中心點

營業中

休息中

近日有勁多點心舖唔開，酒樓都係，想食好耐，但一係早收一係冇開，所以今日咁啱比我係灣仔搵到間點心舖😆😆呢間叫中心點既舖頭細細間，但座位唔會好逼，佢都唔係好多人可能係lunch時間，呢度舊區比較多好多公公婆婆都會等下午茶時段先至過嚟因為會有八八折😌😌佢呢度嘅點心有啲都幾精緻，我哋好快咁就嗌咗幾樣特別嘅點心，包括有大紅大紫脆皮鮮蝦腸，行運甘筍鹹水角，七彩金箔原隻蝦餃皇，沙巴蝦燒賣皇，黑金流沙包同埋今次最特別嘅阿華田網紅沙皮狗😍😍😍🍤首先講吓個脆皮鮮蝦腸佢出邊紅色嗰層係紅米皮嚟，入邊有原隻炸左既蝦，咬落去真係超脆，隻蝦又夠新鮮彈牙👍🏻👍🏻🥠鹹水角個外表成條蘿蔔咁，好有心思，入邊嘅餡料完全係傳統嘅鹹水角餡料，咬落去外脆內軟熱辣辣，餡料又夠多😋😋最緊要係個款夠特色🥟個蝦餃皇點解係叫七彩，係因為你會見到面頭個蝦餃皮有少少淡粉紅，若隱若現咁再有金箔點睛，睇落都夠殺食，仲唔係得個樣，裏面嘅蝦係原隻咁釀入去，都係超級新鮮同爽口👏🏻👏🏻個燒賣睇落去平平無奇，但原來入面餡料豐富，我最鍾意嘅舊式燒賣裏面係有冬菇面頭再加上蟹子，絕對唔會粉，唔錯唔錯😍😍不過流沙包就有啲美中不足，佢個外表比起一般嘅流沙包係偏淺色，其

疫情之下，百業蕭條。二人限聚令之下，99.9%嘅酒樓都無奈選擇停業。鍾意飲茶唔係老人家專利，我呢個90頭都好鍾意飲茶🥺本身想去嘅茶樓同點心舖冇開，唯有打去最近嘅中心點問下，竟然有開🥺$88有個籠仔荷葉蒸飯+油菜+燉湯，都算抵呀! 另外嗌左平時一定食嘅點心，價錢同酒樓相約，但係味道比酒樓好👍👍👍👍👍嗰日係星期六，坐唔滿客人，啲點心齊哂食哂咁滯個蒸飯先到，趕時間嘅人唔好嗌呢個set🙈個人覺得幾樣點心入面，鳳爪係最出色! 平時去酒樓食，一係就個汁太濃味，一係就啲雞腳皮溶溶爛爛咁。呢間竟然攞得到個平衡，唔會越食越嗌咸👍灌湯餃唔係鳳城嗰啲傳統灌湯餃，係一般嘅湯浸餃，想食傳統嘅就唔洗考慮😂蒸飯唔係一人份量，除非你係小林尊。啲雞嘅份量好慷慨，唔會執啲雞骨比你就算，肉多多，份量都多多🤤最唔鍾意係個金錢肚，好大浸牛雜味😫 可能呢啲先叫正宗? 酒樓食嗰啲完全冇牛雜味，所以都幾鍾意叫金錢肚，我本身唔食牛雜🤢環境ok，光猛又乾淨。係有個侍應態度麻麻地，啲點心係凌空dum落枱面，我又冇得罪你，唔洗咁樣dum野掛😑 啲野多到冇乜位擺都是但放上枱，正常侍應都會推一推啲碟擺好啲😑

除夕夜在灣仔找地方與朋友共聚，朋友想吃點心，於是走入這間一試，安排坐在上層卡位，坐位舒適及環境光猛，點心紙有些特別點心，點了紅荳蓉銀絲餅，質感特別幾得意，椰汁煎堆仔入面是西米露粒粒，一試無妨。蒸飯+燉湯+油菜套餐很抵食，姬草茸螺頭竹絲雞湯清甜，個人比較喜歡。服務也很好，職員推介其他必食點心，但我們已下单了，惟有下次再試，這店有其他分店，下次再試其他吧。

宜家唔洗就時間飲茶，隨時隨地都有地鋪飲茶食點心，呢間水準幾好，又唔洗等位，值得推介。 金箔原隻蝦餃皇唔錯，真係原隻蝦，配料適中，皮質剛好醬皇蒸鳯爪好似唔太入味，有啲失望密汁叉燒腸皮太厚身，唔夠滑口，叉燒唔夠香口家鄉釀虎皮椒呢個幾正喎，味道又野味黑金流沙包推介！外形吸引，流沙質感啱啱好，留到最後做甜品仲係熱辣辣

