丼丼屋 (荷里活廣場)

營業中

休息中

餐廳 ：丼丼屋地點：鑽石山荷里活廣場應該有幾年無食過丼丼屋，突然想食，入到去睇左menu好耐，十五十六樣樣都想食🤪十勝帶廣名物豚丼特盛 有 6塊豚肉，肉汁既味道都唔錯，係塊豚肉有點薄& 柴口，去唔到日本食，粗粗地叫好過無啦⋯⋯滑蛋牛肉丼味道正常，無特別大驚喜鰻重鰻魚汁味道幾好，係條鰻魚比較多骨，要好小心食$15 升級定食紫薯波 ～ 不是我杯茶黑糖涼粉～ 唔錯荔枝茶 ～ 正常呢個價有三樣野仲想點👍🏻章魚小丸子🧆 炸魷魚鬚 🐙炸芝麻雞翼🍗 呢三款炸物都好食😋整體：不過不失，唔知食咩好都會再食下

個炸雞飯嘅賣相一望落去就知唔好食，啲車係啡黑色嘅，仲要 ”一達達‘ 咁。個炸雞飯啲雞本身已經好乾，一咬落去根本好似食緊石頭，雞肉根本係冇鮮味，食去得一陣好重嘅油味。80蚊得個六件雞，真係極度失望。個親子丼飯除咗靠pat 沙律醬提味之外都係冇味嘅，根本就係似食緊沙律醬撈蛋個炒飯咁嘅物體完全圖文不符。呢間野唯一一樣好嘅嘢就係嗰pat 紫薯薯蓉。總括而言$160食啲咁嘅野真係唔值仲要一肚氣，你話佢係便當根本完全稱唔上。

丼丼屋係我心目中都係間唔錯既餐廳，估唔到，佢都有係我心中崩壞既一日🥲之前次次去食都係食親子丼，今次諗住試下新野啦！點知就中左伏🥲吉列蝦烏冬定食配章魚小丸子跟餐有味增湯，紫薯沙律，甜品同果茶配角上枱都正正常常，湯都無咩期望會好好飲啦。紫薯沙律反而就幾出色，淡淡甜味仲混有蕃薯既顆粒😋等到主角上枱就知出事了🥲個蕃茄湯底浅色到呢。。。。我心諗無事既，淺色唔該表無味嫁嘛！當我飲咗啖湯我就發現自己諗多左🤮個湯底係完全冇味嫁🤗以為自己叫咗清水烏冬🤗懷着忐忑嘅心情，我夾左舊吉列蝦入口🙃🙃萬幸，隻蝦係正常嫁！外皮香脆內裡juicy🙏🏻佢個frd烏冬究竟發生左咩事🥲 故事教訓我，下次都係唔好亂試新野。

小朋友細個好喜歡吃丼⋯⋯特別是滑蛋豬扒丼老媽喜歡吃咖哩，睇完menu只搵到黑咖哩，唔係太like🙁上菜見到個樣仲更加驚嚇🤯賣相真係唔掂，點解唔做普通咖哩；我唔太懂欣賞味道是甜唔辣，不過黑色真心唔討好😥黑咖喱野菜豚肉飯$107跟餐有麵豉湯，正常唔太咸紫色薯蓉，真係有一粒粒紫薯，不過唔太好吃另外好似涼粉之甜品及果茶（無影相）炸芝麻雞翼（2隻） $20講真成餐飯，呢樣係最好食😋真失禮😪季節限定之菜式：龍蝦🦞滑蛋丼$85賣相好，龍蝦🦞係好普通；媽媽話唔好食☹️好彩滑蛋飯夠熱，正常😉龍蝦🦞只有蟹鉗部分，飯內都有龍蝦肉價錢一般, 普遍都唔平；所以有龍蝦可能叫抵😒唔會特別推介呢間餐廳，真心唔掂😞

久違的外出飯局。唔知係咪因為好好好耐冇食街飯，今餐特別好味。想食牛，點咗個牛筋丼：牛筋：微微辣，唔食辣既朋友都可以試下，牛切粒粒嘅，配以辣味燒汁同大葱 醬煮feel。上面重有少許沙律醬及葱。每一羹配埋飯食，好正。唔油，但食入口有種牛脂既香味。配搭唔錯。牛筋有幾粒好硬，我差啲以為咬緊骨😳 份量： 中等大碗。餓鬼女士可能要再點小食。整體入味，食完有少少齒頰留香feel (可能係牛有點硬，我重以為自己咬緊)🤪

