上海香港麵家

營業中

休息中

經過上海香港麵家， 即興入去食宵夜。 位於銅鑼灣渣甸街， 這條街有很多不同的餐廳， 而上海香港麵家絕對是老字號的食店🥰。 最掛住這裏的粢飯和熱豆漿。宵夜有酸辣湯雲吞麵$60、粢飯$26、 凍豆漿$10、熱豆漿$10。 ▫️凍豆漿&熱豆漿🥛 ～ 粢飯和豆漿， 兩者是絕配， 這裏的豆漿香濃好味，冬天飲熱豆漿就更佳。 ▫️粢飯🌯 ～ 口感紮紮實實，有肉鬆、榨菜和油炸鬼， 這個黃金組合，配上熱騰騰的溫度，非常滿足。 ▫️酸辣湯雲吞麵🍜 ～ 酸辣湯的酸度和辣度都剛剛好， 麵條是上海幼麵，非常掛湯， 另外還有四隻大大粒的雲吞， 配上非常豐富的湯料， 好滋味。 喜歡這間老字號食店，食物保持水準👍🏻。

之前銅鑼灣返工，一定嚟食栥飯當午餐，今日經過銅鑼灣香港麵家，一定要再幫襯！栥飯貴咗一蚊 （$26），但回憶嘅味道唔可以用錢衡量，見住呀姐大熱天時都用雙手製作熱辣辣嘅栥飯，非常感受到即叫即整嘅手工味道！叫姐姐切開兩半比我同男友食～今次試覺得味道好似咸左少少😅😅😅😅😅😅😅😅😅 但都仍然啖啖好足料，雖然$26蚊唔太平，但每次食完都會想再食多次🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️🙆🏻‍♀️

昨天行過見到現想吃生煎包，於是行入去沒有人正在排隊等外賣的時段，很有禮貌問正在收銀的阿姐要兩個生煎包，竟然佢一句都不應我，完全當聽唔到，沒有反應。跟着我再問一句有沒有生煎包，他才說要1份四個，沒有二個。跟着我便問他為何之前他完全當我沒有存在那樣，不去回答我的問題。跟着他便很凶狠的告訴我，他正在忙收銀中，我說我問他的時候，他完全沒有客人在等着收錢的。以後都不會再光顧這間店了，因為他的服務及食物質素非常之差，那些食物真是不能入口的，從來沒吃過如此惡劣質素的上海歺。

衛生麻麻，餐牌上有芝麻粒，張枱未抺好，有肉碎。首先上的係餸加湯。回鍋肉包硬豆腐，椰菜同碎片回鍋豬肉，唔係好多。個湯好味，係上湯咸黃豆湯。之後比左兩碗飯，笑左，係咪驚我唔夠飽。菜飯唔係青綠色嘅菜，係林林地，飯有少少油嘅。不過不失，食得飽，唔係特別出色。好多人叫粢飯，下次要黎試下。

以前也曾來過這間店吃東西，尤其是粢飯、豆漿、餃子等，事隔一段日子，今次再次幫襯，感覺相差太遠。服務態度差就係人都知，但食物送到枱上的時候所有熱食都唔熱，真的不明所以。我叫了煎鍋貼、熱豆漿和粢飯，都是室溫狀態，粢飯裏的油炸鬼，因為攤凍了，所以變得非常煙韌，口感很差。鍋貼都是一樣，雖然是煎，但半點香脆的感覺都沒有。只有豆漿較為正常，除了唔夠熱外。不過這間店仍然客似雲來，一個走完，就有另一個會進來，是大家都懷念這些老式食店嗎？還是有些很好食的東西，我今次沒有品嚐呢？我應該不會再去幫襯了，但如果大家仍然10分支持這些老式食店的話，也不妨一試，但可能點湯麵之類的東西，會好吃一點吧。

今日諗住入赤柱行下，打算銅鑼灣轉小巴，小巴站門口正正就係依間老上海麵家。一個早上，滿滿既人氣吸引左我同友人一試依間麵家好似好歷史悠久，成日都會經過，每次都見到員工在門口製作 新鮮既豆漿同粢飯。今日終於一嚐即製粢飯，有驚喜！平時食開粢飯都係凍左，而依個熱laklak 餡料都非常豐富，有榨菜，肉鬆，油炸鬼，飯粒分明。再叫左個鹹豆漿，非常特別少見。入面似一碗淡醬油色既熱湯，但唔會好鹹。有蔥花同榨菜。仲有一個嫩雞煨面。面條掛湯，不過不失。不過價錢唔平，3樣依類傳統街坊小食要 HKD100,

