上海美味一品香菜館

營業中

休息中

the long queue outside this restaurant despite the hot weather draws my attention, I searched this restaurant on openrice to see if it’s an authentic popular shop, I found so many complaining comments towards it😂 yet the queue seemed so keen and I’ve decided to give it a try.to my surprise, their dishes tasted really good. I especially liked how you can “upgrade” the broth to dan-dan noodles.looks really good the shop keeper was so nice - she helped us cut the noodles shorter when she noticed th

📌 上海美味一品香菜館 - 荃灣享和街43-59號都城大樓地舖🗓(25/3) 星期六 ⏰ 下午1點左右 💈特式：呢間傳統上海菜舖我食左好多年，佢係我心目中香港最好食嘅上海野頭三甲之一，雖然有多人對佢嘅評語好壞參半，但始終無影響我成日山長水遠特登去食佢。🥩🍔🌭🌮🥗🥯🥘🍲🍝🍣🥟🍤🍱食物：佢地係做傳統嘅上海菜，例如小籠包/銀絲卷/薰魚/擔擔麵/客飯/粗炒/年榚之類，而家等我同大家講下上海味道先。炒鱔糊客飯 - 呢個客飯餐會跟一個菜飯或兩個白飯，仲有例湯，鱔糊份量亦都唔少，但只係賣$68蚊，價錢嚟講已經好吸引。例湯就只係一般例湯，但勝左無味精；飯我就每次都係揀菜飯，無白飯咁寡，不過今次d菜飯就有少少過濕；主角炒鱔糊我就比好高評價，我每次嚟都一定會叫，無試過例外，鱔糊多又大件，仲要做到爽脆，又多我最鐘意嘅芽菜，味濃汁多，拌飯一洗。擔擔麵 - 呢個就令我有少少失望，味道係正常的，湯底亦都ok，不過麵質偏淋，而且係近乎無配料，肉碎/花生碎/榨菜碎都少之又少，呢個賣$45蚊就好似唔係好值。南翔小籠包 - 呢個有分5隻和10隻，我叫左5隻賣$44蚊，味道不俗，皮厚薄適中，餡料都足夠，但湯汁就偏少

每次經過附近，無論假日晏晝或是平日夜晚，呢度門口總有五六個排隊的。但最奇怪係呀，OpenRice 對呢間嘢食評咁差，點解都有咁多人排隊，而且係日日如是？唔通老式上海舖真係咁有市場？我終於忍唔住入去試吓。其實今次係第二次嚟，原因係有啲掛住個煨麵。上次嚟嘅時候，試過小龍包、酸辣湯、炒粗等等⋯⋯但唯獨那個三鮮煨麵使我印象最深刻。首先要讚的是湯非常夠熱，這是湯麵最基本要求吧！湯底係奶白色，味道濃濃但又不至於太鹹。麵底係上海幼麵，滑身而帶點黏糯，口感煙韌。配料的種類也有驚喜！以為之所以叫三鮮，湯麵裡就只會有三種配料，但我就數到有六樣：蝦仁、雞肉、火腿、竹筍、白菜同草菇！這份誠意使我吃的時候心情很好。我估計下次再嚟我還是會再點它。

懷舊色上海舖真係少之又少，講咗幾年終於有機會幫襯下。見到個門口有嗰個透明窗，喺度蒸小籠包吖煎鍋貼。就好懷念細細個小學喺蝴蝶邨商場嗰間上海舖，葵芳嗰間369。。。講起中菜，我真係勁鍾意食上海嘢。我阿媽成日都話我似我老豆中意食呢。炒鱔糊 炒年糕 排骨炒粗 蔥油撈麵京蔥牛肉 鹹肉津白 回鍋肉酸辣湯 小籠包 鍋貼 獅子頭樣樣嘢都好想食吖🤦🏻‍♀️但兩個人又食唔到咁多。呢度地方又唔大，唔可以約多啲人一齊食，四位都已經好盡。呢度一張大枱，當日就有一班老伯伯，成班朋友仔喺度吹水食飯幾開心！三鮮炒年糕▪️上海炒粗 ▪️鍋貼 ▪️豆沙鍋餅哎呀，佢呢度又有奶黃窩餅，又有芝麻窩餅，真係好難揀！今次食啲基本嘢先下次再試下啲新嘢。味道就唔係話『好好食』，又有啲油煙。但呢到嘅情懷喺香港已經少之有少。希望呢間鋪可以好好喺呢個城市生存。。。

