世興茶餐廳

記得上次來是吃這裡的ABC早餐。今次就來試試她的午餐....例牌從午市套餐中六選一。揀了印象中已好久沒有嚐過的滑蛋牛肉飯。還依稀記得這是自己於中學時期差不多隔日便食的'例飯'。今天再點來吃，算是來懷愐一番吧....牛肉少不了下鬆肉粉去處理，但不算是全然像在吃橡膠，已是萬幸；獻也是少不免是屬於'生粉系列'的，蛋花的比例不十分的多。這個才是難吃的癥結問題所在:(....反而那杯奶茶喝落有點茶味。奶味太大太重的話，那倒不如直接去飲奶吧，何需要叫奶茶呢 ?吃下去像是配角比主角出色。下次有機會再來，只叫杯奶茶再加油多一件，已是'夠脾'了吧.....…查看更多

上一趟去了獅子石道的"富寶"，今次早上則到了正正開在旁邊的"世興"，再食一頓港式ABC早餐....茶走茶味甚濃，絕對是自己的那杯茶:)....薄多士烘得香脆，牛油也塗得夠重手；這裡的炒蛋是加入了菠菜的，比起平常的火腿及餐肉自然是健康得多。蛋本身炒得滑，蛋汁輕微的湧出來，難吃極當然有個譜....鮑魚火腿通的雞湯底份量多至將所有材料遮蓋起來。湯味甚甜；火腿及鮑魚絲也甚多；通粉亦淥得不過腍，咬落甚爽彈....想不到這裡的早餐甚不錯雖然價錢比起土記的尋常茶記是貴了一些，但間唔中來食一餐，當然是無傷大雅的了....…查看更多

一人游荡到九龍城~好多特色餐廳都未開門甘就來個簡簡單單粟米斑腩飯啦~36蚊包一杯熱飲~要左熱奶茶~奶同茶比例恰好~至少啱我口味好快個飯就上來啦~熱辣辣~斑塊數量夠多!!!撈飯最正 米飯亦食得出系好米~~唯一不足就系粟米少左d咯~~~…查看更多

2個人晚飯係九龍城既呢間茶餐廳攪店.每人叫左一個煲仔套餐share.金菇沙嗲粉絲牛肉煲 (包白飯一碗+飲品)好水,不過味道又唔會好淡wor,粉絲都ok多, 牛肉就幾鞋了. 個汁最好用來撈飯一流.豆腐火腩煲 (包白飯一碗+飲品)這個豆腐很好吃,火腩一般,偏瘦同乾, 汁亦唔係好多, 冬菇很入味, 不錯.8點幾, 人唔係好多, 有電視睇, 2個人食頓普普通通,便宜的晚餐也不錯.…查看更多

今日又去了九龍城，辦完點事便到附近的世興茶餐廳吃個early lunch，時間實在有點早，吃不落飯，於是點了個常餐，要沙嗲牛肉配餐肉公仔麵，餐飲要凍奶茶少甜，盛惠$26大元!坐了不久，先來一杯凍奶茶，不過是超甜的，擺明係搞錯order無幫我整少甜啦!不過我最後都無叫侍應幫我換過杯，無謂浪費啦，反正我都喝得吓甜，還是算了吧!:(再等多一會，沙嗲牛餐肉麵就嚟嘞，不過賣相好求其。沙嗲牛肉很少，沙嗲味又薄弱，一啲都唔好食。公仔麵同餐肉則算係一般水準啦，沒什麼特別......估不到點最穩陣的沙嗲牛餐肉麵都觸礁，唔會再吃哩度嘅常餐.......…查看更多

Decided to eat a late lunch at this place. Ordered a 雞脾沙律 but waited for a long long time for it. I think it took at least 15-20 minutes but well worth the wait (maybe I was too hungry). The chicken was quite tasty with very tender meat but the deep-fried skin was a little to hard. Lemon tea was acceptable. For a simple tea set this is definitely a place to consider.…查看更多

