串囍

營業中

休息中

今日同朋友去咗屯門置樂個邊食晚餐🤣🤣 置樂真係好多餐廳選擇，我哋食選擇咗食一間串燒為主的餐廳🤣坐低嘅時候佢哋就送咗一個小食俾我哋係炸意粉條再加蛋黃醬😍😍係一個幾有特色嘅小食🤣 串燒拼盤- $88鍾意食串燒既我哋梗係叫個串燒拼盤啦😍😍 裏面有幾種串燒，包括三尾軟骨，雞腎同埋雞皮等等😎 唔使諗有啲咩串燒要揀就一定要揀佢🤣🤣 燒生蠔- 😍😍😍$36 私心推介呢一個燒生蠔，大大隻同埋係入邊的汁料配合得非常之好😙 燒羊架-😋😋😋$38 出邊食嘅羊架起碼都要$70起跳，而家$38就食到佢仲會切到一粒一粒非常之細心🤣🤣再配合七味粉真係一流😋😋燒茄子🍆-😍😍😍$48其實我哋都幾鍾意食燒茄子，佢嘅茄子燒完之後全部都十分之軟身，唔會硬繃繃唔熱咁，加上調味十分之好吃😋😛一夜干魷魚-$68 油揚稻庭烏冬-😋😋😋$48我係超鍾意食稻庭烏冬，呢度嘅稻庭烏冬完全冇令我失望再加上個湯汁非常之夾，真係好好食可以一試😎人均：$200 地點：串囍 (屯門)屯門青山公路 - 青山灣段351號彩華花園A座地下10號舖

去過好多串燒店都比較賣個氣氛，今次發現呢間食物質素都係講究，係高質既👍🏻一入座送左個炸意粉，好得意，個底仲有醬，好脆口、好開胃👍🏻叫左兩個套餐，套餐好抵、包飲品、免加一，就係一口價$88😊- 串燒拼盤餐全雞宴（有雞三角軟骨、雞軟骨、雞腎、雞尾、雞頸、雞皮）第一次食到晒咁多部位既雞串燒，雞皮同雞三角軟骨好出色😊- 醬燒鰻魚飯餐超出所望，鰻魚係又厚肉又大舊既，而且係肥美彈牙，一d都唔hea👍🏻👍🏻🌟🌟🌟重點推介：燒生蠔🦪大隻到同手掌一樣大，好鮮味，啖啖肉，只需$36，真心要點✨✨✨另外點咗牛肋肉、牛舌心、鵪鶉蛋、鱔牛都係出色既👍🏻多汁、肉嫩、爽口一夜干魷魚亦都係多汁，燒完都唔會乾身，大大，好鮮味好新鮮👍🏻整體黎講，呢到性價比好高，尤其套餐係非常抵食👍🏻串燒亦都高質，而且新鮮。點左咁多，總數都係$400左右，係一間性價比好高既小小日本餐廳🥰

今日參加了馬拉松，晚餐有特別的驚喜，去到一間餐廳：串喜 聽個名就知道串燒+啤酒.還可以一邊享受美食一邊仲有大電視直播英超足球賽。跑完半馬特別肚餓. 叫2個套餐+串燒才可以填飽個肚。//強烈推薦這個套餐：海鮮長崎白湯拉麵$88里面勁多材料，大蝦、日本廣島蠔，蜆，紫菜。筍片.蟹柳。香味撲鼻.海鮮非常新鮮。白湯鮮甜。非常好味！//醬燒新鮮鰻魚飯$88也是大滿足，不知是運動後的輕鬆還是食物超水準，心情超愉快。套餐免費跟汽水菓汁.//日本蛋蟹肉大啡茹，$20，也抵食

朋友約出黎傾下偈，揀左佢屋企樓下的串囍Cheers Here，門口有隻招財貓做logo就係啦。店內不大，大概二十個位左右，但電視勁多，每張枱都可以睇到電視，睇波嘅日子真係啱哂，飲野睇波人生一樂也😆⭐火樹銀花入座送的小食火樹銀花，有個好靚嘅名但其實係炸意粉黎😆簡單得黎好味喎，蛋黃醬配上炸得香脆的意粉幾正，串燒製作需時，用呢個止下口痕真係唔錯😘⭐鵪鶉蛋串外脆內軟，無過多調味，幾好食。⭐日本蛋蟹肉大啡菇大啡菇上面放了蟹肉、溫泉蛋、沙律菜等，再加左照燒醬同蛋黃醬調味，鮮嫩多汁，個蛋汁好正呀。⭐日本牛肋肉串、日本厚切牛舌心串、燒西班牙豬頸肉串、燒鱔串等多一陣串都黎了🤤香噴噴啊～最驚喜係豬勁肉呢，本身肉塊好多脂肪，燒完後好甘香🤤鱔串都好食，魚肉彈牙鮮味，可惜燒得過火少少，魚皮有燶味，扣分了。⭐蒜燒茄子軟綿綿的茄子肉充滿蒜香😋⭐叉燒拉麵除左串燒，餐廳仲有主食套餐，叫左碗叉燒拉麵，叉燒有四片，仲有海帶、紫菜、筍、粟米等配料，麵條彈牙都唔錯，勁大碗好飽肚。⭐日式咖喱豬頸肉飯朋友叫咗碗咖哩飯，開頭諗住都係日式咖哩醬加飯嘅啫，點知嚟到有驚喜，係餸菜加埋咖哩一齊煮，碗飯望落去冇咖哩汁，因為啲咖哩已經滲曬喺餸菜

