中環飯店

中環上班族有福了，喜歡中菜和飲茶嘅朋友，最近再畢打行新張不久的「中環飯店」午市主打精選套餐和即蒸點心，餐廳環境優雅裝潢有特色，而且服務極佳，真心推薦點心和小菜都非常之高質，以中環這個價位真係性價比超高，無論午飯或者招待客人都非常適合👍🌟午市精選套餐 $ 268 （位）兩位起每位可選一款精選點心、蜜汁豬腩叉燒、老火靚湯每兩位至三位可選一款小菜、明太子海鮮炒香苗、是日精選甜品和飲品，午餐嚟講真係豐盛又抵食🌟手工點心✨避風塘蝦餃 ·焗雲腿蘿蔔千絲酥✨蟹籽鮮肉燒賣 ·水晶鮮蝦餃皇點心即叫即蒸，非常有水準，最有驚喜係創意「避風塘蝦餃」，蝦餃皮超酥脆裏面嘅餡料竟然可以同普通蒸蝦餃一樣，蝦肉彈牙好Juicy，再加上避風塘香夠晒惹味，蝦餃燒賣係我飲茶必點點心，另外焗雲腿蘿蔔千絲酥，好酥脆之餘，包住清甜多汁嘅蘿蔔絲，好好食✨蜜汁豬腩叉燒｜呢個叉燒真係不得了，豬腩肥瘦相間，外焦內軟口感軟腍鬆化，蜜汁再加上柚子，甜蜜之餘味道清新✨赤小豆粉葛豬骨湯｜足料老火靚湯，湯頭味道濃郁，飲完之後喉嚨感覺非常舒適🌟精選小菜✨大蝦黃金酥 ｜超驚喜嘅小菜，四大隻超巨型大蝦，被滿滿嘅鹹蛋黃包圍，外層鹹香酥脆，鮮蝦爽口彈牙，配上脆炸米通，午市套餐竟然可以食到呢個小菜，老闆真係好佛心✨拔絲咕嚕肉｜咕嚕肉外層香脆，酸甜剛好嘅咕嚕肉醬汁包圍，肉質肥瘦適中夠爽口，每一口都好有水準，非常出色✨明太子海鮮炒香苗｜炒飯炒得乾身粒粒分明，明太子配上蝦仁、帶子、蔬菜粒、雞蛋和香蔥，味道帶點明太子的鹹香，好味道🌟甜品✨紅棗千層糕 ｜煙韌軟糯，紅棗糕加馬蹄糕，味道天然太甜✨蛋白杏仁茶 ｜超濃杏仁味道，口感順滑，秋冬飲完倍感溫暖…查看更多

中環畢打行開咗間新飯店，主打粵菜，依家佢仲試業階段，即刻又睇下佢地啲野食質素如何～～📍前菜 4 款黑醋脆鱔球 $208西班牙栗子豬焦香叉燒 $198 鴛鴦蓮藕餅 $168 18斬話梅醉乳鴿 $1384款我最鐘意黑醋脆鱔球，外皮炸得香脆，加埋黑醋汁酸甜度拿捏得剛好，之後既叉燒都有驚喜，叉燒半肥瘦，邊位都帶焦香，肉質入口鬆化蜜汁香甜，係有水準既靚叉📍主菜 5 款辣不辣韭菜生煸方利 $598黃金芝士炸釀鮮拆蟹蓋 $288 /位咖喱原條牛肋骨 $368第一刀咕嚕肉 $208啫啫大澳蝦醬 蝦乾唐生菜 $148好傷心，本來我係想試佢地既富貴蝦，但好可惜當日已賣晒.. 好啦，不過其他野都好好食既，最有印象一定係呢個方利，造型一流，師傅將方利(即係龍脷) 起肉，魚骨炸到好似風帆咁豎起，方利肉質本身就細嫩，用避風塘式做法加上大量韭菜爆炒，惹味得嚟又唔會蓋過魚嘅鮮味外脆內軟鑊氣十足; 另外個霸氣牛肋骨都有驚喜，牛肋骨燉煮得極之入味肉質亦非常軟腍，加埋秘製咖喱汁香料味好層豐富📍湯品 3 款杏汁豬肺燉花膠湯 $188 黑蒜螺頭湯 $168姬松茸杞子燉花膠湯 $188最鐘意係燉花膠湯， 湯色清澈但味道濃郁，飲得出係用靚料燉足鐘數，飲完好暖胃📍甜品 2 款黑芝麻湯圓 $136/2位燕麥紫心番薯 $68呢個黑芝麻湯圓擺盤好似藝術品咁，佢唔係浸喺糖水入面，而係用擂沙做法，外層裏滿香濃嘅黑芝麻，咬開係流沙餡，皮薄餡靚仲好煙韌…查看更多

