串得起串燒專門店 (已結業)

老友再次吹雞到串得起晚餐聚一聚 , 天氣熱到出汁都無問題照坐室外 , 熱力難敵美食嘛 去到朋友已經到齊 , 坐底寒暄一句 , 立即點野食 ... 墨丸 , 芝士丸 , 魷魚鬚 , 牛仔骨 , 金菇肥牛 , ... 款款美味 同時又試左好多新野 ... 燒豆腐卜 : 燒至乾身 , 入口爽脆 , 少少孜然粉吊味令我仍然食到豆香 ... 新奇過癮 燒羊架 : 佢嘅燒羊一向有水準 , 剛剛好嘅羊膻香 , 比羊骨腩更啖啖肉 , 岩哂我呢d食肉獸 燒烏頭!?! (唔記得) : 淨用粗鹽搽係魚身魚肚位 , 再係肚位放入幾片香葉嚟燒 , 食入口有原始的清新感覺 !! 唔錯 ... 蒜蓉牛油焗元貝 : 大大隻啖啖肉 , 兩隻都只需18蚊 , 好鬼抵 , 係呢個淡左少少可能太少蒜蓉吧 食到咁上下飽大家轉為飲酒 , 朋友加老闆總共買了8公升白酒侍候 , 好客嘅老闆都陪我地飲左幾杯 , 談談生意經 !! 吹水至半夜突然落狗A , 轉枱至店內繼續飲又再點野食 , 最記得叫左個炒烏冬 , 大大碟上枱嚇我一跳 , 原來幾位老闆見無乜客就炒大碟D同我地一齊食 親切、視客如友嘅

住左大圍咁耐都未去過今日收早同男朋友到串得起食串燒。共實上一次已試過不過是外賣。叫了一連串的串燒有牛肉、豬肉、廣島生蠔、多春魚、墨魚丸、栗米、雞翼，羊架。食物既味道好鮮味食得出好新鮮，落調味料好適中唔會搶左本身食物既味道。d食物又唔會燒得過左火，仲之食到食物既鮮味。我既推介係廣島生蠔同栗米,廣島生蠔一d都冇過老好有蠔味d汁一流呀, 栗米一口咬落去係鹹但係再細嚼係甜嫁!!!!!男友推介係廣島生蠔同羊架、栗米:佢話羊架好燒得好軟熟，又唔蘇一絕老闆有好傾真係食得好開心各位沙田友又一好食處喇

越南什麼也好，友人說最失望是吃不到好味的羊肉﹗所以呢個星期三又走來串得起幫趁楊生﹗嘩，呢日真係好生意得不得了，成八九人要等位，好在有打來book位，唔係真係無得食﹗我不吃羊不過工友們是羊痴，每人叫了一件羊架及羊腩骨﹗我單是在旁聞到已頂唔順0的羶味，佢地一路食一路大叫超好食，羊肉軟身而香，羶味恰到好處，肉質鮮嫩燒得岩岩好不全熟而不黐牙，都好少見到工友一路吃一路笑，都知佢吃到自己喜愛的食物﹗串得起多左0的新燒物，試下佢個花鵰牛肉粒，牛肉比以前吃到的已有改善，但吃不到花鵰味......即時叫阿楊生埋來比0的意見佢，希望下次可以更好﹗吃牛還是牛仔骨穩陣，我一個吃了兩件呢﹗差不多全部食物都叫哂咁濟，芝士丸、墨魚咀、魷魚、土豆片、燒賣、雞尖雞腎，樣樣都燒得惹味好食，以前提過都不再講多次了﹗要試我第一次吃的鴨胸，味濃汁多夠香口，一客三件抵食﹗難得趣事係今天在這兒竟然相遇網友，楊生介紹大家飲下酒吹下水風花雪月七點竟然可以坐到成點先走人，次次做我地呢枱賴死唔走既客真係辛苦老闆了﹗

星期六同女朋友+兩個FRIEND去試下呢間串燒, 之前已經睇過食評, 所以買定一枝紅酒去~之前以為地點在大圍, 會好難搵, 點知原來都好方便, o係九龍塘搭88M, 出隧道唔駛一陣就到(顯田村站).去到果陣6點幾, 唔多人, 我地4人就坐左入面冷氣位, 果位戴眼鏡既呀姐帶著親切的笑容地招呼我地, 感覺很好~~~不停燒果位叔叔亦有顯得佢細心既一面, 佢放低串燒時, 仲專登問我地一聲 "夠唔夠味呢, 要唔要濃D?"真係冇得頂~我地都差唔多試左佢大部份野食, 當中大部份都水準甚高~食到9點幾, 舖頭已經爆滿(其實8點幾已經坐滿), 但絕對冇催埋單的感覺, 彷彿鍾意坐幾耐食幾耐都得~必定會再去~~~~~~~

星期6晚打完波又肚餓,我住既馬鞍山冇野食(有都唔好食),之後開車去左大圍搵野食,因為夜唔想食太多野所以就去左食串燒。(因為打波冇帶相機,冇相)開車去到顥俓對面既顯田村有咪標位唔驚冇位泊,泊好車就再一次去吃串得起啦。上次食左翻尋味今次再黎回味金菇牛肉卷: 必食,一口咬落去有好多汁呢,燒完都咁多汁好野。 芝士丸: 同自己去bbq燒個d一樣冇分別 雞翼:好食有肉汁,唔似平時出街食個d咁乾。 牛舌:一般老闆燒得耐左d 茄子:冇咩味,如果可以上而加菜脯粒好味好多。 蠔:好味呢,有汁又唔腥,good呀。 帶子:唔好食,冇味囉,加左味粉都唔得。 牛扒:普通同自己燒既一樣。 炒烏冬:好好好味,味岩岩好烏冬炒得好好唔會太乾,係我食過既烏冬中最好味我呢。 龍鬚炒麵:都okay,不過唔係個個都鐘意,因為佢係濕炒有d jam口。 燒鴨胸:冇咩燒既感覺,同我係taste買既煙鴨胸一樣味。環境:唔錯有裡面同出面2隻,出面坐可以s

