丹麥餅店

營業中

休息中

好耐之前開始，間唔時都會過黎銅鑼灣呢個丹麥餅店，早餐也好下午茶也好。行街經過也好，放狗行完山落到銅鑼灣也好。都會有點心癮，心思思想食丹麥既包。黎到，又會好掙扎-究竟要芝士漢堡包好，定熱狗好呢？芝士漢堡包 HK$15呢日就揀咗食芝士漢堡包。個包表面微脆，裏面好軟，剛剛烘熱既。個塊漢堡扒，講真，$15，仲要即叫即整，算係咁啦。醬汁方面，有茄汁同自家制沙律醬（我好中意佢既沙律醬）。熱熱既漢堡扒，放響個塊芝士上面，塊芝士即刻溶化，正！其實我見好多食評都有話呢樹態度差。其實我必須承認，嗰位上咗年紀既嬸嬸，成日自言自語，發牢騷咁。可能老人家係咁，有得佢算吧。呢個星期我想去食熱狗啦，哈哈！

丹麥餅店是集體的童年回憶 沒錯吧！ 記得炸薯條，炸雞髀，漢堡包，魚柳包但一定唔會記得老闆娘娘😆 難得她給我難忘的體驗呢~ 😂😂😂話說 她正跟前面兩位女孩收錢， 又跟我說「要咩食講啦」。我説「魚柳包」。 等佢收完錢 輪到我 佢又問 「要咩食呀 」 我又說 「魚柳包囉」。 跟住老闆娘娘 嘰呢咕嚕 又話趕又話忙… 呢度係咁㗎啦…… 乜乜乜……… 冇佢咁好氣 出去影番幾張靚相先 😆😆😆 影完相返入去攞包， 老闆娘娘繼續同其他客講… 咪投訴囉，依家啲人最鍾意投訴……… 食完就等入醫院等死 ……… 😆😆😆 唔知佢同緊邊個講哩😅😅， 總之此時此刻 整個空間 充滿咗老闆娘娘嘅負能量 😂😂 我淨係想同佢講，熱就裝番部冷氣啦！個人 唔會咁燥， 舒服好多㗎 😎講咗咁耐，魚柳包呢 $18 抵唔抵見仁見智啦~ 麵包 烘過內脆，香甜。 魚柳熱辣辣， 有茄汁同沙律醬。這就是最 普通 簡單的好味道， 童年回憶 都係冇咗爆seed老闆娘娘果 part 會好啲 😂😂😂飢Point : 6/10#hungermarch #飢詩 #非飢詩

今日行經銅鑼灣，突然想起久違了的丹麥餅店。今次買了芝士漢堡$15 銅鑼灣來說，不貴。港式味道，比錢後見佢攞起個包放入漢堡，芝士，加啲醬，一分鐘都唔洗就有得食。賣相不太吸引🤢🤢漢堡好像乾乾的🤢吃落就覺得包幾好食幾軟的，可惜不夠熱，以前會會烘得夠熱又不會乾的🤢 漢堡我不太喜歡夾雜了又軟骨又筋咁。整體來說有點乾乾的。下次可能試下魚柳包或熱狗。

雖然在銅鑼灣返工，經過丹麥N萬次，但都未幫襯過此店。也一直知道這是去大球場睇波前買嘢食醫肚的好地方，甚至連住在九龍的朋友也是常客。今天放工就心血來潮，專訪此店買了一隻熱狗。十二大元，為本土小店略盡綿力😄很欣賞此店保留繼續用紙袋，一來環保，二來用紙袋不會像膠袋般「焗住」而引致有「倒汗水」，三來本身幾十年來的小食就是用紙袋的啦，保留傳統小食文化的精髓。用港式麵包做的熱狗別有一種風味，很欣賞他們會把麵包加熱，熱狗醬的份量剛好，雖然這類熱狗腸並不是用名貴的德國熱狗腸，但新鮮即叫即整，真的很好味。之前略有所聞此店會關門大吉，很多粉絲趕去幫襯，現在應該已把問題解決，繼續經營下去。

