丹麥餅店

營業中

休息中

星期日,沒有地方好去,辣椒女提意去食魚柳包.(心想麥當勞?)原來唔係.看到這小小的店,心想真的好食嗎?就試試吧!我們先叫了魚柳包和奶茶,魚柳包- 魚柳好脆,好味;包很柔軟,但就比較凍.之後再叫豬扒包- 很鬆口,很脆,也是好好味.再追加熱狗和奶茶- 熱狗就比較一般d了.(因是雞肉腸,所以我都食得.)奶茶- 很有茶香味,很滑,唔錯.我們這樣追加,但老板娘(我想)也沒有奇怪,相信我們已不是第一個這樣做的了.我覺得還是魚柳包最好味,其次是豬扒包.奶茶都好好飲.問過點解包比較凍,她說是機做出來的,再看看那部機(這麼舊),凍都是必然的了.這裡的營業時間是7:00am - 7:00pm

以前細個暑期同家姐去完南華會游水之後,我地好鍾食去呢度買炸薯條(仲係好粗o個隻薯條黎架)+ 即整豬扒包/新鮮出爐菠蘿包食架~因為佢又平+又好食,我地通常都係一路食一路行去搭巴士返屋企,不過自從搬左屋之後就好少經過o個頭lu~ 最近經過o個頭d野食都無加到價,仲依舊咁好食添~希望丹麥D野食KEEP住一路都係咁正就好LU~

打道回府之前，順路買番個丹麥豬扒包作午餐。即叫即炸，薄薄的脆脆豬扒搽上茄汁再加軟軟麵包，正到跌渣。見麵包哂家，掃左個兩塊半錢淨豬仔包孝敬阿毛，大大個軟綿綿，去邊到搵丫？！懷舊店舖　＋　麵包才係精髓所在呀～

每次經過0的度，都好多人買0野食，尤其是熱狗、雞脾等，不過佢0的熱狗醬真是與別不同，係白色的，酸酸甜甜，好好味。除左以上兩樣外，雞批都一樣好好食，不過美中不足是凍的，如果買回家再叮熱佢，一定會更加好味。不過佢所有0的0野都好有舊式麵包舖的感覺，好像令你回到童年咁，值得推介。

充滿懷舊情懷，這裡可能可以令你想起童年時，那些天真幼稚的片段。可能跟你兒時去的不是同一間，但那種感覺，相信如果你都是在屋長大，那就肯定可以同我有所共鳴！看著上了年紀的「叔叔、嬸嬸」左弄著香腸、炸著薯條、煎著豬扒，真是想留多幾刻，繼續去留戀著以前的記憶。前幾日左個上晝假，專程來這裡叫了一個豬扒包作為Lunch。那塊豬扒真的是煎得熱辣辣，不厚又不韌，加上最愛的茄汁一起吃，真是妙不可言。但不知是我記性不好還是怎麼樣，那個飽用上了餐包，印象中豬扒包不是用這種包的。即使如此，亦無減我的雅興。回憶過後，又要回到工作崗位，面對現實的世界了。

每次到銅鑼灣,總會想到丹麥餅店裡的漢堡飽。曾到次享受漢堡和薯條,兩者皆滿有小店特色。當你親眼看到老闆把漢堡放在鐵板上,你會急不及待把它放進口裡。有別於某大型「不瘦降」快餐店，丹麥餅店的漢堡較為鬆口、圍繞它的醬汁味道近似千島醬，加上茄醬,配合起來很有80年代初茶餐廳漢堡的風味。薯條甚有薯味,由於是即炸關係,包保爽口和熱氣.... hehe.

星期六下午唔想食得咁heavy, 所以嚟咗呢到買個飽食就算. 天氣這麼熱, 這間沒冷氣的小店依然那麼多人. 厲害厲害! 一個"熱狗"呀唔該一個新鮮熱辣辣香噴噴的"熱狗"好快就在我面前一個字形容: "正"用HK$6就已經食到咁美味的東西, 感謝主!

