上海一品香菜館

營業中

休息中

之前係觀塘廣場隔離返工,差唔多兩個星期就會食一次(因上海菜較肥,不能多吃),可惜!!公司搬咗之後,要兩個月先食到一次這間店必食推介1. 回鍋肉(由其係金毛老闆煮的, 真係唔食就走寶啦)2. 雞絲粉皮(其麻醬好味的情度,我仲未可以找到其他店可比美)3. 燻魚(個樣很乾,但咬落肉汁豐富,香香甜甜)4. 小籠飽(皮薄多汁, 味度鮮)5. 酸辣湯(大碗料多,口感好)備注:如要食菜飯,記得午飯時間去食,因為晚巿無得食架!!!

encore 兩餸一湯$108套餐四川牛筋炒素什錦西湖牛肉羹另加煎鍋貼,2個白反好滿意, 全部都好好味, 飽過龍添!

之前係觀塘做野已經黎過...但係唔記得左d野係勁大碟既，我同女友兩個人黎食叫左個兩餸一湯既餐再叫左個小籠包，嘩...梅菜扣肉有六七大舊...(呢個最終食唔哂打包)，另外有個餸唔叫得左係乜...又係好大碟既，跟住一大碗酸辣湯(女友至愛)，最後一個大籠既小籠包...$29蚊...10隻...肉汁豐富...無得頂呀..剩係食個小籠包已經勁飽啦，好抵...不過地方就唔係咁靚...但係唔緊要..美食撘救...下次叫小食之前最好問定佢...鍋貼幾多隻...銀絲卷幾大條...如果唔係你預左打包都得啦。*另外我記得佢係係三樓架喎...係地下架咩？唔通我去既係另一間...-__-"

琴晚去apm睇戲睇戲前要食飯因為food court食物吸引唔到我朋友仔又鍾意食上海野就捉左佢去試呢度叫左鱔糊麵($33),三鮮會飯($29)同鍋貼($19)鱔糊麵～麵同鱔分開上,鱔同芽菜都算多,味道都唔錯又唔太油, 但奇就奇在明明落order後先聽到廚房煮野聲,點解碟鱔糊都只係微暖既, 幸好麵就夠晒熱, 湯底幾清, 麵質似乎係蛋麵, 落單時個侍應都好細心咁問你要粗定幼三鮮會飯～有蝦,火腿, 雞肉, 蘑菇, 同白菜, ok, 無乜特別, 勝在蝦爽口又有少少蝦味, 飯份量又夠, 朋友仔食完都飽鍋貼～鍋貼一碟5隻大大隻即叫即煎, 預左係油少少, 都ok, 皮係正宗厚身少少o個種, 食落有少少糊口, 有少少肉汁漏出, 味道不錯, 但如果可以用多d菜既肉餡會較好, 因為一隻差唔多全部係肉會好滯環境麻麻, 黎食前要有心理準備係好上海舊飯店既感覺反而服務不錯

在多番努力下,终於食到一間我覺得較好的上海小館. 之前同老死食過一次,好回味,幾個月後终於要回味一下.前排都食0左幾間唔同的上海菜館,遊來遊去,都係覺得依間最好. 榮華多人讚,不過我唔識欣賞. 南翔一般. 不過依間就好鬼正咯!!今日同老媽子二人世界,二人一番努力下,都食0左5樣野.1.鍋貼(19$,5隻),計麥記美食之後另一鉅獻!!! juicy,d肉唔係俾機搞到爛曬0個種,皮夠脆!!!2.分魚面,阿媽至愛.我平時都唔中意,因為,一係佢整得太淋,一係太乾,今日依個,應該係我食過最好食的!!外面係乾乾的,內裹的肉有點juicy,醬汁醃得入味.係鯇魚來的.d面都好正,係陽春面,夠幼,爽口,湯甜.3.什錦炒年糕,ok啦.唔special,不過佢好在切得夠薄.4.咸肉豆付湯,都係0個個啦,好!豆腐普通,咸肉夠咸香,亦滑.5.炸銀絲卷,跟煉奶.好.都幾一絲絲下,食得出佢係自家出品,因為佢好香麵粉的味,不過冇食到一口粉喎.不過論夠唔夠一絲絲呢,我會話呢味係"fung x 村",即黃大仙消防局對面的"詠黎園"做得好一點點.

