上海灘

營業中

休息中

經過葵涌廣場逛一了一會， 突然感覺有點口渴，所以想買杯嘢飲， 見到有間台式飲品店 ～上海灘，餐牌有一杯叫oreo鮮厚奶黑糖丸子$28 好吸引， 買嚟試一試！ 落單完成之後好快就有得飲， 賣相都幾靚，面層仲見到有oreo碎碎同兩塊oreo餅乾， 心諗一定好好味， 入口感覺奶味有點稀， 珍珠口感不夠煙韌， 沒有黑糖的味道， 整杯感覺有點似奶水。 現在香港的台式飲品店成行成市， 我自己都飲過好多間， 本身對黑糖鮮奶情有獨鍾的我， 今次有點失望。

今日同朋友去到葵芳行街，見到不少人拿著上海灘飲品來飲，好奇之下原來在最頂層，再見到餐牌選擇都多而且每款價錢都幾平，有芝士都是約$24十分便宜，其中有張海報都吸引到我，就是熱情百香果，而且有只需$19真是有點驚喜，當然叫了一杯來飲，今次要了微甜，等不用十分鐘就有得飲，感覺上比較細杯了點但都夠飲，今次飲微甜沒想到的是真的不太甜，完全飲到百香果香但味道比較淡，而且入面仲有一舊西瓜同一片橙，西瓜吸了百香果味再甜點都不錯，但比較多籽就麻煩一點。如果百香果味濃一點會更好，下次可以再試飲其他飲品。

同男朋友行葵廣 啱啱話想飲嘢 就見到呢間舖。俾個menu吸引咗 睇個價錢都幾抵試～我order咗一杯 士多啤梨蛋糕奶茶 超濃郁嘅cream 好邪惡但好好味 飲一啖滿嘴cream 仲有d咸咸地嘅鹽味 好香濃～❤️攪拌均勻之後比較重士多啤梨味 好正男朋友鍾意食菠蘿🍍 估唔到呢間居然新出咗一款 芝芝金菠蘿。😂 都幾特別下～頂層有一層厚芝士 入口香滑且厚醇 些少咸味 口感唔錯～ 入邊有綿冰 相比起一般嘢飲嘅碎冰 呢d更易入口～ 中至下層係一堆菠蘿肉 超正 d料好足👍By the way 收銀員態度唔錯～總言之會再幫襯 想再試下其他口味～

每次黎到葵芳都要買一杯佢既蛋糕珍珠奶茶無得輸好中意佢個味 叫小甜岩岩好因為本身底啲cream已經甜所以唔想太甜就一定要叫小甜而且珍珠都好多 飲到最後都仲有呢杯野好足料😬

去葵涌廣場掃街, 飲品當然係必備🥤-見到上海灘嘅魔鬼黑糖厚鮮奶系列有黑糖、花生、Oreo選擇, 好似幾特別買杯試下😛-🥜花生厚鮮奶黑糖丸子飲品面層大大堆花生碎🙆🏻‍♀️厚鮮奶唔夠厚, 同普通鮮奶無咩分別🥛黑糖丸子味道唔錯但唔煙韌, 個芯偏硬😶勝在撈勻之後, 鮮奶同花生味完美blend埋一齊, 啖啖花生碎香濃花生味😌-

曾幾何時我地係舊店試過一杯野（已唔記得係咩），但好伏，所以就一直都無再飲依間。但自從佢搬左新舖，都隔左好一段時間，又似乎都多人買，於是我地決定俾多一次機會佢!!餐牌，都多款應該蛋糕奶茶比較出名 我地叫左芝士桂花烏龍茶（走甜），只有中杯一個size揀，兩個人飲就嫌有啲細杯。講返杯茶，個茶其實茶底okay, 都有桂花香，但芝士奶蓋就嫌太甜，而且芝士味唔重，唔算特別出色。不過比起上次伏既經驗，今次算係不過不失啦。