晚上以各類小菜作為招徠，菜單上分門別類，像牛肉類、海鮮類等，挑選起來較為方便。點菜過後，侍應好心地提醒我們，兩道菜也是排骨來啊。雖然最後沒有改動，不過我得先謝謝他的貼心。【菠蘿生炒骨】這道菜本來是帶酸的，但當第一口吃下，感覺未免太酸了吧？咀嚼不到肉質感，慶幸炸粉皮不算太厚。【豉椒蒸排骨】凡蒸物需多等五分鐘，但當咬下鬆軟味濃的排骨時，已值回票價了。…查看更多

嗰日去開九龍城'探親', 一個星期日熱辣辣懶洋洋的下午, 無咩嘢搞最好就梗係'捐'入去世興食個下午茶餐抖-抖啦! 叫咗兩個餐, 都係廿零蚊, 好耐無食過咁正嘅炸雞肶沙律餐, 最正係吸引到隔離卡位啱啱坐低對情侶嘅注目, 男仔仲忍唔住問我係咩餐, 因為佢見到隻肶咁巨型, 諗緊究竟係雞扒定肶餐, 問得我, 佢後來梗係叫咗呢個餐啦 其實之前下晝都嚟過, 我又係食呢個餐 , 次次都即炸, 亦未試過炸到入面'乾爭爭死實實'囉, 雞肶本身有醃過, 味道唔錯, 跟餐沙律係舊式什菜沙律底再添加椰果同新鮮蘋果, 捨棄放幾粒罐頭雜果嘅做法咁囉, 有誠意兼且確係好味! 得呀! 我個老友亦係之前食過魚柳包餐話正所以encore, 咁我無食過個包, 但食咗佢啲薯條, 即炸無欺場呀~ 何況邊食邊睇'TBB週日影院', 啱晒我呢啲電視精, 舊片都唔放過, 我個friend 又笑我'汁都撈埋'...所以我都好鍾意去有電視睇嘅茶餐廳 總括嚟講, 有時間經過值得再試! :)…查看更多

四月上旬‧陰天在附近有約，時晨未到，周圍行一會。但天氣實在悶熱得很，下午茶時間，還是找間茶餐廳坐一下好一點，見這裡夠大又光猛，有幾部大電視，卡座舒適，又加上求其順腳，就來了這裡。看下午茶餐的餐牌，都有十幾款選擇，看來吃下午茶當午餐的食客不少，就要了個炸脾沙律。凍咖啡送來，味道還可以，但等了又等，炸脾還未來到。問了又問，回覆也總是「炸緊」。上檯真的是香噴噴，雞脾切開反起，連骨炸，看上去份量很足夠。切開來吃，皮酥脆，雞肉也很嫩滑，有肉汁又不乾身，調味夠。墊底的沙律也真材實料，菠蘿、椰果、著仔及青瓜，沒有欠缺誠意的雜果，很對口味。真正「大滿足」！:)埋單24元，坐了好一會，這個炸脾，值得一試。…查看更多

入到去望餐牌，見到佢有中式小菜0既套餐，有湯有飯有野飲，不過個湯就真係好麻麻地，要再搞搞佢喇~因為真係好淡口.....講返主題，我一眼就見到有梅菜扣肉，於是點左一個來試，唔使十分鐘，D野都0黎齊晒，扣肉一入口，即時感覺好有口感，肥豬肉入口即溶，肉汁多到即時將你個口腔包圍，感覺好實在，試過以前食過一D梅菜扣肉一係咸過頭，一係就煮得唔夠透，呢間世興就各方面都做得好好，梅菜靚入口甜，唔好唔記得個汁，用來撈飯真係一流，本身來叫阿姐俾多少少飯我，不過我都係驚人笑我大食，最後冇叫到>_<埋單都係34蚊(凍飲加左兩蚊)，呢一餐真係正!…查看更多

