三德素食館 (僑冠大廈)

營業中

休息中

好耐冇食過茶樓式既素菜餐館，記得好細個既時候，好似嚟過一次，因為嬤嬤係食齋，都會周不時去齋舖食，加上呢間「三德素食館」有分店，冇記錯應該真係嚟食過，平時都係同屋企人食，今日就同另一半嚟食。環境好近北角地鐵站，十分容易搵，餐廳位於樓上，所佔面積都好大，內裡既裝修、擺設都係茶樓形式。沙嗲素串燒 $55外型睇同真既沙嗲牛/雞串燒一樣，素肉大多以大豆製成，呢款串燒都係，沙嗲汁都幾入味，雖然係素但都有仿肉質既咬口。香煎海苔薄餅 $28必吃！原本以為係成塊紫菜放入薄餅，原來唔係，本身怕冇紫菜味，但一咬開已經散發岀海苔香氣，好似平時食紫菜梳打餅咁岀味，好香口。XO醬芹香魚腐猴皇菇 $78每次到素食餐廳/齋館都會食菇，總覺得廚師會更識得處理。份量不少，猴皇菇彈牙索到XO醬，西芹爽口，素魚腐同為大豆製成品，見點左一枱都係炸物咁制，所以叫返碟炒菜。脆皮芝士糯米雞 $75脆炸腐皮包住糯米飯及素雞，炸皮十分脆口，配上腍糯口感，邊個話食齋好悶？估唔到會有呢啲比較特別既素菜款式食，好特別亦有諗頭。拿破崙香芒海皇卷 $75每件都脹卜卜，外層係蘿蔔千絲酥咁，幼絲狀炸皮，十分香口，先有一層薄餅皮，內裡裹住芒果同素蟹肉，

近排多吃了肉，改下食素，健康d.夏果百合榆耳露筍食材新鮮，夏威夷果仁爽脆 .健腦五柳仙班芋頭魚🐟，表層片片魚鱗炸得酥脆，內芋頭粉粉,很香如果顏色黃金些更吸引香煎海苔薄餅 清新可口不油膩，口感不錯拿破崙香芒海皇卷好大顆喔，熱哄哄，外層酥脆，內裡藏甜芒，這個甜品好有驚喜，很有西式甜品質素好甜品既朋友一定要試下

他們可說在香港罕有又具酒樓規模既有做即叫即蒸素點早、午茶市的素食館，而且價錢亦算大眾，吸引不少素民的揾食好處和聚腳地。店舖位於地鐵站附近，裝修和空間大小都適合各種類型的筵席宴會，食品和服務質素長期保持統一和良好狀態，老闆與家人合力用心親身經營，給予客人更強的信心保證。以往一直較多光顧佐敦分店，今次剛巧在北角會議完結後，與友人選擇到👆🏻此店共進晚餐。一人六人點選了4款前菜、4款款主菜和一碟炒飯 (詳情見附圖) ，全部菜式味道可口，用料絕不馬虎，分量十足。當中最為喜愛是沙爹素鷄串、 鐵板燒汁煎蓮藕餅和崧子五柳素黃魚，唯美中不足之處在於那碟炒飯偏油膩些，有待改善。總括而言，食物質素和價錢可算得令人滿意，值得推薦大家試試！＃堅守初心 ＃福惠素民＃DrHamton＃素同行

中秋節本是開心的日子 和家人一起慶祝團圓 但係同時我都有一晚難忘的經歷....當日食飯啲服務員經常扮睇你唔到 問天問地冇人應 我哋差唔多食完嗰陣只係多口問句有冇糖水送 其中有一個疑似大陸來港的女服務員即講＂俾錢咪有囉＂仲要黑晒面 我哋只係多口問句姐 你可以答冇 冇必要咁樣講 之後係我哋入座45分鐘到 其中一位疑似經理的人即叫我地埋單交枱 出邊好多人等緊架 但係我地明明有1.5小時進餐 我哋食咗一半時間咋 雖然我哋都食得七七八八 但係想同家人傾兩句都唔得 已經催我哋走 我哋都有11個人 都唔少人 仲要套餐貴到飛起$2800一圍 食齋咋喎 呢個價錢去酒樓食都得 總之唔會再去 如果你係想有一餐難忘的經歷可以去

傳統初一、十五就會好多人選擇食素。雖然平時的我比較少食素，今次食素飯局我都參與其中。侍應姐姐可能對我地年輕一輩食素感到好奇，就介紹下餐廳背景及招牌菜。由於八月十五中秋傳統做節，前一晚的三德素，全場爆滿。餐牌望落顏色鮮豔，賞心悅目而且款式又多。率先叫左齋滷味拼盤 有素叉燒、雞卷、雞粒、燒鵝、蠔油齋、酸齋、咖哩齋！平時唔覺原來款式甘多，而且真的是每款口感、味道都各有不同，最意外的是咖哩齋煙韌好好味。沙嗲素串燒 共6串，外貌顏色同泰式串燒真可以假亂真。食落質感應是豆類製品，但沙嗲醬汁調味惹味不錯。五柳仙班 原來就係我平時最愛炸芋頭魚。食落芋泥質感綿滑，沾甜酸汁更解膩。潮式香煎素蠔餅 口感像薄撑, 海苔調味令鹹鮮味更突出，想不到真有食蠔仔的味道。肉鬆蠔仔泡飯 叫了一人份量, 上碟時份量大到都嚇呆。素紫菜魚肉、菜心、湯泡飯味道不錯。拿破崙香芒卷 共5大件。食落羅白絲口感外脆內軟，芒果果酸酸甜甜外，素蝦仁及素肉都做得非常紮實，好有驚喜。最後食到飽飽仲有綠豆粥糖水送，足料唔太甜。

