影片
更多
2023-04-24
53 瀏覽
💛燒喜之次係成條魚咁上，燒到啱啱好，個皮好夠焦香，而魚肉都唔會太乾，食落去仍然有嫩嘅感覺。至於調味方面偏向清淡，係食魚肉嘅原汁原味，而且條魚都算大條，幾抵食。💛味噌甲羅燒蟹殼入面有滿滿嘅蟹肉同蟹膏，烤過之後有好香嘅海鮮香氣。另外仲加上蟹籽同鵪鶉蛋，令到甲羅燒更加濃郁，搭配紫菜飯咁食真係超級滿足。💛牛之拼盤入面燒牛舌，一口牛，牛肉蘆筍。燒牛舌係醬香嘅類型，燒到表皮脆卜卜，肉質軟嫩，幾好食。而一口牛調味都差唔多，不過我比較鍾意一口牛燒嘅火候，佢係成塊肉都好嫩，好難得一口牛唔會好韌。而牛肉蘆筍就比較偏原汁原味少少，雖然唔係啖啖肉，不過蘆筍都好爽脆，有一種蔬菜嘅清香。💛海之天婦羅入面有蝦，鯛魚，黑松露帶子，墨魚，紫蘇葉，最令我感到驚喜係帶子同墨魚。首先佢個帶子真係好大件，就算炸完都唔會縮曬水，食落口好有滿足嘅感覺，而且佢肉質炸完之後都唔會好乾，依然保持住海鮮個種滑嫩嘅感覺。而墨魚都做得好出色，一般墨魚肉質會俾人有種好韌嘅感覺，但佢完全唔會咬唔開，反而質地係一咬就斷，好好食。💛海膽天婦羅雖然海膽嘅份量唔係多到爆出嚟嗰隻，但食落口都依然充滿海膽嘅鮮甜味，加上出邊嘅紫蘇葉炸得啱啱好，同入邊入口即溶嘅
係成條魚咁上，燒到啱啱好，個皮好夠焦香，而魚肉都唔會太乾，食落去仍然有嫩嘅感覺。至於調味方面偏向清淡，係食魚肉嘅原汁原味，而且條魚都算大條，幾抵食。
💛味噌甲羅燒
蟹殼入面有滿滿嘅蟹肉同蟹膏，烤過之後有好香嘅海鮮香氣。另外仲加上蟹籽同鵪鶉蛋，令到甲羅燒更加濃郁，搭配紫菜飯咁食真係超級滿足。
💛牛之拼盤
入面燒牛舌，一口牛，牛肉蘆筍。燒牛舌係醬香嘅類型，燒到表皮脆卜卜，肉質軟嫩，幾好食。而一口牛調味都差唔多，不過我比較鍾意一口牛燒嘅火候，佢係成塊肉都好嫩，好難得一口牛唔會好韌。而牛肉蘆筍就比較偏原汁原味少少，雖然唔係啖啖肉，不過蘆筍都好爽脆，有一種蔬菜嘅清香。
💛海之天婦羅
入面有蝦，鯛魚，黑松露帶子，墨魚，紫蘇葉，最令我感到驚喜係帶子同墨魚。首先佢個帶子真係好大件，就算炸完都唔會縮曬水，食落口好有滿足嘅感覺，而且佢肉質炸完之後都唔會好乾，依然保持住海鮮個種滑嫩嘅感覺。而墨魚都做得好出色，一般墨魚肉質會俾人有種好韌嘅感覺，但佢完全唔會咬唔開，反而質地係一咬就斷，好好食。
💛海膽天婦羅
雖然海膽嘅份量唔係多到爆出嚟嗰隻，但食落口都依然充滿海膽嘅鮮甜味，加上出邊嘅紫蘇葉炸得啱啱好，同入邊入口即溶嘅海膽有對比，令到層次好豐富。
💛鮮海膽一口壽司
本身個人都比較鍾意食海膽，呢度海膽嘅質素都真係幾出色。完全唔會有好霉嘅感覺，食落口係好濃郁海膽嘅鮮甜味，完全唔使點豉油都食到好甘香嘅味道，十分推薦。
💛火焰牛一口壽司
呢個牛嘅質素，我覺得好食過串燒牛，肉質係更加嫩，而且加上半生熟更加令到牛肉保持到肉汁。
💛火灸帶子一口壽司
呢個帶子同天婦羅一樣令人覺得好驚喜，火灸帶子嘅份量比起天婦羅有過之而無不及，除咗份量好大，食落口好滿足之外，佢表面係有輕輕火灸過，除咗食到刺身嘅鮮甜味之外，仲有少少火炙嘅焦香。
💛粉嫩吞拿魚一口壽司
呢度嘅吞拿魚係吞拿魚蓉，雖然唔係角切或者刺身咁，可以保持到魚身嘅肉質，但有另外一個優點就係食落口會更加有入口即溶嘅感覺。而且吞拿魚蓉嘅份量仲多過飯，食落口都有滿足嘅感覺。
💛士多啤梨奶昔 多多乳酸沙冰
個奶昔好濃稠，而且個士多啤梨味唔會係藥水味，而係食得出有少少果肉嘅感覺，酸酸甜甜幾好飲。而沙冰同樣都係開胃嘅酸甜，佢唔會係好粗粒嘅沙冰，而係好綿嘅質地，唔錯。
💛朱古力芝士蛋糕 日本3.7牛乳雪糕球
呢個芝士蛋糕有好香濃嘅朱古力味，如果鍾意朱古力味嘅人會好鍾意，不過有少少蓋咗芝士嘅奶香。而我比較鍾意雪糕多啲，好香牛奶味，而且好夠凍，食到最後都唔會融。
張貼