在繁忙的中環區，我發現了一家令人驚喜的粵菜餐廳「中環飯店」，這裡不僅環境舒適，還帶來了一系列創新而傳統的美食選擇，讓我度過了一個愉快的用餐時光。《開胃小品》🥢 鴛鴦蓮藕餅 $168鴛鴦蓮藕餅 ，一次過可以享受兩種不同嘅做法，口感酥脆，外皮金黃，內餡鮮嫩🥢 黑醋脆鱔球 $208黑醋脆鱔球，估唔到黑醋烹調鱔球，層次十分豐富，黑醋的酸甜與鱔魚的鮮美相得益彰🥢 18斬話梅醉乳鴿 $13818斬話梅醉乳鴿，乳鴿肉質滑嫩，一個十分開胃嘅前菜🥢 西班牙栗子豬焦香叉燒 $198西班牙栗子豬焦香叉燒，選用優質西班牙栗子豬，口感鬆化、鮮嫩多汁、叉燒外焦內嫩，必食之選《豐富的湯品》🥢 杏汁豬肺燉花膠湯 $188養顏潤肺，止咳化痰，一道營養價值非常高的養生湯水🥢 姬松茸杞子燉花膠湯 $188清甜滋味令人舒心，湯底清澈透明🥢 黑蒜螺頭湯 $168散發著黑蒜的獨特香氣，飲用後暖身又暖心。🥢 淮杞燉美國螺頭湯 $188一道滋陰清肺養生湯水🥢 花膠酸辣羹 $228酸辣口味令人感覺格外開胃《精緻主菜》🥢 辣不辣韭菜生煸方利 $598辣不辣韭菜生煸方利，這道菜賣相十分出色，仲可以食到不同口味，薄切的方利魚鮮嫩可口，魚骨脆口非常🥢 第一刀咕嚕肉 $208第一刀咕嚕肉，同樣十分出色，甜酸口味完美融合，令人回味無窮🥢 黃金芝士炸釀鮮拆蟹蓋 $288/位黃金芝士炸釀鮮拆蟹蓋，香脆的外皮包裹著濃郁的芝士與蟹肉🥢 啫啫大澳蝦醬蝦乾唐生菜 $148🥢 咖喱原條牛肋骨 $368咖喱原條牛肋骨，牛肋骨肉質鮮嫩，咖喱味濃重卻不搶味，根本讓人無法拒絕《甜品》黑芝麻湯圓 $68黑芝麻湯圓，這道傳統甜品令人感到溫暖，柔軟的湯圓內餡香甜可口，令人心滿意足燕麥紫心番薯 $68燕麥紫心番薯，擁有健康的形象，甜而不膩…查看更多

朋友喺中環返工，約佢食晚飯順便俾手信佢，佢話附近開咗間新中菜想試，太好啦，有人諗埋地點，就呢間啦！飯店個門對正地鐵出口，方便喎！我早咗超過15分鐘到，未到開門時間，但個女侍應好nice帶咗我入座，服務超讚呀！個menu都幾厚幾大本，我到先就睇住先啦，侍應都有問需唔需要介紹菜式，態度友善有笑容，冇話好似有啲酒樓咁hard sell，我見早咁多悶悶地就聽下推介啦。首先推介片皮雞兩食，話係受歡迎菜式，分別係皮片雞配脆多士，另一食係避風塘，問咗唔辣，咁我都有興趣喎。另外推介多兩三個菜式，我同朋友最後揀咗脆鱔，個source調得好味。其實去邊間食肆都好，最緊要係叫到間食肆有信心嘅菜式，咁就少機會中伏。新開咗一個星期都唔夠，應該唔太多人知，喺雅致、舒服、靜靜地嘅環境飯聚，食物水準同服務又唔錯，下次都會考慮呢間，價格都合理，最後仲要係朋友爭住找數，多謝晒呀！！另外見有幾間房，同侍應傾偈時問定min. charge，但暫時未定價，下次人多做節要記得問下，地點好就腳。…查看更多

