丸亀製麵 (悅來坊)

好耐冇食丸龜今日去到見到呢個餐覺得幾抵就食啦我指住圖中呢個牌同師傅講：我要呢個咁正常都會get到我係要清湯烏冬！但佢問我：要唔要溫泉蛋？我：下？呢個可以有溫泉蛋？佢：係呀可以揀我咁樣問完，佢都完全冇提過要幾錢咁我當然expect同一價錢可以揀溫泉蛋所以就揀左啦點知去到俾錢佢話呢個係溫泉蛋烏冬($41)加$20即係張圖底下加$20嘅玩法但我完全唔係想要呢樣囉！！！去過丸龜嘅都知整烏冬嘅師傅只係負責整烏冬天婦羅係自己夾嘅所以當我指住呢個牌話要呢個時當然係講緊幅圖入面嘅$57餐啦！！即係清湯烏冬！又點會係講緊下面細字嘅加$20有天婦羅同飲品？！完全唔合理！烏冬師傅根本就唔需要知道我加唔加天婦羅！我又點會指住幅圖黎表達我想要加$20？好明顯就係取巧嘅銷售手法搏人唔覺唔覺就俾多幾蚊！但我唔會咁易被屈到！呢個唔係錢嘅問題，係原則問題點解我要無啦啦俾多幾蚊去食我本身唔想食嘅野？！我堅持之下，收銀嗰個換番一碗俾我呢個係值得讚嘅！但已經嬲到冇乜心情食！…查看更多

諗住快取食晚餐，點知等左20分鐘一去到竟然冇麵，要等佢搓麵粉前一位客人講咗三四次食乜嘢，職員仍然繼續問到我落單，同佢講咗外賣三次，佢仍然堅持拎隻堂食嘅碗去裝麵 ，再重申一次，係外賣，個職員即刻黑面🙄去到俾錢，講咗幾次落咗咩單，都聽唔明😬職員完全冇態度可言個烏冬一啲都唔彈牙、完全唔值個價錢個流心蛋天婦羅，好難食，無蛋味，又硬又乾。。。。。。。。呢間丸龜真係愈做愈差，令人失望😞。。。。。。。。。。。。…查看更多

丸龜製麵喺正屋企樓下，但平時比較少食，因為價錢偏貴，性價比唔算高，但遇上foodpanda做promote就成件事唔同曬。今晚叫咗個溫泉蛋明太子拌烏冬套餐，辣辣地嘅明太子醬加埋鰹魚汁，烏冬麵亦都係煙煙韌韌，成個組合係好奇妙，套餐包一個小食同飲品，我哋揀咗炸魷魚鬚同日本茉莉茶，另外再可以特價追加一串炸雞。第二個烏冬唔係餐，係散叫嘅蕃茄牛肉烏冬，由於好鍾意食炸魷魚鬚，就額外叫多一份。適逢foodpanda十週年做特價，指定餐廳有半價，丸龜係其中之一，再用埋一張外賣自取六折優惠券，以上咁多嘢總數只係69蚊！啲嘢食攞到返屋企仲係好熱，尤其炸雞同炸魷魚鬚，竟然又熱又脆，呢個真係驚喜。…查看更多

好少會食快餐店，估唔到又唔錯。👍牛肉麻醬撈烏冬麻醬少酸又香又少辛辣，好清爽開胃雞肉撈烏冬啲雞肉有啲咸，流心蛋撈烏冬唔錯，但無乜汁撈。最正有2啲天婦羅碎，超正。…查看更多

