丼丼屋 (創紀之城五期(apm))

營業中

休息中

平日的晚飯時段去,人流不多不用排隊,有自選刺身丼連定食,刺身種類可自行配搭,選了一般三文魚,油甘魚,個人感覺比較薄身,還好每種有4片,味道一般,口感較諗定食除了盤上的小食和味增湯,還配凍飲果茶(其餘飲料另加錢)總結CP值一般,間中嘗鮮還可以

喺观塘返工，lunch食呢间日本嘢。环境简单干净，服务员热情，午餐时间唔使排队 ✨松叶蟹丼 118大大碗饭上面铺满松叶蟹肉，仲有少少蟹膏。食得出蟹肉好新鲜，鲜甜好味😋女仔斋食佢蟹肉都可以食饱🤣定食套餐仲有汤同小食仲有甜品，质素都唔错。

今日下午五點去食冇嘜人成場加埋我得三個客，其實我成日唔明點解唔俾人坐舒服啲要坐好窄嘅二人枱冇人比張梳化坐吓都得啩，跟住QRcode落單揀左個鰻魚豚肉生薑燒飯$88冇野飲散嗌，黎到嘅時候我望一陣（第一張相)個鰻魚好細塊細到我真係食唔落覺得要佢換跟住我叫咗個侍應過嚟打開埋本餐牌問佢會唔會太大分別啊，跟住佢都話幫我同廚房講換或者叫過其他野，我話唔洗照舊，好快就再黎都係同頭先差唔多(第二張相)跟住算啦都冇可能同餐牌一樣冇再換，再換以為我玩野，一筆落去個飯度就到底原來佢嗰個飯係一片鋪喺下面超小份量(第三張相)好多汁好小飯個飯濕曬，個豚肉生薑燒超級老嚡熠熠，大佬呀好難食啊，真係你同我講話個飯五六十蚊我都OK啊但係加埋一$96.8我真係覺得太過分啦好難食啊好難食啊！

今日同朋友嚟APM食飯，呢間主打親子丼的「丼丼屋」選擇都幾豐富，除咗各款親子丼外，仲有刺身、小食、自選魚生飯、茶漬飯等等…🐠吉列三文魚配熱烏冬 $120吉列三文魚外皮香脆，內裏軟熟，炸到半生熟狀態更能突出三文魚嘅鮮味，再配上三文魚子，烏冬爽口順滑。🐣燒雞肉三味丼 $88呢個三味丼有三種食法，我最鍾意撈哂所有配料做茶漬飯的食法，別有一番風味，雞肉燒得幾香，配上日本蛋蛋香味濃郁。🧀北海道芝士薯餅（1件）+$12炸薯餅外面香脆，裏面芝士流心甜中帶鹹，芝士味濃郁。🦑炸魷魚鬚（半份）+$28炸得幾酥脆惹味，份量都唔少。所有定食加$18可以轉套餐，包括果茶、前菜、寒天甜品、麵豉湯，果茶酸酸甜甜好開胃，寒天甜品好清新。

最近丼丼屋推出了期間限定的Menu 當中最吸引我的是吉列三文魚 平時大多吃三文魚刺身  不然就是火炙三文魚 這還是第一次試吉列三文魚 加上是最近日本大熱的Item 很期待！🔹️吉列三文魚配飯 $108 定食裡有5大塊厚切吉列三文魚、三文魚籽、他他醬、南蠻汁 吉列三文魚外面炸衣相當薄身卻鬆脆 裡面的三文魚肉還是半熟的狀態  連三文魚原本的橙白紋路都還在  所以從外面的香脆到裡面嫩滑的口感都嚐得到  跟平時吃的吉列牛、豬和吉列蝦不一樣  半熟三文魚的肉質更嫩滑Juicy 充滿油香  另外不想配白飯也可以加$12轉烏冬  可惜這款期間限定美食只供應到5月21日  附上的他他醬和南蠻汁  個人比較愛更酸甜的他他醬   跟吉列三文魚真的很搭 令整體味道更清爽  兩種醬汁風格不一樣  南蠻汁也是酸酸的 混合了醬油  🔹️澳洲和牛烏冬定食 $116 這份定食有前菜小食、和牛、烏冬、菇菌、蔬菜、 蛋黃、油揚、味噌湯和甜品  一整鍋份量不少  超豐富吃起來很滿足建議一定要+$38追加多一碟和牛會更過癮  鍋裡面也放了很多洋蔥 提升了材料的味道  甜點黑糖啫喱裡的黑糖汁很濃郁  為豐盛的一餐劃上完美句號

