上海會館

三鮮冬瓜湯飯，只見兩隻蝦份量少得可憐，而且啲飯硬到好似未過心，嫩雞煨麵的雞，真是少到可憐，未食撈出嚟見圖片，好似人哋食剩的幾粒，所謂嘅湯底兩種湯底完全味道一樣，不值得推介。…查看更多

同一款餸$65就話連飯，連野飲外賣價$68就淨餸（+2外賣盒）咁我take away返屋企做餸諗住份量多d就叫淨餸點知盒野攞上手輕飄飄真係過對面叫個兩餸飯無咁嬲依家周圍食嘢係呢個價我知咁都唔係咁樣係咪呀份量可唔可以合理少少先?!…查看更多

上菜好慢（淨係聽到廚房佬同女侍應係咁吹水。女侍應冇禮貌，上菜時黑面。上菜時，菜不是放置在枱中間，就咁放枱邊，要自己放番枱中間。上鍋貼時，就咁畀隻吉嘅醬油碟，冇畀醋。我張枱又冇醋，要我地自己去揾支醋。樓上坐嘅位置，冷氣直吹住個頭，好凍，頭都痛。已經反映好凍，個女侍應話已經係21度，一陣上菜會熱。 我想講我個飯同菜，續個慢慢上，都吹到凍晒！冇熱過！咁嘅服務，仲要收加一。鍋貼同芋頭雞煲係幾好食嘅，但用餐體驗咁差，唔會再去。…查看更多

行過東大街想食個便飯就行左入嚟見到裝修都唔差圖片又吸引以為冇伏點知食完之後覺得非常一般雖然就話嗌嘅嘢都唔係特別算上海菜，但係都覺得唔算正宗首先我地兩個人嗌左三道餸埋單286，但係份量少到兩個人都食唔飽第一道：避風塘雞翼啲蒜頭未炸透完全唔入味第二道：小辣既酸菜魚大失所望份量唔多 剩係得一堆豆芽加咗$20寬粉，結果撈嚟撈去得嗰幾條第三道：小棠菜正正常常冇嘢好講但係份量實在太少重點係食到一半仲要聽到隔離顧客同個員工講話啲餸好難食🤨…查看更多

上星期日，本着留港消費，支持香港經濟💪🏻💪🏻💪🏻，所以開車去東大街食晏，過往主要食魚蛋粉，但係已食得太多！見到一間叫‘上海會館’嘅上海食店，就抱着一個喜悅嘅心情入去食嘢！入到去後，感覺不良好，每一個服務員，沒有第一點笑容及反應，但係已經坐低，唯有叫咗三碗麵、油伴春筍及小籠飽，點餐時間為2:45，大約半個小時之後，首先嚟嘅係油伴春筍，之後就係小籠包，首先要講嘅所謂春筍應該係‘ 老筍’ ，超過一半係咬唔開，本着體諒及包容嘅態度，沒有半點投訴嘅想法，之後小籠包到啦，一睇就知道係超級市場貨式，一咬落去全中，仲有一點油膱的味道！之後我哋足足等咗30分鐘，完全冇到過食物，期間其他枱嘅食客都不斷催促，有一台行山客，十分之生氣，話等咗一個鐘乜嘢都冇，咁我哋都去催促，侍應回覆話樓上好多訂單，你哋要等吓，有一啲老街坊食客，即刻就話你樓上根本都冇開，何來有訂單呢？侍應毫不理會，大約再過15分鐘後，只有兩碗麵到咗，我哋總共叫咗三碗，之後同服務員溝通，佢話再查吓，當然態度都係唔太好，先讓太太及兒子先進食，不竟已經3:30PM, 我哋點嘅係排骨擔擔麵，麵質係超腍🥶、湯完全冇擔擔嘅味道😓，只係有花生醬味道而巳，所謂嘅排骨，非常嚴重嘅雪藏味道，冇辦法，已經中伏！因為已經落單，費事俾人話我哋無賴，再三追問，第三碗幾時到，已經過一個多小時，服務員話再跟進！其實我最主要表達嘅唔係食物質素，因為完全冇質素可言，而係應該有嘅服務態度或經營者的良心，香港經濟已經不甚樂觀，作為香港人嘅一部份，我哋都支持本土經濟，但係有一啲食肆無論老闆及服務員，都係不求改進，依然故我，以為自己係救世主，你入嚟食嘢係求我施捨你，完全唔會反省，所以我哋奉勸各位消費者，都要支持一啲有責任、有良心嘅食肆！…查看更多