三哥廚房擔擔麵菜飯專門店

營業中

休息中

睇過好多人介紹三哥，號稱係馬鞍山美食沙漠既綠洲，身為馬友既我竟然甘耐都無食過🤨今日就黎試試佢。我同朋友都分別揀左鎮江骨同醉拿手（即係醉豬手🤣）配擔擔麵，跟餐仲會包一杯野飲，我揀左豆漿，朋友揀左花茶。野飲就無咩特別既。擔擔麵都算唔錯，個麵煮到岩岩好，唔會糊，花生醬味都濃郁，唔會好辣，我係食辣bb都輕輕鬆鬆食到。至於朋友點既鎮江骨都唔錯，甜甜酸酸，味道溫和，最特別嘅地方係豬軟骨黎，係其他地方冇食過，軟骨嘅位置煮到林晒，入口即溶，好正🤤。但個醉豬手就比較令人失望，豬手都爽口彈牙，唯一比較可惜，個酒味太苦，雖然我都唔想浪費食物，但苦到我就左兩件就放棄。

路經這店，見店面光鮮，又唔使等位，所以入去食晚餐。我們點了。。。雞絲粉皮 (37元)碟有很多青瓜，醬料量適中，唔會太多，味道是淡淡的，很合適我們另外兩碗麵食。因為麵比較濃味，需要淡口d小食去中和。菜肉餛飩擔擔麵 (52元)麵質適中，唔會太遠太硬， 湯底以花生味為主，沒有其他店擔擔麵的辣味， 所以如果你期望擔擔麵是辣的，它就唔係好合適你。 菜肉雲吞，菜比例多過肉，很健康。酸辣湯雲吞麵(52元)很喜歡它的酸辣湯，酸辣味道適中，唔太酸， 湯裏面有好多料，有木耳，有我最喜愛的豆腐， 淨係飲佢嘅湯都會飽。 雲吞方面他是主用菜肉餛飩的， 麵方面不是上海麵，是黃色麵，類似油麵但又唔係油麵。

餐廳主打上海菜，環境比想像中大，餐牌選擇亦多，有馳名既豬扒、菜飯、擔擔麵。叫左三哥排骨配菜飯($50)，鎮江骨配擔擔麵($50)，跟餐有飲品附送。豬扒冇得輸，煎炸完唔乾，帶甜味。雖然size唔算大，仲夠食。菜飯夠誠意，大碗之餘，啖啖都食到菜。米飯屬硬身，個人鍾意食硬身米，所以好jeng，第一次出街會食哂成碗飯。鎮江骨又係必點，個醬酸得黎帶少少甜，好開胃。而且，每件肉都係軟林，軟骨雖然未算軟到變好似骨膠原黏黏既狀態，但肉嫩。擔擔麵大大碗，賣相好吸引。個湯超濃花生味，更重要係夠稠糊，好似花生糊咁。整體，lunch好多人去食，餐廳環境坐得舒服，而且食物上菜速度快，叫完食物冇幾耐，就已經有飲品，食物都差唔多就送上，服務唔錯。不過當日有d嘈，所以快快食完就走。

耐唔使就會想食comfort food安慰下自己心靈，馬鞍山可以揀嘅小店選擇唔多，呢一間係我會成日想食既餐廳。餐廳位置唔算易搵，但一到平日食晏時間往往好容易滿座，主打上海菜，食物選擇都算多，如果食lunch可以有套餐提供，除左有佢出名嘅擔擔麵之外，菜飯同埋清湯麵都非常好食。今次揀咗食排骨擔擔麵，佢嘅排骨係一塊豬扒，雖然係炸豬扒但熟嘅程度剛剛好，加埋秘製麻辣油味道仲提升左擔擔麵我每一次黎都會order，湯底有非常之濃既花生味，雖然知道好肥但係就忍唔住一啖有一啖咁樣飲佢既湯，麵係上海麵條好掛湯。每一次嚟食都捧住個肚走，又要諗吓下次幾時再嚟食啦

🍜下午茶食清啲🍜推介指數 ❤️❤️❤️❣️🤍美食沙漠搵一點綠真係唔容易，間中想食清淡啲，同埋最緊要嘢食夠熱。有睇過上一次分享都知道小店味道比較住家式，唔想食連鎖店嘅其他選擇。下午茶有14款選擇，有酸辣湯、酸辣雲吞、唔同配搭嘅米線、湯麵等等。全部送嘢飲，可以揀豆漿、六花茶、桂圓紅棗茶或者紙包飲品。🍜雪菜肉絲清湯麵 HKD40雪菜肉絲味道平穩唔會太鹹、粗麵比平時食嘅幼麵更彈牙！總結：-食物 ❤️❤️❤️❣️🤍環境 ❤️❤️❤️❤️❤️服務 ❤️❤️❤️❤️❤️.··餐廳：三哥廚房擔擔麵菜飯專門店 (馬鞍山) 地址：馬鞍山鞍祿街18號MOSTown Street新港城中心大街(1期)地下12-13號舖