一直以來已經收藏了幾間觀塘餐廳名單上一次去到一家X茶餐廳吃了一個失敗的早餐今次來到午餐名單總是有點疑惑餐廳寬躺位置也足夠的多衛生整潔方面如果以餐廳收費方面衡量只是一般有待改善餐廳採用電子下單及電子結帳方式的這方面對於年輕人應該冇問題可是對於長者們應該不太懂了來到今次的重點「吉列三文魚定食」這是餐廳最新菜式首先說真的是外脆內軟可是三文魚方面非常一般一點三文魚甘香味都沒有另外用來配食的那2個醬汁根本就是調配失敗之作水水的汁毫無味道當時想不如給我一點沙律醬還好總結：觀塘真的沒有一家讓人滿足的餐廳嗎？？？

上星期六行街shopping，行到餓餓地，經過丼丼屋見佢出左冬日限定嘅螃蟹🦀同火鍋，忍唔住即刻入去試下🤤🤤今次丼丼屋期間限定推出嘅松葉蟹丼誠意十足，有齊晒蟹鉗、蟹肉同蟹膏🦀，蟹控必試😍特別係啲蟹膏真係好好味呀🤤🤤🤤除左松葉蟹丼，仲有另一期間限定嘅產品，就係名古屋名物嘅壽喜燒火鍋定食啦，佢特別用咗嫩滑嘅日本雞腿肉，另外仲有金菇、冬菇、本菇、大蔥、芋絲，材料豐富又份量十足，加埋白飯同生雞蛋，撈埋一齊食真係無得頂！份量咁多一個人食真係好飽肚🤭誠意推介比大家😌🦀「松葉蟹丼」單點 $118 & 加埋定食（配前菜、麵豉湯及果茶）$136🍲關東風「鳥開壽喜燒火鍋定食」 $128 （包白飯) 另外仲可以以$18追加「野菌盛合」 （包括金菇，冬菇同本菇)

週末去開行街shopping, 夠鐘醫肚就去咗丼丼屋嘆番個冬日限定嘅松葉蟹🦀同火鍋暖下身😘丼丼屋嘅松葉蟹物超所值!! 「松葉蟹丼」嘅份量十足～可以一次過食晒蟹鉗、蟹腳、蟹肉同蟹膏😍 🦀方便易食, 濃郁鮮甜, 肉質嫩滑, 蟹膏口感滑順! 好好味呀🤤🤤🤤凍凍地嘅季節～ 我地仲叫咗個關東風一人前雞肉壽喜燒火鍋🍲 正正～ 壽喜燒平時都係牛肉同野菜為主要食材~ 今次「鳥開壽喜燒火鍋定食」，就用咗嫩滑嘅日本雞腿肉替代傳統嘅牛肉~ 雞肉係爸爸嘅最愛呀!! 另外仲有金菇、冬菇、本菇、大蔥、芋絲同日本雞肉料理店「鳥開」特調嘅壽喜燒湯汁! 媽咪仲好鍾意跟地道嘅日式壽喜燒吃法，將日本生蛋攪拌🥚 再將白飯同雞蛋加入湯汁~ 煮成融匯全鍋精華嘅雜炊! 超級正呀!!!!! 🦀「松葉蟹丼」單點 $118 & 升級定食（配前菜、麵豉湯及果茶）$136🍲「鳥開壽喜燒火鍋定食」 $128 （包白飯) 另外仲可以以$18追加「野菌盛合」 （包括金菇，冬菇同本菇)

