜4) 白飯5) 吉列大蝦, 生蠔, 豬扒6) 西瓜杯麵豉湯味濃, 有極少量海帶, 豆腐和硯。酸菜酸爽開胃, 白飯有點黏口, 沾上芝麻豬扒汁同吃, 是另一番滋味。椰菜清甜爽口, 加紫菜汁或柚子汁同吃, 酸味味, 解膩之餘更添層次。另一讚位是, 椰菜無限添加, 店員會主動詢問是否需要添加。3款吉列食物均炸得酥脆, 入口不油膩, 多吃不免感覺飽滯。大蝦手掌般長

沙田舖所有同事都服務貼心，尤其其中一位同事介紹咗個滑蛋豬扒飯俾小朋友食。小朋友大贊特贊，食到舔舔脷。區域經理更親力親為，殷勤招呼，值得推介！買現金券消費仲抵，食得更開心！

今日咁啱經開沙田，醒起之前有朋友帶過我去呢一間食吉列豬扒嘅餐廳，印象中果次係好好食嘅，所以今日特登再去試多次，叫咗個二人餐，果然同之前食嘅嗰次一樣都保持到水準，由於本人平時唔食炸嘢覺得好肥膩，但係偏偏呢一間嘅炸嘢係一啲都唔感覺到肥膩，仲要啲肉好鬆軟，所以我係對炸物有一種另眼相看既感覺，另外fion經理同埋timtim 都非常之友善，服務態度亦都好好，感覺到喺嗰度做嘅員工都非常開心，希望你哋繼續加油保持水準，我會再嚟幫襯的☺️

記得在日本路邊食過一間炸豬扒店超好食！呢間丼吉係暫時我覺得香港最好味嘅吉列豬扒店(可能有啲再再再好味啲嘅鋪頭先未食過😂有無人有推介？)餐前佢會有芝麻俾你自己磨。芝麻好香，再加埋豬扒醬點豬扒😋😋好味！🔸吉列豬扒定食(💰173)(8.5/10)其實我想俾9分，不過我塊豬扒點解好似咁細塊😒佢嘅炸豬扒真係炸得好酥脆！豬扒都算juicy。唔用汁點就食到豬肉嘅鮮味😋🔸吉列大蝦、生蠔、豬扒定食(💰189)(8.5/10)多$15就有大蝦同生蠔，都幾抵，可惜我唔食呢兩樣嘢🫢不過朋友話生蠔好大隻，幾好味！每個餐都有麵豉湯，白飯同菜。白飯同菜無限添加。啲飯好有飯味，甜甜咁！搞到我添咗飯，又肥多啲😑佢嘅菜又係好爽好好味！仲有紫菜汁同西柚汁，酸酸甜甜，又食咗好多菜！佢嘅服務非常好，店員會幫你影相，添菜添飯。Overall評分: 8.5/10

有日行過沙田突然間好想食吉列豬扒，比我搵到呢間專吉列嘅日本餐廳，睇相都已經流哂口水🤤即刻就上左去試試佢！之前去日本旅行，總會有一餐兩餐食吉列豬扒，當地炸野都好有要求，一定做到炸漿鬆脆同薄，醬汁又好有要求，係香港真係好難食得翻果種味道！🤥🍱二人前 吉烈豬扒、豬柳、大蝦 $➎➊➑餐牌除左有一般嘅一人份定食，仲有幾款嘅二人餐選擇。我地叫左呢份餐有三樣主食，分別係一塊豬扒，兩件豬柳同埋兩隻大蝦。份量黎講2個人食都十分豐富！🐷上菜之前店員先比左一小碗芝麻我地，自己用木棍壓碎後，然後加上秘製醬汁，絕對係日本嘅味道👍🏻首推佢嘅吉列豬扒，一塊切開7件，橫切面見到豬扒邊帶有一層脂肪，咬落口有即溶嘅感覺😻豬扒肉身十分腍同juicy，外面炸粉薄得黎唔會鬆脫，沾個醬汁或者他他醬食都有不同嘅滋味！🍤大蝦堅係大size，有我塊面咁長😂蝦肉堅爽口同堅有蝦味，堅係新鮮！炸粉繼續保持水準，啖啖鬆脆食到唔停口！定食配左白飯同生菜絲，食完唔夠喉可以添嘅！食完有少少望梅止渴嘅感覺🥲掛住日本啲吉列豬扒嘅朋友就一定要黎啦😙📍丼吉日式吉列豬排專門店 沙田沙田正街18號新城市廣場一期7樓707號舖

