丸亀製麵 (iSQUARE國際廣場)

營業中

休息中

昨日中午係i square試新的花膠雞烏冬。 除了烏冬外，其他配料真的垃圾。 湯唔夠熱，味道一般，花膠質地似雞皮多d，又淋又細又薄，雞肉煮得太老，唔滑，西蘭花係凍的，我不是吃冷麵喔！

呢個烏冬係好令人掛住由第一次食開始都無失望過個烏冬夠滑呀CP值好高今日點左~蜆肉烏冬蜆既份量係一D都唔孤寒望落已經覺得多而且我係叫中SIZE咋個蜆同烏冬既份量已經夠飽比預期中多左呀唔講以為係大SIZE好彩無揀大SIZE咋唔係應該會食唔晒(因為仲會揀天婦羅)蜆肉質素正常但個烏冬係主角好滑質感又好唔會太淋或者太硬~朋友點的咖哩牛肉烏冬我都試左個咖哩汁有咖哩香微辣送烏冬係一流連D紅蘿蔔同洋蔥都好入味無得輸呀~天婦羅茄子呢個正正常常(可能我晏黎好多天婦羅都無上架)~天婦羅鱈魚扒呢個比較少見就揀黎試下咬落去個魚肉好滑無腥味(雖然已經唔熱呀)鍾意魚既朋友可以一試呢個

秋天到了，好鐘意搵d熱湯麵嚟温下胃🍜🍲尖沙咀I square 有間食烏冬嘅平民價位，但水準唔錯，佢烏冬好食之外😋仲可以自由配搭，烏冬係你一叫就即刻整，保證夠熱嘅👍🏼我叫咗個花膠雞湯烏冬，好滋潤，好似好保咁，個湯係養生之選，有d似岀面嘅美人鍋湯底，清清地又夠味，好食👍🏼暖入心嘅，無味精，唔會飲到好喝。雞件好滑，肉質爽口有彈性，唔會太肥太油，幾好喎，花膠都係高質，夠淋，呢個價錢，六十幾蚊有大碗花膠雞烏冬，岩哂呢個天氣，推介，性價比高🥰我加咗錢，轉咗做一個套餐，有多4件炸餃子🥟，同一枝義米水。都係七十幾蚊咋，抵食呀！餃子好食😋脆薄嘅外表，包住入面嘅肉，加埋餃子汁，享受生活🥳個飲品就正常嘅，唔太甜，跟餐飲品算唔錯嘅。小食叫咗炸豬扒，好好食😋好平，值得試🥰脆得嚟，唔油膩啦，乾身皮脆，肉汁鮮嫩咖哩薯餅，我就唔識欣賞，因為薯餅，我剩係鐘意配南瓜，又或者配芝士味，咖哩搶唒d薯容味囉，我剩係食咗一啖，唔係我杯茶，但朋友好喜歡💕所以係個人口味問題☺️

炸物種類多，專食烏冬咁😂😂尖沙咀黎講好鬼抵食！價錢相宜，烏冬彈牙爽口！排隊等分餐咁既方式比較特別而且環境唔錯，最皇要坐得舒服！雖然座位唔算多，同埋比較近地鐵站好易去！

食過兩次，會係不時諗起都想去！烏冬控既你地就一定要去試下，香港黎講比較特別少少既購買方式好似飯堂等派餐咁😂炸物種類算多，烏冬彈牙鏗汁正到暈！服務態度食物質素都良好‼️

我最愛既烏冬店- 丸龜製麵食過好多間烏冬店都係覺得佢最好食 價錢亦吾會太貴 仲有得加葱 天婦羅碎 七味粉 同埋鰹魚醬汁 今次叫左燒雞温泉蛋拌烏冬同豬軟骨烏冬 ❤️燒雞温泉蛋拌烏冬 $46哩個麵幾豐富 味道有層次 店員加左跟餐既烏冬汁同小小辣醬 我自己加左天婦羅碎紫菜做配料 雞粒幾入味 烏冬煙煙韌韌 好q彈 配埋温泉蛋 好味😋CP: 🍜🍜🍜🍜😋:🍜🍜🍜🍜回購: 🍜🍜🍜🍜豬軟骨烏冬 哩個烏冬相信好多人都食過 冇乜大驚喜 正常烏冬 不過得一舊豬軟骨睇落就單調d 喇 而且哩個餐價錢比較貴 感覺燒雞個個抵啲 有驚喜啲 可能因為我偏好温泉蛋😆CP: 🍜🍜🍜😋:🍜🍜🍜回購: 🍜🍜另外加推一個之前食過既明太子温泉蛋烏冬都好好食架 你哋可以去試下！食完記得留單！ 下次憑單可以減$5 🤩

呢間食過好多次，之前就食過醬油熱烏冬，覺得個醬油湯好食，今次就試醬油冷烏冬，個烏冬都幾多下，個碗仲會有個隔，隔走d烏冬水，醬油湯依然好味，有鏗味好香，湯同烏冬係分開裝，所以我就用沾麵既食法去食，唔錯。

疫情期間，各大食肆都打折現時喜見於Openrice訂外賣自取，竟然更有獨家折扣就盡管試試，果然過程又快又簡單早咗5分鐘到店都已可取講番食物方面，雖然係預先付款後到店即取，但完全唔馬虎份量同堂食一樣咁大！烏冬同湯分開放(設計同譚仔如出一轍)，非常貼心而食物品質方面，雖然係外賣但彈牙烏冬並無受影響蜆肉肥大鮮甜而無沙唯一既失落係明太子飯團，塊紫菜太薄啦~都透光囉~最後，服務態度“優”相信好多朋友仔係外賣時，都會經常遇到店員俾完外賣就唔再理會客人但今次既店員真係抵讚原因係咁：我攞完外賣後先發覺我未攞天婦羅脆花，但我見自取區已係空盒，而諗起無器具可以放到，放烏冬碗內又驚會淋曬，所以就諗住算啦唔攞之後，店員只叫我等等… 隨後就將用袋仔裝住既天婦羅脆花交俾我(仲係熱熱熱)係到我再次謝謝店員既協助p.s.唔記得影相，抱歉