今日去咗觀塘APM嘅丼丼屋日本餐廳食飯。我點咗澳洲和牛碁子麪同炸魷魚。澳洲和牛碁子麪嘅味道好唔錯，碁子麪煮得啱啱好，牛肉好鮮嫩多汁。炸魷魚外脆內嫩，食落好好味。總括黎講，菜嘢嘅味道還算可以，但冇咩特別嘅驚喜。餐廳環境相對寬敞，但位置有啲窄，坐得有啲迫。服務方面，侍應嘅服務係普通水平，冇特別出眾嘅表現，但都冇明顯嘅錯誤。整體而言，服務水平還算可以，但冇咩特別令人印象深刻嘅地方。如果你想食日本菜，可以考慮去試試，但唔一定會留下深刻嘅印象

丼丼屋的環境簡潔而舒適，給人一種溫馨的感覺。餐廳內部通常佈置簡單，但富有日本風格的元素，營造出一種舒適的氛圍。服務也非常友好和周到，員工樂於解答任何問題，並確保客人能夠享受到良好的用餐體驗。丼丼屋的時令松葉蟹定食套餐是餐廳的招牌菜之一，絕對值得一試。這個套餐以新鮮的松葉蟹為主角，搭配其他美味的配菜，味道令人驚艷。松葉蟹肉質鮮嫩，帶有豐富的甜味，每一口都讓人著迷。它與白飯和湯一起呈現，提供了一個平衡和滿足的用餐體驗。除了松葉蟹，套餐還包括其他精心準備的配菜，如清爽的沙拉、燒烤蔬菜和美味的味增湯。這些配菜提供了不同的風味和質感，使整個套餐更加豐富多樣。松葉蟹的品質是這個套餐的重點之一。丼丼屋確保每一隻松葉蟹都是新鮮的，從選擇到烹飪都非常講究。這種注重品質的用心能夠在松葉蟹的口感和味道中得到體現，給人一種令人難忘的食物體驗。丼丼屋以其時令松葉蟹定食套餐而聞名，這給客人帶來了驚艷的食物體驗。餐廳的環境和服務都令人滿意，讓用餐更加愉快。時令松葉蟹定食套餐的新鮮度和品質令人印象深刻，每一口都散發著美味的甜味。

🍱 名古屋鳥開親子丼定食 $135🍱 牛肉壽喜燒親子丼定食 $150每份定食包括：飯1大碗、可選刺身(蝦x1 三文魚x2)或雞全翼、沙律蔬菜1小碗、涼拌菠菜1小碗、麵豉湯x1、甜品蒟蒻1小碗、果茶x1(其他飲品均需加錢)-甜品蒟蒻和果茶都非常之無味，淡茂茂；蒟蒻有少少葡萄汁浸住，但𢳂入口都係無味 Ewww,,,,,,-當普通晚飯醫肚（價錢係偏高），食物味道亦唔會感覺驚喜或好好食！-環境和座位分布舒適，沒有好擠逼感覺；總算在放工後輕鬆地食個晚飯，同朋友傾到計。

今日約左啲朋友係APM附近行街，順便係APM度食埋。一路都有聽過丼丼屋，質素都幾好🤤🤤，見唔係好多人排隊所以就去食下佢🙈🙈。🥕滑蛋吉列豬扒丼呢個豬扒炸得幾脆，炸粉亦都唔算厚，肉質厚實。嘅蛋都幾嫩滑，蛋味幾香，調味都幾好❤️❤️。成個飯嘅都份量好多，我都食唔曬成個飯🙈。