今日我去咗丸龜製麵，行到食到，臨頭才揀定心水。先講講蓮藕天婦羅，新鮮炸出嚟嘅脆口感覺，簡直係震撼我嘅味蕾，爽脆得嚟又吸滿咗天婦羅嘅香味，一啖咬落去，仲有啲蒜香嘅後勁，真係好有驚喜😮。其實每次去丸龜，我都係點熱烏冬，因為嗰陣湯頭香濃，烏冬Q彈，今次都唔例外，豉油湯底，暖笠笠嘅就啱晒天氣涼時嘅心情。加咗胡麻雞柳做side dish，唔錯，肉質鮮嫩，簡直係咁滑，炸得啱啱好，唔會過於油膩。再同埋個番薯天婦羅配埋，呢個經典配搭，無人能擋！甜甜嘅番薯，輕輕炸過，金黃色泽喺口裡綻開，嗰種香甜味道溢滿口腔，實在係正！每樣食物都保持住應有嘅味道，並且賣相吸引，比起其他連鎖日式餐廳，嚟丸龜製麵喺食物質素上真係有保證。大家下次想輕鬆食個正宗日式烏冬，又或者想試下新口味嘅天婦羅，記得可以嚟呢度一試，真係值得推介，開心食到滿足😊✨！…查看更多

2024年1月13日 妟就五點左右 店舖好清靜 淨係炸點寫集一位食客 所以職員都幾得閒 該分店職員名牌係手寫而且潦草 一位名牌疑似”D”開咩頭、用白色鯊魚夾嘅女職員 我禮貌問佢問題 佢全程西口西面 一開始扮聽唔到 我一再追問 佢更反白眼 真係俾錢買難受.. 之後我專登用較大聲量話同佢講走蔥 講完下一秒 佢就即刻夾一大堆蔥 完全懷疑佢係特登。。再講下野食 我點嘅係3號麻醬撈麵 啲面勁淋 炸嘢先係重頭戲 軟殼蟹、炸天婦羅、炸魷魚 全部都乾爭爭 又林又硬 食完一次真係冇下次…仲要受氣 體驗感勁差…查看更多

走入呢一間小店，裝潢簡單得來溫暖。一踏入去，烏冬嘅鮮香撲鼻而來，喂，真係即刻叫醒我嗰餓魂。首先試咗佢哋嘅招牌烏冬，湯頭出奇地清甜，有種家常嘅親切感🍜。佢們嘅烏冬條條俐落，每條都得咁彈牙，食落去越嚼越香，真係得喎！再者，個人特欣賞佢哋嘅炸物配搭，個天婦羅蝦脆到出聲，外皮炸得金黃又唔油膩，啖啖肉感，一啲都唔會黏笠笠。炸物溫度控制得好好，夠熱辣辣又不失嫩滑，真係讚呀👍！食完烏冬感覺整個人都暖笠笠嘅，仲有呢，店員嘅態度好得嚟又友善，令人食得更加開心。嚟到呢度，唔單止係填飽肚，重有種滿足嘅幸福感，下次仲會再拜訪！無論係快閃個 lunch 或者街頭小憩，如果想嚟個溫馨又滿足嘅美食體驗，呢家舖頭真係話咁易！🌟…查看更多

中午時間度度都多人，行過見到有位就去食🤭呢度係先叫熱食再自助加餸然後收銀處埋單。⭐️蜆肉烏冬 (中) $48幾爭次次都食呢個烏冬，蜆肉份量多，有成20隻，隻隻都飽滿，烏冬就淋左少少，整體上成碗都夠熱。⭐️海苔竹輪 $14因為放出黎只係照住燈，都預左唔會熱辣辣，竹輪都幾柴，咬落去好實，但海苔味係濃既。店舖衛生情況有待改善，用餐時間半個鐘內見到有3隻🪳係長櫈同牆。…查看更多

我食左咁多次丸龜製麵都係第一次食到咁燥叫左碗蜆肉烏冬個湯唔熱既為左要清理，將啲炸野拎曬落嚟用碟裝我都係第一次食硬嘅炸蝦餅同腥左既炸魚排夾硬食完，佢成間舖頭得角落頭有一個指示要自己收碗我一企起身都未搵到邊個位擺成班職員企曬係櫃桶入面，一齊叫我要自己清盤，其中一個老既女員工仲要勁差態度手指指（但唔係指緊比我睇方向囉）最嬲係當時舖頭其他走左既枱上面都係有野架囉，除左有個男員工行咗出嚟執之外，其實幾個女員工都仲係維持個個挨係櫃度既姿勢繼續傾計劣評成間店…查看更多