good shop!!希望多d人識，好味但又收得唔貴。入到黎有一陣味，但問題不是很大，唔太影響我哋嘅。入到去得兩個外國人係度食。呢個set健康又扺食，我哋叫左一個章魚馬碲肉餅 籠仔蒸飯套餐 （$78），包埋湯同菜一碟。菜單。入到黎叫左普洱，二人茗茶（$14）。首先黎係白灼菜芯。色澤好靚。少少油。之後黎左姬松茸螺頭燉竹絲雞。隻烏雞好易咬，幾入味手。我覺得個湯偏咸。滋潤一下，唔錯。蟹粉小籠包（$22/個，至少叫兩個）。其實係小籠包加大版，肉量好足嫁。男朋友覺得細舊好食d，我鐘意滿滿的肉係口中的感覺。唯唔係好食到蟹粉。皮唔會太厚。黑松露帶子紅菜頭餃（$39）。無紅菜頭味，大概係用來增加外相。入面有d菠菜加蝦。好味。六福臨門點心併盤（$59）。一次過滿足哂我！哈哈！男朋友特別鐘意紅糖糕，話整得好好。有素餃，潮州粉果，金薄蝦餃，燒賣，鮑魚燒賣。紅米脆皮鮮蝦腸粉（$39）。呢個真係好味喎，雖然又係皮無味，但做到中間脆，入面多肉，唔容易，其實係幾高性價比。最後上的dish。男朋友喜歡。用紅米做base。我夾哂d馬碲食，已經飽了。要提一下，覺得待應態度唔錯，用心友善。會下次再黎。

🇭🇰中心點·籠仔蒸飯套餐$78佢呢個套餐真係超大份 佢係有個巨型籠仔飯 一個燉湯 同一碟油菜 我地兩個女仔完全食唔曬 而且佢出乎意料地樣樣野都好好味🤤佢個鳳爪排骨蒸飯份量好多 而且D飯質感唔錯 之後個排骨都好入味😎😎佢個螺頭竹絲雞燉湯係超級清甜 而且入面都幾足料 飲落好舒服🥰🥰·白桃烏龍 $7/位之後呢個烏龍茶係個度既侍應哥哥推介我地既 佢真係超好飲 佢個白桃香得黎唔係糖漿個陣味 飲落超清甜 真係超適合一路飲住茶一路吹水🍵🍵·#rbyeat#rby港式#rby灣仔 #rby銅鑼灣 #rby油麻地 #rby慈雲山 #rby青衣 #rby大埔·📍灣仔天樂里7號地舖📍油麻地彌敦道550-552號龍馬大廈地下B號舖📍慈雲山毓華街23號慈雲山中心2樓208-210號舖📍青衣青康路12號長康商場二期地下104及105號舖📍大埔曉運路10號運頭塘邨運頭塘商場地下26A-26B號舖📍大埔大明里20號儲金閣12-20號地下A舖

不似酒樓的點心店，食物味道不錯，蒸飯套餐抵食，有湯、有菜 👍👍我最鍾意食雜菌餃和灌湯餃。不起眼的店，不過值得推介。 👍👍 有些點心真係叫先蒸，所以都要等下既。

坦白講好少過嚟呢條街食飯，距離行街嗰幾個商場有啲遠，今次經過就入嚟試一試。點心選擇好多，試咗腸粉、蘿蔔絲酥餅、燒賣、都好好味。服務都好好，啲夥計好醒目又有禮貌，而且環境都幾舒適，幾乾淨，唔迫，仲有四個人卡位。得意嘅地方係呢啲點心鋪多數都冇得揀飲咩茶，呢度都有幾種俾你揀。唯一可以再改進嘅地方係點心可以再熱啲，食點心要熱辣辣先至好食呢。晚市有$60 隻$100兩隻嘅大閘蟹仔，雖然細細隻但我覺得都算抵食吖， （有三、四兩重），又有蒸飯同老火湯套餐，都好抵食，下次會帶其他屋企人過嚟試。

松茸野菌餃 $28餃子皮吾會好厚，少少煙銀既口感，包左粟米同雜菇粒，味道正常 6.9/10紅米脆皮鮮蝦腸粉 $39好少食呢款點心😍突登黎試下，紅米皮軟糯，鮮蝦炸到少少脆，外軟內脆，味道吾驚喜但都好食既 7.0/10金網脆皮鳳尾蝦 $38金網脆皮超級脆，蝦肉口感正常，但無咩蝦味，整體食落幾香口 7.1/10韓燒糯米釀雞翼 $38雞翼燒得岩岩好，脆皮香口，雞肉嫩滑，少少辣味，糯米軟糯，好食😋 7.4/10金蒜海雕龍仔魚蒸飯 $58龍仔魚份量幾多，鋪滿飯面，蒸飯份量幾多，岩1-2人食，味道都吾錯 7.3/10

同老公兩個人唔知食咩好，行行下見到呢間點心店就入去試下晚上8點幾，人唔算太多，坐左卡位，店入面環境舒服睇menu 睇左好耐，因為好似樣樣都好吸引，本身諗住叫兩個套餐就算，但係有幾樣點心都想食，所以叫左一個餐，其他散叫唔知係咪食開唐記嗰啲份量，呢度個蒸飯比想像中大個，仲要幾多料，飯入面仲加左少少紅米，好食 套餐入面個湯，老公話好好飲，好足料紅油抄手(一碟6粒) 望落去好似好辣，仲食落去係麻多過辣，個人本身唔係好食得辣都接受到燒賣同金錢肚就正正常常，都幾好食，金錢肚都偏大舊 不得不讚個蘿蔔千絲酥 (一碟有三件，食到最尾先記得影相) 一夾上手心諗 “咁重嘅，好足料喎”，食落去超多蘿蔔絲，仲要唔係話好幼身嗰隻，好有口感，多面嗰層酥又薄，完全係皮薄餡靚 整體黎講我同老公都話呢間食店好有驚喜，雖然價錢唔算好平，但比出面酒樓好味，有機會都會再返黎食過，試下其他野