丼吉日式吉列豬排專門店 (新城市廣場一期)

營業中

休息中

真好久好久沒吃丼吉～ 對上一次是剛開張時候，椰菜絲瘋狂添食，自己磨芝麻，當時感覺新鮮有趣～ 😁 日本醋蕃茄 $68～ 蕃茄已去皮，肉厚 但不甜 。隨一人套餐送來的刺身 👌🏿～ 前菜是豆腐也不會難食 😆炸乜炸物～ 套餐有蝦，蠔，帶子，豬柳～ 很豐富～ 炸物香脆。在味架上除了豬扒汁，更喜歡紫菜汁～ 🤩 帶出炸物的鮮。 脆卜卜熱騰騰的炸物 配上 爽脆冰凍的椰菜絲 與 潔白少少黏的白飯 ～ ummm 😋 ～其實真的很熱氣～ 食完會爛口 🤣 冇返三五七年都未必會再食 😆😆飢 point : 7 /10 #hungermarch #飢詩 #非飢詩

每次同老公到沙田新城市，都會自動上 7 樓食飯，食咩嘢，唔駛講必定係吉列，今次都不例外，無它嘅， 好食服務好。坐低後 waiter 給我 menu 及熱茶，有笑容。於是 order 咗刺身，二人餐及小食，牡丹蝦頭加小小錢炸咗佢，之後 waiter 給我地芝麻及解釋 d 醬料嘅用法，細心細心。唔駛 10 分鐘，刺身同飲品送到，經理給我影相後就細心地將 3 個牡丹蝦頭俾廚房師傅炸，服務好細心，刺身非常新鮮，牡丹蝦蝦肉結實，海膽好鮮甜，無鯹味，三文魚肥美，油甘魚厚切，帶子鮮甜好味，仲有幾粒三文魚籽。好快好快，炸軟殼蟹及炸牡丹蝦頭送到，軟殼蟹炸得外脆肉厚好香口，牡丹蝦頭香脆有膏。終於主菜到，炸蝦，炸蠔，炸豬排，炸豬柳樣樣都好正，睇到相都知喇，炸蝦啖啖肉，炸蠔好脆好 juicy，炸豬排同炸豬柳真係好霖，食咗咁多次，質素保持高水準，尤其係日本米飯及椰菜，細碗飯唔會食到凍囇，食完立即幫你添飯，都幾細心，熱辣辣白飯，送炸物及甜椰菜，最好不過，Waiter 仲不時同你加椰菜添。食飽飽，Waiter 給我清潔枱面及奉上甜品及熱茶，服務令我十分滿意，食過炸物後加上清涼西瓜及熱茶，令到口腔好舒服。

食炸豬扒飯，我一定會諗起哩間～同屋企人一齊食，真係好，可以一次過試到好多款既吉列炸物🍤又可以玩磨芝麻😌真係大滿足🈵有豬扒、豬柳、蝦、和牛、滑蛋豬扒生菜絲同飯都係無限添加～生菜絲好新鮮，又爽脆主角吉列炸物：樣樣都咁好咁，最好味都係吉列豬扒哦！🤤另外，個麵豉湯，屬於好咸⋯⋯😕

請唔好怪我前幾日食完, 今日又去食XDD上次食左個二人餐已覺得好好食~ 今日都係二人去食, 但想試多幾款食物~ 試清楚入面唔同食物係咩味XD今次無去到銅鑼灣店, 去左沙田新城市呢一間, 環境無CWB店咁舒服, 始終沙田店較多人, 個人都係咁岩唔洗等, 有張門口位可以坐下... 所以都無所謂啦~ 今次最重要係D野食, 其他都可以忍下XD不過其實都OK, 係嘈D...今次一叫左左兩個餐, 分別有哂吉列豬排、豬柳、生蠔同埋大蝦, 有齊野個四款特色之選!! 下次再試個吉列神戶牛柳~沙律個D我就唔仔細講了~ 同上次係CWB 店差不多~店員有問兩個餐放唔放埋一齊~ 我地嘅答案就係下圖~~吉列豬排: 無上次CWB店咁鬆化, 有少少老, 但都仲係好好食, 無損味道豬柳: 我比較鍾意今次呢個因為令次更有咬口, 唔會太過鬆軟, 而係岩岩好, 鬆得黎也能比你用到你嘅牙齒 (誇張左), 但真係好食D生蠔: 呢個係我今次最LIKE, 生蠔唔會炸到乾踭踭, 入面仲係好多汁, 好嫩滑, 真係好正!! 好好食!大蝦: 反而大蝦有D遜色, 其實都炸得還好~ 但相比起其他菜色同伴, 就弱左落黎... 係有D 唔夠JUIC

