三月初七

觀塘返工，午餐時間想逃離飯堂嘅嘈雜同快餐嘅油膩，同同事膽粗粗試咗外賣「三月初七」，點知成為咗呢個忙碌工作日嘅小確幸。我哋叫咗外賣返到辦公室開餐，一打開盒，已經覺得同一般外賣唔同。首先係個沙律，蔬菜依然保持住爽脆，一啲都唔似「過夜」，絕對係即製。靈魂所在係佢哋嘅自家製醬汁，酸酸甜甜非常醒胃，食落好新鮮，完全係清洗味蕾嘅感覺。份量嚟講，女仔食就剛好，男仔可能會覺得有啲唔夠喉，但考慮到佢嘅用料同醬汁嘅心思，個價錢我覺得合理，當係善待自己。至於主角雞胸，外賣嘅最大驚喜就係佢！通常外賣雞肉好容易變乾變韌，但「三月初七」竟然保持到水準。雞肉真係好軟嫩，juicy到不得了，用叉一拮就見到肉汁。應該係慢煮，再攞去焗，所以先會咁軟咁多汁，證明佢哋嘅烹調功夫真係唔錯。今次外賣體驗令我改觀，原來唔使坐低慢慢食，都可以喺忙碌中食到一份有質素嘅午餐。雖然價錢比茶記貴少少，但換嚟嘅係食完成個下午都冇咁滯脹，個人精神爽利。下次想同同事靜靜雞享受一個高質少少嘅午餐，「三月初七」絕對會係我嘅口袋名單。…查看更多

最近天氣變化好大😭時冷時熱咁，有時都真係好影響胃口架，最近就因為番工要上工作相關既課堂，所以就去左觀塘個邊搵食😆之後就比我遇到呢間小店，除左有好多手工製糖水之外，仲有好多唔同種類既輕食，真係好多元化好多選擇😉😋 虎蝦薯蓉沙律🥗值得一讚薯蓉夠滑👍🏻唔知係咪有加左奶呢，蝦夠彈牙唔會好有雪味，👍🏻👍🏻蕃茄仔同南瓜都好甜。下次一定會再黎試下甜品，香港地呢類型既小店真係買少見少，大家真係要多多支持🥳🥳🥳舔舔脷指數👉🏻8😋/10😋滿分 值得一試😋…查看更多

我在觀塘工作三月初七已經成為了我的飯堂因為我本身很喜歡吃沙律，但是外面的沙律有時候菜很少而且不新鮮！但他們的沙律很新鮮而且份量10分足夠！！我推薦雞胸及牛肉一啲都唔會乾！意粉都好好食！很有滿足感！而且他們店的主理人很友善！所以已經成為了我的飯堂！有時候我也會吃他們的甜品，也十分之推介！所以非常推薦大家去食他們的雞胸！是非常新鮮不會有乾的感覺！好好吃！之前工作有活動也試過嗌到會我的朋友們也很喜歡！所以之後有什麼活動也會叫他們的食物，而且感覺很健康不會油膩而且沒有味精！…查看更多

之前幫襯過寶琳的總店，印象不錯。最近得知老闆在觀塘區擴充，前幾天晚上就上去新店三月初七試試。新店在糖水以外，加了些正餐/鹹點選擇，如湯羹、沙律及意粉。我點了地中海鮮蝦螺絲粉，原本還以為是預先整好再翻熱，怎料是即叫即整，老闆即場炒意粉及醬汁，蕃茄也是即場切及混入自製的沙律醬。我自備了餐盒，老闆把意粉、蝦及沙律攞設在我的餐盒內，擺盤和宣傳相片一樣，很有心機。意粉醬汁夠香，蝦肉爽口又無雪味，沙律汁帶酸，配意粉很襯，亦夠開胃。整盒意粉份量很足，大食的我也覺得夠飽。新店在商廈11/F，同層有很多小店，提供美容、藝術教學及身心靈服務等，而食店就只有一間。新店雖然做外賣，但店外有很大的common area，有枱及椅，坐得舒服。…查看更多

牛肉羹好嫩胃同時間牛肉好嫩滑，食落去好舒服！然後五色沙律啲顏色好靚，最緊要係雞胸好嫩滑同埋個無花果好甜。特別在佢個沙律汁好有肉味，食落好滿足。嗰個哈哈哈通粉芝士蕃茄味好濃郁，個通粉好有咬口，同埋嗰五隻虎蝦調味都好入味。芋圓楊枝甘露暫時係我食過最好食嘅楊枝甘露，比起以前許留山好食好多！芒果果肉又大件又甜，個奶底好厚，仲有芋圓好有咬口。呢碗嘢食到好多層次嘅口感，所以超鍾意！開心果巴斯克芝士蛋糕中間有少少流心，食落去開心果味好濃郁，開心果同埋芝士味又唔會互相蓋過，所以都幾好！…查看更多