肉肉🦊很喜歡吃內地那種油條豆漿的早餐，說實話香港也有部分這樣的，但是都沒有糍飯和咸豆漿，咸豆漿沾著油條的美味真的不是人人都試過，但是肉肉🦊覺得，試過便會很難忘！以前在內地我的早餐就是，生煎包咸豆漿，或者是辣湯油條，OMG酥脆的油條蘸著湯汁絕了！.言歸正傳，這家位於銅鑼灣的小店24小時營業，我們兩個人點了一桌子不過100💰出頭！而且服務員💁都說的上海話，我當時就覺得應該是正宗的啦！說說我覺得做的不錯的，可以偶爾解解饞的，咸豆漿！！無敵推薦，他家還有咸豆花，不過我喜歡甜的豆花所以沒點，菜飯不錯，不油，豬排是新鮮豬排不是雪櫃的！.糍飯一般，我更推薦九龍灣的那家糍飯，是我在港吃的墜好吃的啦！油條一般般，不夠脆，但是泡在咸豆漿還是滿滿回憶，想當年無數個夜晚和朋友去閶門姚記豆漿的日子！建議可以打包咸豆漿，油條回家炸一下，再配合著吃！.店名：香港上海老面家地址：渣甸街29號

韮菜鮮肉窩貼(4隻) $29皮比較厚 唔太好食暖暖地應該唔係新鮮煎係幾大隻幾足料既.嫩雞煨麵(小棠菜)$45雞湯既質感比一般的湯麵濃郁 好味小棠菜有菜甜味麵質偏林 不過好似話傳統煨麵再林啲.獅子頭菜飯 (送中湯) $48 大家見到2碗飯時唔好驚訝 因為個碗細所以比足2碗你XD飯比較油同林 但都有菜香味獅子頭朋友覺得好味 特別配埋佢個汁但我就覺得太濃味.熱豆漿$10 可以走甜 用碗上係銅鑼灣想醫飽個肚可以過黎食 但唔好expect太多🤣

卫生好差服务好差只有现金支付，而且一边拿完现金，一边拿碗装食物，还有包饭团，我指出来找钱和弄食品是否可以分开？？那店员还骂骂咧咧，送分JB开，要买就买，不买拉倒。

呢間上海香港麵家喺香港都有返咁上下歷史，記得自己好耐之前食過一次，但係冇晒印象。今日路經銅鑼灣，同行朋友非常之鍾意食菜飯，就決定入去試吓。兩個人叫咗一個排骨菜飯，麻婆豆腐菜飯同埋小籠包。菜飯每人有兩碗，豬扒香口肉質唔錯。麻婆豆腐就鹹咗少少，如果辣返少少就正好多。小籠包係正宗皮唔薄嗰隻， 我覺得OK，但小籠包裏面嘅湯汁唔夠多。兩個人食咗130幾蚊，銅鑼灣來講呢個價錢好抵食，但入面嘅環境就有少少迫，可以考慮再幫襯。

唔知點解一直以來啲人對呢間上海香港面家評價兩極，我自己就一直都好鍾意呢一間嘅菜飯。今日又係去行山，行山之前就梗係要醫肚仔，銅鑼灣雖然好多食店，但係冇乜邊間係我今日嘅心水，地鐵站一出轉個靚彎就見到佢，我同我friend不約而同即刻話食呢間。記得以前我媽咪好鍾意買呢一間嘅粢飯俾我食，但我唔係好鍾意反而我鍾意佢嘅豬扒菜飯，佢嘅菜煮到好鬼林，同時又唔會失去菜嘅香味，所以我今日就帶咗呢一個做午餐；而我嘅朋友今日想試新野，佢就帶咗麻婆豆腐菜飯，但係佢食咗兩啖就放低咗，轉咗過嚟食我塊豬扒，所以我就試一試佢嗰碟餸，嘩真係好鬼死鹹，雖然辣辣地但係嗰陣鹹味真係好難頂，飲多幾杯水都唔掂；見到隔離枱嗌咗小籠包，睇佢個賣相有幾吸引，我哋又跟風一齊嗌，又真係幾好食喎，不過我嫌佢美中不足就係唔夠熱，如果可以新鮮出爐即刻上桌嘅話會更加好。而佢呢一個價錢係今日銅鑼灣來講算係咁啦