早兩日提早同老公團年, 其實都係坐低先決定嘅😜當日叫咗吉列豬柳定食同吉列蠔拼大蝦定食。豬柳好鬆軟, 唔會太鞋, 保持水準😋。蠔炸得剛剛好, 好juice😋。大蝦就好一般, 炸得老咗啲, 無彈牙嘅口感, 寧願少隻蝦, 多隻蠔😔。但味道如何都好, 最緊要係同老公一齊食, 狗年要繼續團團圓圓😊

香港人熱愛日本料理，日式吉列炸豬扒相信是在刺身壽司等料理外，最受歡迎的菜式之一。不過不知道大家知不知道，日式吉列炸豬扒是一個日式料理和法式西餐的Fusion 菜。由於明治維新的影響，十九世紀的日本人開始學習西方的文化，而西方的菜色也在民間流行起來(稱之為洋食)。位於東京銀座的煉瓦亭於明治二十八年（一八九五年）開店，一八九九年，店主嘗試了一個新菜式，就是法式麵包煮牛肉，但他想用豬肉去代替牛肉，因而發明了第一個日式麵包炸豬扒。因為本身法式麵包煮牛肉的菜色名字是法語Côtelette，而英語則是Cutlet，日文則是豚カツ。那Cutlet為何叫吉列呢？是來自一本名為《華英通語》(Chinese and English Phrase Book)的中英詞典，作者是Benoni Lanctot，在一八六七年在美國三藩市出版，裡面就將“Cutlet”翻譯作“吉列”，這本書在香港流行後，吉列這個字一路用到現在。說了這麼多，其實是想推薦一間餐廳，名叫丼吉日本吉列專門店，是我吃過最好吃的日本吉列專門店，而除了他們的吉列豬扒外，他們的吉列蠔更加吸引，他們用的麵粉，香穌脆而不膩，生蠔雖炸過卻還保持了蠔汁的鮮味

由於爸爸大人突然想食吉列，今年的聖誕大餐一於就食丼吉啦。本來諗住食普通二人set,點知發現竟然仲有聖誕set,豐富好多喎仲幾抵添，梗係揀呢個set啦！首先要磨芝麻，雖然我麻麻地鍾意芝麻，但勝在好玩，等食期間可以打發時間。前菜分別係：秋葵：滑潺潺，我鍾意~蕃茄：好酸呀，好開胃薯仔沙律：比較普通，完全冇特別生蠔刺身拼盤生蠔&刺身都好新鮮，本來仲驚會麻麻地，但堅係好食喎！吉列拼盤外層炸得好鬆脆，完全唔怕會整損上顎，所有嘢都炸得啱啱好，正！吉列牛檸檬上方細細粒，比想象中好食，牛肉好嫩滑，不過牛味唔重，有少少油膩。吉列豬完全唔會乾，幾好食，不過爸爸大人嫌佢冇乜味。吉列蠔爸爸大人非常欣賞，炸得啱啱好，蠔身飽滿多汁又嫩滑，完全冇渣，超好食。吉列蝦好大隻，都幾好食，但冇乜特別。甜品係茘枝雪葩，食完炸嘢要refreshing一下。透明嘅係清酒啫喱，勁重酒味…食唔到…整體黎講好滿意，有機會會再黎食。

