串爸爸

食落好開心😋，個燒雞翼咬落去，外皮焦香得嚟唔過火，肉汁鎖住晒，一啖肉一啖汁，食得我真係「嗌得又揸得」！再嚟個牛油菇串，真係攞足分，菇肉香濃味啱，煙韌得嚟唔失菌嘅鮮味，仲要孜然粉掂到不得了，食落「過癮到彈起」！當然唔少得啲甜品，試咗個炸奶黃包，係真正「甜入心肺」嘅存在，外皮炸得脆嘶嘶，奶黃流心啱哂甜品控嘅口味。係咪好嘢，呢間串燒店真係「出品有保證」，架！下次想試埋其他款，嗌串燒，就嚟呢度喇！👍🍢🍡…查看更多

今晚去朋友屋企食飯，剛好路過一間賣串燒嘅鋪頭，一於今晚加餸😋燒大茄子🍆佢嘅茄子比出面食開嘅大好多😍用上特製嘅蒜蓉去燒🧄一打開個盒果時，蒜蓉嘅香味出晒嚟，味道又有少少辣，真係必食之選👍🏻燒生蠔，少少辣好多蒜，生蠔鮮甜，仲好Juice😋燒羊架，入面燒到剛剛好，肉質好嫩滑，帶有少少羊羶味，爆正👍🏻燒豬頸肉有口感，燒墨魚咀好煙靭👍🏻燒一口牛，一入口啲牛肉汁爆曬出嚟，超級香，口感嫩滑又唔韌有驚喜💖💖💖燒雞軟骨，有口感得來咬落脆卜卜，好攪笑🤣燒牛脷，原本我唔食牛脷，見我老公食完話好好食，所以我都試咗一塊，又真係好好食喎，重牛味仲好Juice👍🏻👍🏻呢間嘅串燒超級好食😋包裝非常窩心，我攞到去朋友屋企食飯都冇凍👍🏻希望大家嚟支持一下呢間小店🙏🏻…查看更多

今日出去做嘢喺寶達邨附近收工，睇下附近有無好嘢食👀 原來寶達商場街市有好多小店😍 呢間串燒性價比都唔錯😇 外賣仲送個保溫袋袋住～搭巴士返到屋企仲夠熱😍 加分！！卡邦尼意粉（$48 送汽水）呢個價錢包埋野飲，咁抵食得唔得㗎😍拎到翻屋企仲出煙🤣意粉軟硬度適中，好creamy🥰香燒魷魚筒（$68）魷魚手掌咁大🤣🤣誇張！！燒得啱啱好🥰唔會太乾身極上一口牛（$30）& 香燒黑豚肉（$18）肉類食落都好惹味😝 好重孜然味😬厚燒菠蘿（$20）& 燒翠玉瓜（$15）菠蘿同翠玉瓜都好juicy🥰 菠蘿咬落仲爆汁🤣🤣要小心🫢…查看更多

平時經過街市 離遠就已經聞到好香既燒肉味 今次終於忍唔住叫左好多串燒醫肚🤭 🍆見唔見到呢個茄子真係 好 大 隻 呀！ 我係一打開個蓋就😯😍 茄子上面鋪滿左金黃色嘅蒜蓉 蒜蓉量驚人 食落去係滿口幸福既感覺 唔會好油膩 之前食過有啲店既茄子皮會燒焦左 而今次呢間係可以連埋個茄子皮食落肚 必叫🍍燒菠蘿最緊要既係燒得尼保留到菠蘿juicy既狀態 燒完既菠蘿係會特別甜 食住啲肉類 再食呢串咁大舊既菠蘿解一解滯係必須嘅，必叫x2 蔬菜類來講，翠玉瓜係我常叫既選擇 呢度既調味做得剛剛好 唔會搶左翠玉瓜既清甜 燒得又脆又多汁有冇人同我一樣平時對韭菜冇乜特別嘅感覺 但鐘意食燒韮菜 韮菜同燒韮菜係唔同既境界 👍🏻 老闆燒既菜keep到水份唔會乾爭爭 好少可食菜食得咁滋味🦐🥩🐑🦆呢度既肉類串燒好足料 鴨胸成寸厚 虎蝦手掌咁大隻 牛舌 羊架既份量都很可以 辣度方面可以揀小辣 中辣 大辣， 個人鐘意小辣 小辣尼講唔會掩蓋食材本身嘅味道 如果鐘意食辣都可以挑戰一下中辣果種刺激感 天氣轉涼可以食到暖笠笠😂…查看更多

