上海美味一品香菜館

營業中

休息中

前排搵食時，發現呢間舊式上海小店啲鱔糊評價不錯，上個月本來想幫襯，五點半未夠去到，原來開六點，因為肚餓，唯有再覓機會。今次終於夾啱時間嚟，差五分鐘到六點，門口已經有四組近十人已經排緊隊。開門前，店員出嚟同大家講，是日「小籠包」已經沽清。本來都諗住食，但主攻唔係佢，雖然有啲可惜，但未至於失望。六點鬆少少，開門，被安排坐第三張卡位。店內面積唔算好大，有五張卡位，兩張中型圓枱，及一張二人方枱。炒鱔糊客飯（$68）可選白飯兩碗或菜飯一碗，揀咗後者。另有一碗大例湯。鱔糊份量多，夠二人分嚟食。巨量芽菜，爽脆清甜無渣；鱔肉亦唔孤寒，份量足兼且唔會切得好幼，條條都有適當粗度及厚度，咬落彈牙爽口，無泥味亦唔腥；醬汁濃厚，帶微甜，撈飯一流。菜飯可能因為多菜，所以稍濕，但好在飯粒未算好糊。例湯係青紅蘿蔔湯，微甜唔咸偏清淡，飲得出零味精。回鍋肉炒粗（$72）有鑊氣，份量多，又係可以二人分嚟食。大量椰菜，約七八片回鍋肉，配以青椒、豆乾片、辣椒絲，濃厚咸甜味道，醬汁掛哂落麵條，粗麵有咬口，正宗粗炒要有嘅味道。加埋枱面嘅豆瓣醬，更加惹味。煎鮮肉鍋貼（$44）有五件。底層煎得香脆，面就稍稍微香。餃皮厚度適中，咬開肉味

第一次來食，一食已感覺比想像中好，好好食，價錢合理，正常輕鬆食的一餐上海菜，豆沙窩餅不太甜不滯皮厚度剛剛好，雞絲粉皮好香花生味雞肉粉皮好滑，啖啖面濃香味湯，麵爽滑份量足，一定會再食！

早幾日咗一間傳統上海鋪，鋪頭唔算太大，靠牆有卡位，氣氛應該唔錯啦！ 係荃灣既點咗幾款傳統菜，包括鱔糊客飯、回鍋肉客飯先試鱔糊客飯，鱔糊係上海菜嘅經典代表，嚟鱔糊同芽菜唔易過熟，夠味 仲保持到爽口，真係難得啊！啲味道一定係絕配，一定令人食完唔捨得放下筷子啊！再嚐回鍋肉客飯，驚喜連連！除咗咸辣，仲有滿滿豆醬香味，係咪令人驚艷呢！整體黎講，上海風味美食真係濃郁又美味啊！下次再去，可以試下其他菜式，發掘多啲美味！享受美食，禁就一日啦！🥢🍚🍲

呢間試過排成粒鐘先有位, 不過今晚一丁友, 有得搭枱, 唔洗等。 荃灣呢頭, 都有幾間呢一種傳統包裝既食肆, 但係傳統包裝, 未必食到有質素既出品。 呢間點解經常排長龍, 試過就知! 一個人食, 通常都唔係粗炒就係客飯, 今晚已經諗好係食客飯, 係魚香肉絲同回鍋肉之間, 鬥爭咗一陣。 期間有兩枱客都叫咗炒鱔糊客飯, 我之前食過, 係得既, 不過今日想食菜同肉。 魚香肉絲雖然肉唔多, 但係配料係勁多既筍絲, 纖維量可能多過回鍋肉既菜。 醬汁tune得好味, 係上海菜好唔好食既關鍵, 佢地個汁係好味既, 餸飯一流! 58蚊, 係客飯之中最平個一級。我唔鐘意菜飯, 次次都叫白飯。 兩碗食唔晒, 叫姐姐俾一碗我夠啦。 飯、餸、湯, 一粒不留! 清枱! 其實次次嚟都想飲酸辣湯, 不過無得叫細碗, 一個人一大碗湯, 驚食唔晒其他野。想飲湯實有得飲! 主菜到之前, 必定會有例湯一大碗。 請各位小心! 佢地既例湯好熱, 比其他食肆都要熱, 出晒煙。 呢個簡單既例湯係好飲, 但係記住攤一攤先飲, 唔好心急, 因住淥熟條脷! 紙巾提供: 冇廁所狀況: 冇去過回味指數: ****返兜指數: ****