久唔久就會掛住呢度熟悉嘅味道咁多年都冇咩變水準還是可以的不過lunch真係平過晚餐好多質素都係一樣如果大家想平啲就嚟食lunch啦貴少少咪食dinner囉但係其實食物品質係一樣不過佢哋個廁所已經壞咗超過一年都唔整返覺得好有問題囉同埋啲侍應成日喺度sell餐券好煩一個離遠第二個又來好🤬煩第二個黎完第三個又黎好🤬好🤬煩🙄🙄🙄嚴重考慮下次唔會再嚟想食啖安樂茶飯都唔得

通常沙田食午飯間間都係好一般今次食呢間估佢唔到原來炸野都可以好好食好小食到咁好食的炸豬扒 炸蝦天婦羅 值得再去飯後居然還有生果附送 🎁最重要服務員態度非常好👍🏻

已經有接近半年冇食炸豬扒飯了，對上一次係上個禮拜食刺身飯，刺身飯就不太新鮮，三文魚有點腥，所以後悔點了刺身飯，但係個set包嘅烏冬就異常好食，所以加返少少分，可能呢間主要係炸物嘅緣故所以刺身飯略為差劣，希望店舖會有改善嘅空間。上次隔籬枱不停話炸蝦炸豬扒好食，所以今次專誠訂位，滿足自己想食的慾望，等了一星期今日終於出嚟啦，點了炸蝦炸蠔炸豬扒定食，食物終於嚟啦⋯⋯第一口就係炸蠔，外面係脆嘅，裏面的蠔味也可以接受，但係就冇juicy感覺，跟住就再試炸蝦，外面係趣嘅粉漿如果再薄少少會更好，口感係可以嘅，到炸豬扒啦，反而就唔太脆，肉質有點乾，至於米飯係好食嘅，飯，椰菜重任添，整體來說用餐嘅感覺係普通略貴，如果呢個價錢嘅食物應該要做好少少先得，希望餐廳會改善

8号風球終落下，因為大雨又打風，已失去兩天假期，今天星期日終於好天了，決定同女兒出外逛逛。沙田新城市廣場真是人頭湧湧，我地行完街決定早一點去dinner，吾想食西餐下，日本菜必定是第二選擇，這間日式餐廳是主打吉列餐，之前已想試試。餐牌上價目算是中上價錢，一人餐定食最基本消費都要＄248位另加一小費的。我們選擇二人前定食 $518(吉列豬扒，豬柳，大蝦定食)口感实在一流，咬下去十分鬆脆，兩件大蝦啖啖肉，豬扒豬柳肉嫩易咬，總括來說每样都有驚喜在，貴些都值得！🤩👍白飯同沙律菜可以任食，不額外收費。配有味噌濃湯，最後會送生果西瓜。甜！😊芝麻自己磨，再放豬扒汁。

節日避開繁忙用餐時間，再到本人享用炸物的飯堂，點餐為慣性食品，吉列厚切鹿兒島豚肉，外皮鬆脆而不油，肉質飽滿而不柴，算上品炸物吉列廣島蠔外層一樣鬆脆，蠔汁鮮美而蠔肉飽滿加上沙沙醬伴食，超好味伴菜中規中矩。服務員態度親切有禮，有求必應