響香港我較少幫襯串燒店，因為多數都又貴又唔太好食但呢晚嚟到屯門呢間主打串燒的餐廳，估唔到有驚喜喎！🤩餐廳地方雖然唔算好大，但座位空間感足夠，坐得舒服，而且有大電視播足球⚽️，鍾意邊飲酒邊睇波嘅人就啱哂！店員先送上一杯好特別的「火樹銀花」，原來係炸意粉，脆卜卜，唔講都唔知係意粉，本身冇乜調味，底下有沙律醬可以點嚟食，用嚟送酒都應該唔錯！食物方面，除咗串燒，仲有飯麵套餐，都幾多選擇。❇️日式咖喱豬頸肉飯$68（套餐包一罐汽水或果汁）▶️非常大碗，材料亦好豐富，除咗豬頸肉，亦有粟米仔、豆角、紫菜絲、中華沙律、黃椒。豬頸肉肉質爽滑，加埋甜咖喱汁，好食！嚟到當然要試下呢度的串燒啦！❇️日本厚切牛舌心串$38及日本牛助肉串$38▶️牛舌心入口爽口彈牙，牛助肉厚得嚟都算腍，牛肉味濃，兩款都唔錯！❇️日本蛋蟹肉大啡菇$20▶️啡菇夠Juicy，頂層舖咗木魚絲、沙律菜絲，加埋流心蛋，口感豐富，但似乎唔係好食到有蟹肉❇️燒鱔串$48▶️肉身都幾厚，有鱔味，只係略嫌味道淡咗少少❇️雞三角軟骨串$18、西班牙黑豚腩串$38▶️雞三角軟骨爽脆而且入味，西班牙黑豚腩好腍，咬開有少少油份，好香肉味！❇️燒生蠔$36▶️一上枱就好驚喜，因為好

最近喺屯門置樂食咗呢間新開嘅串燒店串囍 🍢🩷店內環境氣氛好好 好多電視播足球⚽️好適合嚟飲啤酒加食串燒😍最重要係食物質素真係幾好😍😍😍我哋叫咗燒鱔、燒生蠔、燒雞皮、燒雞軟骨、燒牛肋肉、燒豬腩肉串、燒廣島蠔、燒蟹肉大啡菇等🍢😚燒鱔係必食‼️真係笑得非常之好個魚皮燒到好脆 肉質爽口 又有鮮魚嘅香味🥰🥰🥰呢個一試難忘😚生蠔都要大讚😚蒜蓉味啱啱好唔會過咸 生蠔勁新鮮一啲腥味都冇😍😍其他嘅串燒質素都好好 全部都熱辣辣👍🏻最後埋單唔使$400我哋兩個人都食到好飽❤️👏🏻

先講嘢食啲嘢食整體都好好食，特別燒茄子，堅出色🤤翠玉瓜都好好，濃蒜香配番翠玉瓜嗰種清淡，味道剛剛好雞三角軟骨同埋雞皮都好正雞皮餃子好好食，外脆內軟生蠔開頭見38蚊隻好似有啲貴但係咁啱見到隔籬枱有見到都好大隻，所以就忍唔住叫咗幾隻真係隻隻都好大隻，隻蠔本身都好新鮮又燒得好食真心對得起呢個價錢至於環境服務方面一坐低嘢都未叫就送咗個炸意粉小食黎先😂幾特別，造型又靚，咬下咬下都幾過癮😂服務都幾好，一叫就有反應又有笑容唔會鞋口鞋面咁啱廚房師傅空閒時有出嚟，吹左幾句水為人幽默風趣整野食堅有一手💪🏼地方唔算大但坐得舒服（唯一可能係冷氣凍左啲）我本身怕凍⋯之後轉左去窗口位到坐開頭以為對住條街食嘢會有啲尷尬但原來又唔會，別有一番風味侍應仲會走出門口喺我面前傳遞餸菜成件事好似去咗日本咁😂感覺幾得意，亦都唔會好熱整體真係唔錯，值得一試😉