這間獅子石道的茶餐廳以前我食過一次, 之後都唔會再幫襯, 因為食物係差到無人有, 不過今次有朋友建議去飲杯o野傾計, 再去一次, 食物的質素原來改善了很多:)首先係食物的款式多了很多, 而且仲有多款套餐揀, 價錢都好大眾化!我同個朋友叫o左兩個套餐, 一個係三色蒸水蛋, 另一個係薑蔥枝竹班腩煲, 每一個套餐都有一碗白飯同一碗例湯或奶茶or 咖啡跟, 我就加兩蚊要o左杯奶茶飲以前係無呢類中式套餐的, 只有碟頭飯, 仲好難食! 個三色水蛋幾有水準, 蛋蒸得好滑, 豉油的味道唔錯, 薑蔥枝竹斑腩煲的醬油調味好好味, 個煲燒到好熱, 上枱時仲有吱吱聲添, 斑腩肉好爽甜, 茶餐廳嚟講都好認真了食物的質素改善之後, 人客都多了, 間舖熱熱鬧鬧, 只要有心機做, 一定有人支持的, 像我這個食客都想找好食的店去幫襯啦, 加油吧:)…查看更多

收工來呢頭探病，又未到時間，所以決定先吃個下午茶﹗已經5:45pm，見阿姐伸個頭出來話仲有下午茶餐，一於入去﹗呢0的時間客人不多，揀個四人卡位安樂就座，點左個魚柳包薯條茶餐﹗雖是下午茶，不過一看份量絕不欺場，魚柳包比起麥記的是一點五倍體積以上，魚柳包塊魚柳即叫即炸，大大塊熱辣辣又脆口又香，餡料還有生菜及蕃茄，配上沙律醬，滿足美妙﹗薯條是粗薯條，熱食當然熱氣不過也顧不得那麼多，有份量又高質量的一個下午茶餐，$24不算貴﹗…查看更多

26-1-2009今年農曆年初一的夜晚難得唔使「應酬」, 不過 dinner 就要自己搞掂, 加上九龍城前所未有咁冷清, 其實都幾頭痛... 難得想試的呢間有開門, 又入去食個簡餐.先0黎熱奶茶, 見佢咁0既色水, 都有 d 擔心, 但飲落係好香茶味又好滑, 認真估佢唔到. 不錯!沙爹牛麵一潭 stagnant water 咁樣, 撈0下撈0下仲見到黐埋一 pat 的 gooey 沙爹牛, 賣相好嚇人, 可幸食味又 ok -- 沙爹汁幾香濃, 帶點甜, 不過當然唔及樂園的啦; 牛肉「梳打度」可以接受, 配上幾好食的沙爹汁, 都幾好食; 公仔麵淥得剛好, 夠晒爽口, 滿意."On the side" 仲有蒜蓉包 (亦可選牛油方包), 火腿及炸雞翼... 兩隻雞翼炸得又熱又脆, 幾鹹又幾油, 果然係茶記 style 炸雞翼; 蒜蓉包就好難食, 法包好隔夜 feel, 硬 / 韌得咬唔開, 蒜蓉牛油少得不能接受, 仲要本身無乜味, 食了兩啖決定唔食.環境光猛乾淨, 仲有電視睇, 不過佢都真係幾好生意, 幾嘈的, 如果你想靜靜地坐0下的話, 呢度就唔0岩你了.埋單 $36, 唔算平, 不過尚算滿意, 有機會再0黎飲奶茶吧.…查看更多

九龍城出名多食肆，但有時就係太多選擇，令人花多眼亂變得更難選擇，呢啲叫犯賤﹗上星期六下午四五點，啱啱完咗第一場(約會)但下一場又未到時間，於是幾條友就落獅子石道搵個地方醫肚吹水，見世興門口有個好大既"下午茶牌"，於是就入咗去。餐廳內入座率低過40%，但伙記醒目留了卡位俾我地，抵讚﹗四人叫了四份餐，先上友人既"飛碟餐"，伴隨的薯條是冰凍的，明顯係炸定擺係度，飛碟得半份，實在係中童份量。其後送上的"西多士"、"咸牛肉炒旦三文治"乃一般水平，我叫我熱狗薯條係最後到枱，這份薯條則是熱辣辣的，分別極大。…查看更多

昨日到這裡吃lunch,點了個勁得的太陽旦腸仔丁字麵,個麵煮得啱啱好.似乎好過深水埗嗰間豬膶麵的出品.咖啡叫少甜就啱啱好,但下次叫番餐肉好d,因為腸仔太多食唔晒.…查看更多