三餐冰室

三餐冰室好像已經開咗一段時間。早天去開尖沙咀，結果去咗三餐冰室食個下午茶。佢哋有好多選擇，心大心細，又想食呢，又想食撈，結果我叫咗個香蔥滑蛋鹹牛肉烘底三文治 $44 連茶走。大大份，香噴噴，食唔哂、要打包。下次試吓食過焗飯先，又或整返個喇沙。😁✨…查看更多

一入門口就被 懷舊擺設吸住眼球，窗邊掛住紅吊燈，牆身仲有舊式信箱同霓虹招牌，成間冰室似足70年代老香港寫真集，連播緊黑膠唱片嘅「滋滋」聲都係回憶殺！📻 主角鐵板牛扒餐霸氣登場！淋黑椒汁嗰陣「渣渣聲」白煙四湧，牛柳厚過手指公🐮，咬落軟腍爆肉汁，薯條脆又索晒啲醬汁，抵讚！餐前羅宋湯落足蕃茄洋蔥熬，酸咪咪少辣開胃到飲清晒。加$18試 懷舊蝦多士即炸燙手！多士脆得嚟唔油膩，蝦膠彈牙仲有粒粒蝦肉，點沙律醬鮮味×10倍🦐！飲埋凍檸茶加埋甜品 啫喱杯，童年回憶即刻返晒嚟🍮！ 由裝修到食物都「老土得嚟有誠意」，鐵板餐夠鑊氣，蝦多士必加配，$200有找飽到上心口！ …查看更多

三餐冰室係一間位於香港尖沙咀嘅茶餐廳，店內裝潢充滿懷舊港風,好似有霓虹燈招牌、 舊式街道牌, 仲有港式傳統美食，真係好吸引到我同朋友！我地今日一行人嚟食tea，餐廳選擇都算好多，而且每樣都充滿住童年回憶：首先叫咗個小食✨️法式焗田螺$38- 有濃郁嘅蒜香奶油同香草風味，而且肉質爽口再叫咗4個主食🐮牛魔王焗飯$90- 有兩款牛肉係同一個焗飯上面好特別，一邊係咖喱牛腩、一邊係黑椒牛柳，牛肉味濃，係愛食牛嘅人必選！🍖鐵板香草羊架$178- 揀咗蒜茸汁同7成熟，跟餐仲有是日餐湯同餐包，蒜蓉味勁香，鐵板羊架份量十足，仲有好味嘅薯條！🍜炒滑蛋蝦叉燒飯$72- 滑蛋嫩滑,勁多蝦鮮同叉燒,鑊氣十足,米飯粒粒分明🍛蛋蔥油雞脾撈麵$70- 雞脾大大隻，雞皮又炸得超脆身，再配合煎蛋加撈麵，簡簡單單已經好滿足！甜品加飲品🍨經典香蕉船$38🧊雪糕紅豆冰$24@呢款飲品同甜品都係我嘅童年回憶，每次食都有好開心嘅感覺！💕店員仲介紹宜家只要去餐廳用餐， follow餐廳嘅社交平台就可以即享有下列優惠- 優惠一晚市凡惠顧鐵板扒餐、焗飯餐,只需$6加購蒜蓉焗田螺 或 懷舊蝦多士- 優惠二全日+$6 雪糕一球 或 法式焦糖燉蛋- 優惠三 全日每位+$6可享紅酒或白酒一杯/指定啤酒真係又抵又正！😋…查看更多

【懷舊港風冰室🇭🇰—必試厚切鐵板餐🥩】港風裝修嘅冰室真係買少見少，仲要環境乾淨企理、服務周到、份量足料更加係難能可貴👏🏻！今次介紹呢間好值得留港消費嘅冰室扒房—三餐冰室👍🏻。環境懷舊充滿港式風味🇭🇰，一入門口已經係香港特色嘅霓虹燈、懷舊poster、信箱、唱片機等🎶，食嘢嘅時候特別賞心悅目❣️🥩 ✨推薦食物：懷舊鐵扒餐✨🥩包括餐湯、餐包、飲品和甜品。🔶 鐵板招牌牛柳（黑椒汁）$153Super super 厚切❣️百幾蚊有兩大塊起碼5cm或以上嘅厚切牛柳，真係好足料🥩😍食落肉質鮮嫩，黑椒味道濃郁，伴有香脆的薯菜。🔷 鐵板雞扒魚柳（蒜茸汁）$133雞扒愛好者都要試下呢款😍 雞扒同魚柳各半，雞肉外脆內嫩，魚柳鮮美，搭配蒜茸汁，風味獨特😋。🔶 鵝肝多士 $48推薦！！鵝肝豐潤多汁，入口即化，而多士有牛油烘底🧈，更加香脆滋味😋。🔷 法式田螺 $38田螺肉質鮮甜，配以香蒜醬，十分入味。😙🔶 懷舊蝦多士 $38推薦！！啲蝦係人手自己剁碎而成，而且蝦多士炸得外脆內嫩，蝦肉鮮甜，好惹味😋。🔷 雪糕紅豆冰🫘 （+$12）懷舊必點飲品之一！！雪糕+紅豆冰🫘嘅搭配既好甜亦好清涼，係炎炎夏日最好選擇。🍦🧊🔶 Orion 日本啤酒 （+$14）清爽不膩，餐廳仲有提供冰杯，凍啤倒入冰杯之中飲用，冰爽度更加level up😍🔷 法式焦糖燉蛋 （+$18）真係勁勁勁好食！無諗過冰室嘅法式甜品都做得咁好😍燉蛋滑順香甜，焦糖度剛好，真係食完一啖又一啖😍🔶 啫喱口感清爽，餐後甜品亦相當合適😝。📍 ：三餐冰室 (尖沙咀) @samchaancafe....尖沙咀漆咸道南115號達成商業大廈地舖#三餐冰室#尖沙咀午餐#港式西餐 #三餐冰室#懷舊美食#尖沙咀美食#不設加一#蒜蓉焗田螺#三餐飽飽#漆咸道南#港式茶餐廳…查看更多

👧🏻😋👅🍽✨冰室都有儀式感✨▪️懷舊鐵板餐🍱 包餐湯＋鐵板主菜＋甜品＋飲品, 每個鐵板餐可以優惠價加配一份小食+一份甜品🥩 鐵板封門柳 $178超厚身肉味香濃, 識食一定係請店員唔使淋汁, 點黎食最岩口味! 有層洋蔥墊底唔會令牛扒overcook, 經典大波浪薯條好香脆跟餐加配🧈 鵝肝多士 +$48 半塊方包咁大既多士裝住方形鵝肝, 厚身軟滑油香十足🐚 法式焗田螺 +$38 蒜油好香, 加埋麵包糠脆卜卜, 同彈牙田螺有對比有層次, 個蒜油汁留黎點餐包更正🍮 法式焦糖燉蛋 +$18 焦糖夠脆皮, 燉蛋當然冇雲呢拿籽但都算幾香滑, 甜得舒服🧋凍奶茶 +$3 樽仔奶茶賣晒, 凍奶茶都唔差, above茶記average, 唔飲普通茶記野都可以半價轉配特飲▫️鮮茄焗牛脷飯 $84👅 正常發揮好多汁但焗飯唔會腍晒, 飯有炒底, 茄汁夠鮮, 唔會一大陣茄膏味, 巨量拉絲芝士焗得焦香▪Cocktail / 啤酒🍻醉鹹檸 $38 Gin加鹹檸檬好有茶餐廳風味, 再落埋鮮檸檬更清新Orion沖繩啤酒 $28 清爽解膩…查看更多