屯門置樂新開的一家居酒屋，朋友食過話好嘢！抱著一試的心態，環境唔錯仲有大電視直播球賽，講返啲食物，食物質素好高，擺碟又精緻，特別系啲串燒伴碟用沙律菜，值得加分。我哋開始時要咗一個300多的套餐，有兩杯啤酒，同埋一大堆串燒，試咗之後錯得啲燒生蠔，燒鱔同埋牛舌真係冇得頂，後來又再加單，真心必食！蠔大隻又新鮮！牛舌又夠厚唔會乾爭爭，燒鱔皮又脆又彈牙！而且價錢都好實惠，真心值得推薦！

通常收工收得夜屯門得返幾間宵夜星期日去12點到仲有得睇波串燒燒得香脆叫左蠔，鱔同一堆串燒蠔好鮮味濃味多汁，價錢親民，比起尖沙咀銅鑼灣離地價錢差好遠鱔要推介皮脆魚香加埋生啤直播英超昇華享受，正

食物非常唔錯，仲有幾款sake,生啤好似都有3.4款，最好食係生蠔，夠晒大隻同新鮮，38蚊都算幾抵食，其他串燒都整得唔錯，一個人埋單350，又sake 又蠔又有波睇，都算ok 既

琴晚同班friend 黎食，見間嘢新開張就諗住嚟試吓，原本諗住串燒都係咁，冇抱住有太大驚喜，點知好食到傻！出面就食串燒都係汁燒多，估唔到呢間嘢夠姜整鹽燒，所有食材到幾夠新鮮，依家3百幾蚊有成11串加2杯啤酒真係抵！嗰晚四個人都係七百幾，有酒飲仲有波睇，仲要勁好食，尤其係佢嗰牛舌心淡淡肉！同埋燒白蟮 酒雖然選擇唔多 但係都有kirin 同竟然有black san miguel 除咗啲歌大聲左小小之外，其他食物方面真係冇得講，下次都係會繼續嚟呢間 👍👍

同一班朋友去食串燒 都叫左一堆唔同既燒物 大部分都係冇味燒雞皮：冇調味又唔脆燒白鱔：燒到燶脆又冇落調味燒雞腎：冇調味又好似冇燒只白烚燒九菜&翠肉瓜：未燒好就上枱，九菜都係冇味最重點 燒豬頸肉…白烚之後燒兩下咁 咬都咬唔到😮‍💨成餐真係搞唔掂😩不過佢地個燒茄子係好食嘅～ 環境方面都坐得舒適同乾淨👍🏾 食物方面真係有待改善😶

最近發現置樂嗰邊又多咗間居酒屋，主打日式串燒，有 Sake 同啤酒。🍶唔算好大間，但就有大電視睇波⚽，有bar枱、二人枱同大枱，坐得都幾舒適，幾啱成班 FD 放工吹下水！串燒散叫唔算貴🍢，唔想逐樣揀，仲可以叫套餐，$348 可以食到 11道招牌串燒連啤酒，當中仲包咗燒蠔同勁考功夫嘅燒白膳，出面單食一串都差唔多 $50，🔥呢個餐真係好抵食！而我覺得最好食就係日本厚切牛舌芯🐮，肉質彈牙有口感，羊架亦都好軟腍惹味！🤤蔬菜方面，🍆蒜燒原條茄子同🥒胡麻青瓜依然保持到水份💧，唔會燒太乾，調味都好啱口味！雖然套餐包生啤，不過我同 FD 都鍾意飲 sake ，所以就叫咗支七賢絹之味純米大吟釀🥃，口感清新，好易入口，甜甜哋，同串燒好夾！而呢度嘅送酒小食都好特別，擺盤靚之餘，幼幼哋一條條，配埋蛋黃醬幾好食！🍺吹吹下水，唔覺唔覺就飲多咗，食多咗！ha ha～⭐11道日式串燒連啤酒 $348 ⭐

今天聽朋友介紹去了位於置樂岩岩開張的串燒店原來🍘🍺🍢🍢🍢問吓囉👩‍🦳👩‍🦳👱🏽‍♂️👶🏼4個人吃 價錢實惠 食物方面亦好水準💯💯💯 推介 鱔同蠔 師傅講用新鮮鱔做 夠哂脆皮 肉質鮮嫩 蠔夠哂大隻👍🏻👍🏻👍🏻另外還有一個驚喜位置就係嗰晚我哋帶埋小朋友落嚟廚師竟然有準備小朋友嘅玩具俾小朋友玩❤️❤️員工同師傅都相當好相處 照顧周到 服務亦都非常滿意👍🏻👍🏻👍🏻期待再來第二次😍😍😍