買少見少嘅傳統上海野。外面睇好似老鋪，但其實好乾淨，而且工作人員都好後生好有熱誠，會好比心機好詳盡介紹菜式。食物保留傳統嘅味道，唔會好重味精。價錢超親民 咁咁多野都係$202

❤️而家咁有人情味的小店真係買少見少☺️雖然呢間舖頭冇乜裝修，正正就係咁先保留左一啲歷史嘅回憶💜外表無豪華嘅包裝但係有好味嘅實力，絕對值得支持💪..🫕菜肉雲吞 $45/6粒..❤雲吞好大隻，祝料有實淨，$45有六隻真係好抵食👍..🫕南翔小籠包 $40/5隻..❤️呢個就熱辣辣，但係我略嫌佢個被晒口咗啲，小籠包裏面又唔係好夠湯，呢個評分就一般喇。..🫕上海炒粗麵$56..❤呢個上海粗炒面味道一般，冇乜驚喜，但我自己就好鍾意食上海炒麵，所以我自己通常都會叫，若果你唔係好似我咁鍾意食，咁你就唔使叫喇。..🫕紅燒魚腩 $62❤呢個煮得好出色，個魚腩好大份，四個人都夠食，燒汁好香同埋啖啖肉，呢個我覺得可以推介一下俾大家👍..🫕凍豆漿 (不用評，係樽裝非自家製)..服務：⭐️⭐️⭐️⭐️食物：⭐️⭐️⭐️⭐️環境：⭐️⭐️..💰$273/2人(晚餐)..📍荃灣享和街43-59號都成大廈地鋪

Casual lunch at this old school shanghainese restaurant in Tsuen Wan. 荃灣舊式上海餐廳 膳糊& 銀絲卷好味🤤🤤👍👍膳糊汁甜香 銀絲卷鮮炸皮脆內軟 追加了一份1️⃣賽螃蟹stir fried egg white: average 一般 太多汁2️⃣膳糊Shanghainese style yellow tail: yummy 個汁甜香3️⃣南瓜餅 pumpkin cake:👌4️⃣銀絲卷 Fried bun :yummy 皮脆內軟Price: ard $100 pp

22-5-2021(Sat)同老公送完膠,就嚟懲呢間上海菜,我哋嚟到剩返唔多卡位,睇完menu,就要咗:4. $12.00一支嘅豆漿佢係來貨,所以唔評喇.1. $54.00嘅素什錦冷麵有好多料,齋菜係熱,麵就係凍,而且加咗好香麻醬,正.不過食到最後就覺得幾鹹.味道: 4分3. $58.00嘅流沙奶黃鍋餅即叫即整,奶黃餡份量啱啱好又唔太甜,好味.味道: 5分4. $40.00有5個嘅南翔小籠包呢個熱騰騰,味道正常,但冇乜湯.味道: 4分服務:落完單,即時放低一碟薑絲同兩個杯俾我哋斟豆漿.流沙奶黃鍋餅冇切到底,老闆娘見到即刻幫我再切開.環境:舊舖冇再裝修過,但冷氣都仍夠.抵食係2.5分其他:呢喥有好多上海菜,如想起食上海菜,可以再嚟.

好耐冇食上海野啦，呢排唔想食飯，想食餃子，所以去咗上海美味一品香菜館。餃子脹卜卜，餡唔夠多，皮好厚啊。食皮都飽啦，但我唔想食咁多皮呀，想食餡料多啲！碟粗炒唔錯呀，好家庭式經營，料好多啊，豬肉片好大塊，椰菜片都好大塊，個醬汁唔錯，整體幾好食，好有鑊氣。啲米線，花生碎重多過米線，咬到啲口感，都幾好呀， 啲肉碎都煮得好入味，肥肉比例唔算高，好驚大啖食落去全是肥膏嘅感覺，充滿罪惡咁，享受唔到囉，呢個不錯👌👍🏻！

Juicy 鍋貼——來自40年歷史的上海菜館。🥢鍋貼（$40/5只）：鍋貼底煎得金黃，咬落爆汁😳，皮出奇地薄（好似雲呑皮咁薄！），食得出師傅老練的功藝👍🏻。

晚上在荃灣西搵食，呢個上海店鋪比較懷舊，沒有特別裝潢，但門口都有一堆人排隊等食（沒有等飛服務）,可想而知係sell食物。我們點了小籠包10隻，上海炒年糕，味道有水準。睇到有其他食物相都好正，一向對上海菜有喜好，可以再返嚟搵食