成日返工經過見到但都冇時間買黎食，今日難得過開去有時間，當然忍吾住買黎食啦，今次就叫左即叫即炸的大雞脾！～ 價錢$18價錢都合理啦，大約等左幾分鐘就有啦，黎到堅懷舊感覺，用雞皮紙袋裝住，但實在太熱啦，所以仲整到隻手有少少紅左添。返到公司仲保持到暖度，一開已十分香，皮脆肉都吾錯，但整體係偏乾身同雞脾比較瘦左，最好係雞脾表面仲有點鹽，增加左吾少味道可以再令味道更好。其實這間小店仲有吾同的面包之類，問左店員開早上7點，可以過黎買個早餐。

因為係附近上堂,少不了在附近獵食！今晚見到呢間裝橫比較舊式的餅舖. 吸引jor 我.再行緊睇見佢冇餅賣,但係會有比較多炸物賣！ 細細個必食懷舊食品 「炸雞脾」「豬排飽」之類.價格都可以. 咁我就買jor一個豬排包食.即order 即炸 但係店舖裡面 整包那個哥仔畀我感覺幾「隨便」 醬料只係普通番茄醬 就冇其他野.好啦 當我第一口食落口感覺.其實係唔好食！個包的size 符合返個價格. 精緻因為麵包擺得耐 比較硬. 而個「豬排」真係好薄.好多油. 醬 只係好小既蕃茄醬. 完全覺得係一個伏.我除jor一手油之外.冇咩好評係個包度！😑😑其實想講 懷舊都要d野好味！

由細到大嘅生炸雞肶 每次行過銅鑼灣都心郁郁想食 明知邪惡都忍唔住食😭-----------炸雞肶 ( $18 )熱辣辣 香噴噴 雞皮極乾脆 雞肶肉雖唔係肥美嫩滑 但有少少肉汁同又唔會點油膩😌 外面只係加少少鹽調味 已經夠滋味😆 都有好多學生放學去買🍗😋

銅鑼灣就成日行街都會來，但係一直都冇試過丹麥，今日終於有機會試吓。之前聽過話要排隊，不過我諗情況冇咁誇張，我平日下午來，即叫即有。先係旁邊向婆婆落單，之後拎張飛仔交俾廚房，好快就有喇。豬扒包＄18，豬扒睇住佢炸起，麵包亦都有㷫住，所以當然好夠熱啦。係豬扒嘅下層落咗茄汁，上層就有調過味嘅沙律醬。但豬扒比較乾身，冇想像中咁好食，好味嘅相信喺呢度懷舊嘅味道喇。

餅店係冇餅賣 係賣小食的係香港老店 要到前台比錢先 再扲住張單扲野食 都幾得意四五點已經好多人排隊芝士漢堡包 $15個 聽男朋友講原來加價唔少 漢堡包 有茄汁同沙律醬漢堡少牛肉 多粉個包唔係幾好食 會漿住漿住個口雞翼＄12有3隻 細隻冇肉炸到乾爭爭 食下懷舊風都可以既 唔好期望水準好好

Very very rude old lady cashier. I knew that it was a very traditional old store. As It was my first time visit, I asked her very politely about the process of ordering if payment has to be made before taking the food. However, her reply was extremely rude and irrespective, and kept saying something that made you feel bad and even wanna stop. OMG. How come an old lady had such "bad heart"!After I took my pork chop bun and left, and I ate after I calmed down. However, it was really disappointing.