好耐沒有吃上海菜香港上海菜的小店已愈來愈少，當中這間已有2X多年的老字號店，店舖位於銅鑼灣地段又近去赤柱小巴站位置市面上很多上海店都以是連鎖式經營，如翡X拉麵小籠包這類型式的店取代店內雖然給人污糟感覺，但有點懷舊風格的老店店內有最低消費$35的限定粢飯有點不及從前那樣，糯米沒有那麼黏身，有點點兒似米飯餡料不像以前飽滿，找不到從前的味道甜豆漿豆漿加了大量黃糖，不過不算很甜是可接收的甜味如不喜歡甜的，可選咸豆漿或是無糖的豆漿

好耐冇食過上海野，諗住呢間老字號。買了一個蔥油餅，酸辣湯，及紅油炒手外賣。蔥油餅又乾又硬勁鹹，返屋企加熱，都仲係咁硬！ 紅油炒手啲餃子應該可以的但係加了辣椒醬佢啲辣椒醬係鹹到阿媽都唔認得！酸辣湯都一樣勁鹹！好在碗湯係夠料。幾樣嘢鹹到根本食唔到嗰係咩味道. 總費都用了$88，有啲覺得只係值$8！之前都有食過去啲粢飯，都唔差，諗住其他菜都會好食。諗住今晚試吓。 佢比起上海食嘅上海菜差100條街! 以後都唔會去! 太失望了!

去到銅鑼灣，想搵d light d 嘅嘢食吓，經過見到有酸辣湯就入去試，入到去首先去到個corner 位有兩隻蚊支跳舞中，之後去另一個位，見到有酸辣湯，但想加餃，哥仔話得雲吞，咁都OK啦，加雲吞，但無價錢，$57個價好似老吹咁，之後老婆叫豆漿同蔥油餅，之後我想叫杯水，話晒行咗咁耐飲啖水同洗吓嘢，點知一杯水都無，疫情後第一次見無水可以洗嘢。來咗個豆漿，豆漿算正常，蔥油餅就唔熱同有億味，之後個酸辣湯加雲吞，咁講真份量係多，有成6粒，但d雲吞得肉，d酸辣湯好水，食完好溜，即刻想走，咁嘅經歷，真係第一次😅

兒時回憶【足料粢飯】以前細個媽媽會成日帶𝚅𝚒𝚎𝚗𝚗去食大丸後面嘅利苑食粥、丹麥餅店食蝦多士（依家已經冇得賣啦）、榮記食麵……魚蛋減牛腩河又要食另一間…..但每日朝早就一定會食 #上海香港麵家 嘅 🌯#粢飯 + #咸豆漿🥛做早餐..有時又會食蔥油餅、鍋貼、小籠包…. 直到讀中學都經常食….好難得今日一早肥仔又肯陪食，所以好開心🥳🌯 #粢飯 $25即叫即整嘅 #鹹粢飯 大大條油炸鬼、鹹菜莆再加埋肉鬆，食到尾都仲有料….‼️勁足料‼️中意食甜嘅又可以食 #甜粢飯 ，唔係度度都有得食架😜 細個$10蚊件…依家 $25但都可以夠飽成日，絕對抵食‼️外賣粢飯建議唔樂剪成條食⚠️.🥠 #小籠包 $351籠5個！傳統小籠包，爆汁、個皮自己揸會覺得厚dd,但勝在唔會食緊粉皮，肉汁鮮嫩搭救！$35蚊3粒，勝價比高！但如果追求埋要皮薄餡靚，咁就next.🥛#鹹豆漿 $15識食嘅人一定要食鹹豆漿配鹹粢飯，簡直就perfect match! 鹹豆漿有油炸鬼、鹹菜莆、蝦米🦐、肉鬆、蘿蔔乾！個質地係凝固咗嘅豆漿，食落口好綿滑，似 #豆腐花 咁但又唔係🤔 好得意！正宗上海小店先會做得出好味嘅鹹豆漿！..咁多年冇食，味道依舊，