擔擔麵同埋豆漿推介指數 🍜🍜🥛🤍🤍約朋友見個面快閃馬鞍山，佢話不如去食「三哥」，原來唔係米線個間，喱間小店叫「三哥廚房」。有菜飯、炒麵、年糕、煨麵、清湯/擔擔麵、仲有啲小菜小食咁，選擇都算唔少。🍜三哥排骨擔擔麵 HKD50排骨新鮮炸起，熱辣辣，醃得入味。擔擔湯底偏淡無傳統嘅花生味同比較稀，麵比較似拉麵質地。🥛豆漿 HKD10味道清淡，屬於少甜一種，如果雪凍就更好。食物 🍜🍜🍜🤍🤍環境 🍜🍜🍜🤍🤍服務 🍜🍜🍜🍜🤍

屬於新港城街舖，隔離是單車舖和補習社， 位置絕不起眼，但人流算多，有堂食有外買。今次點了炸腓骨和豬手，可以配擔擔麵，菜飯和白飯。我當然食擔擔麵！湯底濃郁，不太稀不太糊狀，口感剛剛好。上海麵掛上擔擔湯底，每一啖都是麵+盪,非常好吃。炸排骨微熱，入口鬆脆。豬手的夠哂骨膠源，但味道比擔擔麵搶了，要飲啖水清一清才能試真。味道ok，雖然只有兩件，但食完好飽了。飲品配了熱荳漿和茶（忘記了是什麼，類似紅棗茶）.食完成個人暖笠笠，充滿力量！小店是賣上海菜但裝修是西式，以白色為主，走簡約路線。服務好有效率, 食物亦只等了5分鐘就到. 可能因為是set lunch. 還有要留意，堂食是要加一。下午茶平一點，但改了米線。下次去馬鞍山，可以再食

雪菜肉絲炒年糕 - 無咩味.. 好普通豬排係有料 值得去試 味道甜甜地 食落唔會太油膩擔擔面個味都幾好笑.. 有種烘焙味 但完全無平時花生醬果啲味 我都唔知自己食緊啲咩😂😂😂

在馬鞍山想食上海菜，有不少選擇，出名的連鎖店都起碼有二間。但我有時會特別想幫襯小店，貪其親切待客，亦希望疫情下，為他們打打氣。三哥是其中一間，已經很久沒有來，與同事行來時也有點擔心他是否健在。他午餐選擇不多，主要是菜飯和上海麵，我們揀了菜雲吞清湯麵及鎮江骨菜飯（@$50）及一客半份的炸春卷（$22） ，午餐包一杯飮品，我們不約而同的叫了豆漿。店主很細心，一入座先俾一杯熱水用來浸餐具，仍會問你要唔要酒精搓手液。👍🏻👍🏻👍🏻 説實在的，很多時，連鎖店也沒有此貼心的服務。水餃麵有四粒水餃，大小適中，菜肉勻稱，皮亦薄，味道唔錯。湯底清，有多片唐生菜，麵質柔滑，加埋水餃，好味兼健康。😋😋😋糖醋骨上檯已聞到醋味，骨嘅份量ok，煮得夠腍，好送飯。菜飯有頗多菜粒，不油膩，食落健康。👍🏻👍🏻春卷半份即是2條，新鮮炸，熱辣辣，皮香脆。餡料有椰菜和豬肉，點唔點喼汁都好好味。😋😋😋豆漿是裝滿一杯的，相片中的已是飲了一截才記得影相。豆漿的豆味不算很濃，勝在不過甜，是健康之選。👍🏻

雖然係2人限聚令下, 但我心情好去新港城開心食lunch,  點知會咁差. 永冇下次.樓面A安排座位我地入去坐, 另一個樓面B好大聲話唔坐得. 個位吉左, 點解唔坐得?? booked? no.樓面 B 就同A講你中意啦! 咁對D伙計真係O哂食左個擔擔麵, 肚潟左兩日, 差D要去睇醫生. 食左咁多年呢間表示好失望!

