串燒王 (登龍街)

營業中

休息中

串燒王這家店，提供多樣的串燒選擇，令人驚喜，很適合與朋友來這裏吹水相聚，一於你一串，我一串！鹽燒白鱔魚非常鮮嫩，鹽燒的方式讓魚肉的鮮味得到充分釋放，每一口都帶有輕微的鹽香。而五花腩肉串肉質多汁，油脂適中，外焦內嫩，令人滿足。阿拉伯羊肉串的香料調味非常到位，肉質鮮嫩，散發著迷人的香氣，讓人忍不住想要再多點幾串。厚切牛舌心肉質滑嫩，口感豐富。而雞腎串保持著鮮嫩，獨特調味增添不少風味，值得一試。蔬菜方面，新鮮的韭菜與串燒相得益彰，增添清新口感。而蒜蓉原條茄子軟糯可口，搭配燒烤的濃厚風味，非常合適。芝士年糕外脆內軟，芝士的拉絲感令人驚喜。微酸的菠蘿為整頓餐點增添了一絲清甜。主食可以點饅頭片，外脆內軟，十分出色。而鰻魚炒飯粒粒分明，鰻魚的香氣融入飯中，讓整道菜色香味俱全。串燒王 (銅鑼灣)地址：銅鑼灣登龍街36-48號登輝大廈地下D2號舖

見呢間串燒店咁多好評，滿懷期待黎同朋友食，一齊叫左間2人餐再散叫，不過最後失望而回，未試過幫襯串燒店係會食剩野。首先，串燒一穫熟拎出黎，心諗燒得咁快既，食落有d唔夠熱，而且有種燒定翻熱既感覺，加埋一次過出哂真係好快成碟凍哂，成件事好唔新鮮。第二，d調味粉太重口味，真係食到一半冇胃口再食落去。唯一我地覺得好食既係有蜜糖味既鵝肝多士。第三，環境衛生建議改善，地下油淋淋，行去廁所好滑，仲見到倒瀉既汁/飲品未有清潔。第四，個麻辣煮花螺似烚咗啲花螺之後加汁，唔入味，仲有吉列炸蠔，雖然知道$28/3隻都不能太大期望，但啲炸粉實在太厚，口感好差。第五，職員成晚都皺眉黑面，樓面傳菜收錢一腳踢，可能工作壓力太大？俾人一種唔想做既感覺，不過同我地對答態度還好，至少冇令我地有hard feeling。總括黎講，唔會再幫襯第二次了。

今晚同朋友喺銅鑼灣串燒王大快朵頤，呢間小店裝修簡單，但夜晚氣氛一流，啱晒宵夜吹水。 - 生猛九節蝦(特價$30/2隻) 蝦肉彈牙，燒過後非常香口- 蒜蓉扇貝帶子($70/2隻) 蒜香足料，帶子嫩滑又有鮮味- 大墨魚嘴($28/串) 圓碌碌脹卜卜，煙韌有嚼勁，燒得岩岩好，特別惹味- 豬頸肉($28/串) 油香豐富，燒到微焦，好有層次- 豬大腸($25/串) 外脆內軟，冇腥味，唔會好肥膩- 牛舌($25/串) 厚切多汁，非常Juicy，肉香十足，又有咬口- 雞腎($28/兩串) 爽脆彈牙，食落超啱襯酒- 脆香魚腐($15/串) 炸得外脆內嫩，唔油膩，好有驚喜- 玉子燒($28/三塊) 蛋香濃郁，鹹甜得宜- 焦糖燒香蕉($18/份) 甜品收尾，香脆外皮包住香甜香蕉。 銅鑼灣宵夜推介，食物同價格都好親民，環境又自在，下次會再嚟。

