上海美味齋飯店

而家真係好難搵到一檔好食嘅上海菜館 細個住喺油麻地文明里附近有一檔上海菜叫麗施飯店 到而家50幾年都未搵到一間拍得住嘅上海店 某日喺呢間上海美味齋菜館 叫咗回鍋肉但啲豬肉乾到豬肉乾咁 醉雞麻麻哋 酸辣湯麻麻哋 最奇怪係擔擔面一上枱有陣味 對唔住 又係我寫的第一篇負評！…查看更多

這間我經常去，今日無私推介大家試試這個糖醋魚塊，酸maymay的汁，炸到好脆的原條魚，係我老豆最愛！雖然百幾蚊有點貴，但你可試一次，應該會愛上師傅手工，是係非常非常傳統上海手工菜！當然另一樣一定係高力豆沙，人太多的話師傅會唔整的~酸齋、擔擔麵（加辣）、韭黃炒鱔糊、小籠包、酸辣湯嗰啲我就唔多講啦必點吧！…查看更多

到黃大仙鳳凰村嗰頭搵食，都實會諗起「美味齋」，雖然店名有個「齋」字，但並唔係食齋。飯店係以上海菜為主，京滬菜為輔，六十幾年老字號，老街坊一定認識。上海菜呢種濃油赤醬嘅味道，耐唔耐就會想食吓，幾年前曾經裝修過，比起老店更光猛乾淨舒適，可能係老店員充滿人情味嘅關係，喺度食嘢總會感覺好豪邁又好放鬆。無茶芥、無加一，十分經濟。✢ 酸辣湯鍋粑 $98酸辣湯夠晒酸，我哋叫咗少辣，我覺得可以再辣多少少。啖啖筍絲，黑木耳、鴨血、豆腐、冬菇勁足料。熱辣辣淋落鍋粑上發出卜卜聲，鍋粑脆口又有少少煙靭，帶有飯焦嘅焦香味道，同酸辣湯好夾。✢ 花彫醉雞 $85冷盤冰凍夠清爽，最鍾意雞皮爽彈，雞肉嫩滑夠入味，勁濃花彫酒香，食多兩件都覺得有酒意，有揸車嘅朋友食一件就夠。✢ 四川擔擔麵 $45叫咗少辣，芝麻醬湯底濃郁，粒粒碎花生脆口，麵條爽滑掛湯，食到傳統嘅味道。✢ 薑蔥魚頭煲 $120瓦煲滾住上枱仲「治治」聲，魚頭份量十足，走油勁夠鑊氣，薑蔥爆到好香，食埋啲蔥都好正。✢ 沙茶牛肉 $90沙茶醬汁濃郁帶甜味，醬汁多兜勻整碟牛肉，牛肉大片軟嫩，加入洋蔥、青椒、紅椒爽口配菜，增加口感。#上海美味齋飯店地址：黃大仙環鳳街19號地舖…查看更多

呢間上海菜好耐以前屋企人帶過去食疫情前執咗 隔咗個疫情之後重開請返曬同一批伙記💗入去食飯係有種時光倒退嘅感覺啲伙記好多嘴 好鍾意同啲客吹水個感覺好有舊香港feel 😂😂野食方面大部分水準都唔錯 🥳🥳咖哩魷魚 鳳尾魚 酸辣湯 炸銀絲卷 年糕 炒麵都幾好食田螺 醉雞 小籠包比較麻麻不過食物份量比較少個魷魚已經加錢由例牌轉做中size 話比8個人食 份量真係偏少一人夾兩舊都無曬lur酸辣湯就大份啲一家人嚟食 食埋甜品就好滿足…查看更多

二人食飯永遠都唔比枱，一定要你搭枱，盡算有細枱比你入都會要求你食緊時要調枱，事情是咁的：平日夜晚7點左右兩公婆去食飯，食飯時間預咗要等位。拎左飛係walkin 第一張籌，前面有1張6人訂枱。等了10分鐘有半張枱埋單，要搭枱，問我坐唔坐，雖然現在開始放寛，但疫情仍然每日2萬單，我見他們細枱都沒有膠板間隔，於是我決定等下一張細枱不搭枱。再等了10-15分鐘，門口一張細枱兩位女士埋單，於是我上前問是否可入座。但職員竟然話你現在可入，但如果突然有3-4人來walkin, 你需要調座去隔離大枱搭枱，讓座他們。宏觀全間店都無乜只有2人座位的方枱，多數是可坐3-4人的細圓枱，以他的安排座位方法，如果我唔想搭枱即係永遠都唔使入座，除非你接受食食下有3-4人來walkin 比佢調枱。呢間上海野未裝修前食過都唔係咁。等左半個鐘都食唔到，嘥氣。…查看更多