收錢、落單、包外賣，就是將等位的食客待到最後😒，不是味兒。碰巧下雨及附近沒太多食肆，否則我轉身開門便去如黃鶴。三哥排骨菜飯，坐下到下單之後應該等了10分鐘才到，相信都算是立即煮吧，因為端來的時候，溫度也相當熱。三哥排骨，也就即是豬扒，它的豬扒，你看看旁邊的位置，根本沒有什麼肉汁，而且都沒有什麼脂肪，不要說肥瘦均勻，只要是肥一點的，也可接受；但是它的所謂「鎮店之寶」三哥排骨，又瘦又乾，沒有什麼油分脂肪，有沒有什麼肉汁，即是近骨的位置，亦不覺得特別肥瘦均勻油香四射。菜飯，但是菜粒極少，比以往葵芳的上海店，菜粒小得多，扭轉了菜飯的思想，而且它本身的鎮江汁非常少，如果不問店員再拿來多一點汁的話，空口吃這個菜飯，應該挺乾後面食客下單時，店員也說，「排骨即是豬扒」，說穿了的三哥排骨菜飯，其實也只是炸醃過的豬扒及一碗混入菜粒的日本米飯。鎮江汁，即鎮江骨的汁，其實內裏有些冬菇，其他就係有點酸，亦都有少許甜味，其餘都說不出有什麼材料了。清熱六花茶，是比起平日飲的菊花茶或是五花茶有少許不同，但又不知道了什麼材料🤷🏿‍♂️

呢排非常時期，大家都好注重乾淨。呢間舖頭嘅清潔都唔錯，一入去佢會比酒精消毒液你搓手，然後就比杯熱水你，俾你浸下啲匙羹同筷子。😀👍🏼佢午市有好多選擇，平均50幾蚊。擔擔麵嘅份量好多，啲鎮江骨好似豬軟骨咁，好淋又有軟骨，好好食，啲汁酸酸甜甜，有少少薑味，好好食！！！🤓💕(啲店員仲好貼心咁，會俾個碟你，放骨😳)(我見隔離枱個上海炸排骨，都好靚好大塊，好好味咁。啲菜飯都好大碗，好抵食🤩~)佢啲豆漿係生磨，同平時百佳買嗰啲無豆味嘅，差好遠！呢杯好好飲！！！😋💕另外，佢個要+$8嘅酸辣湯，都幾好味，佢唔係正宗嗰隻，啱香港人飲😀呢間真係隱世店妮🤩🤩🤩 估唔到咁jeng💕

呢間"三哥"係自家小店，唔係連鎖品牌嗰間~ 老闆娘成日都會喺舖頭裏面幫手，有幾個侍應都好落力做嘢，又好禮貌👍🏼而家肺炎新措施，冇咗晚市堂食，咁就買外賣返屋企食。 揀咗自取外賣， 佢話今日比較多單，所以就需要大概半小時。次次都必定食紅油抄手， 菜肉餃好食 個麻辣油一流 鍾意食辣嘅可以叫佢加辣另外叫咗個紅燒豬手菜飯， 豬手入味， 菜飯裏面嘅菜就比較 大粒， 如果切碎啲，望落又多啲菜可能仲好啲~上湯津白 都好食，大碟，記得好耐以前係奶油津白🤔 如果奶油津白就更加好食！之前堂食食過其他餸都好好食，keep到質素嘅小店，會繼續支持！😊

又係諗唔到食咩就叫外賣系列-送貨速度出餐速度都幾快(●°u°●)​ 」可惜叫六花茶但係最後俾咗豆漿😤-以下外賣平台價👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻📌三哥排骨菜飯（💰60）有得配鎮江汁/滷水汁/豬手汁等等(˶‾᷄ ⁻̫ ‾᷅˵)打開盒飯覺得啲菜可以多啲🥺鎮江汁酸酸甜甜好開胃💕仲有少少肉粒豬扒好脆‼️而且仲幾大份厚身‼️-📌招牌上海炒年糕（💰65）年糕軟硬度啱啱好💕而且唔會話好鹹✨仲配埋豆瓣醬可以俾你額外點🤤都多過菇菇同埋肉粒👍🏻肉粒同年糕一樣都好煙韌(˶‾᷄ ⁻̫ ‾᷅˵)如果可以多啲津白就好啦‼️津白好吃-年糕口感好好💕炸豬扒都一定要食‼️都幾抵既

返到馬鞍山，諗一諗呢度有特色又好味既餐廳莫過於「三哥」，唔好誤會呀，唔係譚仔呀！呢間餐廳主打上海菜，而我最鐘意食既，反而係佢既小食😊位置唔算方便，係馬鞍山狗屋對面，離馬鐵站都要行成10分鍾所以唔係區內人，都好少識搵到黎🙊🟠三哥醉拿手 $65🐷個名好肉好得意，其實即係醉豬手🥃呢個豬手好特別，係用無骨豬手配上梅子花雕酒，豬手皮十分爽脆又入味，係我每次食飯必點菜式🟡三哥排骨擔擔麵 $50🍜特濃花生醬擔擔麵，而麵既分量亦都唔少排骨炸到外脆內淋，仲有少少咬口不過就略嫌個炸皮偏甜🟢炸雞翼擔擔麵 $50其實個皮同上海排骨既係一樣，同樣地偏甜。擔擔麵亦都一樣，但做得好好既就係⋯個雞翼一啲都唔乾，仲好juicy如果唔鍾意食擔擔麵，仲可以揀菜飯或者白飯架🍚