今日晨咁早揸車去觀塘區做嘢，搞掂晒啲工作已經過晒食飯時間... 既然唔駛返公司，咁就陪個同事睇下有乜好食啦。最近呢期鍾意左食串燒，咁啱個女同事話佢住個頭有間食開，所以都極力介紹話好食又抵食。泊好架車之後咁就帶我去，食店喺寶達邨嘅街市正門位置所以勁容易搵，而且好彩下午茶時間人流唔算多，啱晒唔鍾意排隊嘅我。佢呢間舖頭有樣係好欣賞，就係環境衛生都做得好好，有的串燒整到好多油煙或者啲食物都會亂咁放  ，但呢間衛生做得好好，所有嘢食都係落單後先攞出嚟燒，令人食得放心。同事話呢間佢成日食嘅，因為燒得好香而且價錢唔算貴，咁就食餐豐富啲啦。見佢餐牌上面都有好多唔同類型嘅串燒，除此之外仲有啲意粉餐亦有啲小食，咁既然嚟到梗係想食串燒多啲啦，問下個老闆(應該係)有啲乜嘢出名，佢都有建議幾款，好似雞翼、茄子、雞髀等等。不過大大隻炸雞髀佢話中午已經俾好多同學仔賣晒... 不過無所謂啦，入黎都係專程食串燒，睇咗一陣間我哋兩個就點呢幾樣：串燒嘅就有燒冬菇、花枝丸、司華力腸、雞皮、黑豚肉、一口牛，另外小食就嗌咗炸魷魚鬚、一口雞粒同埋瑞士汁雞髀。由於燒製需時所以老細都叫我哋行一陣先，大約十幾分鐘就有得食。題外話，平時好少去秀茂坪呢頭， 不過商場同街市配套原來已經好多元化。行咗個圈之後返去攞嘢食，終於都上枱啦~ 點解外賣店會上枱? 原來依家街市嘅食肆已經有座位可以俾客人即買即食，本身都諗住堂食，不過見女同事話想買其他野，咁不如喺架車度食啦，襯佢買緊其他嘢我就影下相先啦，跟手叫老細幫忙打包，但居然嚇左我一跳，佢淨係外賣用既器皿同個袋都好乾淨又衛生，感覺高質。離開嗰陣時見到佢做緊世界杯Promo勁有Heart喎，買同款串燒買二送一，學生哥食意粉餐都有得減價，一間良心食店。好啦講返正題，坐定定打開啲嘢食時架車已經香噴噴，聞到串燒有孜然同黑椒味，未食就知好惹味，而且佢個兜都好特別，可以放晒的串燒又唔會焗住。首先試呢個極上一口牛，牛柳粒份量正常，上面加左黑椒勁香，肉質好嫩滑亦好有牛味，正~ 招牌燒雞翼，佢有兩大隻都好飽滿，外皮燒得卜卜脆，入面就好Juicy且肉嫩，亦有好香嘅孜然味，連好有儀態嘅女同事都忍唔住話要食一隻，味道一流~ 香燒黑豚肉，佢呢個豚肉都係一粒粒，上面都灑有黑椒，佢油脂好豐富燒出嚟勁香，食入口嗰陣時都非常Juicy肉都好嫩。香脆燒雞皮，呢個係用現成嘅食材燒，不過老細燒得好有心機，燒完出嚟之後好香脆且無雪味，啱晒鍾意食雞皮嘅我。到司華力腸，佢唔係原條上嘅，切咗有四片亦都喺上面加咗啲孜然粉，燒出嚟外脆肉嫩但又唔會燒過頭，所以呢款都幾好食。燒花枝丸，係我其中一樣必食嘅串燒，佢好細心切開咗一半燒到兩面有少少脆，而且每粒入面都有墨魚肉彈牙爽口，好好味~ 最後嘅串燒仲有燒冬菇，主要都係我女同事食嘅，佢話燒得勁香但唔會好乾身，入口時仲好Juicy肉厚，佢既推薦~ 串燒外仲叫左三個小食就係炸魷魚鬚、炸一口雞粒同瑞士汁雞髀，首先講佢個魷魚鬚份量都大份，炸得好香脆但粉漿一啲都唔厚，食落口時都會食到魷魚香味，推介之一~ 炸一口雞粒，老細話好多學生都會食呢一個，咁就即管試下啦。佢呢個一口雞粒份量都好大份又抵食，每粒雞柳炸到好香脆，而且粒粒都好嫩唔會炸到好乾身，值得一試~ 最後到瑞士汁雞髀，雞髀賣相已經流晒口水，份量正常，佢個瑞士汁非常入味又甜甜地勁鐘意，而且煮嘅時間又唔會浸過長，雞肉好嫩滑唔會太咸，最後一個人鯨吞晒一隻。女同事食食下都眼闊肚窄，兩個人食到飽飽都係每人$90蚊左右，性價比都算高。不過最重要係每樣嘢都燒得好好，見老細有耐性慢慢咁燒，燒出嚟嘅嘢一定好食，所以呢間就做得到啦，俾個讚~~~…查看更多