雖然叫美味齋 但呢到唔係食齋嘅上次試過羊腩煲 今次就試下雞煲因為雞煲都要等一陣 所以食住啲前菜先鳳尾魚炸得好香 加埋少少糖漿 好開胃不過我覺得唔加糖漿都夠味同香口香辣牛筋個汁係酸酸地辣辣地咁 啲牛筋好淋 夠入味我就覺得成個菜濕咗啲醉雞煲 一隻 $300啲雞係另上嘅 我哋叫咗一隻 分咗兩次落咁就唔會有啲雞太熟酒香好夠 不過我就覺得啲雞肉唔夠味 要點佢跟嘅豉油嚟食走油元蹄呢個唔記得咗exactly幾錢 好似$200超大份元蹄我自己唔係特別鍾意食肥膏 就試咗一舊個汁唔會死鹹 有海味嘅鮮味 啲菜吸咗啲汁好好食成舊肉夠淋夠入味 豬皮位好香 肥膏位係入口即化 瘦嘅位唔會柴如果係鍾意食肥豬肉會覺得好正最後呢到係唔收加一 啲侍應喺到好多年 會同啲街坊吹水 好有人情味☺️…查看更多

呢間黃大仙老字號嘅正宗上海菜館，細細個已經嚟呢度食上海嘢。中間經過易手停業，最近老闆的二代傳人再次接手經營。菜館其中一樣招牌菜式當然就係小籠包，上枱熱辣辣咬落爆多湯汁。小籠包皮略厚但可接受。上海粗炒配菜分量十足，食落一啲都唔油膩，唔會食到成口油，CP值高。醉乳鴿酒香濃郁，乳鴿浸得好入味，食到師傅嘅手藝。海蜇份量十足非常爽口彈牙鳳尾魚清甜香脆，送酒必備嚟到美味齋除咗食到正宗嘅上海味道，一邊食重可以食到人情味同親情。見到老員工一直以來殷勤嘅服務幾十年不變。雖然而家都好興QR code落單，但現任老闆堅持人手落單免收茶介，佢話咁樣先係真正服務食客。宜家食物質素又好服務又好嘅餐廳真係買少見少。…查看更多

正正正👍👍👍👍從細食到大，味道無變都係咁正。係去到2016年2月左右，聽說要結業感到可惜😔，係近年終於回來☺️☺️，雖然有疫情，但不減食慾。希望疫情快D完，各位都身體健康。…查看更多

從我外婆年代已經幫襯，的確是黃大仙小檔開始，媽媽還說做女果陣成日食牛肉麵~到我出世後記憶已是這裡，我出黎做野，我也會一個月至少黎1-5次，特登搭車過來；人流太多生意太好，背貼背座但因實在太好食，所以也會幫襯。20多年後，到收到賣盤定結業消息，不捨但美味齋幾兄弟辛苦咁耐該要享下福吧！前兩日見到，原來開番幾個月，睇回相片見到兩兄弟，二話不說，立馬跟媽媽去回味一下。 見到老細們，有點感動。啊仔同姐姐有點陌生但感覺很熟，踏人店環境有強烈熟識感覺，但座位變很舒服，廁所也乾淨清香。忍唔住要問老細：你認得我嗎？-點解咁耐唔見你黎呢？味道是仍舊好食，不過個鱔糊無左中間果個碎蒜蓉改為蔥油我有點失望（但媽媽鐘意這改變，哈）餐牌仍舊非常非常多選揀，簡單麵食客飯，涼菜，熱炒小菜，煲仔菜，連羊腩煲都有。放心，我仍會常來，哈！1.必點：酸辣湯（足料）2.必點：炒鱔糊（粗粗夾夾鱔條肉）3. 必點：擔擔麵 （請記尋尋麵底很多碎肉花生粒）…查看更多

【#肥波上海野系列】#沒有店舖立場資訊 🎈之前係黃大仙group成日見到啲人講見到美味齋開返好開心，其實佢嘅舊舖我未試過，所以比較唔到。但平日我地經過而佢有開嘅日子（只做晚市，逢星期三休息）都見佢坐無虛席，星期六日仲要係門口等位！搞到我同肥成都好想試下🥢🎈今次我地叫左三樣野食，美味齋同同區近小巴站附近某上海店相比，佢嘅質素真係高好多！肥成話碟上海粗炒都係老店先炒到嘅味道🍽🍲酸辣雲吞 酸辣汁好惹味，唔會好辣，第一碟上呢個好開胃‼️雲吞都幾大粒，係豬肉雲吞黎嘅，皮唔厚，都幾好食🥟🧆蒜泥白肉白肉切得唔算好薄，好容易沾到汁。個汁酸咪咪嘅，肥成笑話似酸辣雲吞個汁😂粉皮好滑，唔會痴實，食落口好爽，好清新👍🏻🍽上海粗炒炒得好有鑊氣，但偏油。主要材料係白菜、椰菜同少少豬肉為配料。粗炒唔會話炒到碎汁汁斷哂嗰種，都幾好食但真係有啲油（啪返杯賢者之食卓吸吸油先得😂）📍上海美味齋飯店 📍黃大仙環鳳街19號地舖…查看更多

