丹麥餅店

營業中

休息中

去到銅鑼灣揾食，想揾啲唔係連鎖店，係Openrice到發掘到佢，唔難揾🤗 舊式老店，見到嗰裝修我會覺得佢裝修咗反而未必咁吸引😂 除咗普通麵包🥯 店內所有食物同飲品都係即點即造，最估唔到嘅係佢整我嘅豬扒包同魚柳包係會放係鐵板上烤至表層微脆，再配上自製的餐包同沙律醬。所有餐包均在加上配料前放進烤爐略為烘烤，以保持由內至外均是熱騰騰的🤗 佢做法好有誠意，亦見到佢咁做，但係食落就無乜佢想制造嘅效果，但味道同性價比都okay，因為都係$20/個，係等待⌛️嘅期間，我見到佢有4個煲煲緊茶，所以我又嗌多咗杯奶茶，茶香奶滑，$15都真係好唔錯👍🏻 題外話，有兩個公公婆婆負責收錢，嗰公公好好脾氣，嗰婆婆就有啲長氣，望住佢哋相處都真係幾好笑🤭 如果攝影嗰啲人見到呢嗰真係一個好好嘅捕捉位😝

🌟丹麥餅店-銅鑼灣📍銅鑼灣禮頓道106號禮信大廈地舖📍G/F, Leishun Court, 106 Leighton Road, Causeway Bay==============================👤人數：1💰埋單：19丹麥餅店位於銅鑼灣一個不起眼的轉彎處，每次見到類似的老店，食物味道、款式、裝修都已經不再是最重要的，幾乎每間店都能看年紀大一點的阿叔姨姨在努力經營，讓店繼續生存下來，就覺得一定要支持一下，食物幾乎都是很貼地的價錢，大份又划算，雖然店面沒有裝修還是保留著原有老餅店的樣子，工具設備都是最原始的，但就正正是這樣，更能品嘗到經典的味道，是食物、更是情懷。大家遇到本地老店，可以多多支持。🥢豬扒包 $19⭐⭐⭐⭐吃了一個豬扒包，沒有任何花巧，包-豬扒-醬-包，完，回到最單純的味道。#sikla #香港#香港老店 #香港美食 #香港美食指南 #香港美食日記 #香港美食推介 #香港美食地圖 #香港美食推薦#香港豬扒包 #hkfoodie #hkfood #hkfoodblogger #hkfoodstagram #hkfoodlover

丹麥餅店位於銅鑼灣禮頓道其中一角，難得懷舊小店開業多年都屹立不倒，肯定有佢受歡迎嘅原因！店內除咗三文治餐包等等傳統餅店食物之外，最受歡迎嘅就係即叫即整嘅熱狗同埋炸物！熱狗用上普通餐包，腸仔亦都係香港人由細食到大嘅普通腸仔，但加上茄汁同埋自家製沙律醬，唔知點解味道又真係好夾！不過買咗最緊要快啲食，一凍咗就會變得有啲油膩好多人去到都係食熱狗或者炸髀，其實魚柳包一樣好高質。麵包一樣係普通餐包，但中間嘅魚柳就大大塊，即叫即炸所以好酥脆，亦都冇酸味或者腥味。而家懷舊小店越來越少，真係好值得支持佢哋繼續營業落去🫶🏻

每次去開附近做嘢，都會心思思想去幫襯。有時未必夾啱時間，食完飯又未必食得落。況且，疫情持續兩年幾，好難即買即响街邊食😆今次又經過，當然又心思思啦！😂宜家好多舊式小店會隨時間而結業，為免傳出結業先去排長龍，我都把握機會回味下先。其實，小店生意都唔錯，keep住有人幫襯架！我今次叫左個魚柳包，魚柳炸起熱辣辣，加埋啲沙律醬同茄汁，再配個軟軟嘅包，好味道！同連鎖店嘅比較，我覺得呢度個魚柳質感好好多，同埋新鮮啲又夠熱辣辣！食完好滿足呀！

