丼吉日式吉列豬排專門店 (新城市廣場一期)

營業中

休息中

忙碌中, 途經沙田食個午餐, review下吉列啦, 今次可能lunch time關係, 店員不停打轉, 忙個不停, 無他ge, 人人到我一樣食飽開工.今次點咗個蒜片牛柳粒定食, 加咗一隻吉列蠔同刺身, 吉列以外嚟講, 牛柳好淋, 蒜片甘香, 配洋蔥好味, 加上香軟日本米飯, 真係食多兩碗飯. 刺身方面, 新鮮好味, 吉列蠔香脆juicy, 最後加埋甜品, 日本綠茶雪糕加大福, 味濃香滑, 同大福好配合, 再嚟個清涼西瓜+熱茶. 滿足! 

今日lunch想食豪啲~ 見到呢間日式吉列豬扒好似幾正宗咁，同同事一齊試下食~午市定食都好多種選擇，主要吉列系列為主。我通常試新野會叫餐廳嘅主打招牌菜， 今次就梗喺叫吉列豬扒定食~! 雖然價值都幾貴，要$138, 但講左食豪啲就一試啦~ 好食嘅就值得了吉列豬扒認真大塊~ 炸到金黃色，好靚。炸粉薄得黎又可以完全鎖得住豬扒啲肉汁。豬扒厚度啱啱好，而入口。椰菜我覺得喺另一主菜黎，刨得好幼絲，幾鮮甜。食完想再食， 啱啱好中和番豬扒嘅油膩感覺。醬料係粒粒芝麻自己動手磨碎佐之後再加燒汁去點豬扒食。 芝麻碎粒嘅程度可以按個人喜好調教。雖然價錢係貴少少但係呢個質數係值得既~

嗰日好想食吉列豬扒，所以就去咗呢度食，老實說，食物還不錯，但是職員的態度卻叫人卻步😔。大部份的職員都是極度冷淡，冇尾音，冇笑容，成個進餐過程嘅體驗都是不受歡迎🙈，一點都不享受！老實講，一個set lunch要$150 已經不是便宜（港島lunch 的價錢了），但係如果服務也都這樣就真的令人感到很不值！😡 當然，如果只為食物而去這餐廳的話無問題，但係如果要用餐體驗再加食物水準真係唔會推薦呢間餐廳，太令人失望了。從來沒打過食評，這家餐廳令我獻上我的第一次🙃

揀左呢間係沙田既分店，唔知係因為閒日所以唔洗等位定係少人食不過我諗少人都有可能係因為價錢而卻步，食炸豬扒，呢個價錢又真係太貴喇🙈//吉列大蝦豬扒定食//呢個餐成三百幾蚊，同場有五個人，4個人都叫呢個餐😅一點完餐，侍應就比左啲芝麻我地制作醬汁，用即磨既芝麻再加豬扒醬，味道真係唔錯👍呢個定食份量真係好多下，食到個個都食唔哂🙈個大蝦🍤夠份量，食到個炸粉幾鬆脆❗️豬扒又大件又厚，算係香港食過最好食既炸豬扒💯定食既湯都唔錯👍係用味噌唔係用速食味噌，入面仲有蜆同豆腐粒添呢個豬扒同蝦真係好好食,不過價錢就太貴喇，如果價錢親民返啲就perfect 喇

超值的“得個吉”和”一舊飯”今日在沙田行來行去，吾知道食乜，又無時間查openrice，最後走入日文得個“吉”字認識的Tonkichi。之前無睇佢出名食乜，食完再睇至知道原來個店名”吉”就是“吉列”。我叫了平時在日本店食開一個和風牛肉生薑燒，老婆就叫了吉列豬扒定食。豬扒定食來之前，侍應拿來芝麻，仲好詳細的介紹點磨和加什麼醬料。～吉列豬扒真係好好，吉列皮好薄，好鬆，好脆，吾吉口，豬扒肥美，有肉汁。～和風牛肉有好多洋蔥，好有薑汁味道，牛肉超多，嫩，但比較鹹。～ 麵鼓湯吾錯，每一碗都特別加左一粒峴。～兩個定食都有前菜，基本野，應該都係買返來～白飯睇落以為好正，雪白一粒粒，但一食就食到一舊舊，吾係好夠熱，應該係放在旁邊太長時間等豬扒和牛肉，當然打飯的師父可能有些程序做漏了。～最後埋單仲有切得一粒粒的西瓜。在沙田市中心，100多蚊就食到咁好服務，咁大份量，咁靚裝修的餐廳，值得啊！