疫情好轉左，想食好嘢就開始要等位啦一於今日平日放假，去食啲平時等位等好耐嘅地方啦入到沙田我嘅選擇梗係食吉列豬扒啦，因為次次假期都見到好多人等位，最後就放棄（因為本人唔係好鐘意等位）19:30去到，好彩仲有一，二張枱，做完兩部曲（安心出行同掃針紙）員工就帶我哋入座，坐咗係角落頭，夠靜，唔錯諗住嗌食物，員工已在旁準備，問咗豬扒豬柳的分別，好詳細講解，落完order仲好細心介紹埋芝麻同枱面醬汁如何使用（ps:其實枱枱講咁多嘢，佢哋都幾忙喎，題外話）最後order咗豬扒同炸蠔仲有帶子，差唔多15分鐘，食物上枱，啲嘢食擺埋一齊好震撼，點解冇影相呢個係我唯一敗筆，因為見到已經嘴巴食先新鮮熱辣食果然唔同啲，炸物入口鬆化，本人認為最為出色係帶子，原來佢唔會係全熟，聽員工講係用刺身帶子，怪唔之得口感咁好啦食飽最後仲有驚喜，有西瓜🍉食，夏天食一流。飲飽食醉返屋企，好味開心又一DAY。

月頭出糧會間唔中放縱自己幾日食豪d😎😎.係香港好少食炸野,但呢間日式炸物令我對炸野改觀! 炸物炸得超級金黃色同埋乾身,唔會話表面有層油鋪住之餘食落都唔厚炸粉☺️<炸蝦>🍤:質感爽甜食得出係蝦既鮮味😱 .<炸蠔>:肥美鮮甜同埋夠大粒,岩哂我呢d大胃王🌝 .<炸豬柳>:豬柳肥瘦部分平均,食落口唔鞋口同埋口感鬆軟😍另外, 餐廳會親自幫你添加食炸物必備既生椰菜絲👻 食得出佢個椰菜絲係加左少少檸檬汁調味,令口感無咁寡之餘仲可以消濟👏🏻🙈食完個定食之後餐廳仲送上西瓜做飯後果, 怕食炸野熱氣既人可以唔洗擔心😂😂

難得疫情緩和，梗係同朋友相約出嚟聚一聚嚟到新城市，即時諗起有朋友推薦嘅呢間炸豬扒專門店。去到唔使等位，前面啱有位老人家，睇落唔係好識用安心出行，見到員工都非常耐心地協助入到去環境睇落寬敞舒適，我同朋友就被安排去卡位入座，點咗個豬扒豬柳二人餐，等咗約10分鐘左右，上餐速度很快，食物質素也非常好員工上餐時都會慢慢介紹汁醬用法，同時都好細心，留意到人客需要（用餐期間唔小心跌咗隻筷子，不用幾秒，已經有一對新嘅筷子出現喺我面前）每次想搵員工加茶時，佢哋都已經自動做咗，唔需要人客舉手🙋🏻‍♂️，非常照顧到客人需要最後原來仲有西瓜食，下次一定會再嚟同埋介紹俾朋友

今日同個朋友去到新城市廣場 ,上到七樓發現有間炸豬扒同九龍塘 一樣，一問之下原來係同一集團 😀本來冇諗住食炸豬扒嘅不過記得上次好好食, 加上門口個 穿黑色衫應該係管理層都好殷勤好主動咁我哋就入咗去食 呢間分店嘅炸豬扒炸蝦同九龍塘一樣 好食兩個字形容 今次仲買咗 現金券 有200蚊免費 上次冇買今次買返！ 呢間店舖更值得讚嘅就係 門口嘅安心出行掃描有兩部 而且定位設計非常快非常方便, 好容易 就完成門口工作 🤣🤣🤣順利進入 而且齊整 ok la 兩次都 食得咁開心 抵讚 下次見

一開始见多人話吾錯，就去試下，点知一去就伏左，服务其差，首先我地叫左個2人餐，结果周围比我遲既人食完，我既都未到，分明漏单，叫左四次，佢都話整緊，去到第四次先真系幫我跟，第二，叫佢加水，叫左3次，先有人理，其他枱就超快，當我地隱影，第三叫上生果，又要三催四請，叫左三次，最後叫埋单就最快，30秒都吾洗，服务好到甘，下次請我都吾黎