今日到荃灣交貨途經享和街發現有間很舊式上海菜心思思想食個上海粗炒，人生苦短不要想只要做，於是推門進去就點了個上海粗炒。冷靜下來環顧四周都真的有點歷史下，舊式飯店牆壁上哪幅太婆年代的對聯掛畫應該都好有價值，不過小妹才疏學淺看不懂寫怎麼。🤣🤣落單後服務員捧來一碗是日例湯，是節瓜湯雖然外面正正 34度，對一碗熱騰騰的湯水有點卻步，但喝了一口出奇好味，最後我連湯渣都食哂！🤣🥢上海粗炒出場，是即叫即炒故都等了十分鐘，先看色澤再聞一聞鑊氣全部合格，急不可耐要起動了，哇😭是我兒時食到的味道，回憶味道畫面總有些過去人和事十分感慨！講翻轉頭這碟粗炒色香味俱全，麵條軟韌適中有糯香有嚼口，椰菜及瘦肉分量恰當，芡汁香濃不油膩，口感味道俱佳。👍😋點了餐才知道原來上海粗炒都是午市套餐之一，$43 就可以食到，一個字「抵」😓！

是日去到荃灣食個晏 荃灣不嬲好多野食 但女朋友今日想食上海野 所以就選擇左呢間上海野食個晏咁門面就係咁樣 入邊既環境都比較古舊 應該有一定既歷史 咁緊係睇下個午市有咩優惠套餐食下先啦 但係我對上海野都只係鐘情食酸辣麵 每次都叫一碗 所以無叫午市套餐呢到一碗酸辣麵就47$ 加豆漿就多8$ 野飲無跟餐 碗麵份量都幾大碗 夠食飽我 同埋材料有豆腐 木耳 豬皮 等等 個湯底比較酸少少同埋麵唔太吸到個湯底陣味 同埋唔太慣酸辣湯有豬皮 因為之前食過幾間上海野都係無 所以呢個價錢黎講 晏就食碗麵就唔太抵食 同埋間店其他小食都比較貴 好似小籠包就37$ 5隻 雞絲粉皮66$ 今日咁岩又無曬銀絲卷 係呢到最平既小食 同埋今日用餐時候聽到廚房不斷大大聲用粗口罵個樓面 好似失曬控咁樣 罵到過左火 食客聽落好尷尬 所以總括黎講用餐經驗一般

是日跟車公公、婆婆和八姨在外家竹戰後到自細吃大的上海美味一品香菜館晚餐！ 從沒變過的招牌及門面給我一份溫暖的感覺！由店主母親到現在第二代主理家庭式的經營好溫馨！  先來一客醉雞＄110雞件皮薄肉香又細嫩，不過味道我覺得像鹹雞多點略嫌酒香不夠！  從來喜歡這兒的南翔小龍包＄37/5隻，不是因為特別出色但總是滿載回憶的味道！ 小龍包皮不厚肉球嫩嫩的而且很多肉汁總是吃得我滿意！  賽螃蟹坦白講賣相一點也不吸引！但味道又出奇的香而且有口感，整體表現很不俗！！ 上海菜中我至愛韮正鱔糊＄118，濃油赤醬得來不俗氣，黃鱔彈牙沒腥味質素超好！  那鱔糊汁用銀絲卷＄18沾來吃絕對是一流的享受，看那絲絲的美態吃了三十多年依舊迷倒我，希望小店能好好經營下去，待我可以耐不耐到來重拾舊歡。

同屋企人嚟咗屋企附近呢間上海菜食晚餐價錢相宜我哋四個人叫咗6/7碟餸有小籠包 銀芽炒鱔糊 鍋貼 奶油津白 酸辣湯 回鍋肉 同雞絲粉皮我覺得小籠包實在係一般 皮厚而且冇乜湯汁反而銀芽炒鱔糊有驚喜 料夠回鍋肉辣得來又夠惹味 送飯一流酸辣湯都幾好飲最好食我覺得係雞絲粉皮出面食到嘅雞絲粉皮通常都會好多麻醬食落會溜但呢一個雞絲粉皮麻醬冇咁多 但又唔會淡口冇味調味及幾特別 好啱我口味我哋四個人食到捧住個肚埋單都係人均消費$100左右 真係好抵