係銅鑼灣，呢間丹麥餅店唔算易搵！因佢唔係銅鑼灣中心地帶，佢位於禮頓道個邊！店鋪嘅門口一睇就知佢係歷史由久啦！入面除左普通麵包之外，仲有呢d特色麵包！好多人都話佢嘅炸脾好岀名，因為之前都好過，係的確唔錯，但今次就想斯試下今次佢嘅炸豬扒包，試下其他野係點！由於個飽係店員即整嘅，所以炸豬扒包一拎上手係熱辣辣！入面嘅豬扒大過個包，豬扒包入面夾住蕃茄汁、同類似沙津醬嘅醬，包係鬆軟嘅！個包雖然簡單，但整體來說都算ok。

The other reviewers have captured it very well- Danish Bakery has nothing Danish about it (you'll notice this about a lot of HK restaurants, such as the Australian Dairy Company). However, it makes it easy to remember, having a kind of funny western name thrown on to it, so maybe it's actually a high level branding tactic.They primarily serve breads that you eat as breakfast or a snack on the go here. Most of the times, I get a pork chop sandwich 豬排堡 or a chicken leg 雞腿. For the non chinese spea

每次講起炸雞比，大家都會同我講銅鑼灣丹麥餅店個雞髀係無敵！每年百萬行起點都會經過丹麥餅店，不過因為太早，所以每次同丹麥餅店都係擦身而過。好的炸雞髀係需要有：1:新鮮細嫩的肉質、2:唔可以炸得太乾、3:要有肉汁、4:唔太厚嘅皮、5:皮要脆、6:裡面要夠熱⋯當然要夠大隻同埋要熟（裏面唔可以有血！）！今日慕名而來，終於見識到久仰大名嘅銅鑼灣丹麥餅店炸雞比！好吃！不過冇想像中咁好吃！門口嘅中文字夠古色古香，係會加分！而且收錢個嬸嬸好風趣，有加分！不過雞髀呢⋯⋯⋯非常油，不過唔算太膩個皮唔夠脆，最敗筆嘅地方呢個雞髀其實係好食不過市面上實在太多好好食嘅炸雞比所以其實都合格啦

問問大家，多少年沒入過大球場睇波？(女士可能會話從來未入過)於我而言，無廿年都有十五年，真係好耐。昔日讀書時，$10學生票入場，堅係抵，有時一星期睇兩日。不過，都係咸豐年代既事，現時港超聯有邊幾隊踢緊我都唔知，賀歲盃與我毫無瓜葛，外隊訪港我也提不起興趣。畢竟現在鈕開電視，就是英超西甲等頂級球賽，實在來得太方便。往日入場前後，買一隻「丹麥」的熱狗咬，幾乎是指定動作。隨著多年沒入場睇波，惠顧丹麥的頻率，也愈見稀少。是晚路經，見有幾個人排隊，我心癮又起，來回味一下。 先到櫃檯的婆婆那邊俾錢，拿著紙頭去食檔領取就是。 原來家陣既熱狗，已升價至十二個大洋，豬扒包則十八個大洋，就咁花了三十個大洋落樓。 熱暖的香腸，配點沙律醬，夾著麵包，組合簡單不過，但製作認真，至少麵包是會烘熱給你。不僅入場睇波，讀書時期，有許多餐午餐，也是學校飯堂的這類熱狗陪我渡過。 雞翼與豬扒包也是經典，今次吃後者，豬扒雖薄身，但即場炸起，金黃香脆，咬落燙口，只配些茄汁，夾個包，簡單而美味。 七月利記訪港，誰有興趣入場看看？不過，記住唔好買波，尤其是利物浦，正所謂若要生活好……

炸雞脾 $18______________________________點評✏️分數：6.5/10______________________________味道🍴第一篇既文，揀左寫懷舊既丹麥餅店，除左熱狗之外，豬扒包,漢堡包等等都岀名，而今次經過就試下炸雞脾.好大隻！唔係落炸粉炸，就咁落滾油拖佢，皮炸得脆，亦都好入味，但肉就炸得老哂，唔嫩，頗"鞋"🙁，假如控制下火候就Perfect啦！其實係食佢懷舊既裝修，人情味？食物就有所保留