今日又去咗熊貓酒店商場行街，行完間玩具店出嚟，肚仔餓餓哋，就見到有間食烏冬嘅舖頭。呢間嘢入到去，原來係自己揀食咩烏冬，跟住佢現場即刻場煮好似快餐咁樣，旁邊仲有一啲小食，例如蟹柳雞肉等等，仲有關東煮，比完錢之後，隔離仲有個無限任飲水寄俾你裝水飲。到嘢食方面，烏冬好似係用棧橋烏冬，佢哋煮出嚟嘅烏冬同湯底真係好夾，再加埋我頭先揀嘅小食味道一流，同埋裝修我見到佢哋大多數都係用木，例如木枱木凳，俾人感覺好簡潔舒服，啱晒我呢啲鍾意一個人靜靜地食下嘢又一邊打手機一邊食嘅人。…查看更多

悅來坊既餐廳多、種類多。⭐️冷烏冬配炸鱈魚⭐️$38+18全部麵食麵可以選擇大/細份，岩曬唔同食量既人。夏日炎炎，食返個冷烏冬都幾爽。烏冬彈牙，又夠曬凍。麵汁入面既蔥同天婦羅碎都係自己加既。飲品就得汽水。相中係大份，食到好飽。一般女仔，細份就夠；我就..哈哈。炸鱈魚熱辣辣，出面脆口，入面好多汁。我覺得有埋沙律醬會更加好味，就咁食就有少少腥。$56 略貴，而且冇飲品，有凍水。可以一試，但係唔會成日食。…查看更多

之前食過一次依間野既其他分店，個陣時都覺得幾好食，但想不到，再比機會佢時，真係令我好失望。款式少、選擇少左，野食既質素都差左超級多，湯底好淡而無味，小食味道一般、同埋好多凍左。依次我係食豚肉烏冬同埋煎餃子，豚肉個味道好奇怪、所以變得好難食；清湯湯底清得黎，又無味；烏冬都係味道麻麻地，加埋所有野，成個烏冬比我既感覺好差，$6X 唔應該係咁既食物質素，幸好有叫多份煎餃子，否則我會覺得自己無食過野，完全唔知自己食緊d咩，too bad…查看更多

今日午飯時間食慾有點不振，剛剛行過丸龜見到有花膠雞烏冬正合我意，重要六十幾蚊有野飲跟，經濟實惠，馬上一試。上菜後我再去盛一碗滿滿免費的天婦羅碎碎加入烏冬中，成個菜立即更添豐富。開始起動，出奇地湯味濃厚，鷄件大大件，而且都有頗多件花膠，性價比高味道又不俗，如果午餐不食飯，試下這個也不錯！…查看更多

位於熊貓酒店b1層既丸龜，以烏冬聞名及自選配料。 絕對適合鐘意選擇同乜都想食少少既你 丸龜提供多款烏冬，冷的，熱的，湯的，拌的。 另外為了更貼近大眾亦有一些飯款提供。 烏冬份量亦可選擇，適合一家大小最喜歡開放式廚房，衛生程度，員工工作一目了然，讓食客感到安心今次叫了炭燒雞肉拌烏冬($46) + 西蘭花 ($9)。 雞肉份量頗多及有溫泉蛋，配以燒汁帶有微甜，相當好味。 西蘭花偏淋，味道尚可整體環境舒適，提供多款選擇。蔥花，薑亦可自行加入…查看更多

丸龜製麵相信未食過都會聽過，喺香港嘅分店都有10間左右，一直比我嘅感覺都係冇乜人排隊，冇乜人去食，可能香港實在太多好野食，加上個個都會去日本，變相主打自家麵團，同即場打製烏冬，變得相對冇咁吸引。而我就幾buy呢度嘅嘢食，比較個人化啲，重點係唔使點樣等。揀完要邊款烏冬之後，就可以夾想食嘅餸，醬汁調味仲可以自己嚟。 蝦餅是必食的。番茄牛肉烏冬，好正，雖然熱烏冬冇凍烏冬咁有口感，都是機器切麵的，但係都比咖喱烏冬好食。雖然有時叫得多送最後都是食咗碗拉麵嘅價錢，但係佢既選擇多啲，同埋都冇咁港式。…查看更多