Green Monday,好難得約齊三五知己來到三德食素. 香煎海苔薄餅夠Fresh 清新可口，可以百吃不厭. 🍀沙爹素雞串(6串)沙爹辣度剛好，適合素食者.夏果百合榆耳露筍賣相吸引，食材新鮮，夏威夷果仁爽脆 🍀五柳仙班其實系芋頭魚🐟，表層片片魚鱗炸得酥脆，內芋頭粉粉,很香. 🍀拿破崙香芒海皇卷賣相吸引，好大顆，外層酥脆，內裡藏甜芒，這個甜品好有驚喜，好有西式甜品質素好甜品既朋友不妨可以食下，個人挺愛吃，吃了兩顆. .整體來說，食材新鮮，味道以為清淡為主但也能保持滋味，好符合素食健康理念. . ..希望我地在品嚐食物時可以品嘗到💕的味道，Leave footprints of Love & Kindness wherever we go .

想同屋企人去食大茶飯，聽男朋友講北角呢間齋舖好食，就去試吓。距離地鐵站算近，樓梯上一層就到。即刻叫，上菜都幾快，而且幾好食，雖然有啲油膩，但係咁樣先好食。例如，沙嗲串燒有沙嗲味，素肉口感都似肉，炒河粉有鑊氣添。坊間好多素食淡而無味，有時啲餐廳雖然好多選擇但係味道基本上一模一樣，毫無變化，其實自己淥下菜芯可能仲好食啲。啲自助餐式就係一個好例子。另一方面，去港島食fusion素食，一來貴，二來味道太特別未必人人接受到，三來比較少熱辣辣嘅食物。呢間就唔同啦。值得一試

屋企人生日 一齊黎到三德食生日飯三德係北角都已經開左好耐不過個入口就要小心 好多人都走左去搭電梯不過其實係大廈門口隔離先係三德門口行樓梯上去就到啦！金湯花姿冬茸素翅羹飲落去主要係南瓜味，唔算太出色，不過勝在南瓜味夠新鮮，頭盆黎講算係唔錯炸雲吞老實講，炸雲吞正常應該係要有雲吞但呢碟只係炸雲吞皮，無雲吞炸皮黎講都無話好唔好食椒鹽蠔仔脆豆腐全晚覺得最好食 最加分就係呢道菜唔會太鹹，豆腐同素蠔仔都炸得岩岩好，咬落去勁香口素咕嚕肉 太甜，而且認知上咕嚕肉係汁黎唔係成碗湯咁⋯加上材料新鮮度都一般XO醬炒通菜另一道覺得唔錯既菜式，本身都鐘意食通菜炒得有鑊氣可以叫多一碟都得整體環境黎講間餐廳都舊，而且位置都幾逼當晚係星期日，但樓面安排實在唔得或者係人手唔夠，無知客安排位但最大問題係 有職員（疑似主任-總之有著西裝）望到我地企係到完全無走黎協助（佢係無野做緊架！）不過好在有另一位普通傳菜既姐姐黎

北角三德素食館位於一樓，要走上好幾轉梯級才到。如果老人家不方便行樓梯可入華豐坐自動電梯直上。等食的時候，發現牆上一處掛有嫁囍禮餅照片，猜不到三德也出品嫁女餅，想必是素的餅食。碗筷餐具以盛開荷花為題，有點佛味。今天叫了個菜遠羅漢齋炒河，大約十五分鐘炒粉上枱。賣相吸引因配料豐富有菜芯、蘑菇、云耳、冬菇、草菇、粟米仔、芽菜、麵筋、馬蹄片、齋燒鵝、紅蘿蔔等。芡汁味淡卻有點黏稠，加上粉質一般，吃起來有些濟口，這餐一般吧。

🥢 野菌咖哩素魚蛋 HK$28咖哩唔會好辣，特別在佢嘅素魚蛋口感真係好似魚蛋。.🥢 上海小籠包 HK$18佢個皮幾薄，但入面唔會好似平時食嘅咁多湯汁。.🦈 素翅元貝灌湯餃 HK$28佢個素翅真係要讚一下，唔係比粉絲你，而係特等整到好似魚翅每由幼到粗再幼，食起黎都似。.🥢 粵式炸雲吞 HK$18一見到炸野真係停唔到口，但可惜佢感覺唔係即叫即整。唔係特別熱，但都仲脆嘅。.🥢 豉油皇煎腸粉 HK$28醬油味道唔係特別多，但起碼令平平無奇嘅腸粉有啲味道。.🍲 XO醬雜菜魷魚炒烏冬 HK$48好大份，可能因為齋，所以醬味道比較淡。

