三才魚蛋粉麵

營業中

休息中

真心話：魚蛋魚片河：由湯頭到魚蛋、魚片、河粉都唔好味，湯頭唔香，淡而無味，魚蛋魚片唔新鮮亦唔彈口。炸魚皮：更加唔使講，從來未見過炸魚皮好似陳皮一樣，顏色係深啡，唔知擺咗幾耐，唔好食。一句講晒呢間係我喺香港食過最差嘅一間魚蛋粉，唔明好評喺邊度嚟？我好少俾負評俾到咁徹底，但係一心以為呢間餐廳有咁多好評唔會差得去邊，點知令我徹底失望，今時今日面對顧客北上消費嘅年代，咁樣嘅質素真係好難留住本地客，仲要排隊入去食？銅鑼灣冇其他魚蛋粉？如果佢哋以前嘅質素係好好多嘅話，我都真心希望佢哋可以改進，我都想多啲人留喺香港繼續支持本地消費。

因為要戒口只能吃點輕食填肚子，又不想花大錢吃poki bowl，就找到了感覺最簡單調味又最少伏味的魚蛋粉...想不到又蠻有驚喜同行友人很喜歡墨魚的關係，所以貪心的點了墨魚蝦卷及牛腩雙併粗麵，而我則點了童年回憶魚片魚頭米粉。原本還有點怕墨魚蝦卷會油油的，想不到的是非但不油、反而吃起來覺得有不同的材料及蔬菜粒很健康，有墨魚粒、蝦粒、玉米粒和少許蔥花混合，味道吃起來有蔬菜的甜味，墨魚粒及蝦粒爽爽的口感和鮮度，值得一試! 與友人一起共食了不同的料，一致認同牛腩是最想多單點一份的是偏瘦肉的質地，帶一點點的肥肉，質感很鬆軟不黏牙，肉味濃，最滿意的是份量也不少呵 (大概好像有6塊) 超滿足的!但我同時也很喜歡自己碗中的魚蛋及魚片呢! 入口沒有浮誇的彈牙，是爽滑的感覺，每一口均是濃濃的魚味，不禁想難道是全魚肉製作嗎?!所以我只分了一塊給友人湯底是白白的魚湯色，入口不是稀稀的，略帶濃度、有鮮度但不會過濃，還被友人偷喝了幾口......偏濃口的可以像我一樣加一丁點辣椒油，又更香更開胃之後才發現原來已經剩下一間主店，大家有機會在銅鑼灣經過一定要試試看! 店內還有可外賣的生餃和丸類呢!

點解門外人山人海？ 座無虛席？ 銅鑼灣家庭式，自家製手打魚蛋，自設工場製作價錢由$32起，座位不多，但客人仍然願意為一碗魚蛋/魚片粉等！除了堂食，亦提供外賣自製品，如墨魚蝦條、墨魚條、片頭、魚蛋、魚片等。下午茶餐，還送油菜或熱飲魚片魚蛋河每日鮮製魚蛋魚片，雪白又彈牙，食落有魚味，湯底較清淡，配上冬菜，炸蒜及香蔥一齊食會更佳淨魚片頭魚片頭炸過，所以整片都是金黃色，比魚蛋魚片都香及爽彈炸魚皮魚皮亦是自己炸，脆卜卜，味道比較濃，浸在湯裡面，一半脆一半軟更加滋味

好耐冇去銅鑼灣，今日岩岩好係附近有嘢做，結束之後想食啲清淡嘢，於是就來到好多人推介過嘅「三才魚蛋粉麵」食午餐～穿過渣甸坊攤檔的長長窄巷就可以搵到呢間由家族經營嘅粉麵店，主打新鮮手打魚蛋🍡🍢魚旦魚片頭幼麵（$41➕$8凍檸茶）📝評分：7.5/10魚蛋同魚片頭好彈牙，魚味香濃，感覺得到係真材實料。幼麵口感中規中矩，湯底清淡🍡炸旦粗麵（$34➕$8凍檸茶）📝評分：7/10炸魚蛋都算彈牙，湯底清淡，麵質爽口，配埋炸蒜同少許自家製辣椒油岩岩好～但味道就唔算特別，係其他粉麵店都可以食到🐟炸魚皮（$17）📝評分：5/10細細碟但大舊，口感係脆嘅，顏色偏黃，但味道就真係麻麻，個人覺得冇乜滋味，同埋浸入湯底冇沙沙聲，差啲意思😅大家如果係晏晝2:30-6:00惠顧粉麵可享下午茶餐優惠，免費送油菜一碟/熱飲一杯，凍飲➕$3（我地早左10分鐘入座就冇得食油菜lu…🥺，而且非下午茶時段跟餐凍飲➕$8真係少貴…）個人覺得如果你係銅鑼灣附近做嘢或行街，又岩岩好想食港式粉麵，不妨黎呢度坐一坐，但如果住其他區就唔洗特登過黎架喇…