睇波當然食串燒😝朋友推介我去呢度買串燒去佢屋企一路食一路睇波⚽️意外驚喜🤩外賣串燒竟然用保溫袋包裝，好貼心❤️以前買串燒外賣，一般只會提供紙袋、膠袋😂呢間串燒店真係不計成本，而且價錢大眾化，值得一讚👍🏻💥去到朋友屋企，打開仲係熱辣辣💥🐡特級雞泡魚乾 $48燒到外脆內軟、不會太乾身，煙煙韌韌，點上蛋黃醬，正😋👍🏻🐮極上一口牛 $30 肉質厚實，食落又唔韌🍡香脆雞軟骨 $18 香脆可口，有口感🍢燒司華力腸 $15 燒到外皮香脆，落埋調味粉，好惹味燒娃娃菜 $15燒秋葵 $15燒冬菇 $15蔬菜類🥬🍄好新鮮，爽口不乾身，加上調味粉，更加惹味🍝經典卡邦尼意粉 $48飽肚之選，份量滿滿，煙肉超多整體來講、串燒好香好惹味、即叫即燒，下次再試埋其他款式。😋串爸爸 | 觀塘｜秀茂坪📍觀塘寶琳路2號寶達商場地下寶達市場25號舖…查看更多

去開寶達搵朋友聽到朋友推薦呢間串燒，就外賣左啲串燒做晚餐，好欣賞佢細心嘅包裝，會用一個錫紙袋包實，番到屋企開黎食都仲暖，令到啲串燒好似堂食咁有質素！1.雞腎 $18雞腎係好彈牙，爽口，好欣賞佢調味。2.牛舌 $30牛舌真係好入面，佢燒到岩岩好，上面啲孜然粉都唔會蓋左牛舌味，仲有牛舌都保持爽口！3.茄子 $42茄子嘅份量都好大，夠兩個人食，有成隻手臂咁長，好多蒜蓉係上面，又好入味同多汁，呢個下次一定會encore。4.魷魚筒 $68魷魚筒燒得好入味，唔會over左變得好韌，食落都好爽。5.炸雞粒 $24份量都好多，有成大半碗，番到屋企雖然凍左少少，但都不減雞粒嘅表皮都仲脆，一口一粒好方便！6.雞軟骨$18食落勁爽口，內外都好脆。…查看更多

探完朋友之後就去咗寶達街市下面掃街，見到有間串燒店幾吸引，就叫咗幾樣嘢試下。😆蒜香帶子蘆筍意粉 $68估唔到串燒店都有意粉食，意粉好大盒，有三隻煎到金黃色嘅帶子。意粉好香蒜味，仲有好多蘆筍好足料。😆呢個餐仲會送汽水一罐，好抵。炸魷魚鬚 (份) $28一份有七、八條炸魷魚鬚，每條都好大條，夜晚睇波送酒一流。🤣炸雙拼 $30呢個炸雙拼好抵食，可以喺雞翼、燒賣、春卷、薯條、薯餅、麥樂雞、咖喱角同芙蓉魚仔揀兩款，我就揀咗炸燒賣同麥樂雞。炸燒賣有十幾粒，加咗孜然粉好惹味。海鹽燒牛舌(串) $30牛舌好大塊，燒得啱啱好，爽口彈牙，想食多幾串。😋招牌原條茄子 (條) $42原條茄子差唔多有我前臂咁長🤣 加咗大量蒜蓉，必食。…查看更多