最近唔太敢食魚生，就試下啲熟食嘅便當啦 叫左份吉列豬扒清湯烏冬 —— 雖然個湯真係好清 😂 又冇乜配料，但個烏冬係煙韌嘅，當清清地咁食都尚可。塊豬扒炸得好靚，肉質唔錯，但呢塊好多大大舊嘅肥膏。。。我地唔太中意食肥就覺得一般啦睇餐牌見到個南蠻雞便當係攞過金賞大獎嘅，就一於試試佢啦！沙律菜新鮮，玉子燒好食唔會過甜（我好怕啲玉子燒甜到好似食緊甜品咁），個人口味麻麻地個應該係紫薯同薯仔沙律，但其實係唔差嘅。重點！塊雞炸得好好好好食！皮脆肉嫩，咬落去仲係好juicy！面頭有啲甜甜地似沙律醬，同件雞同啲珍珠米好夾！推介！

中午不想做飯就想著叫個便當🍱，看到樓下這家午市定食自取有15%優惠就來試下啦。一看就很豐盛很吸引呢，有蔬菜沙拉，玉子燒，蘿蔔紫薯球還有最正點的大塊南蠻雞！米飯🍚上也舖有一層蘸有沙拉的生菜，周到👍🏻雞肉的味道一如既往的好吃😋，並一定要蘸上他搭配的沙拉醬，真是好下飯啊！上次吃他家的滑蛋豬排之後就念念難忘沒想到這次的便當也這麼OK，大滿足！最近一直home office大概會經常來吃吧哈哈哈😄

之前已經食過丼丼屋幾次，第一次寫食評😊今日6點已經來到餐廳，沒有太多客人，不用等位便可以馬上入座。今次俾推介嘅餐牌吸引咗，於是同朋友試一試。贅沢大拖羅丼真係估佢唔到，吞拿魚茸鮮甜份量都唔算少，伴蔥花撈飯都幾好食重點黎喇，厚切大拖羅刺身，雖然有少少根，但係油脂分布平均，口感超滑，真係估唔到一個平民嘅價錢$98（已經係加咗$3有埋麵豉湯）可以食到高質大拖羅刺身帆立貝三文魚子丼定食如圖所見分量十足嘅帆立貝刺身，夾起上嚟係超過10片㗎，仲要係正常尺寸同厚度，味道鮮甜爽口，三文魚子亦鮮味十足。就咁睇飯唔算多但係食落都好飽肚，定食包括有麵豉湯，紫薯蓉同甜品，仲有埋餐飲，指定凍果茶一杯，呢個定食真係好豐富，而且仲係一個超驚喜嘅價錢$78就已經可以食到平時食兩碟帆立貝壽司都要呢個價錢，而家係正整整一個套餐呢兩個定食套餐真係必食之選絕對值得encore呀

疫情關係少咗外出，反而多咗去舖頭買外賣，之前一直有幫襯開噹噹屋，覺得質素唔錯，趁疫情外賣有七折，幫襯左十勝豬肉飯同滑蛋吉列豬扒飯用OpenRice程式落單，揀咗半個鐘之後攞，好快餐廳就收到單，然之後15分鐘之後就完成，因為我本身諗住要半個鐘先攞， 所以我都係喺落單30分鐘之後先攞，即係佢完成咗個食物之後，我15分鐘後先攞，加埋唔返屋企，食物煮好到我返屋企食，都相差30分鐘，所以返到去啲食物都開始有少少變凍， 覺得豬扒冇咁脆.但整體質素都okay

在荷里活商場食飯 想食日本野選擇並不多 丼丼屋是其中之一的連鎖日式餐廳 午餐食物選擇都是以lunch set為主！我試左日式牛肉丼，價錢只是$48，包前菜，湯，牛肉丼飯和飲品，算是平易！上主菜速度很快，前菜是一球冷凍薯仔蓉和餐湯是麵噌湯，味道尚可！主菜牛肉丼，我略嫌牛肉汁不夠多，牛肉煮得較乾身，所以我另外叫店員給我多點sauce中和下 !飲品是無糖豆槳，較健康！丼丼屋餐牌選擇都頗多，轉配咖啡/茶另加$5，加配$13有炸豆腐或一口班戟，總括都是一般日式丼，沒有什麼太大驚喜！

我哋一人叫咗一個主菜，分別係鰻魚飯同埋辣味豬肉丼～ 鰻魚飯配埋個鰻魚汁都幾好食，份量都幾多，算抵食 辣味豬肉就麻麻哋啦，嗰啲辣其實就係七味粉，豬肉好似就咁烚咁，配啲鹹味，冇咩特別我哋加咗錢要刺身同埋其他配菜，刺身質素OK，麵豉湯同埋薯仔都係正正常常，反而個黑糖冰粉幾好食～ 總括來講都OK