呢間主打串燒嘅小店，選擇豐富且定價相宜，唔使北上都可以食到中式嘅串串~仲可以可以自選辣度食呢款大陸中式串燒一定要叫充滿孜然味嘅羊肉串~羊肉一啲都唔臊，夠晒惹味！雞心鮮嫩彈牙，豬仔髀肉質嫩滑免治雞肉棒入面帶有點點雞軟骨嘅咬口最驚喜係個雞髀菇，超juicy 真係一咬就爆汁蒜茸娃娃菜 食咗咁多肉一定要食返啲菜平衡下，娃娃菜夠晒清爽鮮甜~花甲粉 花甲份量都唔少，仲有金菇，娃娃菜同埋粉絲，粉絲索晒啲汁十分之邪惡最正係細杯裝嘅生啤買一送一都係$55🍻配串燒啱晒！

呢間串燒店啱晒做深夜食堂，喺銅鑼灣旺區，超方便。最正係佢哋個生啤買一送一優惠！有Stella、Hoegaarden、Suntory任拼，咁熱嘅天氣飲返杯，真係即刻下火一流，爽到爆！講到嘢食，嗌咗幾款都不錯！法式焦糖鵝肝多士 ：呢個抵食，$70有4件！鵝肝超creamy，入口即溶，配埋面頭脆卜卜嘅焦糖同烘到香脆嘅多士，真係邪惡得嚟又好味到癲！一定要趁熱食！原條火箭魷魚筒 ：燒得啱啱好，唔會韌，好彈牙！食落好有炭燒嘅焦香味，點少少辣粉，送啤酒一流！五花腩肉串 ：燒到金黃香脆，肥瘦適中，咬落去有肉汁，又唔會太油膩，正！雞腎串 ：爽口彈牙，越嚼越香，口感一流，係我嘅串燒必點！雞中翼 ：燒得好入味，外皮脆卜卜，咬開爆曬肉汁！總結嚟講，呢度氣氛好，嘢食水準高，仲有生啤優惠，真係好啱一大班朋友或者收工想放鬆吓！下次深夜肚餓，又多個好去處啦！

與朋友銅鑼灣逛街後，去了登龍街36-48號登輝大廈地下D2號舖「串燒王」晚餐。喜歡登龍街這裡親切感覺，也喜歡這裡吃各類串燒和燒物。今晚點了牛肉串，阿拉伯羊肉串，紐西蘭羊架，吉列廣島蠔，鰻魚炒烏冬和蒜蓉鮑魚。先來一碟鰻魚炒烏冬，可以一邊吃串燒，一邊伴烏冬，鰻魚也不少啊。鮑魚來了，新鮮肥美，超香蒜蓉味，外放上香料一齊烤，好味。牛肉串，阿拉伯羊肉串，都是新鮮肉質，所以吃起來很美味，肉質對串燒來說是最重要的。紐西蘭羊架，燒烤後賣相已經很吸引，睇見已經流口水，是尚佳肉質配合燒烤後美味的食物。我對吉列廣島蠔是情有獨鍾的，喜歡脆脆的外皮，包著內裡的蠔，一口吃下去最美味。一餐已點齊我喜歡的串燒和燒物，全部都很美味，很滿足。

🥰人生有時就係要食一啲自己鍾意食嘅嘢氹吓自己，工作已經夠繁忙，對住一啲唔好嘅人已經夠委屈，成日開OT冇啖好食，夜晚喺條街度好多餐廳都係早收，唔通真係餐餐返屋企樓下食杯麵咩？😆😆真係要對自己好啲，對身邊嘅人好啲，食餐自己鍾意食嘅嘢，食完又再奮鬥過，咁樣先至係人生呀嘛🥰🥰突然間為食想食生蠔同埋串燒，見到有一間串燒王，入去試吓，先叫一個美國生蠔，大大隻好多肉加埋蒜蓉味，好味好味。😋😋再嚟多串牛舌及牛舌心，每次食串燒必點㗎🩷🩷 飲杯嘢，食10串8串，享受人生就係咁簡單🥳