10/9下午經過,見佢好好生意,多了好多人來幫襯呀!!我就最鍾意食lee到的熱狗,所以點了我最喜愛的熱狗$6,咬了一口,我覺得差了很多,個包只是微暖同埋味道好似唔同左喎(不過我都有成年幾無去幫襯),沙律醬少了很多很多呀!!口感真是麻麻,味道同以前相差很遠,希望佢今次真係失手la.唔通佢多人幫襯了就質量下降??

去開南華會都實經過呢度，尋日又來了。下著不小的雨，諗住入來吃個熱狗避下雨都好，橫掂未食飯。見佢個熱狗包機熱著幾個漢堡包，臨時要了個芝士漢堡。熱熱的包加即煎的漢堡扒同半溶的芝士，好好味。比老麥的好味幾倍，當然中間加入了廿幾年的感情在內，話晒都由細食到大。有朋友可能覺得無咩特別，但8蚊一個有芝士有漢堡又熱辣辣的包，要幾特別呢？食食下見個細路買炸雞脾，我又要了一隻。雪藏的開邊雞脾不太大隻，成隻放入油裡炸，至全熟拿出來，已經黑麻麻。其實一向覺得炸雞脾最好吃的就是脆卜卜的雞皮，加些少淮鹽，直頭是人間珍味！當然要廋身的姊妹或keep fit 的各位現役或過氣的師奶殺手是無福消受了，我當然照吃如儀。店長及幾位店員都已年邁，看來也不吃得幾多年了。熱奇腸+ 炸薯條+炸雞脾=我們是這樣長大的。

本來想試薯條但賣晒,於是試熱狗.我又唔覺有乜咁特別.如果講個包既話我覺得整熱左既包點都唔會太難食.

上星期六買一個豬扒包、一個熱狗同一杯凍杏霜。塊豬扒炸得有點過火，太乾、太冇哂肉汁，好彩個包好軟熟同搽好多茄汁中間先至平衡番；而個熱狗─我個人就覺得佢自製o既沙律醬好好味，比起用普通沙律醬好，雖然唔係加芥辣同茄汁，但係另有一番風味，同個軟熟o既包、熱辣辣香腸幾配合；至於凍杏霜應該係用粉開o既，冇乜特別。

之前雜誌介紹過呢度的熱狗同豬扒飽話好食，所以特登黎試下，前面有3個人都係買豬扒飽，見佢地即整即炸豬扒，我呢排熱氣，最後買左漢堡飽，個飽暖暖好軟熟，漢堡扒好淋身，唔似麥當當咁實的的，雖然無洋蔥酸瓜，但加埋沙律醬茄汁一齊食，真係好好味!!!

繼上星期試完漢堡包之後，今期試佢隻熱狗。軟熟麵包依然係我至愛，至於醬汁同香腸，我都係依然捧「樂園熱狗王」多o的．．．你話如果將佢地「合體」幾好哩，o岩哂我口味～

由細到大都係九龍，真係唔知有哩檔「老字號」，同事見我係熱狗痴，紛紛介紹去「丹麥」。是日路盲落去「中央土館」借書，憑住同事們之前教路印象，走去搵搵～黎到門口，心大心細唔知食「狗」定食「牛」，就跟住前面哥仔一樣叫左個漢堡包．若將同類即叫即整漢堡包比較，如「家家樂」及一般茶餐廳，餡大家都差無幾，但我反而鍾意「丹麥」個包喎，好軟熟呀！（傍晚六點幾去到都咁軟熟，估唔到喎～）同埋食落冇「家家樂」果o的咁乾涸，唔錯丫，食得過～本來想叫多隻「狗」試，見近排減磅都係唯有等下一次喇～

仲記得讀初中時要行路返學，日日都經過呢度。果陣無錢，最多都只係買個五毫子的硬豬仔，成日想食熱狗同漢堡包，當時兩樣都係賣兩個半，但都係有得睇無得食。直到今時今日都只係賣6蚊已經唔算貴，芝士漢堡就八蚊，而家當然會覺得佢麻麻地好食。難得呢度咁多年都係老樣子，無咩變過。老闆同伙計都已是老人家，我諗放學或lunch hour都會有好多學生來買野食的。佢用緊果部烘熱狗包的機同中環永樂園係同型號的，可能以前的烘包機就係咁。