今天到了這間店食午餐，覺得還可以。麵質還不錯，有彈性同滑，但係其他炸品就軟軟地，可能放太耐了，仲有一支自家製薏米水，唔太甜可以接受。整體嚟講未必會再去因為有其他更好食嘅餐廳。

佢嘅烏冬就食得多啦，咁佢嘅炸物大家有冇食過，我今次就要左佢嘅炸鱈魚柳，雖然份量唔係好多，但係質素都幾高，脆卜卜粉漿唔會太多，啱啱好覆蓋好魚柳嘅部份，炸到金黃色冇過熟，雖然價錢有少少貴，但係都值得一試嘅！

-🦄丸龜製麵-熱清湯烏冬 Hkd33Rating🌕🌕🌕🌗🌑西蘭花 Hkd9Rating🌕🌕🌕🌕🌑-都有一段時間冇食到丸龜製麵喇🍜價錢親民嘅佢一直都深受我嘅寵愛❤️加上我個人係一個烏冬怪🤤所以真係好鍾意食佢-本身一心諗住食咖哩牛肉烏冬😭😭但睇睇銀包發現原來自己係唔夠錢架😩真係唔好講出去會笑死人😂最後就叫左呢個清湯烏冬✌🏻呢款烏冬之前都食過架喇🤤清清地🤤好簡單既一款烏冬但同時都會好幸福☺️湯底正常唔會過甜過鹹😆名符其實既清湯烏冬依舊都係煙韌彈牙🤤🤤其實真心比起出面好多餐廳既烏冬🍜丸龜製麵既烏冬會更好食 又唔會貴😀西蘭花係我必叫既配菜 因為點都想食返啲菜平衡返-最後想介紹下我自己溝既SAUCE😆😆其實就係人都識整既 都係鰹魚醬油加七味粉同芝麻不過可能比例上唔同整出來嘅味道都唔同😂用佢來撈烏冬 唔好要啲湯 味道會提升左一個層次架當然唔少得海量既蔥花啦 記得唔要啲湯拎過第二個碗 然後撈埋佢哋食🙃我有影到相不過就冇擺出嚟比大家睇😣-下次我一定一定要食咖哩牛肉烏冬呀Haha😤-

同公司同事外賣左呢間野食，我叫左炭燒雞肉烏冬，好好味，個炭燒醬好嘢味！但唔知點解呢個冇得㨂加大，食完剛剛飽，男仔就可能爭啲。同事叫咗個咖喱烏冬，佢話普普通通啦。另一個同事叫咗日式豚肉烏冬，佢話呢個好好味，之前都食過一次。下次再叫外賣我會試吓呢個！總括嚟講滿意👍🏾

喺openrice落單叫咗外賣，一個腐皮湯烏冬，飯糰，炸魷魚鬚，落完單落樓，行咗5-10分鐘，去到外賣已經入曬袋等緊我。外賣袋同盒用料都好好，一摸就知。炸魷魚鬚個紙袋內層係膠面，需然都有少少滲出，但比想像中好好多。就以上所講，硬件嚟講呢間係外賣中推薦嘅餐廳。要挑剔嘅係外賣會冇咗現場買嘅優惠，同埋唔知有咩新鮮炸，炸魷魚鬚我拎到番去食就係凍嘅，如果炸物不論現場食定係外賣都可以喺包裝前即炸或者翻炸加熱會更好。

丸龜製麵總係令人食完過一陣就會掛住，唔知幾時開始有蜆肉烏冬，每次去都會嗌，岩哂我呢啲鐘意海鮮既人最鐘意就係丸龜自助形式既counter，想食咩就夾啲咩，然後再比錢因爲太餓，忍唔住買埋明太子飯糰，仲加多兩個竹輪天婦羅同炸蝦餅和風蜆肉烏冬好味道.5每次嗌完都會去自助吧拎一大碗蔥花，炸碎（？）同落少少七味粉，成個烏冬又再昇華蜆肉超級多，唔係hea你個鐘，食極都仲有，烏冬一向煙韌，湯底清甜，每次食完無耐都會記掛住呢碗烏冬明太子飯糰好味道另外明太子飯糰建議大家仲有胃可以試下食，明太子餡料份量足，唔係成舊都只係白飯，明太子味濃，好快就兩三啖食哂天婦羅好味道唔知係咪食太飽，竹輪同炸蝦不過不失，但有少少膩，天婦羅黎講最鐘意野菜個隻，不過咁岩無哂太餓就試下其他

喺尖咀想要食日本嘢，好容易冇6070都唔使走，但呢間丸龜製麵價錢親民而且選擇多，是一個解決午飯的好地方。以前來常常吃烏冬，烏冬的質素一向有保證！但今次我和朋友決定試吓飯。我們分別叫了一碗溫泉蛋肥牛飯，和一碗溫泉蛋烤雞肉飯。溫泉蛋肥牛：肥牛量非常多，比起吉x定多兩倍！加上溫泉蛋加持，在自己加上鰹魚汁，味道冇得頂！溫泉蛋烤雞肉飯：雞肉烤得過龍以致太乾身，雖然味道好好食，不得不減分！飯：不知道是不是正宗珍珠米，但粒粒分明，而且即叫即由電飯煲+濕布蓋住拎出尼，暖笠笠又濕潤，非常好食。✔️總結而言：價錢合理而且坐得舒服值得回頭。