香港舊式嘅上海菜館已經買少見少，好彩荃灣都仲有一間！位於享和街，夜晚8:00都仲有一條小小嘅人龍排緊隊。而我哋已經急不及待咁一路排隊一路睇食乜嘢，一入去坐低就落單，因為實在太肚餓啦🙈 雞絲粉皮黐線！！！呢個係我暫時食過最好味嘅雞絲粉皮🥹啲雞絲係嫩滑㗎！花生醬好香又滑，唔係平時食到果D杰撻撻，或者苦苦的。至於粉皮，薄得來彈牙，係高質米紙卷個皮的質感👍🏻 很難忘～小籠包個湯同啲肉嘅比例啱啱好唔會燙到嘴酸辣湯呢個酸辣湯呢感覺係冇太多味精，唔係死辣果D，啱晒我呢D小辣😄 而且好好料，仲大大碗添。呢個只係細碗😦 如果叫大碗唔知個碗有幾大呢😛三絲冷麵天氣熱熱地食佢就最好不過了。排骨炒粗望個顏色都驚好鹹，但係食落一啲都唔咸，排骨好鬆軟唔會靱。不過一個人食的話都可能會膩，但2個人食就啱啱好了，超滿足！！

1.南翔小籠包五隻 $44味道不過不失，但肉質較削，五隻入面又有其中有一隻湯汁沒有嘅，因為已經穿咗窿，所以一試好喇但係再試就唔建議啦。2.酸辣湯雲吞四隻 $52酸辣湯表現突出，材料豐富（有筍,豬肚,蛋花等等）,層次豐富；雖然入口第一啖係比較酸，但係再食落去之後呢其實係ok嘅，食得多都唔會話好辣入唔到口，雲吞就表現一般所以主力推介都係酸辣湯。3.鱔糊炒糕 $72問過老闆娘佢就話鱔肉冇骨，但係食落去都有部分鱔糊係有少少骨嘅，問題不大，不過要小心慢慢食，好夠鑊氣加埋銀芽大蔥食落去好嘢味。4.椒鹽茄子 $83非常推介大家去食，炸漿啱啱好，用咗椒鹽去炒，茄子切得大少剛好，每啖食落去都好正，仲有啲花生放底，配啤酒吹水一流。

平時夜晚成日見到要排隊，下晝行過見間餐廳只係坐咗一半位，照直開門行入去，有個阿姐叫我行返出去先，等佢叫先可以入去，明明入面已經有吉位，服務態度真係非常之「好」。雖然午餐$50算係可接受嘅價錢，但冇一樣食物係吸引我。然後打開餐牌，其他每樣嘢都$70以上，餐牌上面冇圖片，對於睇開圖嘅人，完全冇feel。咁就試吓一個$72嘅上海排骨粗炒，啲粗炒嚟到賣相差，又濕，味道口感非常一般。真係唔明點解成日見晚市有人排隊。

味道4分- 偏甜，分量夠- 所有野即炒熱辣辣環境 2分- 都系傳統上海鋪，比較舊服務 2分- 其實客人吾多,但真系做野無效率，舖頭客人吾多，但無論等位同上餐都幾慢衛生2分- 可能比較舊，感覺影響，覺得吾夠衛生抵食 3分- 午餐客飯本來價錢好低，但其實無乜肉，- 白飯就比兩碗太浪費，我覺得可以少飯減價，或者少飯多d餸好過魚香茄子客飯 ($50) 3分- 無咸魚味- 好少肉碎炒鱔糊客飯 ($68) 5分- 芽菜同鱔糊分量好夠- 鱔糊切絲好幼，走油炒得好香有咬口，比較剛剛油麻地食過的上海小籠X好好多。

今日放假🏖️老公揸車🚗去享和街，見到呢個門口未夠12點已經有人排隊，決定去試吓我們點了小籠包，海哲，排骨粗炒，酸辣湯 小籠包- 冇肉汁 海哲- 淡味排骨粗炒- 味道最正常不過排骨凍 酸辣湯- 淡味12點入到鋪，1215先落單，除了海哲5分鐘後上，其他野食都要等15-30分鐘，服務差，環境一般，共食咗$300，真係好唔抵🥲雖然現在好少呢啲舊派上海菜店，但真係冇一間可以保持小時候味道，呢間真係要black list