向觀塘廣場買完電腦零件,打算走o既時候,見到呢間一品香咁多人幫趁,仲座到出晒門口添,就試下好唔好味先!因為唔係咁肚餓,所以只係點了少少野食,有:甜酸爐魚$49,小籠飽$29,鍋貼$19+可樂$7甜酸爐魚~ 好掂,好好味,仲好抵食;條魚炸得好鬆脆,但又唔會好乾,而入面d肉都仲好嫩滑,好多肉,因為都幾大條魚,有成十吋長,我同朋友2個人食夠晒啦.甜酸汁入面就竟然有好多材料,有蝦,蕃茄,洋蔥,青紅椒,全部都係新鮮料,所以我要讚一讚呢條甜酸爐魚.小籠飽~ 又係好掂,真係好耐都食過咁好食o既小籠飽,唔係誇張,自從向台北食過好好食o既小籠飽之後,向香港一直食唔番,雖然都係比唔上台北咁好食,但都好正,因為佢d皮包住好多湯汁,個皮又夠薄,而肉味就一般,總括黎講..都好好味.另外,鍋貼都唔錯,個皮又係軟熟個隻,唔係急凍個d鍋貼,而且佢地煎得好好,個底少少脆,但又唔會煎得好硬,又係值得一試.

如果冇記錯我初中時已知這店的存在...所以起碼開左十幾廿年啦~每次去(2人)通常都會例牌要1湯2小菜,另叫飯,加小籠包或煎鍋貼.小菜一般啦,小籠包'/ 煎鍋貼就好好,可能係即叫即整的關係吧.埋單$14x ok啦~

見咁多食評讚, 就黎試下, 反正觀塘上海舖唔多~~1:40 lunch時間都差唔多過啦~ 諗住唔洗等位啦~ 點知真係出乎意料.....都係要等, d 台都已經放曬出走廊......都等左10 分鐘左右.....一坐低叫左個"什錦炒年糕"($36) "豆漿"($5)碟年糕都幾細, 如果三人以上要叫兩碟, 我一個人都食得曬....剛剛好....如果男仔大食d, 都唔夠飽呀!!! 但材料十足....勁多料, 有冬菇, 魚肚, 蝦仁, 白菜, 火腿......份量都幾多....料同年糕係一比一, 味道都幾好味....味道真係ok ga~~到左兩點都仲有人黎食ga, 真係好好生意!!!

又係我呀～呢間野，食物唔鍺，醉雞最抵食，地方係有Ｄ舊，有時要等好耐，中午同星期六，日晚上最多人，多到你唔信，可以坐到出商場到架老闆有時會請飲豆漿，同埋熟客可以加大份量，如果你唔怕地方細，不妨一試，我仲見過０個個成日玩魔術叫ＨＥＲＮＹ哥哥來過食野

咁我住9龍城o既有日想食上海野,咪同阿媽去1品香lor~其實都食過幾次覺得唔係咁好,但係lee次真係好唔得因為lee日我地好晚先食野,咁唔想去咁遠,就去1品香la我叫o左個上海湯麵係完全唔得lor碗野唔熱d麵浸到漲晒食到我個胃勁頂住lor~我阿媽個排骨湯麵都唔好食d排骨咸到死,d麵又係"淋"晒o既2個人就食o左百幾,2百蚊我覺得間野真係唔得lor

真係冇留意有間一品香喺度，直至見到網友嘅食評就决定去試吓，因為喺觀塘區真係冇乜正嘅上海菜砂碢津白: 湯底幾甜，冇乜味精雪菜肉絲炒年糕: 火喉唔錯，亦唔油膩，年糕切得好薄、但"黏"咗少少小炒果然唔錯。見到隔離個炒飯好香、唔油同乾身，好想試吓！另一驚喜: 喺上海舖嚟講，服務幾好喎！

今天中午過官塘辦事，趁機到這店回味，要了八寶炒辣醬客飯。八寶炒辣醬：足料-蝦仁、豬肚、珍珠粟、冬筍、肉丁、雞丁、豆腐...等，可惜沒有腎片。例湯：涼瓜黃豆豬骨湯，正！好味兼清熱降火。從前工業興旺時代，經常和客到這裡。裝修已有點陳舊，但伙計效率仍保持。午市生意極好。鱔糊和獅子頭都唔錯，可以一試。

今晚同同事0係到食dinner,叫個3菜一湯餐,138蚊,另外加2個白飯,老細又送0左3杯豆漿過我地飲,總共食0左154蚊,都ok抵食.3碟菜我地要醉雞,回窩肉同爐魚,湯要冬瓜火腿湯.個醉雞好入味,好食,不過唔太大份,回窩肉就d肉好多肥油,而且炒得都几油,不過味道十足,而且回窩肉不嬲都係油,所以感覺想都ok~條魚都整得几滑,鮮味仲保留0左~唔錯呢~其實今晚去食,佢地都几多人,老細要另外加張俾我地坐,食物唔錯,環境就差dd,不過0係個商場入面,又唔要求得太多0既.

酸辣湯好足料,鍋貼即整,幾香,豆漿就差D.而且被美女Poster十面埋伏,都令人頗難為情

午餐有上海式套飯又平又正,鍋貼極美味,皮又脆,內裹肉汁很多,每次去到必叫,套飯味道十分濃烈,由於在工廠區內,因此下午很多人!(不過近地鐵出口)回鍋肉,家常豆腐,獅子頭,小籠包等等.......美味!