我屋企樓下街市就係新式嗰啲街市.會有好多食店開好夜.11點後就超多人嚟買宵夜.但通常都係食麵.車仔麵.魚蛋燒賣.最近見到開咗間新嘅串燒店.而家宵夜都可以係樓下食串燒.緊係要試下😋⭕️海鹽燒牛舌⭕️燒王子雞腎⭕️川味雞脾肉⭕️川味牛肉卷⭕️川味羊肉卷⭕️燒四季豆⭕️燒娃娃菜⭕️白汁黑松露意粉⭕️瑞士汁雞翼串燒我全部揀左小辣.牛舌大件多汁好嫩滑.雞腎好爽口.雞脾肉牛肉羊肉都唔乾.幾好.四季豆同埋娃娃菜燒得好惹味.好香.個意粉熱辣辣醬汁都好濃郁.意粉跟埋汽水瑞士雞翼好入味正😝整體:係樓下就食到串燒.唔錯.全部即叫即整.可以即刻係旁邊食/囉返屋企慢慢食都得.我就揀左囉返屋企食.就算返到去都熱辣辣.燒得夠惹味幾好🙌🏻…查看更多

朋友推介嘅一間串燒小店，鋪頭位於安達邨屋邨街市入面，旁邊有石檯可以供大家食嘢。一嚟到就已經見到老闆認真燒串燒嘅英姿，我就知道自己無揀錯。鋪頭有超過38款串燒、20款炸物同意粉餐供食客選擇。我今次就揀左鹽燒海虎蝦 $32、海鹽燒牛舌$30、雞軟骨$18、豬頸肉$18、金菇$15、韮菜$15、娃娃菜$15。真係要讚一讚老闆，款款都燒得唔錯，唔會落好多油，可以燒到剛剛熟而唔亁身，調味亦恰好，夠香夠惹味但唔會過咸，個人特別推薦海蝦同蔬菜類，因為蝦燒得唔亁身真係唔容易，但呢間做到。然後蔬菜本身用料唔麻虎，做到惹味同時仍保留到蔬菜本身嘅水份同甜味，韮菜唔會咬唔開。…查看更多

近排世界盃開鑼，約埋fd子買外賣邊食邊睇。所有嘢都係即叫即整，趁熱食好正。生炸大大隻雞脾 - 好大隻啖啖肉，雞脾肉幾滑唔嚡口。炸魷魚鬚 - 炸粉唔算厚，肉質爽口彈牙。炸雞中翼 - 外層好香脆，中間雞肉好juicy。炸麥樂雞 - 味道同老麥差唔多，口感因為即炸就結實好多。炸雙拼 - 份量好多好抵食，咖哩角層皮好脆口，薯條就不過不失。極上一口牛 - 肉質偏韌有嚼口。川味牛肉串 - 牛肉較乾身，灑上大量調味粉幾惹味。炸花枝丸 - 咬落好爽口好好味！…查看更多

岩岩探完住寶達既親戚📍一入街市聞到好香燒烤味，原來係一家人經營既串燒小店，爸爸燒串女女負責收錢✨見到menu吾算好貴就即刻order左幾串試下！外賣仲送埋保溫袋好貼心😳蒜蓉燒茄子（$42）茄子好大條好厚肉，比出面串燒店更大條，兩個人食岩岩好，大量蒜蓉灑面，燒得好入味！燒菠蘿（$20）可能係係街市拎貨，菠蘿好甜好厚身，一咬落去即刻爆汁，推薦！燒韭菜（$15）燒得岩岩好，吾會太乾，每條韭菜都沾滿孜然粉，幾惹味燒司華力腸（$15）平時食司華力腸都會成條上好難咬，今次一舊舊上方便我呢d細口女仔食川味羊肉串（$18）燒到有油脂香，羊肉亦都吾會騷味招牌燒雞翼（$20）同譚仔土匪雞翼個調味一樣，雞翼入面都幾多汁見到隔離果個人叫魷魚筒係原隻上好吸引，呢個價錢下次可以再encore…查看更多