友人推介的新開串燒小店 , 女友最愛燒烤食品 , 順路去開一於試試虛實 地點都好方便易搵 , 沿顯徑街入到顯田街口落車 , 向爛地停車場方向行幾步就到 ! 非的士人士可在大圍火車站坐顯徑綠van ..門外放有兩張枱加一台電燒烤爐 , 可以邊食邊睇住老闆燒製食物 , 有助增加食慾 ! 小店內尚有枱三數張 , 供怕熱顧客享用第一次去因為剛食完正餐所以只點了 ... 魷魚鬚 , 芝士丸 , 粟米 , 雞翼 , 紅腸 , 鵪鶉蛋 ... 之後再連同友人光顧 ... 燒牛仔骨 , 羊骨腩 , 肥牛金菇 , 龍鬚炒麵 , 墨魚丸 , 雞軟骨 , 墨魚嘴 , 蠔 , 菠蘿 , ... 味道是溫和派 , 無重慶燒的超重孜然辣粉味 , 只落適量孜然粉吊味 , 讓你食得出食物原味如果你係濃味王同埋嗜辣精 , 老闆都有支勁辣粉比你刺激特殊味覺大部份食品都燒得好 , 火喉準確 , 睇得出誠意與耐性價格係街坊價 , 又做埋飽肚食物如 : 炒麵炒烏冬燒饅頭 ...我地時常被茶餐廳快餐店包圍 , 要快d食完開工快d返歸快d沖涼快d瞓 ...難得有間街坊小店 , 一班朋友坐係路邊 , 燒幾串野慢慢食吓飲

自上次吃過串得起一次後，對佢製作認真同有誠意既燒烤食物念念不忘，呢日原班人馬再訪﹗長命雨落左幾日，上次坐開既位置滴水，我地轉到另一露天位置安頓﹗都未坐低，上次招呼我地既老闆走出來對我說: "小連，你終於都再來喇﹗"估不到食野會俾人點相，佢話自我上次來食完野之後0係網上寫食評，多o左好多人冒名而來一試，當中有讚亦有彈，生意多了不少，我也估不到寫食評竟然會俾人點相﹗佢叫黃生，仲話佢自己唔係老闆，不過又說之前幾個月生意淡薄無糧出，唔係嘛？無糧出邊會有人打工，擺明就係老闆唔認帳，不過算啦，知道與不知道根本毫無關係，最緊要係串燒好食﹗今日自備兩支紅酒，黃生一見我攞兩支紅酒出來就說: "知你一定又帶酒來，睇左你既食評，我地鋪頭已經準備左玻璃杯，唔洗再用啤酒杯飲紅酒﹗" 真好笑，估不到佢睇我既食評睇得咁仔細﹗不過亦都佩服佢對客人的認真﹗今日食左好多野，慢慢講下有咩好食﹗丸類試左上次覺得好食的八爪魚丸及芝士丸，新加墨魚丸同埋脆皮魚旦﹗我就依然講得八爪丸夠彈牙亦多八爪魚粒最好食﹗工友就話墨魚丸更香，吃得出的墨魚鮮味，各有各好﹗芝士丸燒得用心，咬入去之後芝士細細流出，香濃馥郁，百吃不厭﹗今次試左網上友人說

話說呢日相約友人去旅行社book 越南package﹗plan左咁耐終於都搞掂，既是高興又帶點點放鬆的失落感，於是決定去食大佢﹗來左大圍顯田村既串得起﹗呢頭都幾多食店又多民居，不過就唔知點解0的食店大部份都無人的，我地八點半去到呢間都係得我地一枱客﹗小店一間，只有一個哥哥0係門口係咁燒燒燒﹗開頭仲擔心會唔會流流地，因網上就算是openrice都全無食評，點知食落是一驚喜發現﹗燒墨魚咀，口感彈牙又唔乾身，咬落多汁調味亦不多，吃得出原味﹗上面的芝士丸encore了兩次﹗咬落芝士爆發，香口非常﹗魷魚是我的至愛，點會唔叫？發現好野食我即刻跑去前面士多，買支紅酒返來飲下嘆下先﹗飲番杯，期望旅行一切順利﹗呢度丸類不欺場，唔係街市買十蚊半斤的平價丸，吃得出的誠意﹗墨丸內有不少墨魚粒，提升質感同時亦更香口﹗八爪魚丸亦一樣，入面真係有八瓜魚碎的，食落味道係唔同0的﹗羊架夠哂肥美，不像坊間的下得太多孜然粉搶哂0的羊羶味，原味永遠是美好的﹗魷魚乾都有，用來送紅酒真惹味﹗雞肶菇貌似茄子，厚切多汁帶鮮菌香，推介﹗金菇牛肉卷夠大份，牛肉不會過老呈少少粉紅色，襯上金菇的爽脆，多汁軟熟層次分明﹗燒烏頭$45一大條，我