這次是第二次來了，一直很期待再來~很想念那塊厚厚的吉列豬~~~今次點了吉列豬扒定食伴蘿蔔汁 $218 (基本款 多了蘿蔔汁試試)男友點了鹿兒島特等豚肉定食 $288來吃吃看差別在那~除了每人一杯茶，還給個小茶壺，茶杯本來較小，要喝了才加，不會太涼太熱~芝麻來了，一起落力的磨，散出芝麻香氣他磨得超碎的吉列豬醬 配芝麻用，另外兩個較矮身的是柚子汁和紫菜汁，可用來配生菜。最基本 已經好好食，蘿蔔汁有點多了，還是原來吉列豬醬最好吃(不妨加一點芥茉)看上去的確比較厚，吃起來肥瘦適中，更多汁，真的是一分錢一分貨呢~最後還有水果贈送~

 平安夜大多數人都揀食酒店自助餐, 而我覺得雖然多野食, 但質素唔夠精, 咁啱想去沙田新城巿紅粉夢樂園睇吓, 不如食埋我至愛的吉列添, 上到7樓, 好多人, 好彩唔駛等好耐, 5分鐘就有位喇, 經理引領我到卡位坐及放下餐牌, 原來做緊聖誕餐, 有3個揀, 1個係吉列神戶牛肉定食, 1個係吉列海鮮定食, 1個係車海老定食, 而我比較鍾意食車海老, 肉質同普通大蝦唔同,  同埋做三文魚刺身優惠, $108有9件, 好大件. 先來2個飲品, 今次試吓我最鍾意飲的巨蜂提子汁及檸什準備食大餐.兩份刺身到啦, 生蠔好juicy好大隻, 帶子好新鮮, 好鮮甜, 三文魚腩好肥美, 師傅刻意在魚腩上界了幾刀, 又靚, 入口口感零舍唔同, 吞拿魚都好好味, 唔係好夠喉, 好彩加了三文魚刺身, 超大件.炸物送到, 軟殼蟹, 車海老, 炸帶子, 炸蠔, 炸豬柳. 炸帶子同炸蠔要食先, 如果唔係擺得太耐會過熟, 帶子好厚肉, 外皮鬆化, 蠔好鮮味多汁, 炸軟殼蟹好大隻, 炸粉薄, 裡面好多膏, 可以用來餸白飯, 而我老公就自製刺身飯, 車海老有膏, 肉質彈牙, 同大蝦無得比, 豬柳好淋OK. 麵豉湯好足料, 好

今日老公生日，同佢去沙田Tonkichi食餐飽，12點半去到店員慇懃給我們帶到卡位坐，十分好．點咗好多嘢，乜都有，有刺身，有小食，仲有大大份吉烈二人餐．好，先嚟個芝麻磨一磨，泡菜同２個飲品，自家泡菜幾好味，無街外買果ｄ咁辣，少少甜，開一開個胃先，準備食餐飽，仲有日本醋番茄及日式冷豆腐，兩個人唔知食唔食得囇．刺身送到，嘩！唔錯，擺得好整齊，有心機，仲好新鮮添．之後仲幫我炸咗個牡丹蝦頭，香脆可口，帶有蝦膏味，好細心，仲將個蝦頭掀開少少才炸，食完蝦頭就食炸軟殼蟹，軟殼蟹香脆有膏．主角出場喇，二人餐吉列豬扒，豬柳，蝦，蠔，好大份要慢慢嘆，炸物鬆化唔油膩，配自己磨芝麻醬好味，另外仲可以配芥末醬．吉列蝦及生蠔外鬆內軟，多汁，配他他汁沙律醬，好飽．白飯及椰菜仲可以無限添加，椰菜好脆好甜，白飯仲好香．最後，食埋甜品，飽到上心口，綠菜雪糕好重奶味，配埋紅豆一齊食仲好食，綠菜大福裡面既餡好creamy，d西瓜大大粒，一口一粒，好多汁，伴隨一杯熱茶好解膩．

很快便有位..............安排了坐卡位的位置..........點了刺身........這間鋪還是吃吉列較出息......................咖哩吉列豬扒.........肉質嫩！滑蛋吉列豬........................沙律菜是無限refill的....................可加上醬料............不錯！最後有甜品送上...........

