不吃不可

營業中

休息中

外賣咖喱汁比錯腩汁，遲過我幾個外賣拎左走哂，我都未有，好聲好氣問點解人地走哂我都未有，竟然答我，得架啦，我有分數架啦！ 態度勁差！ 叫咖喱汁，番到屋企點知睇到係腩汁！ 唔會再幫襯

呢間位於vcity附近嘅小店，平日4點黎都好full~坐位環境好乾淨，3位樓面姐姐好好人，斯文有禮！今日嗌咗豬紅豬皮牛栢葉兩份豬腸米粉。咖喱汁清得黎好濃郁，有啲辣，有譚仔4小辣咁上下嘅辣度，食到一半要加番汽水先食得落！豬紅入味好滑牛栢葉啱啱好熟，不會韌！豬皮吸晒啲汁超正，冇油溢味！最後豬腸係我鐘意嘅蘿蔔豬腸嗰隻豬腸，入味有咬口，好味到嗌咗兩份！揀咗四個餸都超好味唔伏，但米粉就有啲碎，底嗰啲要用湯羹筆

芝士腸+滷水蛋米粉 配滷水汁咁耐冇食 揀返以前最常食既配搭🤤米粉依然份量好多 就算兩餸睇落少都好夠飽不過滷水蛋差啲 唔夠入味🥺可能佢嘅滷水比較淡味 因為除左蛋 連滷水汁都淡🥺有啲啲可惜白蘿蔔+魚蛋河粉 配咖喱汁朋友呢個咖喱汁好正🥰本身以為咖喱汁好少 但撈落發現都幾辣好夠味白蘿蔔大 又多 加埋魚蛋真係一流👍🏻兩個人50幾蚊 算係咁啦

知道屯門有間良心店，趁星期日去食。去到門口，咁岩有個女員工行出黎，我就行去同佢講一位，佢問我拎飛未我話未拎，佢叫我係出面等有一個位會叫我。咁我就係出面等，之後有幾組客入大去拎飛，我再行入去問個員工係咪要拎飛。個員工話知我一個，有位會叫我。咁我咪放心出去等，過左陣，後過我黎既都入左去，有個男員工行左出黎準備叫飛，我就問佢係咪有一個位？佢就話要拎飛，我咪話個員工話我唔洗拎，但我係8號飛後黎。咁佢行左入去問，咁個員工都話有件咁既事。（其實大可以唔食，但真係等左一段時間）不過入左去都唔好過，mean到呢，同出面d客講要拎飛，仲要有個後過我好多既阿伯話點冇飛都可以入。——講番食物，唔差既，但心情影響食慾就真係冇下次了。員工既問題，客人埋單。

好久沒來，最近見臉書有人推薦，又心思思想去食，今日趕在早餐時段結束前來吃車仔麵早餐。早餐可選3餸，包一杯熱飲。米粉正常蘿蔔清甜無渣，懷疑加了糖去煮豬皮入味仲有一樣餸好似是豆卜最後不得不讚這裡的秘制咖哩汁，香濃帶蒜香，微辣，把味道提升。

平時都會自己煮早餐, 間唔中懶下就會出去食, 但黎黎去去都係食個幾款真係好悶, 今次比我見到呢間不吃不可, 望一望原來係食車仔麵! 車仔麵早餐?? 一家要試試佢早餐好抵食 $35可以簡3個餸 一杯野飲!!!!好抵食, 我就鍾意佢既牛腩同雞翼, 好入味而且份量都唔少,另外一定要配佢個咖哩汁!!!!!再叫一杯即磨咖啡, 好待別又滿足既早餐

係Wolipay見到間舖就過黎幫襯下從屯門輕鐵站行過黎都係5分鐘腳程位置方便易搵-大概夜晚7:30到,唔洗等位店內整潔乾淨員工有禮電視播緊港台31👍-食物方面，點咗粗麵配菜有豬紅、齋、牛腩一共$34配菜份量好足牛腩入味🙆齋同牛腩都好食👍豬紅本身好少食,無得比較,試完都係唔鍾意😂😂-見大部分人揀油麵，我今次就試下粗麵啦面嘅份量一個女仔啱啱好，味道同口感黎講，無到非常喜歡，覺得ok la 可以試下🤷-整體而言都唔錯 面份量少咗d但係配料好足服務衛生都唔錯值得再幫襯🙆🙆

車仔麵一向都係港人至愛🤣雖然而家食車仔麵貴過以前反學好多但真係食極唔厭🤣而家裝修左乾淨好多食都安心d😂-推介👍咖哩魚蛋/魚肉/雞翼尖/豬腸個人認為車仔麵配河粉係最正因為佢索哂D腩汁😋咖哩魚蛋個咖哩係有D辣度🌶加埋腩汁成碗麵個味岩岩好😋

今次要介紹嘅食物就係位於屯門👣💛黃店📜”不吃不可📌地址: 屯門德政圍23號松苑地下1️⃣ 特餐 $44 有九款餸 包括(魚蛋,魚皮餃,魚片頭,蘿蔔,雞翼尖,豬紅,豬肚,蘿蔔,菜)👀有得揀秘製咖喱汁/牛腩汁我揀咗牛腩汁超香超入味😋😋米線好大碗 又足料👍🏻😍2️⃣牛腩豬腸油面 $32就算係兩個餸都係多料👀 牛腩好juicy 😋😋配埋牛腩汁簡直係好幸福🥰因為我食下午茶🤤所以加$3就可以有凍飲🥤 飲品正常size空間都闊落唔係太迫🤤好方便自己寫紙落單🤤KS評分 (5個最高)環境:⭐️⭐️⭐️味道:👅👅👅抵食指數：💰💰💰💰我會再去的🇭🇰💛

很久不見了😅不吃不可特別鍾意這個店名較早前搬遷（就隔幾個舖位），重新裝俢，至今天才想到去吃吃環境比以前舒服了，又加上推門，店內小小座位，噢！冷氣非常凍、迎接炎炎夏天時間尚早，客人少，但是，過一會兒，越來越多人，熟客都來了，坐滿晒照舊，個人喜歡😘三餸一面生菜 $7豬腸 $9 嫩滑好吃，洗得挺乾浄，冇怪味牛腩 $9 小小塊，容易咬，炇得淋，生菜 $7 新鮮爽脆喜歡食油麵 $11配上濃、甜甜 牛腩汁夾呢🤗埋單 ： $36好食😋，下次再嚟

《不吃不可 9餸車仔麵》$44係屯門食乜好呢？嚟哩間食車仔麵嘅原因係因為見到佢個名 - 不吃不可，所以就入咗去食啦😋 第一眼見到9餸車仔麵，就叫哩樣啦！碗麵就正正常常咁，每樣餸有啲都幾好，揀咗粗麵，麵質軟硬適中，湯底揀咗牛腩底，都係正正常常冇乜特別。至於環境，地方都算整整齊齊，衛生都ok, 整體來講都幾滿意嘅一餐😋PS: 跟餐餸熱飲，凍飲+$3環境質素: 7.5/10食物質素: 7.5/10抵食質素: 8/10