去呢到大部份人都係食豬扒但成份其實都好難食得完炸嘅一定係燥所以通常我都選擇一個set一次滿足三個願望飲品，湯就唔需要寫啦一小舊炸豬過囗癮烏冬濕濕囗啦個刺身飯又夠足料如果樣樣都想食但又得一個人呢個係非常好嘅選擇

好耐之前去日本random食過一間吉列豬扒餐廳，之後便愛上了。後來有朋友推介呢間餐廳，推介呢間餐廳嘅豬扒好厚好多汁店內嘅座位好寬敞，好舒適，我哋兩個人去食但安排左我哋坐四個人嘅卡位。我地點左一個吉列豬扒同一個厚切吉列豬扒。點完餐之後，店員就送上一兜芝麻同豬排汁，芝麻要自己磨碎。因為我覺得好好玩我將所有芝麻磨成粉，磨碎左嘅芝麻味好香。吉列豬扒會配有生菜同埋白飯，白飯同生菜都係任添加，男仔唔使驚食唔飽。生菜配有好3款唔同既醬汁，有紫菜，柚子，仲有一樣唔記得左🤣而吉列豬排好厚好多汁，配上檸檬汁加上岩岩磨碎左既芝麻加豬排汁，真係好正，好有日本回憶。其實我食到第4-5件豬排個時已經有啲飽，店員問我需唔需要加菜，但我已經好飽。於是我唔食咁多飯，食左豬排先，因為豬排真係好想食，唔想食剩定食仲有跟生果同野飲，環境同食物質素都一流。

平日多數黎食晚市 今日晏就經過發現Lunch Set原來十分抵!一個set 有湯 前菜 幾隻大大炸蝦 再加埋烏冬先至$160左右 絕對超值炸蝦個炸粉好薄 烏冬十分彈牙伴菜的沙律會有專人幫你任添仲有提供柚子汁俾客人伴沙律一定會經常光顧!

本人第一次出字，今日我去食夜晚於21:45到，叫咗兩個定食套餐，唔知佢係咪趕收工,一個炸海鮮定食外面炸到爛，入面超油， 一啖咬落去成口都係油幾難頂下，唔係普通炸嘢正常分量嘅油係真係超多油，一個豬柳定食賣相幾好內裏恐怖D飯底有層油飯入面啲油多到可以用匙羹不出嚟，豬柳><難以用筆墨來形容 總之係超難食， 我埋左單之後先同佢講免得佢以為我靠著數，佢趕收工出聲我唔入去成個餐飯六百幾蚊！最滿意只係得最後嗰兩杯西瓜幾甜

食日式炸野邊最好食？梗係喺日本啦不過如有要係香港搵一間，吉丼都係一個唔錯嘅選擇嚟嘅沙田新城巿有一間，好耐無食喇，搵左個朋友去食吓先我地樣樣都叫咗啲，基本上除左吉列牛無叫，所有都叫晒。雖然係炸野，但啲炸粉食落唔會太油膩，蝦肉都彈牙，幾好幾好炸蠔都幾大隻，咬落去都多蠔汁，好好味豬柳夠嫩滑，唔會乾身，好味豬扒方面就梗係掂啦記得磨芝麻再加豬扒汁，不過我覺得就咁食都好好味了記得食埋啲菜，好爽口，加埋沙律汁就very good 喇！

