三哥點心小廚

太子竟然有間性價比爆燈的點心小廚！茗茶全日只收 $5/位，水仙、普洱、壽眉、鐵觀音任你揀，無論朝早飲茶定夜晚去飲夜茶都一樣咁抵！最重要係***冇加一*** ！所有價錢清清楚楚列明，唔怕埋單嚇親！💥🥢【推介菜式｜留意價錢】🥢 ??點心拼盤 $48 一次過試晒八件經典點心：蝦餃 x2、菜苗餃 x2、潮州粉果 x2、叉燒包 x1、流沙包 x1。每款都足料，口感層次分明，CP值極高！??豉汁蒸鳳爪 $26 入味又腍，啖啖膠質，啱晒啲鍾意啃骨嘅朋友！??黑椒金錢肚 $28 香辣惹味，黑椒香氣撲鼻，肚片爽口唔韌，超開胃！??豉椒蒸排骨飯 $28 排骨嫩滑，豉椒香濃，底下白飯吸晒精華，食到一啖唔停！??家鄉鹹水角 $22 外脆內香，餡料飽滿，甜中帶鹹，好有懷舊味道！🔸叉燒腸粉 $26 腸粉滑溜，叉燒香甜，配埋豉油一齊食，簡直係完美組合！??【總結】 三哥點心小廚真係太抵食，唔止價錢親民，味道仲有驚喜！無論你係點心新手定老饕，都值得一試！👑#太子美食 #太子飲茶 #香港飲茶 #飲茶 #點心推薦 #香港茶樓 #平民美食 #冇加一 #夜茶好去處 #蝦餃控 #食在香港…查看更多

近排發現深水埗大埔道一帶新開咗三間點心店，作為點心愛好者嘅我哋，當然要逐間試過。有咩比喺街坊附近搵到新鮮又抵食嘅點心更開心呢？今次就話俾大家聽，我哋最新試咗嘅呢間新店伏唔伏！餐廳特色呢間餐廳除咗提供傳統點心，仲有多款小菜套餐，配埋飯同例湯。如果加 $10，仲有多一碟油菜，性價比真係高到爆！不過我哋今次目標清晰，純粹為咗點心而嚟，於是就豪氣咁點咗一枱嘅點心。點心推薦當然少唔到經典款式啦：蝦餃、鳳爪、叉燒包、韭黃鮮蝦腸，呢啲永遠都係安全牌，唔會出錯。但最驚喜係，呢度竟然有好多街頭已經少見嘅經典款式，例如：- **百花釀魚肚**：魚肚吸滿飽滿嘅百花釀料，口感層次非常豐富。 - **蜂巢芋角**：炸得外脆內軟，唔會過油膩。 - **蜜糖叉燒酥**：外皮酥香，內餡甜而不膩，非常加分。 另外，仲有幾款新派點心值得一試，例如 **牛油果鮮蝦春卷**，創意十足，牛油果同鮮蝦嘅組合意外地配合，帶嚟清新嘅味覺體驗。唔伏之選整體嚟講，呢間新店嘅點心質素令人滿意，價錢合理，選擇多元化，仲有唔少少有嘅經典款，絕對值得一試。雖然食到厭咗太子一帶嘅點心，但原來只要行多幾步，喺深水埗都可以搵到咁多新鮮感！**總結**：呢間餐廳啱晒鐘意傳統同創新點心嘅朋友，係深水埗一帶搵食嘅好選擇，下次想試新嘢記得嚟試！…查看更多

太子新開小店，全日供應點心，由香港點心師傅全人手每日新鮮製作，真材實料，即叫即蒸，包補新鮮，午市晚市亦有套餐選擇。私心推介斑爛焗叉燒包，出面比較少見，淡淡斑爛香氣，外脆內多餡。燒汁釀茄子有三大塊，Juicy又入味。蠔皇鮮竹卷由細到大都鍾意食，外皮薄身，裡面爆餡、叉燒腸皮偏厚但幾滑，鹹香味道，一份都唔少、牛肉球大大粒，質感實在唔鬆散、粉果餡料十足，皮可薄少少、鹹水角唔油唔膩、雖食物質素高，店員服務態度差，請自行行量。…查看更多

太子有好多食肆, 今次朋友介紹我去試呢間 「三哥點心小廚」確係唔錯呢間新式點心專門店, 環境乾淨企理, 坐得舒服, 最重要係 —— 冇加一! 成張單實價實收~~價錢方面都相宜合理, 全部點心都係廿幾三十蚊一籠, 食材唔馬虎, 味道同賣相都見心思服務方面要讚, 職員勤快, 態度亦都唔錯~ 成個體驗好滿意!! 呢度唔單止有傳統點心, 仲有好多新派特色點心,例如斑蘭叉燒包、百花釀魚肚等....午市同晚市仲有小菜套餐添:) 斑蘭焗叉燒包 $26即叩即焗熱辣辣!! 斑蘭外皮焗到表面酥脆組織裂開, 好似菠蘿包咁嘅效果, 帶淡淡斑蘭香~~再配埋甜而唔膩嘅叉燒餡, 瘦肥適中, 肉汁融喺麵皮入面 百花釀魚肚 $31魚肚經過處理, 釀咗足料蝦膠~魚肚口感軟腍, 吸收晒湯汁既精華 蝦膠爽彈, 配埋脆脆既蟹籽, 口感豐富!!鮮蝦腐皮卷 $27金黃腐皮炸到香脆, 就算放咗一陣都唔會腍晒~入面啲蝦肉大粒爽口, 咬落去「噗噗聲」, 仲有少少芫茜馬蹄混合, 增加咗層次 芥蘭炒牛肉 $88套餐包老火湯(粉葛豬骨湯) & 砵仔飯~芥蘭炒得翠綠爽脆~ 牛肉片滑而唔鞋口, 整體清爽, 有鑊氣, 加少少蒜頭同蠔油吊味, 係好實惠嘅家常小炒老火湯粉葛煲到粉糯, 甜味滲晒落湯入面~ 豬骨出晒骨香, 飲落去清清地又有一陣自然甜味, 完全冇味精又唔油膩, 係好標準嘅老火湯!!成碗湯飲完有一種好舒服嘅暖感砵仔飯上枱熱辣辣, 開蓋即刻聞到陣陣米香 白灼生菜 +$10清清地嘅白灼生菜, 淋上一層豉油~ 生菜保持翠綠, 入口爽脆多汁簡單但真係好清甜解膩, 配搭前面嘅炸煎餸菜, 啱啱好中和返 …查看更多

一家都好鐘意食點心，去左太子諗住搵間點心試下，見到呢間價錢唔算貴於是入黎試下，叫左7款點心，款款都好抵食又大件斑蘭焗叉燒包最好食，外皮好好食，餡料又多，我一個人都食哂3件。混醬路邊腸粉好滑，好食過好多地方。煎魚肉青椒好香口，魚肉都多，好好食。菜肉包好大個，餡料同樣好多，又入味。粉果都皮薄餡靚。黑糖蜂巢糕甜甜地又易入口。白灼菜心好鮮甜，食落好新鮮我地下次依然會選擇呢間點心，真係性價比十分高，超好食超正！…查看更多