炸雞髀超級出色！係落單後即場炸嘅，不但炸得金黃香脆，仲保持到雞肉嘅肉汁，雞肉滑嫩多汁，好好食！魚柳包都好有驚喜，麵包軟熟，魚柳香脆，肉質實淨唔鬆散，食得出唔係普通雪藏魚柳！配埋沙律醬十分惹味！餅店仲有好多款包同小食，亦有即沖飲品，係趕時間醫肚嘅好選擇！

以前來大多會吃魚柳飽或者豬扒包 這兩天經過都忍不住要買這款港式熱狗來吃吃😆當然很大原因是因為電影「闔家辣」的影響🤣不過我真的也很喜歡吃 也很久沒吃了 這次還真的是「孖腸多醬」😆👍🏻要珍惜每次吃到的機會🌭️

不知道是否受到灣仔「快樂餅店」將快結業影響連帶關係，把這些老牌餅店的生意也一併炒起兩點半時經過， 有不少人排隊到五點左右看見人龍已經散去所以就買了他們的炸雞髀$20一試店主要分為兩邊， 一邊是收銀櫃檯及賣包的櫃枱另一邊則是即整食品的廚房除了有炸爐， 還有多士爐和燒香腸的轉機在收銀處付款後， 她會給一張手寫單你然後你再轉交對面的廚房他們便會按單製作不知是否為了節省時間雞髀已炸好一大盤放在一邊當收到單， 廚師再把雞髀放入炸爐翻炸所以我不是等了很久，由下單到取雞， 約一兩分鐘吧（看到相片的時間紀錄）雞髀在炸爐取出後， 廚師才撒了幾下鹽來調咊而整隻雞髀的調也源於此撒鹽調味後， 便用牛油紙包好，再放入紙袋內用牛油紙先包好， 應該是為了方便客人取出後拿著吃吧？看似肉汁豐富的雞髀其實內裡有點乾， 而且比較嚡應該是翻炸的關係不過可能廚師太心急了雞髀中間還是微涼的， 熱力未透到中間，已經起爐應該沒有醃製過， 所以正如上面描述雞髀沒有味道，調味只有表面的鹹味雞髀本身沒有雞味， 也沒有期望過有但也幸好沒有雪味肥美稱不上， 也不瘦削雞皮始終有炸過， 所以也是香脆不會太油淋淋以致不能下嚥整體而言， 不過不失，

(❍ᴥ❍ʋ)JANEJEN心聲(❍ᴥ❍ʋ)♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎回味無窮♾港式懷舊熱狗 🌭️ 賣相不️是精美，賣的是回憶、情懷及幸福好味😌♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎☘︎︎♧︎ ➪ 由價錢牌的$8熱狗🌭️至今$14，已經不知加價了多少遍💁🏼‍♀️見證住時代的通貨膨脹，餐牌依舊，只是把銀碼改了又改🤣➪ 簡單的熱狗🌭️包很軟很軟，又把外皮烘脆。內裡的美乃滋又邪惡又好味，夾上熱辣辣香腸，我真的停不了，食兩個都仲得🥹🥹🥹💰💰熱狗：$14 HKD 💰💰▼・ᴥ・▼

最近多咗去加路連山道附近，所以幫襯返呢間餅店，食返好耐以前食過嘅熱狗。小時的味道，再次回到口腔。好簡單的一隻熱狗，一個豬仔包+1條雞肉腸，再加上一些好味的沙律醬，而且麵包同埋腸仔都係燙熱。熱狗唔算大，一口咬落去，麵包有少少脆，口腔充滿雞腸麵包及沙律醬，真係好有滿足感。14蚊1隻，比某些傢俬店貴咗少少，但係味道多咗多多。其他小食有炸雞翼，炸雞髀等等。即叫即炸，味道都10分可口。但是沒有堂食，只可以偷偷摸摸在隔離的大廈入口偷食。

嚟過呢間銅鑼灣老店—丹麥餅店好多次呢度有漢堡🍔熱狗🌭三文治🥪豬扒包🥪魚柳包🐟薯條🍟雞髀🍗等鋪頭左面係新鮮出爐麵包右手面就炸爐區個人覺得魚柳包最好食麵包鬆軟 魚柳外酥內嫩 配上沙律醬加蕃茄醬 減低油膩感嚟開銅鑼灣嘅 可以嚟呢間懷舊店試下佢地嘅食物