上星期日同家人食飯，發現有一間上海菜，好耐冇食，所以試下。睇其他食評呢間喺排隊小店，所以都早啲到攞位。見到門口貼住，人齊先入坐，都好合理。今時今日，餐廳都想轉多幾檯。後尾門口姐姐問人幾時齊，我答佢最多5分鐘，佢就叫我坐低先。叫左三個客飯，小籠包，春卷，銀絲卷貼酸辣湯。再望一望餐牌，見到有個雜錦拼盤，應該係涼菜。就叫一碟試吓。睇個價錢都唔平，但係一上枱，就知道非常抵食。好大碟，如果去其他新派上海菜，份量可能得呢度嘅三分之一。最重要係，好有上海味道。 好滿意呢度嘅食味。下次一定再嚟。

今晚同老公周圍行搵野食，見到呢一間具有懷舊氣息，擁有年代感裝修嘅一間上海食店。因為想食小籠包就行咗入去啦店舖空間唔大，憑着裝修同埋傢俬格局，可以睇得出呢間食店應該好耐歷史。一睇個餐牌就見到「創始於1982年」同老公二人叫左一碗酸辣湯雲吞非常大碗，有四粒雲吞，皮做得非常之薄，酸辣湯亦都十分足料味道夠酸唔會太辣，相信人人都啱飲。小籠包五粒，一籠放落枱面熱辣辣，出晒煙，好正！好食，如果再多啲湯汁更佳。回鍋肉配菜飯，回鍋肉十分之惹味，完全feel到個鑊氣美中不足嘅係，菜飯唔夠熱。最後呢一碟，呼籲大家試一試！叫做「椒鹽茄子」脆漿做得夠薄，大小適中，好香，唔會太油，連蔥同埋腰果都好好食！我哋二人仲share左一支豆漿，唔會太甜。最後埋單$253! 超級抵食！

午餐時段，點了未食過的上海排骨面，因為想試埋佢個擔擔麵湯底。所以，要求排骨湯麵轉擔擔麵湯底。另外點了一籠5隻的小籠包。一上台，個擔擔麵的香味撲鼻，而且見到有好多蝦米🦐仔，有榨菜。但，個面稍嫌「林」左少少，不夠彈牙。湯底是ok!很可惜，個「排骨」炸過龍，有點乾，而且個粉漿比較厚，而且沒咩豬扒味。有點失望。之後。到小籠包，包的外皮有少少厚，但熱辣辣的，都ok! 餡料都是好味😋。由於價錢不算好貴，我只能說不過不失。

星期日夜晚同咗朋友去荃灣食上海菜，喺OpenRice見到呢間上海菜好多人正評，一於試吓！去到已經有三台客等緊位，環境唔算好精美，勝在有人情味，食物味道亦都好好🥰🥰🥰我哋兩個人叫咗一個小籠包，一個是鱔糊客飯，一個炸銀絲卷，同埋一個奶油津白。客飯配左一碗菜飯，黎都大大份，份量亦都好足料！！😋😋上海小籠包係人手自家製，皮算中等厚，唔算最薄嗰種，勝在入邊有汁。炸銀絲卷配上煉奶，簡直一流！！外脆內軟，一定要叫🤤🤤🤤奶油津白都好滑口，淡淡的奶油香配津白，果然喺店舖推薦😍😍

高度推介呢間位於荃灣嘅上海菜小店!! 叫咗個小籠包，鱔糊炒年糕，回鍋肉炒粗麵同埋豆沙鍋餅😋鱔糊炒年糕好足料好多鱔😍回鍋肉炒粗麵好有鑊氣!!靚女店員好細心會喺你差唔多食完先至整豆沙鍋餅，可以做飯後甜品，正😍有芝麻同豆沙味，鍾意芝麻味嘅朋友可以試下！兩個人晚飯埋單二百幾蚊食到勁飽，推薦大家可以多一兩位朋友一齊去食咁就可以再嗌多啲唔同菜式試下!!但提下大家有機會要等位，所以如果想去食嘅話不防早少少去喇!! 😎

the long queue outside this restaurant despite the hot weather draws my attention, I searched this restaurant on openrice to see if it’s an authentic popular shop, I found so many complaining comments towards it😂 yet the queue seemed so keen and I’ve decided to give it a try.to my surprise, their dishes tasted really good. I especially liked how you can “upgrade” the broth to dan-dan noodles.looks really good the shop keeper was so nice - she helped us cut the noodles shorter when she noticed th