平靚正丼飯｜📍丼丼屋♡炙燒鹽蔥左口魚裙邊丼+升級定食♡｜💰$92+$10+$10升級做定食嘅話就會多咗前菜、麵豉湯、果茶🫶🏻前菜食落好清新開胃😋麵豉湯味道唔會過鹹☺️值得一讚，仲有腐皮作為配料🥰果茶甜度適中飲落味道有啲似蜂蜜綠茶，解膩一流🫶🏻作為主角，最近新出嘅期間限定「炙燒鹽蔥左口魚裙邊丼」相當出色。左口魚經過炙燒後充滿魚油香，雖然飯底望落只係白飯😂但其實每啖飯都吸收咗左口魚嘅魚油同埋有帶啲鹹香嘅日式鹽蔥醬❤️‍🔥所以幾好食🫶🏻咁多位千其唔好見到個飯白雪雪就喪加豉油啊😂♡燒雞肉三味丼+升級定食♡｜💰$88+$18+$18升級做定食嘅話就會多咗前菜、麵豉湯、果茶、甜品🫶🏻甜品係巨峰提子味寒天🍇幾有特色餐廳提供咗燒日本雞肉丼三食嘅方法，第一食係先食原味雞丼，雞肉份量多，每塊都大大粒又嫩口🫶🏻配埋濃稠甜甜哋嘅汁&蛋撈埋好好食🫶🏻第二食係溝埋蔥花、山葵、紫菜🫶🏻紫菜嘅香味突出🫶🏻撈埋一齊食味道更正💛第三食係加湯撈飯（圖中黑色裝湯壺）撈完之後會係湯嘅鮮甜味為主💓唔洗成餐淨食一款汁嘅味道💛總結嚟講3款食法都幾好食喔！♡關東煮♡｜💰跟餐+$28關東煮包含咗年糕福袋、雞蛋、大根、昆布結、野菜。野菜索晒清

2023.09.29 dinner 呢一日，放早，行一陣食個早飯，見好耐冇食過丼丼屋就揀咗，餐牌都唔同晒⋯⋯揀咗$98嘅醬汁吉列豚丼，之前都食過，同埋一個未試過嘅十和田燒和牛配飯，都係$98。跟住加咗$18變定食，有小前菜、麵豉湯、冰茶、小甜品，好似幾抵咁。醬汁吉列豚丼個醬汁真係幾好味嘅，但個豚對我哋嚟講就肥咗啲，麵豉湯一般，小前菜正常，冰茶正常，叫做有杯飲品，至於個甜品就麻麻lu。 食食吓，十和田燒和牛配飯都到，咩事呢，牛好少兼好似啲牛唔係好新鮮牛咁，有好多塊都又黑又乾，又肥牛feel，同餐牌張相差好遠！諗咗一陣就同服務員講，後尾成份換過⋯⋯唉！不過都差唔多，但俾多咗牛，仲衰，啲牛唔靚，我寧願多洋蔥！味道都麻麻，好彩個汁ok，可以用洋蔥送飯🫠 我諗我哋都應該唔會再嚟🫢

爽爽同爽媽探店🤩 #探店 #吃貨爽爽暫時未有去過日本嘅爽媽同爽爽，今次我哋去咗丼丼屋 @dondonyahk食日本嘢止渴先🤩 丼丼屋最近特別推出「炙燒和牛海膽丼」，將高級食材融入正宗日式丼飯，至9月19日喺全線丼丼屋同丼丼屋x鳥開聯乘店以超值價格快閃登場，俾和牛同海膽愛好者盡情食過癮。哇🤤🤤🤤真心吸引🤩「炙燒和牛海膽丼」盛載日本和牛、海膽同三文魚籽。和牛嘅油花均衡，將和牛以炙燒手法輕輕煎烤鎖住肉汁，少少銷魂焦香，入口充滿油脂香，而且中間肉質鮮嫩，配以特調醬油，鮮味更突出。再搭配海膽，其口感細滑，味道鮮甜濃郁，入口即溶。內附醬油半熟蛋拌飯，為丼物增添蛋香同滑順感，令人一試難忘😍除咗單點外，仲有定食以供升級，即可享用前菜、日式湯、甜品及果茶嘅超值定食組合，好圓滿嘅地道丼物滋味!🤩名古屋鳥開親子丼呢個係日本「全國丼連盟」嘅金賞作品，嫩滑、肉汁豐富嘅名古屋交趾雞雞腿肉，半熟蛋汁香甜滑嫩，還有蛋香濃郁蛋黃，真係最佳配搭，真係食到舔舔嘴👍🏻跟餐加小食三文魚新鮮* 丼丼屋x鳥開 (@DONDONYAHK）*🏠：觀塘觀塘道418號創紀之城五期(apm)6樓L6-3b號舖