銅鑼灣嘅｛三才魚蛋粉麵｝鋪頭小小，但長期人多，全因為佢哋嘅食物製作用心認真❤️真材實料做好每一粒丸每一嚿牛腩，非常值得支持幫襯‼️✴️牛肚魚蛋米✴️特登叫咗多蔥，真係多咗超多蔥🌱牛肚軟腍滷得入味，一咬就斷開，食落仲幾有膠質，正❗️魚蛋調味自然，無添加太多味道，帶有淡淡嘅魚鮮味🐟✴️西洋菜餃墨丸河✴️欣賞佢嘅西洋菜餃內餡好多菜，成隻都好飽滿，所以平時我哋都會買生餃返去打邊爐🍲墨丸彈牙，入面有一粒粒墨魚肉，份外爽甜～

之前見YouTube有介紹銅鑼灣家庭式粉麵店，配料好多都係自家製作，終於眼見小龍（並唔使排長龍），可以一試啦！🔸魚蛋魚片拼西洋菜餃河淡淡魚骨湯底非常順口，更用匙羹配上冬菜、青蔥、炸蒜，同湯底融合後更加提升鮮味。西洋菜餃皮薄餡靚，少肉多菜～重點！西洋菜好嫩，完全冇揸😋大愛！魚旦同魚片果然係招牌！香濃魚味，口感彈牙，同坊間一般嘅魚蛋大有分別！一碗冇得挑剔嘅魚蛋粉！🔸炸魚皮自家製炸魚皮零舍唔同！完整大大塊，魚皮厚薄適中，非常香脆鬆化～同攞貨嘅炸魚皮，冇得比🤣🔸泰式無骨鳳爪純粹口痕，原本並冇太大期望嘅泰式鳳爪居然有驚喜！意想唔到粉麵舖嘅泰式鳳爪，酸辣調味恰到好處，配料仲有青瓜絲同紅蘿蔔絲，清脆爽口！🔸油菜腐乳通菜，腐乳醬並唔會過鹹。青菜亦非常鮮嫩👍🏻下午茶附送🙌🏻總括🔹果然名不虛傳，亦食得出小店用心製作。材料用了新鮮，真材實料！價錢經濟實惠，下午茶時段更會附送油菜或飲品。進食期間一路都聽到有其他客人外賣生魚蛋水餃配料。天氣開始轉涼，買生魚蛋同自製水餃作為火鍋配料，確實係個唔錯嘅選擇👍🏻

三才幾好，最正係連星期六日都有下午茶時段，而且去到6點，今次反而要排隊，店員在門外即時落單，點了以下食物：下午茶：凡惠顧粉麵，送油菜或熱飲1. 牛腩配西洋菜餃麵：牛腩夠冧又入味、麵硬度適中，好少會見到有西洋菜餃，食落只係口感有特別，湯底加腩汁夠惹味。2. 魚片魚蛋配菠菜餃麵：魚片魚蛋好食，菠菜餃都係少見的種類，都係冇咩特別，麵硬度適中。3. 送腐乳通菜及腩汁生菜：菜類青青綠綠，份量適中。4. 單叫炸魚皮：今次跟店員姐姐表達上次得3舊之後，轉左俾袋裝，夠脆份量回復正常，同埋要浸落啲湯「炸炸聲」先好食。店員態度幾好，會繼續光顧，讚讚讚!!!

之前睇Youtube介紹銅鑼灣有間家庭式魚蛋舖，經過見到下午菜送菜/飲品，我就即刻入去試吓先🤓叫碗招牌魚蛋粉試吓先，魚蛋爽口彈蛋🦖仲要有野送 超抵😳當然份量唔多但下午茶黎講足夠有餘🫶🏻下次去銅鑼灣一定要再食回頭率：👅👅👅👅👅性價比：👅👅👅👅👅打卡值：👅

💬最近先至見到訪問在銅鑼灣渣甸坊後面有呢一間魚蛋粉麵舖，一家人落心落力去經營，今時今日已經係幾難能可貴；以前好多粉麵店都捱唔住，所以真係要珍惜仲有堅持嘅食店✊🏻.💬雖然舖面狹小擁擠，等位嘅時候已經安排落單，入座就差唔多即刻有得食，服務態度都係正常，見到同熟客都係有講有笑。食物方面唔算係話每一樣都係咁精緻，但係就食到嘅係一種香港人嘅味道，都會有想再訪嘅感覺✊🏻.———————————————————————————.🥢魚蛋墨魚蝦條河🍜💬通宵達旦處理魚蛋魚片當然第一次要試吓，魚蛋唔會係彈牙，因為無加入粉漿，所以唔彈先係正常；墨魚蝦條幾好食，應該混入咗啲有咬口嘅食材，下次可以再叫。見到係魚蛋粉所以無諗住試牛類嘅食物，始終叫咗又彈唔好食不如專注食人哋拿手嘅嘢；而湯底的確係有改良嘅空間，可以更濃郁✊🏻