有時想同朋友啤一啤，港式串燒真係夠晒吸引，呢間串燒王性價比高，而且生啤係 $55 買一送一，仲要開到朝早六點，簡直係宵夜嘅好地方！門口有好多燈牌好搶眼，一望就睇到。好鍾意店入面塊牌匾寫住「吃飯時間 不談減肥」，食咗飯先有動力減㗎嘛 🤣🤣 餐牌上面有好多選擇，款款都想食好難揀呀 🙈🙈😋 鹽燒白鱔魚 ~ 魚皮燒到金黃色啱啱好，肉質有彈性而且鎖到肉汁，皮脆肉嫩，惹味又可口。😋 紐西蘭羊架 ~ 肉質細緻多汁，無咩羶味，夠晒香口！😋 皇牌牛舌心 ~ 爽口彈牙，外脆內軟，風味十足！一邊食串燒，一邊暢飲啤酒，一個字，爽！

這家銅鑼灣的港式串燒小店，非常地道而且價錢相宜，啤酒更買一送一。另一重點，開店時間直至早上零晨時份，適合宵夜一族。我和朋友兩個人，吃了幾款串燒，雞泡魚乾和蒜蓉原條茄子。大部分燒物都在燒烤後加上孜然粉，而且這次選擇了小辣，即叫即燒的燒物都非常惹味。其中，皇牌牛舌心是厚切的，外焦內嫩，有驚喜。特色小饅頭，半個饅頭為一塊吃起來不會有太大澱粉負擔，味道帶少少甜。❈ 串燒豬頸肉 $28/串皇牌牛舌心 $38/串肥牛金菇卷 $28/串雞軟骨 $28/2串脆香雞皮 $26/2串特色小饅頭 $18/3塊❈ 其他燒物台灣雞泡魚乾 $48/份蒜蓉原條茄子 $38/條❈ 朝日啤酒 $38支☆分類標籤#nuttylife

阿爸話想食港式串燒+飲啤酒🍺我就同佢去串燒王食😙好多串燒選擇！淨係Menu都睇到眼花花🤣-所有串燒都可選唔辣/小辣/中辣🌶️個人最鍾意係「👅皇牌牛舌心」呢款係串燒王十大必食推介👑牛舌有少少厚度、彈牙又唔韌鍾意牛舌嘅值得一試！「🐷燒豬頸肉」都十分爽口好食「🦑大墨魚咀」同「🐑阿拉伯羊肉串」好快就比阿爸食晒😹我冇份食🍆蒜蓉原條燒茄子茄子十分淋身，面頭鋪滿蒜蓉🧄有筷子咁長身！可以多人Share😌🥢巴蜀炒米粉米粉炒到好乾身、食落唔會油膩配料有腸仔片、炒碎蛋、雜菜，而且份量都幾多😛係飽肚之選🍍燒菠蘿、特色小饅頭小饅頭對半切開，面頭有碳烤過，要趁熱食；菠蘿非常甜，可以當甜品咁食😻兩個人食咗三百零蚊～滿足晒我地嘅串燒慾望😆

最解壓嘅食物串燒加啤酒圍埋一班人食真係好爽皮呢度交通方便選擇好多之外最驚喜係有有原條燒魚而且嘢食速度好快唔似其他串燒店要等一段時間先有下一串食日式鯖魚食得多燒到咁乾身都係第一次加上港式調味微甜又有孜然粉香好啱胃口牛舌心部位比普通牛舌再靚啲嫩啲調味真係好好同檸檬汁配合度100粟米原條有咬口唔落大量牛油更突出蔬菜原味串燒之外仲有大量小食/主食選擇用上錫紙兜保存熱度肥牛炒烏冬唔會太油膩有好多菜洋蔥牛肉仲有蛋花清酒煮蜆好咸鮮一試愛上

🥰人生有時就係要食一啲自己鍾意食嘅嘢氹吓自己，工作已經夠繁忙，對住一啲唔好嘅人已經夠委屈，成日開OT冇啖好食，夜晚喺條街度好多餐廳都係早收，唔通真係餐餐返屋企樓下食杯麵咩？😆😆真係要對自己好啲，對身邊嘅人好啲，食餐自己鍾意食嘅嘢，食完又再奮鬥過，咁樣先至係人生呀嘛🥰🥰突然間為食想食生蠔同埋串燒，見到有一間串燒王，入去試吓，先叫一個美國生蠔，大大隻好多肉加埋蒜蓉味，好味好味。😋😋再嚟多串牛舌及牛舌心，每次食串燒必點㗎🩷🩷 飲杯嘢，食10串8串，享受人生就係咁簡單🥳