High quality嘅吉列餐廳🐖係食吉列嘢餐廳入面丼吉嘅嘢食係無庸置疑嘅🐖🐖除咗例牌嘅吉列豬之外 吉列蠔都好jengggg🐚 大大隻 麵豉湯驚喜地有隻蜆喎🤣一分錢一分貨 話哂都200幾蚊個定食 加1後分分鐘$300蚊 所以成個餐係足料嘅 ps.記得點佢地隻吉列醬👍🏼分開放枱邊醬料架內另外上菜平均都要返咁上下時間⏱ 俾想像中稍耐...等咗半個鐘 同枱另外兩位朋友個餐ssss都上齊都未有(後尾問返d waitress原來係廚房漏單..) 趕時間就唔建議食呢間 而且現今百物騰貴 $300個吉列定食係咪valuable就睇各下對於吉列嘢嘅喜愛有幾大喇🕵🏻飯後會仲有個水果杯(裝滿西瓜嘅玻璃杯)作為飯後甜品不錯

今日剛剛同老婆經過沙田新城巿, 又要搵嘢食, 八樓酒樓多人到 暈, 不如落七樓睇睇啦, 咦又經過吉列, 尖沙咀就去得多, 呢樹只係初初去過一次, 見到佢d店長及侍應好似唔同咗, 不如入去review下, 睇吓有無進步, 在門口攞飛, 好彩唔駛等好耐, 前面仲有地方坐住等, 好! 到我喇, 侍應給我帶進二人卡位, OK幾舒服, d醬汁器皿好乾淨, 我點咗個刺身盤及二人餐, 有前菜, 有嘢飲, OK OK.侍應給我先來芝麻, 仲教我點樣用醬汁, 好有心機.等咗一陣, 冰凍啤酒及檸檬什飲, 跟住炸軟殼蟹送到, 好鬆化, 要嚟送啤酒好掂, 軟殼蟹香脆有膏添.剛剛好軟殼蟹食曬之際, 刺身盤送到, 超級豪華, 咩都有, 海膽好甜, 牡丹蝦蝦肉好彈牙, 帶子鮮甜, 魚生非常新鮮.等緊炸物, 好似多咗客人等位, 繁忙時間, 店長不停埋單, 好! 有得食, 一大盤炸物, 有飯有面豉湯, 仲有咖哩汁添, 剛剛炸好, 辣嘴, 炸豬排加上豬排芝麻汁, 香脆可口, 完全不覺油膩, 炸蝦好彈牙, 炸豬柳好淋, 炸蠔亦非常鮮味, 侍應不時幫我加菜及添飯.飽曬, 指定動作, 清涼西瓜加熱茶, 總括來說, 比起之前來食

一行三人去呢度食午飯。點了一份三人套餐：吉列豬扒、吉列豬柳、吉列生蠔、吉列大蝦。這裡的吉列食品：超讚入口鬆化、完全唔油膩豬扒、豬柳：肉質鮮美吉列生蠔：蠔夠新鮮吉列大蝦：蝦的確大隻、肉質鮮美他們會refill 蔬菜，蔬菜新鮮，亦係讚點服務員態度殷切整體來說：一切仍能保持高水準

和家人去食午餐，幸好無乜人排隊，平時經過見到都多人食呢間。我點了炸豬扒定食，賣相超好，份量亦十分豐富。伴碟的椰菜絲沙律並非簡單，侍應介紹用柚子醬撈來食，十分開胃！沙律仲要可以添食，要加分！主角都係炸豬扒，皮脆之餘唔怕夠，可見師傅功架。每件的size剛剛好切成兩啖一件，大小適宜。肉汁豐富鮮美，絕非一般連鎖快餐店的炸豬扒可比較！ 試完原味，就點一些豬扒用的芝麻醬，全由自己攪拌而成，香味撲鼻，為豬扒添上濃郁麻香，香而不膩！飯後有水果杯，正好化解豐富肉食後的罪惡感