每次聽日銅鑼灣呢個位，無論幾爆都好，都心思思想買返一個熱狗食感受下以前嘅味道，雖然佢曾經開過喺尖沙咀，但係似乎就唔成功銅鑼灣呢度個位就依然立立不到，因為企街度唔方便食嘅關係，買咗一個熱狗下口癮懷緬下仲好記得佢哋嘅炸雞髀同埋薯條，之前喺附近返工下午茶時間一定唔少得。唔知係咪人大咗，而家覺得佢啲香腸就真係比較咸，同埋唔係廚師腸感覺都唔係嗰回事😂有時可能只係回憶就最好。如果下次有機會我再試多次佢哋嘅熱狗炸髀薯條🍟

以前係附近返工, 成日都可以買返公司食, 宜家就唔係太方便, 冇得係街上食野熱狗熱辣辣加上醬料實不錯我覺得佢既熱狗新鮮熱辣整出黎係不錯既不過都係價錢相對唔便宜, 令到性價比拉低, 加上冇得即時食用就唔太方便喇

我今日喺銅鑼灣行過見到有一間舊式嘅舖頭，在人來人往嘅街上嘅轉角位，都幾多人幫襯，左邊就買傳統嘅麵包，例如菠蘿包、雞尾包、提子包、老婆餅等等，右邊就買漢堡包、熱狗、炸雞髀、豬扒包、薯條等等，見到佢嘅水吧位都好有歲月嘅痕跡，我就買咗一個漢堡包返去試吓漢堡包嘅麵包乾身同實在，再塗上番茄醬同埋沙律醬，夾住漢堡扒，漢堡扒都比較乾身，好彩有蕃茄醬同沙律醬，如果唔係咁乾都幾難吞，失望呢！不過我相信大家食既係回憶

懷舊（定殘舊？）老店。屹立在銅鑼灣幾十年。熱狗、豬扒包和炸雞髀最馳名，食過無數次了。今天和朋友經過，他竟然未食過。雖已食咗嘢但還有位可以吞一隻熱狗（＄13）。我於是極力推介他點都要試吓杯奶茶（＄14）。熱狗新鮮熱辣，一定好食。與中環永樂園相比，它的香腸更有肉味和囗感，但醬汁則永樂園大勝。要知道熱狗的醬汁最重要，所以要揀的話我會選永樂園。奶茶則好正，水滾茶香，口感順滑，奶糖適中，是真正無敵的港式奶茶。

喺銅鑼灣食完嗰間「蕃茄仔」嘅蕃茄牛肉/豚肉麵，好食就真係幾好食，但係食完都唔太飽。口痕痕想食少少嘢同飲少少嘢，咁啱經過依度「丹麥餅店」。呢度個時空好似停留緊喺30年前咁，好舊好老，同佢側邊啲高樓大廈形成好大嘅對比。Mcdull話不如幫襯下個伯伯啦，佢指一指店入面。伯伯都已經一把年紀，佢前面嘅沖茶茶壺都已經好殘，都充滿歷史痕跡。杯凍奶茶又真係幾好飲，唔會太甜又唔會太奶，茶味啱啱好，$16，抵。我叫埋隻熱狗🌭️，一路見住佢啲廚師腸喺部機度轉黎轉去，都幾療癒。個包好鬆軟少少甜，配埋啲沙律醬再加埋條少少鹹嘅廚師腸，甜+鹹，出奇咁好食，$13，抵。好多時候出面一啲專賣熱狗嘅地方，連最基本嘅包都難食，條香腸又咸到死，依度回歸原點，簡簡單單一個包，簡簡單單一條腸，再加一個好鬼普通嘅沙律醬👍有機會行過我都會來再食，聽講依度啲雞髀都好出名，下次試吓。Mcmug 綜合評分：6/10，性價比高之餘，奶茶真係幾好飲，個包底又幾好食，店員全部都係公公同婆婆，人情味+1，7/10。Mcdull 綜合評分：7/10，有回憶+1，8/10