呢間食店大大話話，在鳳凰最少都有超過三十年歷史，曾經停業数年，最近在原址重開，以前我亦幫襯過此店，感覺都有正宗上海食店作風，食品濃油赤醬，侍應招呼欣勤，所以知道此店重開，就帶同靚媽及细仔仔，在11月18日到此老店捧場，希望重拾往昔味道，首先一踏入此店，我就覺得自己年輕咗，因此店嘅樓面，侍應，全是銀髮一族，九成係以前在此店工作嘅老員工，再次為此店服務，而呢班老員亦保持到當年待客水準，添茶，收碟相當勤快，咁嘅年紀有咁嘅工作效率，實在難得，值得食客尊重，至於此店食物質素，可以講係保持到老店水準，一食落口，幾拾年前食上海菜的感覺返晒來，呢餐係冇令我失望的上海館晚餐，而唯一令我不快嘅係，此老店亦與時並進，學現時新派上海菜飯店一樣，客飯套餐衹得一餸一飯奉客，又係令我冇咗當年食，上海館客飯感覺，總結，此店食物普遍有B級水平，又有，一班老伙記嘅熱誠服務，此老店值得支持…查看更多

兒時常到家附近一上海菜小館用膳至數年前結業後就難再一嘗小時候滬式飯館的味道前陣子下班途經黃大仙，本想在黃大仙中心隨便解決晚餐。豈料隨心在app上一尋，赫然發現鳳新村此菜館，馬上與友人出發一嘗究竟。我們一行兩人，可嘗的菜色不多。是次淺嘗冷盤薑汁四季豆，四川擔擔麵，小籠包，嫩雞煨麵及高力豆沙。兩道菜不過不失，四季豆薑汁味偏淡，麻油味較重，但爽口開胃，不俗。擔擔麵有別坊間通紅花生湯底，入口質地較輕，麵底結實，不愛濃味花生湯底可一試。似外來貨，肉厚皮不算簿，沒什麼湯汁，感覺是實在的小肉包子，$45/5粒，價錢還好。作者鐘愛嫩雞煨面，貪圖在濃味中一道小清新，麵底久煨不糊，值得一讚，配料充足，讚！幸好當晚廚房不算忙碌，可以一嘗高力豆沙，$60/6個，價錢平民，厚厚砂糖覆蓋剛炸好的蛋白。入口外脆內彈，從未嘗過如斯厚實彈口的高力豆沙，惟豆沙餡偏少，稍稍不夠喉。臨走前再外賣一盒醉乳鴿供家父送酒，家父不愛冷食也全盤清空，相信味道亦不同凡響，哈哈。值得一提，店內坐位頗擠擁，平日晚試也需排隊，是次等候時間約20分鐘，不過可一嘗舊式上海菜及那種人情味，值！…查看更多

The old and experienced chefs re-open this authentic Shanghainese restaurant recently.The dishes are palatable and its spicy deep fried chicken , deep fried eels with sour & spicy sauce and Gaoli Sweetbean buns are the signature dishes as always.It has renovated its inner decoration and become much tidier than before.…查看更多

遠赴黃大仙，原因係因為一間舖坐開。雖然叫上海美味齋菜館，但這裡不賣齋，而是賣小菜同人情味，以前食過兩次，然後因為店主因私人原因休息，不過重開後依然大把街坊捧場客。小店只開晚市，但依然大排長龍，因為「蔗渣價燒鵝味」，如果開我屋企附近真係可以成日幫襯。菜式主打滬式風味，涼菜、點心、小菜樣樣齊，由於係朋友飯堂，所以由佢發辧，四個人放題式食法都唔貴。由於是日掛住食掛住講，所以都無特別每個餸寫低，只可以揀最最最好味果啲出相，大家有機會可以去試，最重要係兩兄弟老闆要身體健康呀！是日食咗17樣嘢，4個人每人只係200幾，超好食，排名不分先後。1. 鳳尾魚2. 魷魚3. 涼瓜4. 筍5. 蝦6. 銀絲卷 蒸7. 銀絲卷 炸8. 炸大腸9. 紅油炒手10. 蜆11. 小籠包12. 擔擔麵13. 四季豆14. 高力豆沙15. 蒜泥白肉16. 墨魚17. 豆腐…查看更多

以前老店時好鍾意呢間餐廳既人情味同餸菜既味道，最近去新址食。地下好油膩同飯碗都好油膩，叫左個韮菜（冼）糊，味道唔似以前，有點腥。上海粗抄波咩味道，生煎包完全唔香口，好淋。味道同以前唔同哂，但老闆同果位叔叔仲好客氣有禮貌。但果位姐姐就黑口黑面，服務麻麻。往事只能回味。…查看更多