我係一個好鍾意吃炸豬扒嘅人 諗唔到吃乜嘢就直接炸豬扒 丼丼屋樓底高 環境唔錯 不過咖哩豬扒飯我就覺得 覺得麻麻啦 豬扒比較韌 炸衣都比較厚同埋硬身 所以整體炸豬扒口感就唔太好啦 值得讚嘅地方係 咖喱 顏色會比較深色 會俾一般日式咖喱重香料 同埋辣 不過有唔會好似印度咖喱咁重口味 日本嘅飯都係珍珠米啦 今次飯都煮得唔錯 粒粒分明 飽滿 唔會太濕或者太乾 配上咖喱 吸收咖喱香氣係唔錯 另外我地都叫多一個 炸可樂餅 兩大個 夠厚 表面夠脆 入面啖啖肉 薯仔都好滑 值得一試

去到荷里活廣場，在煩惱去哪間餐廳吃午飯，經過丼丼屋，沒有人等位，裏面顧客也不是很多，所以選擇了它。午市套餐的選擇頗多，我和家人一人點一個。套餐配有沙律、薯蓉球、麵豉湯和果茶。沙律菜清新，蟹柳鮮味，麵豉湯材料豐富，味道淡淡的，果茶裏有很多果肉，像是西柚加橙肉。我最推介的是薯蓉球，它有淡淡的沙律醬味和番薯味道，很好！天婦羅蝦餅丼定食$68- 天婦羅炸得香脆可口，不會感覺油膩，蝦仁加上野菜不失濕潤的口感。可惜天婦羅蛋偏熟，少了流心蛋黃汁配飯食。牛筋丼玉子定食$78- 牛筋上有很多沙律醬汁，比較重口味，如果可以給顧客自行加上沙律汁就好了，吃到最後因為太膩的關係，都沒有把所有飯吃掉。滑蛋豬扒丼定食$98- 加了$5熱日式炭燒咖啡，咖啡味頗香濃。雞蛋煮得剛剛好，十分軟綿，增加了香脆豬扒的口感層次。難怪它是餐廳的重點推介！

#下午茶餐 似乎係專為我哋呢啲懶人而設😆 放假嘅日子，我又點可以唔爭取時間 #補眠 呢？呢排幾乎每個假日都瞓到中午嘅 #小秘書，梳洗過後，正好係 #下午茶時間🥳 點指兵兵... 呢日我哋就去 「丼丼屋」開飯😋 本來我想點個 #迷你魚生丼，好可惜已經賣晒👉🏻👈🏻 我只好改要 #滑蛋炭燒雞肉丼 配 #芝麻雞翼。呢日 #師傅 似乎心情唔錯，#蛋漿 份量啱啱好... 至少唔會好似早幾次咁，成個水塘喺碗底😅 #丼飯 上枱嘅時候仲出哂煙㗎，雞肉好嫩軟👍🏻👍🏻 #芝麻雞翼 口感唔油膩、仲炸得有少少脆邊好香口👍🏻👍🏻 至於跟餐送個杯 #果茶 就酸酸地，似係 #西柚 嘅朋友... 免費嘅ok啦😏 不過唔知點解每次下午茶時間，餐廳裏面周圍都會圍晒板，感覺有啲侷促😅 不過 #服務 同 #食物 都OK嘅，價錢相對都親民呀！

因為中左戲飛，今日就同老公飛甩仔仔，去食晚飯加睇戲啦。真係好彩，因為睇戲我要食爆谷，所以晚飯只係叫左一個丼飯同加錢刺身同老公兩份食。如果叫足2個丼飯，又係食到一肚氣。其實睇Menu都好唔錯的，我原本只係想叫普通饅魚飯，但老公見有個貴D既就叫貴D果個,諗住饅魚會靚D。依個就係貴果款饅魚飯，佢重有個茶咁既物體，係可以食一半加落去做湯飯咁的。講真，見到依個饅魚既賣相就知中伏，又乾又薄，燒燶左既真係好難食丫，燒到咁都拎出黎真係離譜。最衰我地跟住趕睇戲，唯有照食。因為燶左既鰻魚真係唔好食，令到我覺得，依間野一定冇下次。加錢的特上刺身。依個都冇乜點，個薯容係勁好味的，不過湯又好，刺身果D魚子又好，其實比隻匙係咪真係咁難呢？要叫先比。鰻魚明明係一樣好好味既食物，我都唔明點解可以整到咁難食。重有價錢比普通果隻鰻魚飯貴成50蚊以上，但件鰻魚薄過紙，咁平果隻鰻魚會點？得層皮？