上海廚房

今天，放假，中午12點前到旺角熟食市場。叫了高力豆沙$68；鱔糊客飯連熱奶茶$68。共$136。等了3至4個字，才有鱔糊客飯。一食鱔肉，有魚血味，有少少酸，汁太傑。再等2個字，有6粒高力豆沙到。厚粉，豆沙都唔少。熱奶茶都唔差。鱔糊好失望及唔好食！…查看更多

已經好難找到上海風味小店，大部份都係連所經營。遇然間想食上海麵在Google一搜，搵到哩間。這裡不再是麻目黑板味道。我試左兩味生煎包 鹹肉炒年糕。我先食生煎包，感覺不油膩，整體包皮與 餡料都好比例好好，味道也不錯，可惜已經涼了。如果熱辣辣的話，應該會更好食。然後食鹹肉津白炒年糕，我真心感覺有驚喜遺忘了的味道。就單單年糕質感有淡淡米香，不是普通粗製濫造包裝年糕。再食鹹肉的鹹香味搭配津白的清甜，整個炒年糕味道好有層次。好好食！感覺到廚師的用心。多謝你！…查看更多

絕對好味過連鎖店既上海野, 絕對有風味!我叫左個手撕雞菜飯, 第一口食左菜飯,本身已經加左少少味, 淨食白飯都已經夠好味~ 咁當然,多d菜就更加好,不過而家生意難做呀！手撕雞, 份量好多, 有麻油咪, 有青瓜伴底, 有d汁, 甜甜酸酸~ 仲有杯餐飲,都係$48如果唔介意坐既地方無咁高檔, 絕對要去試下~…查看更多

朕今日同跟身隨從出左旺角《濕平》，血戰到入夜，佢話想食上海野，跟手仲《同朕Check埋》，原來喺朗豪坊附近的旺角熟食中心有一間上海野，好似幾好，於是就上去食一食佢。上到去，識叫就梗係叫套餐啦，韭黃炒鱔糊加回鍋肉，鱔糊爽脆，韭黃夠香，加埋份量夠照，回鍋肉用左五花腩，炒至金黃香脆，再加埋少少辣，都有少少蜀中風味。另外仲有酸辣湯，稀杰同酸辣度都恰度好處，在一間平民飯堂黎講，都尚算不俗！－－－－－完－－－－－…查看更多

在旺角做完體檢，又是時候醫肚。行幾步走到朗豪坊旁的旺角熟食中心，舉目四顧，人很多，終於找到這檔經濟又實惠的上海美食。這裡有各式客飯，不過就是一個什菜粒黑米炒飯吸引了我。呢檔阿姐見我點什菜粒黑米炒飯，即醒目地遞上素食餐牌推介一番。值得一讚！這就是什菜粒黑米炒飯了，當然是混了白米飯去炒的所以黑米的份量沒我想像的多，也只是加了點菜粒、菜絲和蛋下去這樣子，不過味道倒是蠻好的，也沒有太肥膩。所以我明知不應吃那麼多，轉眼碟飯又給清掉了！…查看更多