🏡行完灣仔會展家居博覽行到最後一刻餓了喺登龍街見到搶眼霓虹燈牌加上燒烤香就吸咗入去食串燒🍢過百款選擇 海鮮 肉類 蔬菜 丸腸 錫紙拼盤 特色佐酒小食 炒粉麵飯 應有盡有🦪蒜蓉鮑魚 $651碟2隻 新鮮易咬爆蒜香濃 𠝹十字花入味 貼心起埋隻鮑魚唔駛撬🍶清酒煮花甲 $58份量算多 蜆肉滲出淡淡清酒味🐷豬頸肉 $28算厚身大塊 唔肥膩屬偏瘦肉🐮牛肉串 $28牛味正常發揮 孜然粉調味搭夠👅厚切牛舌心 $38 中度厚身 軟硬度剛剛好🐮日本一口和牛粒 $34比牛肉串肉質好 較重牛味🐓脆香雞皮 $26咬落脆卜卜 佐酒一流🍄汁燒鮮冬菇 $161串3隻 燒得鎖汁唔乾身 🧄蒜蓉雜菇 $48至少三款有冬菇 雞髀菇 金針菇 超重蒜香牛油汁🌭台灣腸 $18脹卜卜有肉地所有串燒可以揀辣度嫁🌶️開到凌晨 口痕想食吓宵夜外賣都好快送到

原來銅鑼灣都有咁地道嘅港式串燒，因為去到嘅時候係夜晚6點，未到食晚飯時間但又有啲餓，見價錢都幾公道就決定食少少頂一頂個肚先😂所以試得唔多🥹餐廳地方細細但選擇都算多，串燒可以自選辣度，不過今次要老公就一就我揀咗唔辣😝呢度連金菇肥牛卷都有，用燒嘅方式更香口惹味👍🏼 翠玉瓜都好爽脆多汁，簡單燒烤後加埋孜然粉，成功帶出焦香與甜味👍🏼其他串燒都唔錯，牛舌啖啖肉，芝士年糕一咬啲芝士就爆出嚟😍雞翼外脆內嫩👍🏼

深夜時段想喺銅鑼灣食宵夜，去位於登龍街嘅「串燒王」絕對係一個好選擇‼️餐廳串燒種類繁多，有海鮮、肉類、蔬菜、丸類等。除咗串燒，餐廳仲提供不少特色炸物、佐酒小食同甜品～各位要解饞嘅夜貓子有福啦🥳🔸吉列廣島蠔（$28/6隻）廣島蠔肉質肥美，外層炸得金黃香脆，口感極佳❤️🔸鹽燒多春魚（$48/6條）多春魚肉質嫩滑味美，咬落啖啖都係鮮甜魚子，正🙌🏻🔸豬頸肉（$28/串）豬頸肉脂肪比例均勻，入口脂香滿溢，令人相當滿足💫🔸豬仔脾（$35/隻）豬仔髀充滿炭香味，仲要一咬即開唔黏骨，燒得恰到好處～🔸台灣腸（$18/條）台灣腸口感緊實有彈性，咬開帶濃厚煙熏香氣，有驚喜🙆🏻‍♀️🔸皇牌牛舌心（$38/串）牛舌心厚切吸引，口感爽彈，肉味香濃，誠意推介✅🔸免治雞肉棒（$20/串）免治雞肉棒同時帶雞軟骨嘅嚼勁同雞肉嘅嫩滑，口感非常豐富💋🔸秋葵（$16/串）燒秋葵表面清脆爽口，內裏則保持鮮嫩多汁口感，讚👍🏻🔸蒜蓉原條茄子（$38/條）茄子份量十足，入口柔軟滑嫩，而且充滿蒜香味😽🔸蒜蓉金針菇（$45/份）金針菇口感爽脆，灑上孜然粉，再配搭大量蒜蓉，相當惹味🔥