以身試伏 極雷既珍珠奶茶🥤🤡 聽朋友講葵廣有一間厚奶黑糖丸子幾好飲 於是我就去左試 好失望之餘 仲要從來都未飲過咁難飲既黑糖鮮奶 完全係狗也不 😇忍唔住飲左一半就dum左 即使好口渴🤮⋯⋯▫️Oreo鮮厚奶黑糖丸子 $28第一印象係好似係好稀既奶水入面加左啲oreo碎 牛奶既味道好淡 淨係飲到oreo水既感覺 可以想像一下兩樣溝埋係有幾嘔😂珍珠就比較淋 冇咬口 同埋唔知點解係酸酸地 不了🤓📍上海灘 葵芳葵富路7號葵涌廣場3樓301P號舖

藍莓沙冰其實佢本來係有芝士奶蓋不過我唔中意所以叫佢走芝士，好彩佢可以走藍莓味都好濃嘅，唔會因為係沙冰所以搞到好淡感佢亦都唔會好甜個杯嘢都好大杯，而且都只係二十幾蚊，都好抵飲

叫士多啤梨蛋糕奶茶☕️奶茶味多過士多啤梨蛋糕味😣店員求其沖 攪得唔均勻🤢下次去返舊店好過🤔🤔🤔新店係等候空間大 但店員唔及舊店比多次機會上海灘！！唔好令我再失望啦！

茶品店開到成行成市，要喺呢個咁大競爭嘅市場裏面保持優勢，就要不斷創新，進步同keep住飲品嘅水準，葵芳呢間上海灘，就能夠對抗到競爭，仲開多咗一間，飮品選擇越來越多，以前呢間店的皇牌飲料是蛋糕奶茶！現多添了很多現正流行的奶蓋茶，今天小弟試了芝芝莓莓，芝士奶蓋咸香味足，質感尚好，流質芝士感覺還易入口，唯草莓沙冰鮮果不多，有點像糖水混合味！仍有進步空間！

早前同女朋友拍拖拖，行葵廣，不斷周圍掃街嘅我地就見到3樓開咗間新舖（唔知開左幾耐啦，但對上一次行嘅時候係未有呢間野），食到口渴就買左兩杯飲品，見佢個價錢都還可以接受，約$20-$30一杯。不過因為太多人排隊，仲有兩個大陸女仔頂住個menu搞到我地睇左好耐都睇唔到😪都排左起碼10鐘先比到$$，再等多10幾20分鐘先拎到野飲。其實老闆應該將menu放高D大隻D字，方便大家睇menu。不過野飲黎講，厚奶黑糖丸子$26、芝士藍莓$24，味道都唔錯，同3、40蚊嘅知名飲品店差不多味道😋係芝士份量可以再多D😛黑糖丸子都夠味，甜度剛好，不過賣相就一般😂

浪奔！浪流！萬眾期待嘅上海灘呀，前身係壹茶，轉左手加轉左名之後，其實 menu 上嘅飲品全部都冇變 😂 仲有唔少新飲品添，今次純粹去為大家做白老鼠，就睇飲品嘅水準有冇高質或者劣質，同樣飲返蛋糕奶茶，#原味蛋糕珍珠奶茶 $20，果然長江後浪推前浪，價錢一樣抵玩，但係質素完全唔同差左好多 👍🏿👍🏿 啲奶茶冇乜奶茶都算了，蛋糕真係跌左幾個 level，蛋糕味冇乜，完全冇前一手果隻香同滑，而且珍珠又硬硬地，真係我們不一樣，每個人都有不同的境遇 ❤️-上海灘葵芳葵涌廣場 3 樓 301P 號舖

習慣了每天也會買一杯飲品才回家吃飯，今天想喝芝士奶蓋，來了葵芳這一間上海灘買了一杯芝芝藍梅芝士奶蓋味道很濃郁，可是奶蓋太杰，倒出來喝有點費勁，藍莓沙𣲙還可以，不會過甜！但不像新鮮藍莓！還有進步空間！

同朋友黎行街，緊要飲番杯嘢！我㨂左杯果茶飲，諗住健康啲叫小甜啦，點知係好似冇味咁😢淡淡嘅叶味道😵我錯喇！下次唔會再叫小甜！一啲都唔好味！我下次叫番正常或者飲杯珍奶算囉！

我唔鐘意飲有氣既飲品，所以去親葵廣食飯，老公都會幫我另外買杯飲品，最近佢鐘意去上海灘買，岩鹽檸檬茶，幾岩我口味！清清地，比平時既檸檬茶更淡，仲有簿荷葉，幾fresh，短期內應該會繼續encore呢杯飲品！