三寶勝上海美食

真正懷舊傳統上海食館的老味道，真係要有返咁上下年紀嘅人先至試過呢種感覺，因為今日好多上海食店已經係新派feel，不過有時都想懷舊下懷緬下以前嘅感覺。叫咗鍋貼、小籠包、賽螃蟹，再飲兩杯豆漿，樣樣味道都唔錯，特別欣賞佢個小籠包同埋鍋貼，而且呢兩樣嘢仲要係上海點心師傅做嘅，真係呢啲舊式上海抱先至會見到有一個專係為點心師傅而設嘅小廚房。賽螃蟹味道都ok嘅，兩杯豆漿都好香豆味好正，而且又唔係好甜，呢啲老式店舖買少見少真係要支持呀。…查看更多

今晚難得食舊式上海小館嘅餸菜，真係開心，因為依家呢類餐館買少見少。先嚟松鼠黃魚，大大條魚大大碟先至係143蚊，真係平到你唔信，而且個味道唔錯，個汁唔會太酸，條魚都夠厚身。其實跌松鼠黃魚要嚟送飯真係絕配，但係一場嚟到呢啲舊式上海舖，點可以唔試上海粗炒同埋炒年糕呢？比起松鼠黃魚，呢度嘅上海粗炒又相對細碟咗，味道還可以，不過就炒得濕咗少少。至於個雪菜肉絲炒年糕幾好食，啲雪菜好香，啲年糕如果再煙韌多少少會好食啲。呢度嘅豆漿都幾好飲。…查看更多

呢一間傳統舊式上海菜館令人回味無窮，其實佢食物嘅味道只屬於一般，不過可能就係鍾意佢嗰種舊式嘅風味，而家喺香港都好少見到呢啲舊式上海菜館。就好似呢碟上海粗炒，雖然望落去就油份多咗少少，不過就係咁樣先有舊時嘅風味。豆沙鍋餅係我非常鍾意嘅上海甜品點心之一，呢間做得幾好，又薄又脆，豆沙都多。呢度嘅豆漿豆味好香，好飲。…查看更多

舊式上海小館嘅點心又好食又抵食。菜肉雲吞一碗，份量一啲都冇揸流灘，除咗蔡屋雲吞嘅size夠大之外，粒數都唔少，感覺有10粒以上，雲吞皮滑而且入面嘅餡料都幾新鮮。酸辣湯要咗個細size嘅，材料非常多，豆腐絲冬菇絲豬肚絲木耳絲榨菜絲肉絲非常豐富，而且雖然話係細size，但係都兩個人每人都有三碗仔。有酸辣湯梗係要配返個蒸銀絲卷啦，銀絲卷即叫即蒸，所以雖然等得耐少少但係係值得期待嘅。最後飲埋杯自家製豆漿就完美。…查看更多

小籠包一客有5粒，Size比例大，皮很薄但同時亦易穿，入面的餡料幾新鮮。砂鍋雲吞雞都幾大份，味道一般，雲吞係上海菜肉雲吞，都有5至6粒，半隻雞無切碎嘅，所以食嘅時候會比較難撕開，始終都只係得筷子同湯匙。松子黃魚好抵食，小店就係平平平，個汁就酸咗少少，魚嘅肉質都唔錯，同埋真係好大條魚。蒸素餃個餡料又估唔到幾好食，係塊餃皮厚咗少少，食落有健康嘅感覺。擔擔麵嘅花生醬好香，入面有肉碎花生碎，D麵條味道OK。炸銀絲卷又點可以唔點煉奶呢，呢個都幾好食。呢度嘅豆漿味道都幾好，有豆味。檑沙湯圓即叫即做，真係幾好食，我覺得比高力豆沙同豆沙窩餅好味。…查看更多