串串居

營業中

休息中

今晚要趕交report，開ot到10點先肯放人。晚飯都未食，唯有約埋一樣岩岩收工既女友食宵夜，填一填肚。竟然比我搵到原來葵興都有間串燒食，地點夠近 就即管試下。鋪頭不大，鋪內只係有4、5張枱，一般小型餐廳既裝設。食物環境事少，醫肚事大。坐低即刻拎張餐單睇下。款式選擇唔少，價錢好親民！即刻唔理食唔食得落，亂點一翻。炭燒雞泡魚乾。前後兩塊，燒得乾身 有咬口。食落有d似魷魚味，但越咀嚼會有陣甜味滲出，強力推薦！和風炒雜菜。椰菜、金菇、蘑菇、秀珍菇，上面再鋪滿厚厚一層柴魚，份量十足。然後就四款串燒，我地分別揀左燒五花腩、雞腎、蜜糖雞翼同印尼燒雞翼。串燒燒得微焦，但唔會太乾身，仍然會保留少量肉汁。本人鐘情於蜜糖燒雞翼，表皮上塗上一層蜜糖，入口先甜後肉香，相後 女友就覺得印尼燒雞翼更勝一籌，似沙嗲而非沙嗲，微辣。鹽燒鯖魚。呢道菜略為失色，骨多而且肉質乾柴。本人不太推薦。本人最愛 燒蠔同蟹肉醬帆立貝。濃郁既芝士裹著蟹肉同肥大既帆立貝，多層次既口感沖擊，食到我地連手指都差d吞埋。蒜蓉燒原條茄子。茄子切開兩半，上面鋪滿蒜蓉同蔥，極之惹味。典型小鋪，價錢平、食物質素都在水準之上，時間更開到凌晨2點，可以講

有日到光輝圍一帶尋找午餐有咩好食，行行下見到一間以串🔥公仔做招牌小店。心想午餐食串燒會不會有點兒重口味，原來他有set lunch。最後我進入小店，以日式午餐來說最高50幾元都算經濟實惠。🤗因為時間尚早，未有坐滿，但娤修簡潔坐得舒服。我選了一個豬軟骨鳥冬配麵豉湯（$39）買相非常討好，有大量甜粟米，半隻流心蛋，豬軟骨色澤均勻及入味，鳥冬煮得剛剛好不會過淋，湯底有濃郁的🐷骨湯又不會太油。唯一要彈就係份量不夠，相信男孩子一定不夠飽。

燒迷你蕃薯串 (4/10)賣相不錯，但有點燒焦了，帶點苦味，配上醬汁味道過濃。感覺不配醬汁更好。燒菠蘿 (6/10)看似一條，但𠝹開了一粒粒，方便進食。燒得足，沒有澀味，小酸的好開胃👍🏼豬軟骨烏冬 (7/10)賣相很好，配菜也足料，如大量栗米，半隻溏心蛋。烏冬煮得剛剛好，有口感，不會太淋。豬軟骨味道也夠。

收工上完堂老公黎接我，邊行邊緊諗食咩，就見到串串居。裝潢簡單，以深木色同黑色為主，台唔多，四五張左右，加上閒日夜晚九幾點，店內得一店食客，好舒服。我地食左炸雞皮，鰻魚拉麵，燒韮菜（無影到相），燒燒賣，燒魚皮餃，雞翼，豬頸肉，安格斯牛肩脊，腩肉，小甜薯... 味道唔錯，基本上樣樣都夠味，不過佢地都有提供三樣醬料：泰式醬，沙爹醬，燒汁。不得不提係佢地個四色生蠔，$62。好好食，唔係擺一粒生蠔上面蠔殻重用個隻，隻蠔真係痴住個殻，我鐘意蟹肉沙律醬。62蚊4隻，4個味，好抵食最緊要係，食完我無覺得好口渴，下次會再黎！

平時食既串燒店貴夾唔飽，串串屋簡直係正！係我食過既串燒店最抵最好味已經食過好多次！鰻魚烏冬$68冇影烏冬😛 烏冬煙韌 鰻魚夠大條未係肥美，不過呢個價錢算係咁啦豬頸肉 雞肉 豬肉 雞腎配沙爹醬唔鹹但入味燒菠蘿少少酸 不過可接受冬菇好正 少少燶味推介燒原條茄子好多蒜蓉好香好好味飲品有汽水 啤酒題外話: 店內音樂基本上首首都識次次去都聽到唔同歌，有新有舊廣東歌多，睇嚟店主同我聽歌品味差唔多

今次係我第二次去串串居食晚餐食完第一次 一直念念不忘 太好味 我食過雞翼 安格斯牛，茄子，四季豆，烏冬，韮菜，豬頸肉，燒蠔！一落單好快燒好有得食，樣樣食物都熱辣辣 漲卜卜，樣樣都超好味呀！特別一提 佢地個沙嗲汁真係好好味，又香又滑，濃味但又唔會好咸，正！  另外安格斯牛都好味，不過忘記影相 最後 燒生蠔真係最好味 ，一次過可以食到4隻唔同好味！我最欣賞蒜蓉味，好香好野味！另外嘅白汁蟹肉都好好味，同隻蠔好夾。一一定要幫襯試下

一向好夜收工，好彩返到光輝圍屋企左近仲有好多餐廳未收，由上年年頭開始多左呢一個新選擇，可以話變左我其中一間飯堂，相比起左右隔離佢唔係平，光輝圍比較多平民食市，要平真係二三十蚊掃街食得飽，但係又唔可以咁計，因為晌呢到食緊既係燒海鮮，我差不多一星期都會黎一次，有時係同朋友，不過多數係一條麻甩佬，叫一碗烏東，幾吋吋燒或者幾隻燒豪，兩三支啤酒，百零蚊食完好滿足。之前岩岩開既時候有個老闆仔得閑時會同客人吹下水，個感覺就好似深夜食堂咁，雖然食店老闆同客人打成一片係光輝圍小店既特色，晌第二個區好少有。因為光輝圍主要都係做熟客生意，加上一般小店係老板做埋樓面，同其他區連鎖店好大分別。。。不過近幾個月好似好少見果個老闆，其它員工木口木面，唔算係無禮貌不過無左份幫襯小店既人情味。any肥，呢d都係extra既，服務方面無扣到分。。講翻正題，我鍾意食燒雞，佢有好多種唔同既醬汁燒法，通常我就每樣叫一串，仲有好少地方食到咁脆既燒雞皮，無叫雞亦因為相對地普通。佢有幾款拉面同烏東，我通常食豬軟骨烏東，湯好鮮甜烏東好滑，唔係果種好粉或者好實既低級野。另外佢有4種方法燒蠔，其中辣汁最好食，值得推介，不過我通常一次過叫晒