舊同學聚餐，有人提議吃素，不要新潮斎，所以，決定來此處雖然，裝潢稍陳舊，尚光潔明亮，坐得頗舒服！首先，上的齋滷味，多花款，味道好，夠冧　再來，姬松茸雜菇燉湯，用湯盅上，打開蓋，香氣四溢，湯料足，甜夾潤另外，酸辣湯，很精彩，酸辣份量調較啱啱好，用料有旦絲，豆腐很嫩滑，木耳絲幼細，好飲過葷菜素黃魚，另一精彩之作，外層脆紫菜，內裏炸腐竹，再包裹粉絲，再用甜酸五柳汁點食，真係好味到吖XO醬炒蘿蔔糕，蘿蔔糕外脆內軟棉棉，斎XO醬好掂鑊仔咖哩魚旦，配海苔薄餅，咖喱很mild，很滑，魚旦像真度高，薄餅彈牙，有咬口招呼很好，很貼心！大家都很滿意斎菜，下次會再來！

朋友若沒煮飯的時候，偶爾也來三德素食館外賣滷味齋和包點回家吃，並說這裡的素食不錯，叫我不妨一試。我被「蒝茜餅」的名稱和功效吸引過來，好像挺特別的，一於買一個來嚐嚐。蒝茜餅有原味，豆莎和蓮蓉，口味可選，初次品嚐又不知蒝茜餅的味道，安全起見，不吃原味，吃豆莎味吧，就算蒝茜不好吃，也有紅豆補救。豆莎蒝茜餅碧綠如玉佩，聞來竟然沒有「芫荽」味，那麼神奇? 再咬蒝茜餅，都是沒有「芫荽」味，反而有點蔗汁的清甜滋味，入口滿清新的，很特別的糕點。為何蒝茜餅沒有芫荽味? 原來是素食店寫錯糕點的名稱，正確寫法應該是「欒樨餅」，我都被誤導了。起初我以為「蒝茜」是「芫茜」的錯別字，但這是大錯特錯，佛家不可吃芫荽，芫荽屬葷菜，不可用來煮齋菜的。作為禮佛的素菜店，個人覺得要更其正字「欒樨餅」，以免產生誤會，也是對宗教的尊重。不過因為素食店的錯別字令我長了不少知識，欒樨菊科植物，且有藥效祛濕解毒。大家無妨在炎炎夏日吃塊欒樨餅，消除暑氣濕熱。

又到15啦！今日陪媽咪食三德😍正日食真係好多人(^^)😃😅. 我地叫左一個素灌湯餃😃食落都ok.好多菇同粉絲，加左醋味道會更豐富💁. 另外叫左個xo醬鑊仔炒飯💕💕💕小小辣，食落幾有鑊氣，又夠配料，咬口十足🐥🐥 .

北角老字號酒樓式素菜鋪近新年時第一次去食，二人都要等三十分鐘先有台。點了三個餸，一齊上台，嘩！齋菜鋪成日都驚啲客唔夠飽。每碟份量足四人食推薦錦滷雲吞：睇相都見比一般厚身，所以勁好咬口。同tortillas 一樣，越厚越好食。唔推薦煎蓮藕餅：終極飽的一碟，煎蓮藕吸曬啲油再加上蓮藕間再有豆蓉，飽上加飽。要去盡量避開初一十五同做節，閑日好易有位的。

之前食過幾次，不過都係成大班同學，人數多，兩張大枱拍在一起，所以都好難影相。今次舊同事約食飯，咁啱又揀咗三德，人數6個，我哋就揀咗個六位套餐。金湯花姿冬茸素翅羹、勝瓜黑木耳素柳片、菠蘿咕嚕素球、紅燒本菇海參豆腐、椰汁香芋南瓜煲和欖菜彩椒鮮冬菇藕片，以及另外叫多一個荷葉飯。最快到嘅係荷葉飯，大家都急不及待，因為好香嘅荷葉味，食落有芋頭粒和素肉，又香又好食，之後其他餸菜都陸續送上，素翅羹亦好清淡，好好飲，其他四款素菜都好啱我食，唔會覺得油，賣相亦好靚，追求健康素食者，又或者好似我咁，食慣清淡及追求原味，就會覺得今餐好好味好好食，不過對於食慣肉類及濃味者就會覺得無味，甚至有人覺得好似味道碟碟都差唔多。最後仲有甜品送，南瓜西米露，大家對呢個甜品都有唔同評語，我個人就覺得好清甜又好味，主要西米露嘅份量又唔會太多，粒粒分明，不過對於濃味愛好者嚟講，就覺得同個素翅羹差唔多，只係甜同鹹嘅分別。總結：無論素菜嘅味道，亦或店員嘅服務態度，三德都做得唔錯。不過價錢就要人多才會比較抵食，因為可以叫多幾樣餸，相對如果人少就會覺得比較貴。而我哋今次6人共$747，每位平均$124.5，都算抵食。