這裏的白飯真的是十分好味，而且可以無限添飯！真係好正!除咗飯可以無限添，佢嘅菜絲都可以無限添的。所以如果怕食太多澱粉質，可以考慮食菜。這裏的刺身非常新鮮，但是價錢稍為貴了一點。我最喜歡這裏的醬汁加自己即磨芝麻，配炸豬扒。這個醬汁真的是百吃不厭這間餐廳的經理態度非常好，服務一流！

食日式吉列就好自然諗起呢間。細個無收入，所以只係食過一次，依家大個左但又怕熱氣，所以都好少食。呢間野有好幾間分店，今日行開沙田，又見好耐無食就順便食下。叫豬扒會有芝麻磨，玩法係磨碎之後加豬扒汁。豬扒汁之外有兩隻撈沙律菜既醬料。兩個人叫唔同餐，仲可以撈埋一齊放。有豬扒、豬柳、大蝦、蠔。留意番，沙津菜係任添的，佢地會有人間唔中走出黎加，飯以前都可以加，依家就唔知，因為都食唔落所以無特別了解有無改到規則。

好耐以前食過一次丼吉既吉列豬扒，今日再次有機會黎食。同當時既感覺一樣，實在太好食！同男朋友一齊，叫左兩個定食，有晒吉列豬，吉列蠔，吉列蝦同吉列牛。豬扒係無得輸，超脆，再加埋豬扒醬汁，真係好食到不得了。蠔同埋蝦都不錯，但我自己覺得吉列牛就麻麻，啲牛既口感比較鬆，同吉列加埋一齊就好似冇咁夾。男朋友第一次食，連佢話第一次食到咁好食既吉列豬扒！雖然價錢係貴少少，但仍然覺得好值！下次一定會再來食！Btw 荔枝梳打都不錯

今日原先諗住同老婆在沙田食lunch, 不過遲咗收工, 無辦法就上七樓兜個圈睇吓有乜嘢食, 見到Tonkichi四點鐘仲開緊, 好奇怪, 平時收三點左右, 點解仲有哩食既, 問個店長原來啱啱開始逢星期六, 日及公眾假期三點至六點加開下午茶, 咁我緊係一於同老婆試一試啦.睇個餐牌, 好吸引, 唔貴, 有麵, 有炸物, 有烏冬, 仲有cake同包埋嘢飲添.一於點翻個牛肉擔擔湯烏冬及high tea二人set (吉列豬柳, 炸蝦, 炸蠔, 炸雞翼, 香味飯糰, , 牛奶布甸及蛋糕) 醫醫肚, 店長話由於牛奶布甸沽清, 用其他甜品代替, OK OK牛肉擔擔湯烏冬, 湯底好濃郁, 有好重炒香既芝麻同花生味道, 真係好濃郁, 好濃郁, 配合稻庭烏冬, 呢個價錢連嘢飲超值, 我問店長平時有無得食架, 佢話剩係星期六日下午茶時段先至有, 好食過大酒樓, 真材實料, 我無誇張到.High tea二人set, 炸物唔駛講啦, 鬆脆好食, 專門店嚟麻, 蜜糖雞翼有檸檬味, 唔知係唔係仲有少少香茅添, 好食. 香味飯糰裡面有好多粒粒, 荔枝雪芭配清酒啫哩好清新, 朱古力芝士卷朱古力味濃郁, 配埋杯香濃咖啡,

炸豬扒定食呢家食日本炸豬扒 下下都要過$130/塊呢塊亦唔例外 次次食完都唔明點解可以賣到甘貴 但之後又會試下一間人就係甘犯賤 女人錢就係甘易塭🤗豬扒唔油 份量睇落細 女人食係好夠飽 男人就應該好勉強了 另有豬扒專用醬給你使用👍🏻☺️今天帶左媽媽一齊lunch, 佢都話豬扒無乜特別, 係正常既質素, 偏貴的價錢。 (不過我就覺得算係甘...食一次都無妨既😅)Price: $138 (需加一)Score: 6.5/10Personal ig for more food share: 🙆🏼green0325Please follow me!!!😋😋😋😋😋