中環畢打行呢幢百年歷史建築，真係臥虎藏龍！最近發現呢間 「中環飯店」，由老牌飯堂華麗變身，保留咗份懷舊嘅氣派，又注入咗全新嘅精緻靈魂。環境係高級深木色調，柔和燈光好有格調，坐得舒服，侍應嘅介紹亦好細心到位。今次真係大滿足，試咗好多款招牌菜，每道菜嘅心思同功架都令人印象深刻！同大家逐樣分享下：🔺《前菜》🔸鴛鴦蓮藕餅 ($168)
「一煎一炸」嘅雙重奏！炸嘅外層超級香脆，咬落「索索聲」；煎嘅就外皮微焦，內裡保留晒蓮藕粒嘅爽脆同肉汁嘅鮮甜。一次過滿足兩種口感，作為前菜即刻打開味蕾！🔸黑醋脆鱔球 ($208)
必食推薦！鱔球炸到金黃，外層嘅脆漿薄如蟬翼，形成咗一口「玻璃脆」嘅口感。咬開裏面嘅鱔肉仍然嫩滑彈牙，一啲泥味都冇。酸甜醒胃嘅黑醋汁掛喺面頭，味道平衡得剛剛好🔸18斬話梅醉乳鴿 ($138)
乳鴿浸得超入味！話梅嘅酸甜同醇厚酒香徹底滲入肉裡，鴿肉嫩滑得嚟帶點咬口，味道層次好豐富。斬成細件，細細啖咁食，真係越食越滋味，送酒一流！🔺《主菜》🔸辣不辣韭菜生煸方利 ($598)
視覺同味覺雙重享受！師傅將成條方利起肉，魚骨炸到豎起，造型💯。魚肉用避風塘方式加大量韭菜同辣椒爆炒，外層香脆，內裡魚肉依然細嫩多汁，鑊氣爆棚，香辣惹味到停唔到筷！🔸西班牙栗子豬焦香叉燒($198)
叉燒愛好者必試！用上西班牙栗子豬，肉質鬆化，油脂分布似雪花。外層燒到帶少少焦脆，蜜汁香甜唔膩口，係近年食過最高質嘅叉燒之一！🔸咖喱原條牛肋骨 ($368)
儀式感十足嘅一道菜！原條牛肋骨上枱已經好震撼，侍應會席前用剪刀幫你剪開。牛肋肉燉到極致軟腍，近乎入口即化。靈魂所在係個秘製咖喱汁，香料味豐富有層次，微辣帶甜，撈飯真係無敵，食到最後一滴汁都唔想放過！🔸黃金芝士炸釀鮮拆蟹蓋 ($576/2位)
豪華之選！蟹蓋裡塞滿鮮拆蟹肉，一絲絲嘅口感好實在。面頭鋪滿芝士焗到金黃，鹹香嘅芝士同鮮甜嘅蟹肉融合得天衣無縫，每啖都係濃厚嘅滿足感。🔸第一刀咕嚕肉($208)平時怕咕嚕肉肥膩嘅我可以放心食！佢哋用咗「第一刀」部位，肉質爽口彈牙，外層糖醋衣薄脆，酸甜度調得好順喉，加埋新鮮鳳梨一齊食，清新得嚟好滿足🍍🔸啫啫大澳蝦醬蝦乾唐生菜($148)上枱嘅時候仲「啫啫」聲，香氣撲鼻！呢道菜絕對係「鑊氣」嘅代表作✨。選用香港地道大澳蝦醬，鹹香鮮味非常濃郁，但唔會死鹹，反而帶出海產獨有嘅發酵香氣🦐。蝦乾大大隻，咬落去爽口有嚼勁，鹹鮮味十足。🔺《湯品》🔸杏汁豬肺燉花膠湯 ($188)
真係心機與時間嘅結晶！杏汁磨得極細滑，杏仁香氣溫柔；豬肺處理得毫無異味，口感綿軟；花膠厚身，燉到軟糯起膠。飲完成碗湯，個嘴「黐立立」，滋補養顏感覺即刻湧現！🔸黑蒜螺頭湯 ($168) & 姬松茸杞子燉花膠湯 ($188)
兩款燉湯都係足料之作。黑蒜湯味道濃郁帶天然甜味，好暖胃；姬松茸湯則菌香撲鼻，味道清雅。飲得出係真材實料，燉足火候，好舒服。🔺《甜品》🔸黑芝麻湯圓 ($136/2位)
甜品都唔馬虎！擺盤精緻，湯圓唔係浸糖水，而係裹滿香濃嘅黑芝麻粉，好似「擂沙」咁。外皮煙韌，一咬開入面嘅流沙芝麻餡即刻湧出，香味濃郁到不得了！🔸燕麥紫心番薯 ($68)
健康又美味嘅結尾！紫心番薯切成方粒，外層沾滿脆脆嘅燕麥再微微炸過，內裡番薯蓉軟糯香甜，天然甜度啱啱好，食完毫無罪惡感。…查看更多