係銅鑼灣食雲吞麵，冇乜平民店，不過三才幾好，價格經濟幾好食，估唔到連星期六日都有下午茶時段，已食過多次，慶幸趕及6點前光顧唔算多人，點了以下食物：下午茶：凡惠顧粉麵，送油菜或熱飲1. 牛腩麵：牛腩夠冧又入味、麵硬度適中，湯底加腩汁名惹味。2. 牛根雲吞麵：牛根都好夠冧，口感幾好唔會太溶，雲吞唔特別大隻，蝦多過肉幾好食，麵硬度適中。3. 送腐乳通菜及熱檸茶：通菜青青綠綠，同埋一定配腐乳先好食。4. 單叫炸魚皮：唔抵，得嗰3舊，勝在夠脆，浸落啲湯「炸炸聲」。服務姐姐態度幾好，會Keep 住光顧，讚讚讚!!!

如果唔識路的話 要找到鋪頭似乎有難度要穿越鐵皮小攤販們才會看到一幅小banner寫著 三才好啦。鋪頭店小，搭枱是常態，畢竟是小店。加上姐姐的態度很好，安排我搭枱位置，不勞我費心。不過呢，姐姐的廣東話要好好練習啦，我是不情願下才要你重新講多幾次。我一向都支持大家多用廣東話來成為香港的一分子麻。講番魚蛋粉，下午茶時段，魚蛋粉有套餐，有野飲或油菜。不過唔明白既係魚蛋粉係無送魚片要另外加錢？！魚蛋，胡椒味偏重遮掩了魚肉的鮮味，口感唔錯。不過呢，魚片反而較好，爽口和不會太油膩。粉可以，夠滑身。不過呢，湯底味道偏淡要靠著炸蒜和蔥帶味。

每次去到食飯時間，總係會煩惱今日食咩lunch 好。 而想唔係太貴又飽肚好味既話，三才絕對係銅鑼灣區lunch 既好選擇一直都有幫襯呢間三才粉麵，只係最近開始記錄番自己既食評先再特別寫文推薦。三十幾蚊有得食一碗牛腩麵，味道仲要好。 絕對係抵食之選其他推薦仲有佢既魚蛋同埋墨魚蝦條我自己都仲會買d 生餃番屋企煮晚餐，好味架！

最近去了三才魚蛋粉，品嚐了他們家的牛筋粗麵，真的讓我驚喜不已首先，這碗牛筋粗麵的外觀非常吸引人。麵條寬粗有嚼勁，讓人一看就知道是經過精心製作的。而且，麵條的彈性十足，入口滑順，讓人愛不釋手。總括來講 這碗牛筋粗麵是一道令人驚艷的美食。麵條彈牙，湯底濃郁，配料豐富，每一口都充滿了美味和滿足感。十分推薦

銅鑼灣有好多粉麵舖頭，喺唔知揀咩嘅情況下，就揀咗一間有少少人龍嘅，諗住有人排都唔會差得去邊😯排緊隊嘅時候，店員已經幫你落定單，所以坐低唔夠5分鐘就上菜。排咗10幾分鐘就入座了，算快。❎炸魚皮見到openrice 推薦就試吓，但真係好失望，炸粉太厚，而且唔脆。放落湯一啲沙沙聲都冇，好似咬緊一舊好厚粉熱冇味道嘅零食。✅腐乳通菜通菜係下午茶附送嘅，細細碗但係一人份量都夠食。翠綠色的，好新鮮🥬✅紫菜四寶河河粉略嫌太幼，但係四寶味道唔錯。見到有人買生餃生丸，果然名不虛傳。雖然係下午茶份量，但係都幾大份。❎牛雜拼片頭幼麵呢間並不是專門食牛雜，所以比較遜色，牛味好淡。佢哋出品嘅魚蛋類都唔錯，所以片頭係OK嘅。雖然今次嘅order 入面有幾樣係未如理想，但係都會再嚟，下次都係嗌返呢度出名嘅魚蛋類👍🏻

多年前經常在渣甸坊吃飯，只是都沒有留意有一間「三才」。看了報導，知道他們自家製真材實料手打魚蛋，並堅持日日親手製造，專門來試一下。叫的是魚蛋魚片河。河粉口感對板，魚片和魚蛋雖然彈牙，沒有壓得太實的那種口感，魚味也頗濃，加上附上的蔥和冬菜，味道令人滿意。只是，湯是淡了一些，但仍略帶鮮味；魚片和魚蛋則稍為鹹了一些，但那些偏愛略重口味的朋友應該喜歡的。整體而言，是不錯的，而且員工都很有禮貌，在如今香港餐飲服務業的氛圍下，值得加分！