唔講唔知，原來秀茂坪寶達街市係有條美食街！環境乾淨、企理，街坊老友記都行得舒服，完全有別於一般街市比我哋嘅感覺🤘🏻！各間食店價錢都好抵食，今次吸引到我係一間叫串爸爸🍢嘅小食店。..見到佢嘅小食種類真係好多，串燒、小食、炸物，仲有意粉喎！佢哋都好貼心咁有張點心紙比大家畫返想要嗌嘅嘢食👍🏻👍🏻。.因為係買返屋企加餸，所以嗌咗唔少炸嘢小食。老闆好好人，用咗保溫袋幫我裝晒啲嘢食（好認真，好揼本呀🤘🏻！），而且佢哋啲炸物都會用包有錫紙嘅紙袋或者用盒裝，咁就可以儘量保持食物溫度同味道喇👍🏻！.拎到返屋企打開都仲係熱辣辣，我媽咪都好快即刻拎碟裝起佢！倒咗個魷魚鬚出嚟先發現原來份量係好多！！分享吓啲嘢食先👇👇！招牌原條茄子。果然係招牌，我同屋企人最鍾意都係呢個！蒜蓉好足料，好入味，茄子又夠晒淋，撈飯食好濃郁好正😋😋！.炸一口雞粒 。呢個雞粒炸粉好薄有驚喜！好香口，就算凍咗啲都覺得幾好食👌🏻👌🏻！..炸魷魚鬚，我媽咪話愈咬愈好食！果然魷魚鬚都係唔會令人失望，配埋杯可樂，咬住夜晚睇電視就啱晒喇👍🏻！.另外今次仲買咗燒花枝丸、極上一口牛、招牌燒雞翼、燒玉子雞腎同香脆雞軟骨，所有野加埋埋單都唔使200蚊，就可以過足口癮食晒唔同嘅香口小食✌🏻✌🏻！順帶一提，老闆好有禮貌好好人呀😄😄！見到每次有人過嚟落單，佢都會提醒要等幾耐，比客人考慮返。我都留意到串爸爸係有得嗌網上外賣平台，住秀茂坪或者觀塘區嘅街坊，可以考慮吓！…查看更多

同屋企人家屋企嗰陣，經過呢間串燒店， 聞到好香燒烤 孜然味， 於是就嗌咗幾錢返屋企試一試。炸魷魚鬚魷魚鬚份量好多， 表面滿咗脆卜卜嘅炸粉，咬落去彈牙,鬆軟， 鹹鹹的，很惹味。招牌原條茄子係食串燒必叫嘅款式之一， 上面鋪滿咗海量嘅蒜蓉， 啱曬蒜蓉愛好者， 茄子燒得十分軟熟，好入味。燒娃娃菜 燒金菇燒娃娃菜同金菇都好值得一試， 佢哋可以hold住好多燒烤醬同孜然粉，食落去好濃味， 同時不失娃娃菜嘅甜味同金菇嘅香味，值得一試。招牌燒雞翼燒雞翼十分吸引， 表皮燒得乾爽， 但一咬落去，充滿肉汁，唔會燒到乾曬，嗌咗小辣，味道不錯，唔會太辣。燒王子雞腎，海鹽燒牛舌雞腎，牛舌都好彈牙，香口。 送汽水一流。香脆雞軟骨 雞軟骨脆卜卜，好有咬口，都食得一試。整體尼講，呢一間都係出品幾好嘅串燒店，外賣包裝用心， 番到屋企都冇話有倒汗水， 係製作認真嘅一間。…查看更多

而家好多街市都重新裝修，除左可以買餸外，仲會多左條食街，好多熟食小食賣。今日去左寶達商場行下，試左間~串爸爸~串燒小食店，除左串燒，仲有好多小食同埋意粉選擇。蒜香帶子露筍意粉個意粉炒得好香，3粒大大粒帶子，又有露筍，幾徤康，仲送埋汽水添。瑞士汁雞髀撈烏冬🍗是日優惠，大大隻雞脾，烏冬索左啲瑞士汁，唔錯，35蚊好抵呀。炸魷魚鬚🦑，好香口，份量都唔少，魷魚鬚幾粗，好彈牙。再試下啲串燒，川味羊肉串、爽口豬頸肉同燒牛筋丸。好有風味，好鐘意個豬頸肉，好爽口juicy。🍡炸燒賣，好惹惡。如果屋企樓下都有呢啲食街就好。…查看更多