三多麵食

營業中

休息中

今日到銀行歸還了一條大數..叫做減少了部份負擔!!專登到這裡..因為有網友說有幸福的感覺我相信幸福是要自己找...叫了鵝腸河..好味的是鵝腸河粉太淋...但會再來..服務生有禮貌幸福是來自於分享..謝謝網友

之前食開三多都只係佢既淨水餃，貪佢大粒得黎見到一隻隻蝦係水餃入面~ 只係落嫌佢內面既肉碎偏「梅」，琴日忽發奇想可能openrice會有講呢間舖，睇完之後先發現原來自己一直未試佢最多人讚既野：鮮鵝腸+ 鯪魚球！今日lunch終於都抵受唔到引誘，去左買1碗鮮鵝腸河+ 細鯪魚球。一直等，就一直發現入面座無虛席，仲越黎越多人，望一望個鐘：下午2:45！仲可以有咁多人，勁！等左10mins左右，終於有我份，於是乎急急腳咁返公司，急不及待咁打開碗粉...嘩！真係好似之前一個食評：好幸福丫！碗粉個面被鵝腸舖到滿哂！即刻夾條點埋佢特製既豉油黎食，正！夾埋葱同埋薑絲真係一流！同尖沙咀佐敦交界個間有得fight！不過我比較鍾意呢度，因為較腍身，同埋鵝腸味香d，最緊要係平！$20/碗咋！不過唯一唔鍾意就係碗粉好油，覺得自己好似吳剛咁~至於個鯪魚球，有4粒，好大粒！仲大粒過乒乓波！咬落去好香陳皮味，同羅富記有得fight丫！不過呢度比較經濟，所以都會係我既首選！下次一定要試下佢個黑栢葉先得！勁多人叫呢！

上週因同事要去gor頭shopping,佢帶我來呢度食,話快靚正,我見到出面有好多人.仲以為冇位,原來係等外賣.我地一去到個門口,個哥哥仔問我地幾位,好快就帶左我地入去坐,又好快問我地食mug,緦之就好快,我食左個菜肉雲吞米,好好食,$16好抵!

我o係中環做野做了一年多.經過一年o係中環既搵食經驗.三多係最好味既.我同同事次次都要食冬菇.煮得好入味仲有黑牛柏葉同牛腩.門口個哥哥仔又好風趣幽默.雖然要排隊等位.$20就可以o係中環食到一碗又飽又好味既麵.真係物超所值!!

出門口食lunch前指定動作就一定係openrice，見網友d相咁吸引就決定會一會。是日叫咗鮮鵝腸米同炸醬麵。炸醬麵水準一般，勝在大碗，而且d醬唔止有豬肉，仲有草菇，做法都算認真！鮮鵝腸米一上枱，真係有一種幸福嘅感覺！好多好多鵝腸，而且入口仲好有鵝腸味！當呢種鵝腸味係深井出名賣燒鵝嘅餐館都食唔到嘅時候，大家真係要好好珍惜！仲有值得一提係佢嘅服務，門口位阿哥真係好醒！

阿Mo強力推介的一間麵店十二點九去到, 都要排o左十分鐘好似除蘭芳園之外, 另一個要排大隊o既食店叫o左個鮮鵝腸麵一堆堆鵝油響碗邊鵝腸夠乾淨. 好鮮又好捻另外添左o個淨鮮牛柏葉好彈牙但略嫌剪得太碎o黎間店一定排長龍, 水準真係唔錯中環的奇芭

前日男友來中環找我吃午飯, 行來行去都唔知去邊度食好,行到成1點9了,終於決定去三多.嘩..成1點9都full哂, 不過好快有位.我食鮮蝦雲吞麵+凍嚀荼, 男朋友仔食鯪魚球菜肉雲吞米+凍奶茶.鮮蝦雲吞幾好味,彈牙,麵軟硬適中,識左一粒菜肉雲吞, 普通, 都係鮮蝦雲吞好味點.男友話整體都幾好.

約0左姊妹食飯,趁有時間陪男友去食少少野先..男友叫左鵝腸柏葉麵和蜆芥鯪魚球,我貪心試食左少少鵝腸配上佢特製豉油好好味,好爽口,0係其他地方好少食到鯪魚球就好夠熱,一樣好味!!!

某日下午要到IFC買飛，買完後餓到肚穿窿，但IFC食肆又太貴，唔捨得食，於是打算行番落石板附近，本來想到CHIPPY的，但真的太餓，沒辦法，見到呢間麵家星期日也有下午茶，於是便入去吃了一碗鯪魚球粗麵，麵質有少許鹼水味，但幾彈牙，教我喜出望外的是鯪魚球竟然是陳皮、發菜、蝦米、火腿等打成，好好味，連一杯凍飲才不過是$18，在中環真是難尋。

大家可以試下三多既：炸魚皮黑柏葉鵝腔腸牛Gun以上係我既精選配合。記住試下加牛num汁ar。

喲呵呵呵呵呵~~~點解d水餃咁大粒既?!佢真係好巨型架! d雲吞都係好足料好新鮮,好好味!而且~佢平丫嘛! 都係十幾蚊咋!我果日叫左個牛肚雲吞河, d牛肚一般啦,但d雲吞好新鮮,湯底亦唔錯!我男友果個牛肉水餃麵....啊~~~啊~~~好大粒水餃耶...入面仲有蝦,菇,雲茸,肉碎等等~~佢呢...真係好大粒...好大粒....而且味道好好,我食到有落到橙皮,男友話冇...=.= 你地不如試下有冇話番我知...最重要係, 佢枕住有人入去食,證明佢都保持水準, 同埋...d豬潤...好大片!我未見過有地方俾豬潤係成塊上的....d侍應好細心...你如果叫豬潤佢會俾定一個碗你放....=.= 好可惜,我地走時先見到,如果唔係一定會試下佢既~

墨丸尚算大粒及彈牙, 可惜無乜墨魚味. 好彩D麵有咬口水味亦唔重. 至於個湯底夠鮮味但就幾油下, 可以見到有層油在湯面. 感覺不太好. 服務就中規中距啦, 在中環區的午市食粉麵都不能有太高要求呢!!

初初以為普通平價麵檔，食了幾次，次次都聽見人叫冬菇拼乜乜物物，好似好齋。但食過又覺得原來真係好好味，隻隻大冬菇，厚肉又入味又" 林" ，食過包你翻尋味。